mitin nibe machib ngak fak ni pagal

17.

Machib nag fare Gospel

Gadaed ma machib nag e gospel ni nge ayuweg e gidii’ ni nge gel e michaen’ roraed nge mich roraed ngak e Chitamangiy nu Tharmiy nge Yesus Kristus.

17.1

Fapi Yalen e Machib ku Kristus

Napan ni yibe machib nag fare gospel, galibithir, sensey, nge fapi tiyugang’ e ngar laked wo’en Yesus Kristus, ni ir e sensey nib masta.

Fapi tiyugang’ era weliy mornga’agen fapi yalen ni wo’en e machib rok’ Kristus ngak fapi sensey ulan e ulung roraed. Tiney e yalen e kan weliy mornga’agen ni bo’or rogon ulan e Machib ni woed Rogon Kanawo’en fare Tathapeg.

17.1.1

T’ufeg e Pi’in ni Gabe Machib Ngoraed

Gubin ban’an ni rrin’ fare Tathapeg e rrin’ ni arram rogon nibe dag e t’ufeg rok’ (muguy ko 2 Nephi 26:24).

17.1.2

Machib ko fare Kan Thothup

Fapi sensey e ngar gayed e tin nibe powi’iy nag e Thothup ko napan ni yaed be fal’ag rogon e machib nge ngiyal’ ni ngar machib gaed, ma yaed be gay rogon ni ngar fol gaed ko pin’en nibe powi’iyraed riy ni gubin e rran.

17.1.3

Machib nag e Machib

Laek wo’en fare Tathapeg, fapi sensey e ngar sap gaed ko tin ni th’abi ga’fan, ni yibe ayuweg mornga’agen fare gospel nib riyul’. Yaed ma machib ni yaed be fanay fapi chep nib thothup, fapi machib ko profet ko tin tomur e rran, nge tin nikan pii’ matwon e material ni rayag ni ngan machib nag mornga’agen.

17.1.4

Pong min Fil u Fithik’ e Yul’yul’

Fapi sensey e ngar pii’ed e athamgil ngak fapi members nira bee’ ma milfan ngak e tin nibe fil mornga’agen.

17.2

Tabinaew- Gin ni Yima Fil Mornga’agen e Gospel nge Machib Riy

Fapi tiyugang’ nge sensey ko Galasia e ngar pii’ed e athamgil mi yaed ayuweg e tabinaew ni’ir e gin ni yima fil mornga’agen e gospel nge machib riy.

Fapi tiyugang’ nge fapi sensey e ngar pii’ed e ayuw ngak fapi members ni ngar gayed rogon ni ngar thapagned e thogthog nifan ngoraed ko rogon ni ngar filed mornga’agen mi yaed machib nag fare gospel. Gin ni ngar sapgaed ngay ko ayuw e bay ko fapi chep nib thothup nge fapi mulwol ko general conference.

17.3

Fapi Muruwel ko Tiyugang’

• Man u ya’en ni woed rogon kanawo’en fare Tathapeg ni gabe fil fare gospel ma gabe machib nag mornga’agen.

• Micheg ni tin ni yibe machib nag ulan e ulung roraed era gel nag e mich mab mat’aw e machib riy.

• Ul’ul’ ngam pii’ e ayuw ngak fapi sensey ulan e ulung roraed.

17.4

Fapi Mo’olung ko Council ko Sensey

Ulan e mo’olung ko council ko sensey, fapi sensey e yaedra gopuruy’ u ta’abang ko mornga’agen fapi yalen e machib ku Kristus. Ma kiyaed ma gopuruy’ ko rogon ni ngan mo’onog nag i fil mornga’agen e gospel nge machib riy. Yaedra fanay fare Machib ko Wo’en fare Tathapeg ni nge ayuwegraed.

Fapi mo’olung ko council ko sensey e yima tay ni gubin e quarter ni 50 minute n’umngin napan ulan fare klass ko Madnom.