18.

Rin’ Fapi Gam’ing nge Tawa’ath ko Priesthood

18.0

Introduction

Fapi gam’ing nge tawa’ath e yad e ngongol nib thothup nima rin’ed udakaen e matawon ko fare priesthood nge ulan e fithingan ni Yesus Kristus. Fapi gam’ing nge tawa’ath nima pii’ e rogon ni ngad thapeged e gelingin Got (muguy ko Doctrine and Covenants 84:20).

Gam’ing nge tawa’ath nira buch udakaen e mich ulan e Chitamangiy nu tharmiy nge Yesus Kristus nge ufithik’ e fonow ko fare Kan ni Thothup. Fapi Tiyugang thingari sap ni yad ma buch ufithik’ e m’agaen’ (napan ni bt’uf), nibay e matawon ko priesthood, ufithik’ e rogon nib fel’, nge udakaen e gidii’ nib fel’ rogon (muguy ko 18.3).

18.1

Gam’ing ko Thap nge Chibiy Tolang

Fare priesthood ni bay e matawon ni nge pii’ e gam’ing ko gospel nib ga’fan ko wo’en e thap nge n’uf ngalang ko bin th’abi tolang e falfalaen’. Gidii’ ni ma fal’eg e pi micheg nib thothup ngak Got napan nira thapeged fapi gam’ing ney. Fapi gam’ing nifan ko wo’en e thap nge n’uf ngalang ko bin th’abi tolang e falfalaen’ ni bay u but’:

• Tawfe

• Confirmation nge tawa’ath ko fare Kan ni Thothup

• Pii’ ngak’ fare Melchizedek Priesthood nge yibliy ngak e ta’areb e office (ni fan e pumo’on)

• Endowment ko temple

• M’ag u temple

Fa’an e bitir ni ke gargelen ulan e michmicheg nira yim’ u’mon 8 e duw rok’ dabda rin’ e pi gam’ing nifan ngak’. Fa’an e bitir de gargelen ulan e michmicheg, kemus ni nge m’ag ir nge galibthir uta’abong. Bachane e Bayul rok’ Somoel, gubin e bitir nira yim’ u’mon 8 e duw rorad ni ra “thapeg ulan e celestial Kingdom ko Tharmiy” (Doctrine and Covenants 137:10; mukum guy ko Moroni 8:8–12).

18.3

Uneg Fapi Gam’ing fa Tawa’ath

Pi’in nira rin’ fa uneg ulan e gam’ing fa tawa’ath thingari bay e matawon ko priesthood nge fas nib fel’ rogon. Bo’or yay, e yalen ko mat’aw ni’ir ma bay e recommend ko temple. Machane, woed ni powi’iy e Ya’el nge fonow ulan e guruy ney, pi bishof nge stake president rayog ni nge pii’ matawon ngak e chitamangin nge figirngin nibay priesthood office nib mat’aw nifan e gam’ing e rayog ni nge un e gam’ing fa’ tawa’ath nag ni dariy’fan dabiyog ni nge yaen ulan e temple. Bee’ ni bay e priesthood machane dabiy kalngaen’ nifan e denen nib rib kireb dabiyog ni nge un.

Rin’ fa thapeg boch e gam’ing nge tawa’ath nag bat’uf e rayog rok’ e tiyugang’ nib ga’ ni ke thapeg fapi kiy ko priesthood (muguy ko 3.4.1). Woed ni bat’uf, e counselor rayog ni nge pii’ e rayog ney. Musap e babyor ney. Pi’nen ni ra rog e stake president ir ta’abrogon ko mission president. Pi’nen ni ra rog e bisof ir ta’abrogon ko branch president.

Mini’ e Tiyugan’ ni bay Fapi Kiy ni nge pii’ e Rayog Ngak Bee’ ni nge Pii’ fa Thapeg fare Gam’ing ko Wo’en e Thap nge N’uf Ngalang ko bin Th’abi Tolang e Falfalaen’?

Gam’ing	Mini’ ni Bay Fapi Kiy
Gam’ing Tawfe	Mini’ ni Bay Fapi Kiy Bisof (ni fan e bitir nib 8 e duw rok’ nge nifan e chongin nib 9 e duw rok machane nike tal’eg e tawfe bachane e m’ar ko lol’gen) Mission president (nifan e bee’ me thil e mich)
Gam’ing Confirmation nge tawa’ath ko fare Kan ni Thothup	Mini’ ni Bay Fapi Kiy Bisof (ni fan e bitir nib 8 e duw rok’ nge nifan e chongin nib 9 e duw rok machane nike tal’eg e tawfe bachane e m’ar ko lol’gen) Mission president (nifan e bee’ me thil e mich)
Gam’ing Pii’ ngak’ fare Melchizedek Priesthood nge yibliy ngak e ko ta’areb e office (ni fan e pumo’on)	Mini’ ni Bay Fapi Kiy Stake president
Gam’ing Endowment ko temple	Mini’ ni Bay Fapi Kiy Bishof nge stake president
Gam’ing M’ag u temple	Mini’ ni Bay Fapi Kiy Bishof nge stake president

Mini’ Tiyugang’ ma Kol fapi Kiy ni nge pii’ e Rayog Ngak Bee’ ni nge Pii’ fa Thapeg Reb e Gam’ing nge Tawa’ath nag?

Gam’ing fa Tawa’ath	Mini’ ni Bay Fapi Kiy
Gam’ing fa Tawa’ath Pii’ fithingan nge yibliy ko bitir	Mini’ ni Bay Fapi Kiy Bishof
Gam’ing fa Tawa’ath Fare sakrament	Mini’ ni Bay Fapi Kiy Bishof
Gam’ing fa Tawa’ath Pii’ ngak’ fare Aaronic Priesthood nge yibliy ngak e ko ta’areb e office (ni fan e pumo’on)	Mini’ ni Bay Fapi Kiy Bisof
Gam’ing fa Tawa’ath Pinning e chongin nira pigpig ulan e pi calling ney	Mini’ ni Bay Fapi Kiy Muguy ko 30.8
Gam’ing fa Tawa’ath Yibliy Nag e Gapgep	Mini’ ni Bay Fapi Kiy Dabi T’uf e N’agaen’
Gam’ing fa Tawa’ath Pii’ Ayuw ngak e Pi’in nib M’ar	Mini’ ni Bay Fapi Kiy Dabi T’uf e N’agaen’
Gam’ing fa Tawa’ath Yibliy ko gapas nge fonow, ni tay bu’un ko yibily rok chitimangiy	Mini’ ni Bay Fapi Kiy Dabi T’uf e N’agaen’
Gam’ing fa Tawa’ath Yibily e na’un	Mini’ ni Bay Fapi Kiy Dabi T’uf e N’agaen’
Gam’ing fa Tawa’ath Yibily e malang ko yam’	Mini’ ni Bay Fapi Kiy Tiyugang’ ko priesthood nima gagyeg nag nifan e mo’olung
Gam’ing fa Tawa’ath Yibily ko patriarch	Mini’ ni Bay Fapi Kiy Bisof

18.4

Gam’ing Nifan e Pi’in nib Yangren

Reb e bitir nib achichig e rayag ni nge thapeg fapi gam’ing nge tawa’ath nikemus ni fa’anra ke pii’ fare galibthir fa pi’in nibay mat’won ko fare bitir. Dani tu’uf ni ngan fith mat’won ko galibthir fa pi’in nibay mat’won ko fare pagal ni dariy mat’won nib legal fara siyeg e biney ni ngan rrin’.

