२०.

क्रियाकलापहरू

२०.१

उद्देश्यहरू

चर्चका क्रियाकलापहरूले चर्चका सदस्यहरू र अरूहरूलाई “सन्तहरूसँग सहयात्रीहरू” का रूपमा एकत्रित गर्छन् एफिसी २:१९) । क्रियाकलापहरूका उद्देश्यहरूले निम्नलाई समावेश गर्न सक्छन्:

• येशू ख्रीष्टमा आस्था निर्माण गर्ने ।

• रोचक र प्रोत्साहनयुक्त एकता प्रदान गर्ने ।

• व्यक्तिगत विकासका लागि अवसरहरू प्रदान गर्ने ।

• व्यक्ति र परिवारलाई मजबुत बनाउने ।

• सदस्यहरूलाई मुक्ति र उत्कर्षका कार्यमा सहभागी हुन सहयोग गर्ने (हेर्नुहोस् १.२) ।

२०.२

क्रियाकलापहरूको योजना बनाउने

क्रियाकलापको योजना गर्नुपूर्व अगुवाहरूले सदस्यहरूको आध्यात्मिक र अस्थायी आवश्यकताहरूलाई महत्व दिन्छन् । कस्ता प्रकारका क्रियाकलापले ती आवश्यकताहरू पूरा गर्न सहयोग गर्ने छन् भन्ने निर्णय गर्न अगुवाहरूले आत्माको निर्देशन खोज्छन् ।

२०.२.१

क्रियाकलापहरूको योजना निर्माणका लागि उत्तरदायित्व

स्थानीय आवश्यकताहरूका आधारमा निम्न मध्ये कुनै पनि तरिकाले वार्डका क्रियाकलापहरू आयोजना गर्न सकिन्छ:

• वार्ड परिषद्ले योजनाको निरीक्षण गर्न सक्छन् ।

• वार्ड परिषद्ले एक वा बढी क्रियाकलापहरूको योजना निर्माण गर्न सहयोग गर्न विशेष सङ्गठनहरूलाई नियुक्त गर्न सक्छन् ।

• आवश्यक भएमा र पर्याप्त सदस्यहरू भएमा, विशपरिकले वार्ड क्रियाकलाप समिति सङ्गठित गर्न सक्छन् ।

वार्ड युवा क्रियाकलापहरूको योजनाका सम्बन्धमा जानकारीका लागि, हेर्नुहोस् १०.२.१.३ र ११.२.१.३ ।

२०.२.२

सहभागी हुनका लागि सबैलाई आमन्त्रण गर्ने

क्रियाकलापहरूको योजना निर्माण गर्नेहरूले सबैजना, विशेष गरी नयाँ सदस्यहरू, कम सक्रिय सदस्यहरू, युवाहरू, एकल वयस्कहरू, अपाङ्गता भएकाहरू र अन्य आस्थाका मानिसहरूसम्म पुग्नु पर्छ ।

क्रियाकलापहरूले अगुवा र सदस्यहरूमा अनावश्यक बोझ दिनु हुँदैन ।

२०.२.३

मापदण्डहरू

चर्चका क्रियाकलापहरू उत्थान गर्ने खालका हुनुपर्छ र “सद्गुणी, मनमोहक वा असल प्रतिवेदनका वा प्रशंसायोग्य” जे छन् त्यसमा जोड दिनुपर्छ विश्वासका लेखहरू १:१३) । क्रियाकलापहरूमा चर्चका शिक्षाका विपरीत हुने कुनै पनि विषय समावेश गरिनु हुँदैन ।

२०.२.६

क्रियाकलापहरूका लागि कोष

अधिकांश क्रियाकलापहरू सरल र थोरै वा कुनै पनि लागत नलाग्ने हुनुपर्छ । कुनै पनि खर्च बिशपरिक वा किला अध्यक्षताद्वारा अग्रिम स्वीकृत हुनुपर्छ ।

सामान्यतया सदस्यहरूले क्रियाकलापहरूमा सहभागी हुनका लागि भुक्तानी गर्नु पर्दैन । क्रियाकलापहरूको कोषका लागि नीतिहरू र मार्गनिर्देशनहरूका लागि हेर्नुहोस् २०.६।

२०.४

युवा सम्मेलन

तिनीहरू १४ वर्षको पुगेको वर्षको जनवरीमा सुरू हुँदै युवा र युवतीहरूलाई युवा सम्मेलनमा सँगै सहभागी हुन आमन्त्रण गरिन्छ । युवा सम्मेलनहरू सामान्यतया प्रत्येक वर्ष एक पटक वार्ड वा किला स्तरमा आयोजना गरिन्छन् । तिनीहरू विभिन्न किला वा क्षेत्रीय स्तरमा पनि आयोजना गर्न सकिन्छ । एफ. एस. वाइ. सम्मेलनमा सहभागी हुन युवाहरूलाई नियुक्त गरिएको वर्षमा किला र वार्डहरूले युवा सम्मेलनहरू आयोजना गर्नु हुँदैन ।

वार्ड युवा सम्मेलनहरू योजनावद्ध छन् र बिशपरिकको निर्देशनमा वार्ड युवा परिषदद्वारा सञ्चलान गरिन्छ, (हेर्नुहोस् २९.२.६) । बिशपरिकले वार्ड युवा सम्मेलनका योजनाहरूका लागि किला अध्यक्षताको स्वीकृति प्राप्त गर्छन् ।

अगुवाहरू र युवाहरूले युवा सम्मेलनको योजना निर्माण गर्दा तिनीहरूले यस अध्यायका नीतिहरू र निम्न मार्गनिर्देशनहरू पालना गर्नुपर्छ:

