babaye ug bata nga nagpatukar og piano

19.

Musika

19.1

Katuyoan sa Musika diha sa Simbahan

Ang sagrado nga musika mopalambo sa hugot nga pagtuo diha ni Jesukristo. Magdapit kini sa Espiritu ug magtudlo sa doktrina. Magmugna usab kini og usa ka pagbati sa balaang pagtahod, maghiusa sa mga miyembro, ug maghatag og paagi sa pagsimba sa Langitnong Amahan ug ni Jesukristo.

19.2

Musika sa Panimalay

Pinaagi sa Iyang mga propeta, ang Ginoo nag-awhag sa mga indibidwal ug mga pamilya sa paggamit og makapabayaw nga musika diha sa ilang inadlaw nga mga kinabuhi.

Ang mga pagrekord sa musika sa Simbahan anaa sa mosunod nga mga tinubdan:

• Sacred Music nga app

• Gospel Library nga app

• Music.ChurchofJesusChrist.org

• Mga CD nga anaa sa store.ChurchofJesusChrist.org

19.3

Musika diha sa mga Miting sa Simbahan

19.3.1

Pagplano og Musika alang sa mga Miting sa Simbahan

Ang mga koordinitor sa musika sa ward ug stake makigtinabangay sa mga lider sa pagkapari sa pagplano sa musika alang sa mga tulumanon sa pagsimba. Sila mopili og musika nga makapalambo sa diwa sa pagsimba diha sa mga miting.

19.3.2

Musika diha sa Panagtigom alang sa Sakramento

Ang musika diha sa panagtigom alang sa sakramento naglakip sa pagpanganta sa kongregasyon sa mga himno sa pagbukas ug pagtapos sa miting ug sa dili pa ipahigayon ang sakramento. Kana nga himno sa sakramento kinahanglan nga nagpasabot sa sakramento mismo o sa sakripisyo sa Manluluwas.

Ang prelude nga musika ipatukar samtang ang mga miyembro magpundok sa dili pa ang miting. Human sa panapos nga pag-ampo, usa ka instrumental nga postlude ipatukar samtang ang mga miyembro mobiya sa miting.

Ang panagtigom alang sa sakramento mahimong maglakip usab og dugang nga himno sa kongregasyon nga kantahon diha sa tunga-tunga sa miting—pananglitan, taliwala sa pagpamulong sa mga mensahe.

19.3.3

Musika diha sa mga Klase ug Ubang mga Miting sa Ward

Ang mga lider kinahanglang moawhag sa mga magtutudlo sa paggamit sa mga himno ug ubang sagrado nga musika aron sa pagpalambo sa ilang pagtudlo.

19.3.6

Mga Instrumento sa Musika

Ang live nga mga instrumento maoy kasagaran nga gigamit sa pagduyog alang sa prelude ug postlude nga musika ug alang sa himno diha sa mga miting sa Simbahan. Kon aduna ug kon ang mga miyembro makapatukar niini, ang mga organ ug mga piano maoy sumbanan nga mga instrumento. Ang mga bishopric mahimong moaprobar sa paggamit sa ubang mga instrumento nga iduyog sa pagpanganta sa kongregasyon, alang sa prelude ug postlude nga musika, ug ubang mga pinili nga musika.

Kon walay piano, organ, o tigduyog, ang mga girekord mahimong gamiton (tan-awa sa 19.2

19.3.7

Mga Choir

19.3.7.1

Mga Choir sa Ward

Kon adunay igong mga miyembro, ang mga ward mahimong mag-organisar og mga choir nga regular nga mokanta sa panagtigom alang sa sakramento.

Agi og dugang sa choir sa ward, ang mga pamilya ug mga grupo sa kababayen-an, kalalakin-an, kabatan-onan, o kabataan mahimong dapiton sa pagkanta diha sa mga miting sa Simbahan.

19.4

Pagpangulo sa Musika diha sa Ward

19.4.1

Bishopric

Ang bishop maoy responsable alang sa musika sa ward. Siya mahimong mosangon niini nga responsibilidad ngadto sa usa sa iyang mga magtatambag.

19.4.2

Koordinitor sa Musika sa Ward

Ang koordinitor sa musika sa ward moserbisyo ubos sa direksyon sa bishopric. Siya aduna sa mosunod nga mga responsibilidad:

• Mahimong usa ka kapanguhaan sa bishopric ug ubang mga lider sa ward bahin sa mga butang nga may kalabotan sa musika.

• Makigtinabangay sa bishopric sa pagplano og musika sa panagtigom alang sa sakramento (tan-awa sa 19.3.1 ug 19.3.2).

• Kon hangyoon sa bishopric, morekomendar og mga miyembro nga moserbisyo diha sa mga calling sa musika sa ward. Motudlo niadtong nagserbisyo niini nga mga calling, motanyag og suporta, instruksiyon, ug pagbansay kon gikinahanglan.

19.4.3

Dugang nga mga Calling

Ang bishopric mahimong motawag og mga miyembro aron moserbisyo sa mosunod nga mga calling.

19.4.3.1

Lider sa Musika sa Ward

Ang lider sa musika mopahigayon sa mga himno sa kongregasyon sa mga panagtigom alang sa sakramento ug alang sa ubang mga miting sa ward kon gihangyo.

19.4.3.2

Tigduyog sa Ward

Ang tigduyog sa ward mohatag sa prelude ug postlude nga musika ug moduyog sa mga himno atol sa panagtigom alang sa sakramento ug sa ubang mga miting sa ward kon gihangyo.

19.7

Dugang nga mga Palisiya ug mga Lagda

19.7.2

Paggamit sa mga Instrumento sa Meetinghouse alang sa Pagpraktis, Pribado nga Instruksiyon, ug mga Recital

Kon walay laing resonable nga alternatibo, ang mga lider sa pagkapari mahimong motugot nga gamiton ang mga piano ug mga organ sa meetinghouse sa pagpraktis, binayran nga pribado nga panudlo, ug mga recital nga naglakip sa mga miyembro sa yunit nga naggamit sa meetinghouse.