18.6

Pii’ Fithingan nge Yibily ko Bitir

Chuchugur ko urngin yay pi bitir ma thapeged e fithingan nge yibiliy nag ulan e mo’olung nib fast nge testimony ulan e ward niba paer gallabthir rok’.

18.6.1

Mini Nira Pii’ e Yibliy

Fare gam’ing ko pii’ fithingan nge yibliy nag e bitir ma buch udakaen e bee’ bay e Melchizedek Priesthood, nima fol e rogon ulan Doctrine and Covenants 20:70.

Bee’ fa tabinaw ni ba’adag e bitir rok’ nira thapeg e fithingan nge yibliy ma yarmiy uta’abong ngak e bisof. Irma kol e pi key ko priesthood nifan ko pii’ fithingan nge yibliy ko bitir ulan e ward.

Fare bisof rayog ni nge pii’ e mat’awon ngak e chitimangiy ni bay e Melchizedek Priesthood pii’ e fithingan nge yibliy nag e bitir dariy’ fan dawo’ ni nge yaen ulan e temple (muguy ko 18.3). Pi bishof ma pii’ athamgil ngak e chitimangiy ni ngar ta’ermadliy rad e rayog ni ngar yibliy nag e bitir rorad.

18.6.2

Fonow

Utan pa’ ulungi ko bisof, gidii’ ni bay e Melchizedek Priesthood ma kunuy rad ulangab ni ngar pii’ fithingan nge yibliy e bitir. Yad ma tay pa’ rad utanginn e bitir, fa yad ma tay pa’ rad udakaen e lolgen e bitir nib ga’. Ta’areb e bee’ ra non:

1. Ma yog ngak Chitimangiy ni bay u Tharmiy.

2. Ra yog e yibliy ney nima buch udakaen e mat’awon ko fare Melchizedek Priesthood.

3. Pii’ e bitir fare fithingan.

4. Ra yoeg ngak e bitir.

5. Ra pii’ e yibliy ngak’ e bitir ufithik’ e fonow rok fare Kan Thothup.

6. Ma ning u dakean fithingan ni Yesus Kristus.

Naming and Blessing of Children

18.6.3

Chepin ko Bitir nge Babyor ko Yibliy

U’mon e yibliy ko bitir, fare clerk ma use nag e Leader nge Clerk Resources (LCR) ni nge t’aer midil e Chepin ko Bitir. Tomuren e yibliy, ir ma sunmiy e chepin ko chongin ulan e computer nge midil nag e Babyor ko Yibliy. Fare bisof ma yoloy e fithingan udakaen e babyor ney nge pii’ ngak e gallabthir fa pi guardian.

Fithingan udakaen e chepin ko chongin nge babyor ko yibliy thingari mang nib ta’abrogon e babyor ko gargel, chepin ko gargel, fa fithingan ni manang ko am.

18.7

Tawfe

Tawfe nag u lithaeged nga fithik e raen udakaen e bee’ ni bay e mat’awon e baga’fan napan e bee’ nira mang e chongin ko Galasia nge thapeg e Kan Thothup. Urngin e bee’ ni ba’adag e n’uf ngalang ko bin th’abi tolang e falfalaen’ thingari fol’ e susun rok’ Tathapeg napan nira thapeg e gam’ing ney.

18.7.1

M’agaen’ ko Bee’ e Rayog ni Nge Tawfe Nag nge Confirm Nag

18.7.1.1

Pi Bitir nima Chongin ko Chep

Fare bishof ma kol e pi key ko priesthood nifan ko tawfe nag e bitir nib 8 e duw rok’ ulan e ward. Bitir ney rayog ni ngar tawfe nagrad nge confirm nag udakaen fa chuchugur ko e rran ko gargelen rorad napan ni ra mang 8 e duw rorad. (Musap ko Doctrine and Covenants 68:27). Ba’ aray e bitir ni ma paer ulan e chep ko chongin rok’ e Galasia (musap ko 33.6.2). Napan yad ra mang 8 e duw rorad, fare bishof ma guyrogon nib gel ni bay bo’or e rogon ni ngar ba’adag e gospel nge tawfe nag rad nge confirm nag.

Fare bishof fa counselor rok’ ma interview nag e pi bitir ney nifan e tawfe nge confirm nag. Bay e fonow u 31.2.3.1.

Fa’an bat’uf e ayuw marunga’agen e rogon ni ngam yoloy e Chepen ko Tawfe nge Confirm Nag, muguy ko 18.8.3.

18.7.1.2

Pi’in me Thil e Mich

Fare mission president ma kol e pi key ko priesthood nifan ko tawfe nag e gidii’ nibe thilyeg e mich rorad ulan e mission. Arfan, pi missionary nibe muruwel’ gubin ngiyal’ ma interview nag e gidii’ ney nifan e tawfe nge confirm nag.

