mitãkuña y chororo reheve

20.

Actividakuéra

20.1

Propositokuéra

Tupao actividakuéra ombojoaju umi Tupaogua miembro ha ambuekuérape “tavayguáramo santokuéra ndive” (Efesios 2:19). Umi activida propósitope oike ko’ãva:

• Omopu’ã jerovia Jesucristo-re.

• Ogueru py’arory ha omokyre’ỹ joaju.

• Ome’ẽ oportunida jekakuaa tee g̃uarã.

• Omombarete tapicha ha familiakuérape.

• Oipytyvõ miembro-kuérape opartisipa salvasiõ ha exaltasiõ rembiapópe (tojehecha 1.2).

20.2

Oñeplaneávo Actividakuéra

Oplanea mboyve peteĩ activida, liderkuéra ohechakuaa miembro-kuéra remikotevẽ espiritual ha temporal. Liderkuéra oheka Espíritu Santo gía odesidívo mba’eichagua actividápa oipytyvõne omyanyhẽ umi remikotevẽ.

20.2.1

Rresponsabilida Oñeplaneávo Actividakuéra

Barrio-gua actividakuéra ikatu oñeplanea oimeraẽ ko’ãicha, odependévo upe tenda remikotevẽgui:

• Pe consejo de barrio ikatu osupervisa upe ñeplanea.

• Pe consejo de barrio ikatu oasigna peteĩ organización-pe toipytyvõ oplaneávo peteĩ térã hetave actividakuéra.

• Oñeikotevẽrõ ha oĩ hetaporãramo miembro-kuéra, pe obispado omohendakuaa peteĩ barrio-gua actividakuéra comite.

Ojehupytyve hag̃ua marandu mba’éichapa oñeplaneakuaa actividakuéra barrio-gua jóvenes-pe g̃uarã, tojehecha 10.2.1.3 ha 11.2.1.3.

20.2.2

Oñeinvitávo Opavavépe Opartisipa hag̃ua

Umi oplaneáva actividakuéra oipysova’erã ipo opavavépe, umi miembro pyahúpe raẽvete, umi menos activo, jóvenes, adultos solteros, umi orekóva discapacida, ha umi tapicha ambue rreligiõgua.

Umi activida ndaha’eiva’erã mba’epohýi líder ha miembro-kuérape g̃uarã.

20.2.3

Norma-kuéra

Tupao actividakuéra oporomopu’ãva’erã ha oñesentra umi mba’e “hekoporã, iporã, herakuã porã térã oñemomorãkuaáva” (Artículos de Fe 1:13). Umi actividápe ndoikeiva’erã mba’eve oñemoĩva Tupao rekombo’ekuérare.

20.2.6

Fondo Actividakuérape g̃uarã

Hetave umi activida isensillova’erã ha pokã hepy térã ndahepyiva’erãvoi. Oimeraẽ gasto oñemoneĩraẽva’erã obispado térã estáka presidencia rehe.

Miembro-kuéra ndohepyme’ẽiva’erã jepi opartisipa hag̃ua actividakuérape. Ojeikuaave hag̃ua umi norma ha gía mba’éichapa oñefinansia actividakuéra, tojehecha 20.6.

20.4

Huventúpe g̃uarã Conferencia

Oñepyrũvo enero-pe upe ary okumplihápe hikuái 14 áño, hombres jóvenes ha mujeres jóvenes oñeinvita opartisipa hag̃ua oñondive peteĩ huventúpe g̃uarã conferencia-pe. Pe huventúpe g̃uarã conferencia ojejapo jepi peteĩ jave káda ary barrio térã estáka nivel-pe. Umíva ikatu avei ojejapo multiestáka nivel-pe. Estáka ha barrio-kuéra ndojapoiva’erã peteĩ huventúpe g̃uarã conferencia upe ary oñeasignávape umi imitãva opartisipa hag̃ua PFJ conferencia-pe.

