tina o loo a’oa’o atu le atalii

17.

A’oa’o Atu o le Talalelei

Tatou te a’oa’o atu le talalelei e fesoasoani ai i tagata ia faamalolosia lo latou faatuatua i le Tama Faalelagi ma Iesu Keriso.

17.1

Mataupu Faavae o le A’oa’o Atu Faapei o Keriso

Pe a a’oa’o atu le talalelei, e mulimuli matua, faiaoga, ma taitai i le faataitaiga a Iesu Keriso, o le Faiaoga o Faiaoga.

E fefaasoaai e taitai ia mataupu faavae nei o le a’oa’o atu faapei o Keriso i faiaoga i a latou faalapotopotoga. O loo faamalamalama auiliili atu nei mataupu faavae i le A’oa’o Atu i le Ala a le Faaola.

17.1.1

Alofa Ia I Latou E Te A’oa’oina

O mea uma e fai e le Faaola o se faailoaga o Lona alofa (tagai i le 2 Nifae 26:24).

17.1.2

A’oa’o atu e ala i le Agaga

E sailia e faiaoga le taitaiga a le Agaga a o latou tapenapena ma a’oa’o atu, ma latou te taumafai malosi e ola agavaa mo Lana tosinaga i aso taitasi.

17.1.3

A’oa’o Atu le A’oa’oga Faavae

O le mulimuli i le faataitaiga a le Faaola, e taulai atu faiaoga i upumoni taua, laveai o le talalelei. Latou te a’oa’o atu e faaaoga ai tusitusiga paia, o a’oa’oga a perofeta o aso e gata ai, ma anomea o mataupu a’oa’oina ua faamaonia mai.

17.1.4

Valaaulia le A’oa’oina ma le Filiga

E fautuaina e faiaoga ia tagata o le au paia o i latou lava e nafa mo lo latou a’oa’oina.

17.2

A’oa’o Mai ma le A’oa’o Atu o le Talalelei e Faatotonugalemu-i-le-Aiga

E fautuaina ma lagolagoina e taitai ma faiaoga o le Ekalesia le a’oa’o mai ma le a’oa’o atu o le talalelei e faatotonugalemu i le aiga.

E fautuaina e taitai ma faiaoga ia tagata o le au paia e sailia a latou lava musumusuga e uiga i le ala e suesue ai ma a’oa’o atu ai le talalelei. E tatau ona avea tusitusiga paia ma savali o konafesi aoao ma a latou punaoa autu.

17.3

O Tiutetauavae o Taitai

• Fai se faataitaiga e ala i le a’oa’o mai ma le a’oa’o atu o le talalelei i le ala a le Faaola.

• Faamautinoa o le a’oa’o atu i a latou faalapotopotoga e fausia ai le faatuatua ma e sa’o faalea’oa’oga faavae.

• Tuu atu le lagolago faifai pea i faiaoga i a latou faalapotopotoga.

17.4

Fonotaga a le Aufono a Faiaoga

I fonotaga a le aufono a faiaoga, e fefautuaai faatasi ia faiaoga e uiga i mataupu faavae o le a’oa’o atu e faapei o Keriso. Latou te fefautuaai foi e uiga i auala e faaleleia ai le a’oa’o mai ma le a’oa’o atu o le talalelei. Latou te faaaogaina le A’oa’o Atu i le Ala a le Faaola e fai ma punaoa.

O aufono a faiaoga e faia faalekuata i le taimi o le vasega e 50-minute i le Aso Sa.