18.7.2

Mo’olung ko Tawfe

Mo’olung ko tawfe thingari mang nib moem, bachigchig, nge ga’ nag e mich rodad. Ba tay e bu’un ni:

1. Pi tang umon e mo’olung

2. Fare bee’ nima gagyeg nag e mo’olung me pii’ e sabathin nib achigchig.

3. Me bing ko tang nge meybil

4. Ta’areb fa l’agruw e milwol nib achigchig marunga’agen e pi’nen ko gospel, woed e tawfe nge tawa’ath ko fare Kan ni Thothup

5. Mel’eg ko pi tang

6. Fare tawfe

7. Bay e ngiyal’ nib thothup napan e pi’in ni kar rrin’ed e tawfe ma thilyeg e maad rorad nib malik’ (ra ngam tabab e pi tang nib thothup fa pi tang ko Primary u ngiyal’ ney)

8. Fare confirm nag nifan e bee’ nib 8 e duw rok’ nib chon ko chepen; fare confirm nag nifan e bee’ nike thilyeg e mich rok’ fa’an e bishof nima ba’adag (musap ko 18.8)

9. Me yog e mich rok’ e bee’ ni ke thilyeg e mich rok’, fa’an ni ba’adag

10. Me ning ko tang nge meybil

11. Pi tang tomuren e mo’olung

Napan e bitir ko chepen niba t’aer midlen, ta’ e chongin ko fare bishofric nge presidency ko Primary ra mo’olung gad ngak e tabinaw ni ra fal’eg e kanawo’ nge mel’eg e rran ko tawfe. Chongin ko bishopric nima gagyeg nag e mo’olung. Fa’an bo’or e bitir ni ra tawfe nag ulan ta’abrogon e pul, rayog ni ngar mo’olung uta’abong ko tawfe.

Ulan e pi stake ni bay bo’or e bitir ko chepen, pi bitir ko bo’or e pi ward rayg ni ngar mo’olung uta’abong ko tawfe. Chongin ko stake presidency fa high councilor nima gagyeg nag e mo’olung ney.

Tawfe ni fan e chongin u tabinaw dabi soen ere e chitimangiy rayog ni nge thapeg e priesthood nge rrin’ e tawfe.

Udakaen e fonow ko fare bishofric, fare ward mission leader (fa’anra ba) fa pi chongin ko fare elders quorum presidency nima powi’iy e muruwel’ ko mission ulan e ward ma tanom nag nge powi’iy e mo’olung ko tawfe nifan e bee’ niba thilyeg e mich rok’. Ir ma muruwel’ uta’abong ko pi missionary nibe muruwel’ gubin ngiyal’.

18.7.3

Mini’ ni ra Rrin’ e Gam’ing

Gam’ing ko tawfe ni ra buch udakaen e bee’ nib priest fa bee’ nibay fare Melchizedek Priesthood. Chaney nira rrin’ e tawfe thingari thapeg e rayog rok’ fare bishof (fa mission president napan e missionary niba muruwel’ gubin ngiyal’ ra rrin’ e tawfe).

Fare bishof rayog ni nge pii’ e metawon ngak e chitimangiy fa’an ir e priest fa ni bay e Melchizedek Priesthood ni nge tawfe nag e fak ni dariy’ fan dawo’ ni nge yaen ulan e temple (muguy ko 18.3). Pi bishof ma pii’ athamgil ngak e chitimangiy ni ngar ta’ermadliy rad e rayog ni ngar tawfe nag e bitir rorad.

18.7.4

Bu’uw ni ra Rrin’ e Gam’ing

Tawfe thingari buch ulan e tafen ko tawfe fa’an ba’. Fa’anra dariy’ e tafen ko tawfe, rangam use reb e tafen ko raen.

Nifan e damiiteg, bat’uf e pi’ilal chuchugur ko tafen ko tawfe napan nima tay e raen ulan nge madako’ ni ke chuw e raen, bi’ech nag nge ning. Thingari chuw e raen tomuren e mo’olung ko tawfe. Thingari lock nag e pi sengiil ko tafen ko tawfe napan dabi use nag.

18.7.5

Mad

Cha’ney nima rrin’ e tawfe nge cha’ney nima thapeg e tawfe ma chuw e mad nib wechwech nge dabi guy e dowef napan nira mang nib ma’atang. Cha’ney ni key thapeg e endowment ma chuw e pi garment ko temple u taan e mad rok napan nira rrin’ e tawfe. Fare galasia ma chuwaey’ e mad ko tawfe ko salpiy rok’ nge dabiyog ni nge pii’ ni chuwaey’ e mad nifan e chuw.

Maad ko tawfe e rayag ni ngan order nag ko store.ChurchofJesusChrist.org.

18.7.6

Pi’in nima Sap

L’agruw e pi’in nima sap, nike thapeg e rayog rok’ fare tiyugang’ ma powi’iy, ra sapgow gubin e tawfe mag rrin’ nib fel’ rogon. Chongin ni kam thapeg e tawfe rok’ e Galasia, ni tay e bu’un e bitir nge gidii’ nib fel’ yangren, rayog ni ngar rrin’ e pigpig nge sapgow.

Thingari rrin’ fare tawfe bayay fa’anra e cha’ de yoeg e pi thin nib ta’abrogon woed ulan Doctrine and Covenants 20:73. Thingari rrin’ fare tawfe bayay fa’anra e yang ko dowen, piyen loelugen, fa mad dabiy yaen udakaen e raen.

18.7.7

Fonow

Napan ni ngam rrin’ e gam’ing ko tawfe, e bee’ nib priest fa bee’ nibay fare Melchizedek Priesthood:

1. Me sak’iy ulan e raen chuchugur ngak e cha’ ni ba thapeg e tawfe.

2. Me koel e pa’ nib mat’aaw ulan e pa’ nib gilaey’ (nifan e gapas nge damiiteg). Cha’ney nibe thapeg e tawfe ba koel e pa’ nib gilaey’ ko bee’ bay e priesthood ulan pa’ nib gilaey’.

3. Me tay ngalang e pa’ nib mat’aaw.

4. Me yoeg urngin e fithingan e cha’ney nge yoeg, “Mat’awog ni ke pii’ Yesus Kristus, e nggu tawfe nigem riy u fithingan e Chitamangiy, nge Fak, nge fare Kan ni Thothup. Amen” (Doctrine and Covenants 20:73).

5. Ayuweg e cha’ney ni ba koel e p’eethunguun ulan e pa’ nib mat’aaw (nifan e gapas); nge tay e pa’ nib mat’aaw udakaen e niiw u keeru’ nge lithaeg urngin e bee’ u fithik’ e raen, ni tay bu’un e mad.

6. Ayuweg e cha’ney sulweg bayay u fithik’ e raen ngalang.

Baptism of a New Member

18.8

Confirmation nge fare Tawa’ath ko fare Kan ni Thothup

Tomuren e bee’ nira tawfe nag, ir ra thapeg e confirmation nike mang e chongin ko Galasia nge thapeg fare Kan ni Thothup udakaen e tay pa’ay nga dakaen lol’gey (musap ko Doctrine and Covenants 20:41; Acts 19:1–6). Cha’ney be mang e chongin ko Galasia tomuren gali gam’ing nira buch nge kan yoloy ulan e chepin (muguy ko John 3:5; Doctrine and Covenants 33:11; 3 Nephi 27:20).