Barrio-gua huventúpe g̃uarã conferencia oñeplanea ha ojejapo barrio-gua consejo para la juventud rupive, obispado sãmbyhy guýpe (tojehecha 29.2.6). Obispado ohupyty estakagua presidencia moneĩ umi plan barrio-gua huventúpe g̃uarã conferencia-pe g̃uarã.

Umi líder ha imitãvakuéra oplaneávo peteĩ huventúpe g̃uarã conferencia, osegiva’erã umi norma oĩva ko capítulo-pe ha ko’ã giakuéra:

• Ikatu ojeiporu Tupao lema anual huventúpe g̃uarã conferencia lema-ramo.

• Oñeplaneava’erã actividakuéra ohoporãva upe lema reheve.

• Ojehupytyva’erã obispado térã estáka presidencia moneĩ opaite umi oñe’ẽtava ha actividakuérape g̃uarã.

• Ojehechava’erã toĩ okakuaáva supervisiõ porã opa árape (tojehecha 20.7.1).

20.5

Umi Norma ha Páuta Ojeiporavo ha Oñeplanea hag̃ua Actividakuéra

20.5.1

Actividakuéra Comercial térã Político

Noñepermitíri ojejapo ni peteĩchagua activida orekóva propósito comercial térã político (tojehecha 35.5.2).

20.5.2

Jeroky ha Música

Opa umi jerokyhápe, aokuéra, potĩngue, tesape, jeroky laja, umi purahéi ñe’ẽ ha música oipytyvõva’erã oĩ hag̃ua peteĩ jere Ñandejára Espíritu oĩkuaahápe presente.

20.5.3

Lunes Pyharekuéra

Oñemokyre’ỹ miembro-kuérape ojapo hag̃ua activida ifamiliakuéra ndive Lunes térã ambue ára. Ndojejapoiva’erã ni peteĩ Tupaogua activida, rreuniõ térã servicio bautismal Lunes 6:00 pm rire.

20.5.5

Umi Activida Pyhareguáva

Tupaogua activida pyharegua umi atýpe g̃uarã ojoajúvape hombres jóvenes ha mujeres jóvenes oñemoneĩva’erã obispo ha estáka presidente rehe. Upéichava’erã avei umi activida miembro-kuéra kuimba’e ha kuña omenda’ỹvape g̃uarã.

Umi activida ojehasa hag̃ua pyhare Tupaogua centro de reunion térã umi centro de reunión korapýpe noĩri aprovádo.

20.5.8

Día de Reposo Ñeñongatu

Ni peteĩ Tupaogua campamento, evénto deportivo térã vy’aharã ndojeprogramái Domingo-rã. Ni umi huventu aty ni ambuéva oviahava’erã oho hag̃ua campamento térã huventúpe g̃uarã conferencia-pe térã ou hag̃ua umívagui Domingo-kue.

20.5.10

Templo Jevisita

Umi visíta templo-pe oñemohenda barrio térã estáka nivel-pe upe templo oñeasignáva distrito-pe.

20.6

Umi Norma ha Páuta Oñefinansia hag̃ua Actividakuéra

20.6.1

Actividakuéra ojehepyme’ẽva barrio térã estakagua presupuesto fondo reheve

Barrio térã estakagua presupuesto fondo ojeiporuva’erã ojehepyme’ẽ hag̃ua opa actividakuérare—ỹrõ umi excepción oñemombe’úva 20.6.2-pe.

20.6.2

Fondo umi Huventúpe g̃uarã Campamento

Barrio térã estakagua presupuesto-pe noĩriramo fondo ohupytýva umi actividápe g̃uarã oje’éva iguypeve, liderkuéra ojerurekuaa umi participante-pe tohepyme’ẽ pehẽ térã paite umívare:

• Peteĩ Sacerdocio Aarónico campamento anual ojeipysóva térã upeichagua activida.

• Peteĩ Mujeres Jóvenes campamento anual ojeipysóva térã upeichagua activida.

