te aine ao te ataei a katanga te biano

19.

Anene

19.1

Te Kantaninga n te Anene n te Ekaretia

Anene aika a tabu a karikirakea ara onimaki iroun Iesu Kristo. E karokoa te Tamnei ae raoiroi ao e anganiira reirei. E karekea naba te namakin ni karinerine, e katiteuanaia membwa, ao e anga te kawai ibukin neboan Tamara are i Karawa ao Iesu Kristo.

19.2

Anene n te Mweenga

E a tia te Uea, rinanoia Ana burabeti ni kaungaia aomata ma utu bwa a na kabonganai anene aika a na karekea te ungannano inanon maiuia n te bong koraki.

A kona n reke anene aika tia n raweaki man te Ekaretia inanon taian apps aikai:

• Sacred Music app

• Gospel Library app

• Music.ChurchofJesusChrist.org

• CDs n store.ChurchofJesusChrist.org

19.3

Anene inanon Bootaki n te Ekaretia

19.3.1

Babairean Anene ibukin te Taromauri n te Ekaretia

A kaai ni babaire taan kaira aron te anene inanon uoote ao titeiki ma taan kairiri n te nakoanibonga ibukin katangitang ake a na kabonganaaki n tain te nebonebo. A rinei anene ae e na buoka karokoan te tamnei n nebonebo inanon tain te taromauri.

19.3.2

Anene inanon te Bootaki n Toa

Anene inanon tain te Toa e bon rin iai anene n taromauri ni kauka ao ni kaina te bootaki ao imwain kabutan te toa. A riai anenen te toa ni bon kaeti nakon te bootaki n toa ke nakon ana anga karea te Tia Kamaiu.

E katangaki katangtang aika a kimototo ngkai a ikotaki membwa imwain te taromauri. Imwiin te tataro ni kainiin, ao e a kanakoaki te anene n tii te bwai ni katangitang inanon te tai are a otinako iai membwa.

E konaa te bootaki n toa ni karina te kuna n taromauri ae e na aneneaki i nuukan tain te bootaki—te katooto , imarenan taian maroro .

19.3.3

Anene n tain te Kiraati ao Tabeua riki Boowin te Uoote

Taan kairiri a kaungaiia tia reirei ni kabonganai anene n taromauri ao tabeua riki anene aika a tabu ni kanakoraoa riki aia anga reirei.

19.3.6

Bwaai ni Katangitang

A kona ni katangaki katangtangi aika a bon tau ibukin te kaukuuki ao ni kainiin ao ni kaairaki ma anene n taromauri inanon tain te Botaki n taromauri. Ngkana iai taan katangitang irouia membwa aika tauraoi, ao ana kona ni katang aokan ma biano are bon bwaai ni katangitang aika tia ni baireaki. E konaa te bitiobiriki ni kariaia kabonganaakin bwaai ni katangitang tabeua bwa e na raon aia anene taan taromauri, ao ibukin anene ni kaukuuki ao ni kainiin ao tabeua riki katangitang aika a rineaki.

A konaa ni kabonganaaki katangtang ake a raweaki ngkana arona bwa e aki tauraoi te biano, te aokan, ke te tia katang bwaai ni katangitang (taraa 19.2

19.3.7

Kuaea

19.3.7.1

Kuaea n Uoote

Ngkana a mwaiti membwa, e kona ngkanne te uoote ni bairea te kuaea are e na teimatoa n anene inanon tain te bootaki n toa.

N raonaki riki nakon ana kuaea te uoote, a kona utu ao kurubu n aine, mwaane, kairake, ke ataei ni kaoaki bwa a na anene inanon bootakin te Ekaretia.

19.4

Kairiiri n te Anene Inanon te Uoote

19.4.1

Bitiobiriki

Te bitiobi e tabe ma anene ibukin te Uoote. E kona n angan temanna ana kauntira te mwakuri aei.

19.4.2

Te Tia Tararuai Bwaai ni Katangitang n te Uoote

Te tia tararuai bwaai ni katangitang e beku iaan ana kaetieti te bitiobiriki. Aikai taben teuanne ke neienne:

• E na riki bwa te tia ibuobuoki nakon te bitiobiriki ao tabeman riki taan kairiri n te uoote iaon bwaai ake a kaineti ma te anene.

• Mwakuri ma te bitiobiriki ni bairei anene ibukin bootaki n toa (taraa 19.3.1ao 19.3.2

• N aron are e kantaningaaki man te bitiobiriki, a na rineaki membwa nakon wewete ibukin katangitang n te uoote. E na katauraoiia te koraki ake a na beku nakon wewete aikai, n anga te boutoka, kaetieti, ao kataneiai n aron ae kainanoaki.

19.4.3

Nakoa riki Tabeua

A kona bitiobiriki ni weteia membwa bwa a na beku inanon nakoa aikai.

19.4.3.1

Te Tia Kairiiri n te Anene n te Uoote

E kairii anene n taromauri te tia kairiiri n te anene ibukin bootaki n te toa ao tabeua riki bootaki n te uoote n aron kainnanoana.

19.4.3.2

Te Tia Katangi Bwain Katangitang n te Uoote

E na katangaki katangitang ibukin te kaukuuki ao te kainiin iroun te tia katangi bwain ni katangitang n te uoote ao n raoni anene n taromauri inanon tain te bootaki n toa ke ana bootaki riki tabeua te uoote ni kaineti ma butiakina.

19.7

Kaetieti ao Kainibaire riki Tabeua

19.7.2

Kabonganakin Bwaai ni Katangitang n te Autinibootaki ibukin Waaki ni Kataneiai, Anga reirei Aika a Onoti, ao Kamataku

Ngkana akea bukina ae kaanga e riai, a kona taan kairiiri n te nakoa n ibonga n anga te kariaia bwa ana kabonganaaki biano ma aokan ake inanon te autinibootaki ibukin, te kataneiai ae kaboaki, ao kamataku ni kaoti tarena irouia bootaki ake ana kabonganaa te autinibootaki.