Fare bishof nima sap ko gubin pi confirmation. Bitir nib meruk e duw nima thapeg e confirmation u ta’ab rogon rran ko tawfe rok. Gidii’ me thil e mich rorad nima thapeg e confirmation ulan demtrug e mo’olung ko Sakrament ko ward rok’, be mangil fa’an ni nge rrin’ udakaen bin magid e madnom tomur e tawfe rok.

Chongin ko fare bishopric ni ma fol e fonow ulan 29.2.1.1 napan nira tabolngin nag bin bi’ech e chongin.

18.8.1

Mini’ ni ra Rrin’ e Gam’ing

Kemus e bee’ nib fel’ rogon ni nge yaen nge temple ma bay e Melchizedek Priesthood rayog ni nge yoeg e confirmation. Machane, fare bisof rayog ni nge pii’ e mat’awon ngak e chitimangiy ni bay e Melchizedek Priesthood ni nge un e ulungi dariy’ fan dawo’ ni nge yaen ulan e temple (muguy ko 18.3).

Bat’uf ta’areb e chongin ko bishofric nima un e gam’ing ney. Napan e pi elder nib missionary ni ke machib ngak e bee’ ke thil e mich, fare bisof rayog ni nge pinning row ni ngar un’ew.

18.8.2

Fonow

Utan pa’ ulungi ko bishof, ta’areb fa boech e gidii’ ni bay e Melchizedek Priesthood rayog ni ngar uned e confirm nag. Yad ma tay pa’ rad udakaen e lolgen e bee’. Ta’areb e bee’ ra non:

1. Me yoeg urngin e fithingan e cha’ney.

2. Ra yog e gam’ing ney nima buch udakaen e mat’awon ko fare Melchizedek Priesthood.

3. Ra confirm nag e cha’ney niba mang e chongin ko Fare Galasia ku Yesus Kristus ni fan ko gidii’en Got rok’ ko Tin Tomur e Rran.

4. Me yoeg “mu thapeg fare Kan ni Thothup” (gathi “mu thapeg e tawa’ath ko fare Kan ni Thothup”).

5. Ra pii’ fapi thin ko tawa’ath ufithik’ e fonow rok fare Thothup.

6. Ma ning u dakean fithingan ni Yesus Kristus.

Confirming a Recently Baptized Member

18.8.3

Babyor ko Tawfe nge Confirmation nge Certificate

U’mon e chongin nib bitir ni nge thapeg e interview nifan e tawfe, e clerk nima use nag e LCR ni nge taer midil e Babyor ko Tawfe nge Confirmation. Fare bishof fa counselor rok’ ni ke mel’eg nima interview nag nge yoloy e fithingan’ nga dakaen e babyor ney. Tomuren e tawfe nge confirmation, e clerk ma use nag e babyor ney ni nge tay e numba ko chongin rok’ e bitir ulan LCR.

Napan e missionary ni gubin ngiyal’ nira interview nag e bee’ nibe michaen’ nifan e tawfe, ir ra yoloy e Babyor ko Tawfe nge Confermation udakaen e app ni Area Book Planner (ABP). Tomuren e tawfe nge confirmation, fare missionary ma yoloy e pi’nen ulan e ABP nge pii’ ngak e ward clerk. Fare ward clerk ra bi’eg e pi’nen ulan e LCR nge sunmiy e babyor ko chongin.

Tomuren nike sunmiy e chepin ko chongin, fare clerk ra fal’eg e Babyor ko Tawfe nge Confirmation. Fare bishof ma yoloy e fithingan udakaen e babyor ney nge pii’ ngak e cha’ney ni ke tawfe nag.

Fithingan udakaen e chepin ko chongin nge babyor ko yibliy thingari mang nib ta’abrogon e babyor ko gargel, chepin ko gargel, fa fithingan ni manang ko am.

18.9

Fare Sacrament

Chongin ko galasia ma mo’olung dad udakaen e Madnom ni ngar liyor nag ngak Got nge thapeged fare sakrament (muguy ko Doctrine and Covenants 20:75; 59:9; Moroni 6:5–6). Napan e gam’ing ney, yad ma thapeged fare flowa nge raen e rayog ni ngar puguran e maligaach rok’ Somoel ko dowen nge racha’en nge bi’ech nag e micheg nib thothup rorad (muguy ko Matthew 26:26–28; Joseph Smith Translation, Mark 14:20–25; Luke 22:15–20; 3 Nephi 18; Moroni 6:6).

18.9.1

Metawon nima Pii’ fare Sakrament

Fare bishof ma kol e pi key ko priesthood nifan ko pii’ fare sakrament ulan e ward. Urngin e bee’ me un ko t’aer midlen, yibliy nag, nge pii’ fare sakrament thingari thapeg e rayog rok’ fa reb e bee’ utangin e pa’.

18.9.2

Mini’ ni ra Rrin’ e Gam’ing

• Pi teacher, pi priest, nge pi’in ni bay fare Melchizedek Priesthood rayog ni ngar t’aer midlen fare sakrament.

• Pi priest nge pi’in ni bay fare Melchizedek Priesthood rayog ni ngar yibliy nag fare sakrament.

• Pi deacon, pi teacher, pi priest, nge pi’in ni bay fare Melchizedek Priesthood rayog ni ngar pii’ fare sakrament.

18.9.3

Pi Fonow ko Sakrament

Bachan e tin nib thothup mornga’agen fare sacrament, pi tiyugang’ ko priesthood thingari t’aer midlen nib kolchiya’ ere bay e yaram nge liyor.

Mam’angen e sakrament e rayag ni ngan order nag ko store.ChurchofJesusChrist.org.

Pi’in ni ma t’aer midlen fare sakrament thingarda rrin’ed tiney ufithik e rogon nib fel’, ni manang yad be mang e pow ko Somoel.

Pi’in ni ma pii’ fare sakrament ba mang nib mangil me dabda t’uf e mad nib thabi ga’ fla’ab.

Yug aram fare sakrament ma fan ko pi chongin ko Galasia, dakiriy e pin’en thingari taleg reb e bee’ ni ngar thapeged biney.

18.9.4

Fonow

1. Pi’in ni ra t’aer midlen, yibliy nag, fa pii’ fare sakrament bat’uf ni ngar luknag e pa’ raed ni bay e soap fa reb e talin ko luk.

2. Umon e mo’olung, pi teacher, pi priest, fa pi’in ni bay fare Melchizedek Priesthood thingari tay e pi tray ko flowa ni bay e flowa nib dabi tet’aer udakaen, pi tray ko raen ni bay e pi cup ko raen udakaen, nge bay e mad ko table nib bi’ech.