• Peteĩ campamento anual peteĩ aragua térã activida upeichagua Primaria-gua mitãnguérape g̃uarã orekóva 8 áño guive 11 peve.

Umi gasto térã viahe peteĩ campamento anual-pe g̃uarã ndahepyeteiva’erã. Ndojehejaiva’erã peteĩ miembro-pe opartisipa’ỹre umi actividápe ndoguerekóigui ijehegui fondokuéra ohepyme’ẽ hag̃ua.

20.6.3

Umi Fondo PFJ Conferencia-pe g̃uarã

Ikatu ojejerure huventúpe tohepyme’ẽ’imi oasisti hag̃ua PFJ conferencia-pe. Upe jehepyme’ẽ’imi ojokótarõ peteĩ hóvenpe opartisipa hag̃ua, obispo ikatu oiporu barrio-gua presupuesto ohepyme’ẽ hag̃ua pehẽ térã paite upéva. Tojehecha FSY.ChurchofJesusChrist.org.

20.6.5

Umi Evénto Oñembyaty hag̃ua Fondo

Umi estaka ha barrio-gua activida gasto ojehepyme’ẽ jepi umi presupuesto fondo reheve. Upevére, peteĩ estakagua presidente térã obispo oautorisakuaa peteĩ evénto káda ary oñembyaty hag̃ua fondo ko’ã propósitorã añónte:

• Ojehepyme’ẽ hag̃ua umi actividáre oje’éva 20.6.2-pe.

• Oñeipytyvõ hag̃ua ojejoguávo ekípo pe unida oikotevẽva umi campamento anual-rã.

20.7

Umi Norma ha Páuta Seguridarã Actividakuérape g̃uarã

20.7.1

Kakuaáva Supervisiõ

Mokõi kakuaáva jepe oĩva’erã presente opa Tupaogua actividakuérape oasistihápe mitãnguéra ha huventu. Ikatu oñeikotevẽ hetave kakuaáva odependévo pe aty tuichakue, katupyry oñeikotevẽva upe actividarã térã ambue mba’e. Oñemokyre’ỹ tuvakuérape oipytyvõ hag̃ua.

Opavave omba’apóva mitãnguéra ha huventu ndive ojapopava’erã pe mitãnguéra ha huventu ñemo’ã rehegua ñembokatupyry. Tojehecha ProtectingChildren.ChurchofJesusChrist.org.

20.7.2

Eda Oñeikotevẽva Ojepartisipa hag̃ua Huventu Actividakuérape

Ituvakuéra moneĩ reheve, umi imitãva ikatu opartisipa umi campamento-pe ndokeihápe hogakuérape enero guive pe ary okumplihápe hikuái 12 áño. Ha’ekuéra ikatu oasisti jerokyhápe, huventúpe g̃uarã conferencia-kuéra ha PFJ conferencia-pe enero guive pe ary okumplihápe hikuái 14 áño.

20.7.4

Tuvakuéra Permiso

Mitãnguéra ha umi mitãkuña ha mitãkaria’y ndaikatúi opartisipa Tupaogua actividápe ituvakuéra térã itutor legal permiso’ỹre. Umi Tupaogua actividápe g̃uarã oikehápe opyta pyharekue, viahe puku, térã orekóva riesgo tuichavéva jepiveguágui, oñeikotevẽ permiso jehaipyre.

Tuvakuéra ha tutor legal ome’ẽ upe permiso ofirmávo pe Formulario de Permiso y Autorización para Dar Atención Médica .

20.7.5

Avúso Ñemombe’u

Oimeraẽ avúso oikóva Tupaogua activida aja oñemombe’uva’erã umi autorida civil-pe. Oñeñe’ẽ pya’eva’erã obispo ndive. Tekombo’e miembro-kuérape g̃uarã oĩ 38.6.2.7-pe. Tekombo’e miembro-kuérape g̃uarã oĩ 38.6.2.1-pe

20.7.6

Umi Segurida Precaución, Mba’e Ojejapova’erã ha Mba’éicha Oñemomaranduva’erã Oikórõ peteĩ Accidente

20.7.6.1

Umi Segurida Precaución

Líder ha participante-kuéra oevalua jesarekópe umi activida ohecha hag̃ua toĩ pokã ikatúva ogueru ñehunga térã mba’asy. Umi activida avei orekova’erã pokã ikatúva ombyai pe propieda. Umi activida aja liderkuéra oñeha’ãmbaite ohecha hag̃ua toĩ segurida.

