“17. Padapadahngki Rongamwahuo,” Irehkan me pilipisang nan Pwuken Kaweid (2023).
“17. Padapadahngki Rongamwahuo,” Irehkan me pilipisang nan Pwuken Kaweid
17.
Padapadahngki Rongamwahuo
Kitail kin padahngki rongamwahuo pwehn sewese aramas kakehlaka arail pwoson Sahm Nanleng oh Sises Krais.
17.1
Padahk kan Duwen Sapwelimen Krais Kaskuhl
Ansoun padahngki rongamwahuo, nohno oh pahpa kan, sounpadahk kan, oh sounkaweid kan kin idawehn karasaras en Sises Krais, me wia Sounpadahk Semeno.
Sounkaweid kan kin ehukihda mwomwen Sapwelimen Krais padahk ong sounpadahk kan nan arail pwihn akan. Padahk pwukat kawehwehdier ni mengihtik nan Padpadahk ni Mwomwen Sounkomouro.
17.1.1
Poakehng Irailko me Ke Padahk ong
Soahng koaros Sounkomouro kin wia iei kasalepen Sapwelime limpoak (kilang 2 Nipai 26:24).
17.1.2
Padahk ni omw doadoahngki Ngehno
Sounpadahk kan kin rapahki kaweidpen Ngehno ni arail kin kaunopehng padahk, oh irail kin nantiheng warehng Sapwelime kaweid nan rahn akan.
17.1.3
Kaskuhlki Padahko
Ni atail pahn Ideidawehn karasaras en Sounkomouro, sounpadahk kan kin tehkete me keioun kesempwal, me mehlel en rongamwahuo. Irail pahn padahk doadoahngki pwuhk sarawihkan, padahk kan en soukohp en imwin-rahn akan, oh mehn kaskuhl me mweimweidah kan.
17.1.4
Luke Ngoang en Marainkihla
Sounpadahk kan kin kangoange tohn mwomwhdiso kan en pwukoahki pein arail kamarain.
17.2
Padapadahk oh Kaskaskuhl en Rongamwahuo nan Wasahn Kousoan kan
Soun kaweid en mwomwohdiso kan oh sounpadahk kan kin kangoange oh utung padahk oh kaskuhl me kin wiawi nan wasahn kousoan kan.
Soun kaweid kan oh sounpadahk kan kin kangoange tohn mwomwohdiso kan en rapahki pein arail kamarain en mwohmw akan duwen onopki oh padahngki rongamwahuo. Arail mehn kaskuhl keiou iei pwuhk sarawihkan oh padahk en kapokon lap akan.
17.3
Pwukoah kan en Sounkaweid kan
-
Wia karasaras mwahu sang ni omw pahn marainkihla rongamwahuo oh padahngki ni duwen padahng kan en Sounkomouro.
-
Tehk mwahu me padahk kan nan arail pwihn akan kak kakehlaka pwoson oh e mih ni pwung.
-
Kiheng utuht poatoapoat ong sounpadahk kan nan arail pwihn akan.
17.4
Mihting kan en Pwihnen Ward
Nan mihting en pwihn ong sounpadahk, sounpadahk kan kin ehukipene padahk kan duwen kaskuhl en Krais. Irail pil kin ehukipene soahngkan me kak kamwahuihala kaskuhl oh padahk en rongamwahuo. Irail kin doadoahngki Padapadahk ni Mwomwen Sounkomouro pwe en wia men sawas.
Mihting en pwihn ong sounpadahk kin wiawi nan ehu ehu kuarter nan erein ansoun kaskuhl kan en Rahn Sarawi me reireiki minit 50.