3. Napan e pi chongin ko ward ba yon’ed fare tang ko sakrament, pi’in ni ra yibliy nag fare sacrament ra sakiy nga lang ufithik’ e tayfan, luf fare mad nima miith e pi tray ko flowa, nge tet’ear fare flowa ko pi yang nib achigchig.

4. Tomuren e tang, cha’ney ni ra yibliy nag fare flowa ra bug nga dakaen e buut’ nge yog e meybil ko sakrament ni fan e flowa (muguy ko Doctrine and Covenants 20:77).

5. Fare bishof thingari motoyil ko pi meybil ko sakrament nima buch nib mangil, nib mat’aw, nge nib fel’ rogon. Fa’an e bee’ ra fal’eg e oloboch nifan e pi thin nge ir ba thilyegen, dabi ba t’uf reb e thilyeg. Fa’an e bee’ de thilyeg e oloboch, fare bishof nim fith ngak nib fel’ rogon ni nge rrin’ e meybil bayay.

6. Tomuren e meybil, pi gidii’ ni bay fare priesthood ra pii’ e flowa ufithik’ e tayfan ngak e pi chongin. Bee’ ni be preside nag ra thapeg bin somm’on, me tomur dariy’ e rogon e bee’ thingari thapeg. Napan e chongin ra thapeg e tray, rayog ni nge pii’ ngak reb e bee’.

7. Chongin ma thapeg ko mat’aw e pa’ fa’anra rayog.

8. Napan e flowa ni ke yaen ngak gubin e pi chongin, pi’in ni ma pii’ fare sakrament ra sul e pi tray ngak e table ko sakrament. Pi’in ni ma yibliy nag fare sakrament ra tay e mad nga dakaen e pi tray ko flowa nge luf e mad ko pi tray ko raen.

9. Cha’ney ni ra yibliy nag fare raen ra bug nga dakaen e buut’ nge yog e meybil ko sakrament ni fan e raen (musap ko Doctrine and Covenants 20:79). Ke fanay fare thin raen nifan ko waewin.

10. Tomuren e meybil, pi gidii’ ni bay fare priesthood ra pii’ e raen ufithik’ e tayfan ngak e pi chongin. Bee’ ni be preside nag ra thapeg bin somm’on, me tomur dariy’ e rogon e bee’ thingari thapeg.

11. Napan e raen ni ke yaen ngak gubin e pi chongin, pi’in ni ma pii’ fare sacrament ra sul e pi tray ngak e table ko sakrament. Pi’in ni ma yibliy nag fare sacrament ra tay e mad nga dakaen gubin e pi tray, nge pi’in ni ke yibliy nag nge pii’ fare sakrament ra thapeged e pi chiya rorad.

12. Tomuren e mo’olung, pi’in ni ke t’aer midlen fare sakrament ra bi’ech nag, ra duguy e mad ko table, nge chew e flowa e gidii’ de kay.

Blessing the Sacrament

18.10

Pii’ fare Priesthood nge Ordain nag ko Office

Bay l’agruw e yang ko fare priesthood: fare Aaronic nge Melkizedek (muguy ko 3.3; Doctrine and Covenants 107:1, 6). Napan e bee’ ra thapeg fare priesthood, irma thapeg e ordination ko office ulan e priesthood ney. Tomur e ke pii’ demtrug e pi priesthood, pumo’on ney kemus ni nge thapeg e ordination ko bin reb e pi office ulan e priesthood ney.

18.10.1

Melchizedek Priesthood

Fare stake president nima kol fapi kiy ko priesthood nifan e pii’ fare Melchizedek Priesthood nge ordain nag e bee’ ko pi office ku elder nge facha’ nib tolang ko priest. Machane, fare bisof ma pii’ e pi fithingan ko gidii’ nifan e ordination ney.

18.10.1.1

Pi Elder

Pumo’on nib fel’ rogon rayog ni ngar thapeged fare Melchizedek Priesthood nge ordain nag ko elder napan nira mang e duw ko 18 fa tomuren. Udakaen e rogon rok’ e bee’, fare bishof ma mel’eg e ngiyal’ e pumo’on kab pagal rayog ni nge thapeg e ordination ko elder chuchugur e tomuren nike mang 18 e duw fa paer ulan e quorum ko priest.

Umon ni nge mel’eg biney, fare bisof ma non ngak e cha’nem kab pagal nge galibthir fa pi guardian. Pumo’on nib mangil rayog ni nge ordain nag ko elder napan bay 19 e duw rorad fa umon ni nge yaen nga college, pigpig ko mission, pigpig ulan e salthaw, fa thapeg e muruwel’ nib gubin e rran.

Pumon’on kar tawfe nag de n’uw napan nib 18 e duw rorad fa tomor ra ordain nag ko elder tomuren yad ra:

• Thapeged fare Aaronic Priesthood nge rrin’ e pigpig ko priest.

• Ga’ nag e ganop mornga’agen e gospel.

• Dag e tin nib mangil rok’.

Dariy’fan e ngiyal’ ni ke mang e chongin ko Galasia.

18.10.1.2

High Priests

Pumo’on ni ra ordain nag ko high priest napan yad ra thapeg e pigpig ko stake presidency, high council, fa bishofric.

18.10.1.3

Interview Nag nge Sustain Nag

Udakaen’ e rayog rok’ fare stake presidency, fare bishof ra interview nag e pumo’on woed nima fonow fare Melchizedek Priesthood Ordination Record. Tomuren e chongin ko fare stake presidency nira interview nag ngak’. Fa’an bay e ba’adag ko fare mission president, fare district president rayog ni nge interview nag e pumo’on ni nge ordain nag e bee’ ko elder (muguy ko 6.3).

18.10.2

Aaronic Priesthood

Fare bishof nima kol fapi kiy ko priesthood nifan e pii’ fare Aaronic Priesthood nge ordain nag e bee’ ko pi office ku deacon, teacher, nge priest. Pumo’on nib fel’ rayog ni nge ordain nag ko pi office ney napan e duw rorad ney, machane gathi umon:

• Deacon u tabab e duw napan ni ra mang 12 e duw rok’

• Teacher u tabab e duw napan ni ra mang 14 e duw rok’

• Priest u tabab e duw napan ni ra mang 16 e duw rok’

Fare bishof fa reb e counselor nima interview nag pi’in nira ordain nag ko deacon fa teacher ere ni nge nang fa’anra yad be fel’ rogon ko tin nib thothup. Fare bishof ma interview nag pi’in nira ordain nag ko priest.