20.7.6.2

Mba’e Ojejapo Oĩkórõ peteĩ Accidente

Oikórõ peteĩ accidente térã ñehunga Tupao propiedápe térã peteĩ Tupao actividápe, liderkuéra osegi ko’ã páuta, ikatuháicha:

• Oñeme’ẽ primeros auxilios. Pe tapicha oikotevẽvéramo tohecha chupe peteĩ médico, oñehenoiva’erã umi servicio médico emergencia-pegua. Avei oñehenoiva’erã tuvakuéra, tutor legal, térã ambue pariente hi’ag̃uivéva, ha avei obispo térã estakagua presidente-pe.

• Oĩramo okañýva térã omanóva, oñemombe’u pya’eva’erã umi upepegua ley agente-pe.

• Oñeme’ẽva’erã pytyvõ emocional.

• Noñemokyre’ỹi ni ndojejokoiva’erã peteĩ mba’e’apo legal. Ndojejapoiva’erã kompromíso Tupao rérape.

• Oñembyaty ha oñeñongatuva’erã umi testigo réra, imomarandu, oikova’ekue ñemombe’u ha fotokuéra.

• Oñemombe’uva’erã upe accidente (tojehecha 20.7.6.3).

20.7.6.3

Oñemombe’úvo peteĩ Accidente

Ko’ã situasiõ oñemombe’va’erã linea rupi …-pe incidents.ChurchofJesusChrist.org.

• Accidente térã ñehunga oiko Tupao propiedápe térã peteĩ Tupao actividápe.

• Okañýrõ peteĩ tapicha opartisipáva hína peteĩ Tupao actividápe.

• Oñembyaírõ peteĩ propieda privádo, público térã Tupaogua peteĩ Tupao activida aja.

• Oĩrõ amenása ojejapotaha térã ojehechakuaa oikotaha peteĩ mba’e’apo legal.

Peteĩ evéntope oikóramo peteĩ ñehunga isériova, ñemano, térã peteĩ tapicha okañy, pe estakagua presidente, obispo térã miembro ha’e oasignávape oikuaauka pya’e areagua oficina-pe.

20.7.6.4

Umi Seguro ha Porandukuéra

Oikórõ peteĩ ñehunga peteĩ Tupaogua evénto aja, liderkuéra odetermina pe Programa de Asistencia Médica en Actividades de la Iglesia-pa oje’aplika.

Sapy’ánte, pe estakagua presidente térã obispo ikatu oreko porandu segurida problema rehegua térã demanda Tupao kóntrape. Pe estakagua presidente (térã peteĩ obispo isãmbyhy guýpe) orreferi umi porandu “División de Administración de Riesgos” térã área oficina-pe.

20.7.7

Viahe

Umi viahe Tupao actividakuerarã oñemoneĩva’erã obispo térã estakagua presidente rehe. Umi viahe ndaha’eiva’erã mba’epohýi miembro-kuérape g̃uarã. Noñemokyre’ỹi ojejapo hag̃ua viahe mombyrýva.

Ikatúrõ, Tupaogua atykuéra oiporuva’erã transporte comercial umi viahe mombyrývape g̃uarã. Orekova’erã licencia ha seguro responsabilidad civil reheguáva.

Tupaogua aty oiporúramo vehículo de pasajero privado, káda vehículo oikoporãva’erã. Ha káda tapicha oiporuva’erã cinturón de seguridad. Káda chofer orekova’erã licencia omaneha hag̃ua ha ha’eva’erã peteĩ kakuaa responsable.