Umon e interview rok e pagal nib fel’ yang’ren nifan fapi gam’ing ko priesthood, fare chongin e bishofric era fith ngak e galibthir rok fa pi’in nibay mat’won ko fare pagal. Dani tu’uf ni ngan fith mat’won ko galibthir fa pi’in nibay mat’won ko fare pagal ni dariy mat’won nib legal fara siyeg e biney ni ngan rrin’.

18.10.3

Pii’ e chongin ni nge Thapeg e Sustain Nag umon ni nge Ordain Nag

Tomuren e walagen ni ke interview nag nge ni ke dag ir e cha’ nib mat’aw ere rayog ni nge thapeg e ordain nag ngak e office ko priesthood, ir ra sakiy ngalang nifan e sustain nag (musap ko Doctrine and Covenants 20:65, 67). Chongin ulan e stake presidency ni ra pii’ e pi pumo’on ni ra ordain nag ko elder fa high priest ulan e general session ko stake conference (musap ko 6.3 nifan e fonow ko pi district president). Chongin ulan e bishofric ni ra pii’ e pi pumo’on nira ordain nag ko deacon, teacher, fa priest ulan e mo’olung ko sakrament.

Cha’ney ni ra powi’iy nag e sustain ra fith ngak e pumo’on ni nge sakiy ngalang. Ir ma yoeg e ba’adag ni ra pii’ fare Aaronic fa Melchizedek Priesthood (fa’anra thingari ba t’uf) nge ordain nag e pumo’on ney ngak e office ko priesthood. Ir ma pinning fapi chongin ni ngar sustain nag piney. Woed e susun, fa’an ni gabe’adag ni ra pii’ e walagen ni ra mang e elder, rayog ni nge mog pi thin woed biney:

“Yi be puruy nag ni ka bay i [fithingan] ra thapeg fare Melchizedek Priesthood nge ordain ngak ni nge mang e elder. Girdii ni ba’adag me gagiyeg nag ir. [Soen.] Tin girdii ni dubun, fa’anra bay, me gagiyeg nag ir. [Soen.]”

Fa’anra bay e chongin nib fel’ rogon nira dubun fare ordination, fare bee’ nira gagyeg nag fa reb e tiyugan’ ra mo’olung nag ngak tomuren e mo’olung nem. Tiyugang’ ra guyrogon ni nge nangfan e fan e chongin nike dubun. Thingari fil fa’anra e chongin ni manang e pi’nen nib kireb e bee’ ke rrin’ ni ra tal’ e thapeg e office ko priesthood.

U boch e ban’en, walagen thingari ordain nag ko elder fa high priest umon ni nge thapeg e ba’adag ko stake conference. Napan ni ra buch, ir ma waen nge mo’olung ko Sakrament u ward rok’ nifan e sustain. Tomuren nira waen nge bin magid e stake conference nira thapeged e ba’adag ko ordination (gara thilyeg e pi thin aram).

18.10.4

Mini’ era Rrin’ fare Gam’ing

Fare stake president fa bee’ bay e Melchizedek Priesthood u tan pa’ rayog ni nge ordain nag e pumo’on ngak e office ko elder. Fa’an bay e ba’adag ko fare mission president, fare district president u tan pa’ rayog ni nge rrin’ fare ordination (muguy ko 6.3). Kemus e bee’ ni bay fare Melchizedek Priesthood rayog ni ngar sakiy’ ulan e ulungi’.

Fare stake president fa high priest u tan pa’ rayog ni nge ordain nag e pumo’on ngak e office ko high priest. Kemus pi high priest rayog ni ngar sakiy’ ulan e ulungi’.

Cha’ney ni ra ordain nag e pumo’on ngak e office ko Melchizedek Priesthood thingari mang nib mat’aw ni rayog ni nge un fare temple. Fare stake president fa reb e cha’ ni ke mel’eg thingari paer aram.

Priest fa bee’ ni bay fare Melchizedek Priesthood rayog ni nge ordain nag e pumo’on ngak e office ko deacon, teacher, fa priest. Thingari thapeg e rayog rok’ fare bishof. Fare bishop fa reb e cha’ ni ke mel’eg thingari paer aram.

Fa’an rayog ni nge un ko fare ordination nifan fare Aaronic Priesthood, bat’uf ni nge mang e priest fa bee’ nibay fare Melchizedek Priesthood.

Fare bishof rayog ni nge pii’ e metawon ngak e chitimangiy fa’an ir e priest fa ni bay e Melchizedek Priesthood ni nge ordain nag e fak ngak e office ko deacon, teacher, fa priest ni dariy’ fan dawo’ ni nge yaen ulan e temple (muguy ko 18.3). Pi bishof ma pii’ athamgil ngak e chitimangiy ni ngar ta’ermadliy rad e rayog ni ngar ordain nag e bitir rorad.

18.10.5

Fonow

Napan ni ngam pii’ fare priesthood nge ordain nag e bee’ ngak e office ko priesthood, ta’areb fa boech gidii’ ni bay fare priesthood nira tay pi pa’ rad nga dakaen e lol’gen bee’. Ta’areb e bee’ ra non:

1. Me yoeg urngin e fithingan e cha’ney.

2. Ra yog e metawon nibe koel ere rayog ni nge rrin’ e gam’ing ney (rebi priesthood ko Aaronic fa Melchizedek).

3. Me pii’ fare Aaronic fa Melchizedek Priesthood, ma kemus ni fa’an ke buch kafram.

4. Me ordain nag e cha’ney ngak e office ko Aaronic fa Melchizedek Priesthood nge pii’ fare rogon, gelngin, nge metawon rok’ e office ney.

5. Ra pii’ fapi thin ko tawa’ath ufithik’ e fonow rok fare Kan Thothup.

6. Nima ning u dakean fithingan ni Yesus Kristus.

Fa’anra ni ngam ordain nag e bee’ ngak e office ko priesthood tomuren ni ke thapeg fare priesthood nga dakaen en, bee’ ni ra rrin’ e ordaination ra chuw bin dalip e yang.

Ordination to the Priesthood

18.10.6

Chepin ko Ordination nge Certificate

U’mon e pumo’on ni ra interview nag ni nge thapeg e ordination ulan fare Aaronic Priesthood, e clerk nima use nag e LCR ni nge taer midil e Aaronic Priesthood Ordination Record. Fare bisof fa counselor rok’ ni ke mel’eg nima interview nag nge yoloy e fithingan’ ngadakaen e babyor ney fa’an e cha’ney ir e bee’ nib mat’aw.

Tomuren e ordination, fare bisof fa counselor rok’ ni ke mel’eg nira fulweg e babyor nge pii’ ngak e clerk. Irma tay e chepin ulan LCR nge t’aer midlen e babyor ko ordination.

T’uf ni ngam yus nag gubin fithingan udakaen e babyor ko ordination nge certificate.

18.11

Yibliy nag e Chongin nira Pigpig ko Pi Calling

Pi chongin nira thapeg e pinning nge sustain nag nifan bo’or e pigpig rok’ e Galasia thingari thapeg e yibliy ni ra rrin’ e pigpig nem (muguy ko John 15:16; Doctrine and Covenants 42:11; kumuguy ko 3.4.3.1 ulan e babyor ney). Napan e yibliy nag, fare bee’ nira thapeg e (1) matawon nira rrin’ e pi’nen ko pigpig nge (2) pi thin ko tawa’ath ufithik’ e fonow rok fare Kan Thothup.

Pi stake president, pi bisof, nge pi president ko quorum ma thapeged fapi kiy ko presidency napan ni ra thapeg e yibliy (muguy ko 3.4.1.1). Machane, dabi yoeg fare thin pi kiy napan ni ngam yibliy nag e pi chongin nifan reb e pi pigpig, ni tay bu’un ko pi counselor ulan e presidency.

18.11.1

Mini’ ni ma Rrin’ e Yibliy Nag

Yibliy nag ney ni ra buch udakaen e bee’ nibay fare Melchizedek Priesthood. Thingarda thapeg e rayog rok’ e tiyugang’ nibay e pi kiy ko priesthood nib mat’aw. Pi’in ma rayog ni ngar rrin’ e yibliy nag ney bay ulan 30.8. Bee’ nib elder e dabiyog ni nge yog e thin fa paer ulan e ulungi napan ni bay reb e pumo’on ni nge thapeg ba muruwel ni chan’ey e nge mang reb e high priest.

Utan pa’ e tiyugang’ ni be preside nag, ta’areb fa boech e gidii’ ni bay e Melchizedek Priesthood rayog ni ngar uned e confirm nag. President ra thapeg e yibliy nag umon e pi counselor rok’.

Tiyugang’ ni be preside nag rayog ni nge pii’ e mat’awon ngak e figirngiy fa chitimangiy fa ni bay e Melchizedek Priesthood ni nge un e ulungi nifan e yibliy nag ko le’engiy fa fak’ ni dariy’ fan dawo’ ni nge yaen ulan e temple (muguy ko 18.3).

18.11.2

Fonow

Ta’areb fa boech gidii’ ni bay fare Melchizedek Priesthood nira tay pi pa’rad udakaen e lolgen e bee’. Ta’areb e bee’ ra non:

1. Me yoeg urngin e fithingan e cha’ney.

2. Ra yog niba rrin’ pi’ney udakaen e mat’awon ko fare Melchizedek Priesthood.

3. Me yibliy nag e cha’nem nifan e pigpig ulan e stake, ward, quorum, fa class.

4. Me pii’ fapi’ kiy fa’an e cha’nem bat’uf ni nge thapeg.

5. Ra pii’ fapi thin ko tawa’ath ufithik’ e fonow rok fare Thothup.

6. Nima ning u dakean fithingan ni Yesus Kristus.

18.12

Yibliy Nag e Gapgep

Pi’in ni bay fare Melchizedek Priesthood thingari yibliy nag e gapgep nib olive umon e bee’ rayog ni nge tay nga dakaen e pi’in nib m’ar nge pi’in nib kirbaen’ raed (muguy ko James 5:14). Gathi reb e gapgep rayog ni ngam yus nag.

Ragnam thapeg e kahol ko gapgep u store.ChurchofJesusChrist.org.

Pi chongin dabda unum e gapgep nike thap e yibliy nge dabda tay udakaen e dow.

18.12.1

Mini’ ni ra Rrin’ e Gam’ing

Ta’areb fa boch e pi’in ni bay fare Melchizedek Priesthood rayog ni ngar yibliy nag e gapgep. De t’uf e rayog rok e tiyugang’ ko priesthood.

18.12.2

Fonow

Napan ni ngam yibliy nag e gapgep, fare bee’ nibay fare Melchizeded Priesthood:

1. Me koel e kahol ni bing ko fare gapgep nib olive.

2. Ma yog ngak Chitimangiy ni bay u Tharmiy.

3. Ra yog niba rrin’ pi’ney udakaen e mat’awon ko fare Melchizedek Priesthood.

4. Yibliy nag fare gapgep (gathi fare kahol) nge kii’eg nifan e tay nge yibliy nag e pi’in nib m’ar nge pi’in nib kirbaen’.

5. Nima ning u dakean fithingan ni Yesus Kristus.

Consecrating Oil

18.13

Pii’ Ayuw ngak e Pi’in nib M’ar

Pii’ ayuw ngak e pi’in nib m’ar “ufithik e tay pa’ay nga dakaen“ bay la’agruw e yang: tay e gapgep nga dakaen e bee’ nge m’ag e tay e gapgep ufithik’ e yibliy nag. Fa’an dariy’ e gapgep, rayog ni ngam yibliy nag udakaen e mat’awon ko fare Melchizedek Priesthood nge dam tay e gapgep nga dakaen e bee’.

18.13.1

Mini Nira Pii’ e Yibliy

Kemus e bee’ ni bay fare Melchizedek Priesthood rayog ni ngar ayuweg ngak e pi’in nib m’ar fa pi’in nib kirbaen’. De t’uf e rayog rok’ e tiyugang’ ko priesthood. Fa’anra rayog, chitimangiy ni bay fare Melchizedek Priesthood ra ayuweg e pi chongin ko tabinaw rok’ nib m’ar.

Bo’or e yay, ta’areb fa reb e pi’in ni bay fare Melchizedek Priesthood rayog nima ayuweg e pi’in nib m’ar. Machane, ta’areb rayog ni nge rrin’ fare tay e gapgep nge m’ag e gapgep.

18.13.2

Fonow

Tay fare gapgep nga dakaen e bee’ ni ra buch udakaen e bee’ nibay fare Melchizedek Priesthood. Ir:

1. Ma tay satagofgoof ko gapgep udakaen e lolgen e bee’.

2. Me tay e pa’ nga dakaen’ e lolgen e bee’ nge yoeg urngin e fithingan e cha’ney.

3. Ra yog niba rrin’ pi’ney udakaen e mat’awon ko fare Melchizedek Priesthood.

4. Me yoeg niba tay e gapgep nike thap e yibliy nag nga dakaen’ e bee’ nifan kii’eg nifan e tay nge yibliy nag e pi’in nib m’ar nge pi’in nib kirbaen’.

5. Nima ning u dakean fithingan ni Yesus Kristus.

Napan ni ngam m’ag nag e tay e gapgep, ta’areb fa boech gidii’ ni bay fare Melchizedek Priesthood nira tay pi pa’rad udakaen e lolgen e bee’. Ta’areb e bee’ niba m’ag nag e tay e gapgep:

1. Me yoeg urngin e fithingan e cha’ney.

2. Ra yog niba m’ag nag e tay e gapgep udakaen e mat’awon ko fare Melchizedek Priesthood.

3. Ra pii’ fapi thin ko tawa’ath ufithik’ e fonow rok fare Kan Thothup.

4. Nima ning u dakean fithingan ni Yesus Kristus.

Administering to the Sick

18.14

Yibliy ko Gapas nge Fonow, ni Tay Bu’un ko Yibily rok’ Chitimangiy

18.14.1

Mini Nira Pii’ e Yibliy

Pi’in nibay fare Melchizedek Priesthood rayog ni nge pii’ e yibliy nga ko gapas nge fonow ngak e tabinaw rok nge reb e bee’ nira fith ngak.

Chitimangiy ni bay fare Melchizedek Priesthood rayog ni nge pii’ e tawa’ath ko chitimangiy ngak pi fak. Galibthir ma pii’ athamgil ngak e pi fak ni ngar ba’adag e tawa’ath ko chitimangiy napan ni bat’uf. Rayog ni ngam record nag e tawa’ath ko chitimangiy.

Pi’in ni bay fare Melchizedek Priesthood de t’uf ni nge thapeg e rayog rok’ e tiyugang’ ko priesthood umon ni nge pii’ e yibliy ko gapas nge fonow fa tawa’ath ko chitimangiy.

18.14.2

Fonow

Napan ni ngam pii’ e yibliy ko gapas nge fonow fa tawa’ath ko chitimangiy, ta’areb fa boech gidii’ ni bay fare priesthood nira tay pi pa’ rad nga dakaen e lol’gen bee’. Ta’areb e bee’ ra non:

1. Me yoeg urngin e fithingan e cha’ney.

2. Ra yog e yibliy ney nima buch udakaen e mat’awon ko fare Melchizedek Priesthood.

3. Ra pii’ fapi thin ko tawa’ath, gapas, nge fonow ufithik’ e fonow rok fare Kan Thothup.

4. Nima ning u dakean fithingan ni Yesus Kristus.

18.15

Yibily e Na’un

Pi chongin ko galasia rayog niba yibliy nag e na’un udakaen e mat’awon ko fare Melchizedek Priesthood.

18.15.2

Fonow

Napan ni ngam yibliy nag e na’un, fare bee’ nibay fare Melchizeded Priesthood:

1. Ma yog ngak Chitimangiy ni bay u Tharmiy.

2. Ra yog niba rrin’ pi’ney udakaen e mat’awon ko fare Melchizedek Priesthood.

3. Me yibliy nag e na’un nira mang e tafen nib thothup ere me paer fare Kan ni Thothup ulan nge nira pii’ reb e pi thin ufithik’ e fonow rok fare Kan Thothup.

4. Nima ning u dakean fithingan ni Yesus Kristus.

18.16

Yibily e Malaang ko Yam’

18.16.1

Mini’ ni ra Yibliy nag e Malaang ko Yam’

Bee’ nira yibliy nag e malaang ko yam’ bat’uf bay e Melchizedek Priesthood nge thapeg e rayog rok’ e tiyugang’ ko priesthood ni ra gagyeg nag e mo’olung.

18.16.2

Fonow

Napan ni ngam yibliy nag e malaang ko yam’, fare bee’ nibay fare Melchizeded Priesthood:

1. Ma yog ngak Chitimangiy ni bay u Tharmiy.

2. Ra yog niba rrin’ pi’ney udakaen e mat’awon ko fare Melchizedek Priesthood.

3. Yibliy nag nge thothup nag e buut’ nifan e gum’eyag ntay ngak’ e dow rok’ fare bee’ nike yim’.

4. Be meybil nira thothup nag nge damiiteg e tafen madako’ fare Faskoyam’ (fa’anra binem ir mat’aw).

5. Me fith e Chitimangiy nibay nu Tharmiy ni nge gapas nag e tabinaw nge pii’ fapi thin nib mangil ufithik’ e fonow rok’ fare Thothup.

6. Nima ning u dakean fithingan ni Yesus Kristus.

Fa’anra e dow ko chongin ko Galasia nike cremate nag, fare tiyugang’ niba gagyeg nag ba mel’eg fa’anra thingari yibliy nag e tafen ko awat.

Dedication of Graves

18.17

Pi Patriatrchal Blessing

Gubin e chongin nib mat’aw, ni kar thapeged e tawfe rayog ni ngar thapeged e patriarchal blessing, nima pii’ e fonow nib thothup ngak e Chitamangiy nibay nu Tharmiy (muguy ko Genesis 48:14–16; 49; 2 Nephi 4:3–11).

Fare bisof fa counselor rok’ ma interview nag e chongin ni ba’adag ni nge thapeg fare patriarchal blessing. Fa’anra fare chongin ir mat’aw, fare bee’ nike rrin’ e interview ra t’aer midlen e babyor ko Patriarchal Blessing. Ir era pii’ era babyor ney ko Patriarchal Blessing SystemChurchofJesusChrist.org ko .

Cha’ney nima pii’ fare babyor ko Patriarchal Blessing thingari lemnag fa’an e chongin ra nang e fan nib ga’ nge thothup ko fare yibliy ney.

18.17.1

Thapeg e Patriarchal Blessing

Tomuren nike thapeg e rayog, e chongin ra non ngak fare patriarch ni nge fal’eg e mo’olung nira thapeg e patriarchal blessing. Napan bay e rran ko mo’olung, fare chongin thingari yaen ufithik’ e meybil nge chuw e mad ko Madnom.

Urngin e patriarchal blessing ir thothup, nib special, nge nifan bee’ ni ke thapeg. Ere, ir ma thapeg ni kemus ir nge buchuw e pi chongin ko tabinaw rok’.

Pi’in nima thapeged e patriarchal blessing thingari ba’adag nib gel e pi thin nem, lamnag mornga’agen, nge fasgad nib fel’ rogon ere rayog ni ngar thapeged e tawa’ath nibe micheg nag u yafos ney nge ulan e yafos nib manimus.

Chongin ko galasia ba t’uf ni dabda ta’areb nag e tawa’ath rorad nge dabi share nag e pi’ney ngak e bee’ ni dabi e tabinaw rorad. Dabmu bi’eg e patriarchal blessing ulan e pi mo’olung ko Galasia fa reb e ulungi ko gidii’.