• चर्चको वार्षिक युवाहरूको विषयवस्तुलाई सम्मेलनको विषयवस्तुका रूपमा प्रयोग गर्न सकिन्छ ।

• विषयवस्तुसँग मेल खाने क्रियाकलापहरू योजना गर्नुहोस् ।

• सबै वक्ताहरू र क्रियाकलापहरूका लागि बिशपरिक वा किला अध्यक्षताको स्वीकृति प्राप्त गर्नुहोस् ।

• हरेक समय पर्याप्त वयस्क पर्यवेक्षण रहेको सुनिश्चित गर्नुहोस् (हेर्नुहोस् २०.७.१) ।

२०.५

क्रियाकलापहरू छनोट र योजनाका लागि नीति र मार्गदर्शनहरू

२०.५.१

व्यापारिक वा राजनीतिक क्रियाकलापहरू

कुनै पनि व्यावसायिक वा राजनीतिक उद्देश्यका लागि आयोजना गरिने क्रियाकलापहरूलाई अनुमति छैन (हेर्नुहोस् ३५.५.२) ।

२०.५.२

नृत्य र सङ्गीत

सबै नृत्यहरूमा, पहिरन, सौन्दर्य, प्रकाश, नृत्य शैली, शब्द र सङ्गीतले परमप्रभुको आत्मा उपस्थित हुन सक्ने वातावरणमा योगदान गर्नुपर्छ ।

२०.५.३

सोमबारका साँझहरू

सदस्यहरूलाई सोमबार वा अन्य समयमा पारिवारिक क्रियाकलापहरू आयोजना गर्न प्रोत्साहन गरिन्छ । सोमबारको दिन चर्चका कुनै पनि क्रियाकलापहरू, सभाहरू वा बप्तिस्मा सेवाहरू ६:०० बजे पछि आयोजना गरिनु हुँदैन ।

२०.५.५

रातभरका क्रियाकलापहरू

युवा र युवतीहरूको संयुक्त समूहहरूमा चर्चमा गरिने रातभरका क्रियाकलापहरू बिशप र किला अध्यक्षद्वारा अनुमोदित हुनुपर्छ । पुरुष र महिला एकल सदस्यहरूका लागि क्रियाकलापहरूका लागि पनि उस्तै प्रक्रिया छ ।

चर्चका सभागृह वा सभागृहहरूका मैदानहरूमा रातभरि गरिने चर्चका क्रियाकलापहरू अनुमोदन गरिंदैनन् ।

२०.५.८

विश्रामको दिनको पालना

कुनै पनि चर्च शिविर, खेलकुद कार्यक्रमहरू वा मनोरञ्जनका कार्यक्रमहरू आइतबार तय गरिनु हुँदैन । न त युवा समूहहरू र अरूहरूले आइतबारका शिविर वा युवा सम्मेलनहरूमा जाने वा यात्रा गर्नु नै हुन्छ ।

२०.५.१०

मन्दिर भ्रमणहरू

नियुक्त गरिएका मन्दिर जिल्ला भित्र वार्ड वा किला स्तरमा मन्दिरका भ्रमणहरू आयोजना गरिन्छ ।

२०.६

क्रियाकलापहरूका लागि लागतका नीति र मार्गदर्शनहरू

२०.६.१

वार्ड वा किला बजेट कोषबाट भुक्तानी गरिएका क्रियाकलापहरू

वार्ड वा किलाका बजेटका कोषहरू सबै क्रियाकलापहरूका लागि प्रयोग गरिनु पर्छ— २०.६.२मा सूचीवद्ध सम्भावित अपवादहरू बाहेक ।

२०.६.२

युवा शिविरहरूका लागि कोष

यदि वार्ड वा किलाको बजेटमा निम्न सूचीवद्ध क्रियाकलापहरूका लागि पर्याप्त रकम छैन भने, अगुवाहरूले सहभागीहरूलाई केही अंश वा सबै तिर्नका लागि अनुरोध गर्न सक्छन्:

• वार्षिक एक पटक विस्तारित एरोनिक पादरित्व शिविर वा समान क्रियाकलाप ।

• वार्षिक एक पटक विस्तारित युवती शिविर वा समान क्रियाकलाप ।

• ८ देखि ११ सम्मका प्राथमिक बालबालिकाहरूका लागि वर्षको एक दिनको शिविर वा यस्तै क्रियाकलाप ।

वार्षिक शिविरका लागि खर्च वा यात्रा अवधि अत्यधिक हुनु हुँदैन । व्यक्तिगत लागतको कमीका कारण सदस्यलाई सहभागी हुनबाट वञ्चित गरिनु हुँदैन ।

२०.६.३

एफ. एस. वाइ. सम्मेलनहरूका लागि कोष

युवाहरूका लागि शक्ति (एफ. एस. वाइ.) सम्मेलनहरूमा सहभागी हुनका लागि युवाहरूलाई शुल्क योगदान गर्नका लागि आग्रह गर्न सकिन्छ । यदि लागतले युवाहरूलाई सहभागी हुनबाट रोक्छ भने, बिशपले यो शुल्कको सबै वा केही अंश तिर्न वार्डको बजेट कोषको प्रयोग गर्न सक्छन् । हेर्नुहोस् FSY.ChurchofJesusChrist.org.

२०.६.५

कोष सङ्कलन गर्ने कार्यक्रमहरू

किला र वार्डका क्रियाकलापहरूका लागि खर्च सामान्यतया बजेट कोषबाट भुक्तानी गरिन्छ । यद्यपि, कुनै किला अध्यक्ष वा बिशपले प्रत्येक वर्ष निम्न उद्देश्यहरूका लागि मात्रै वर्षमा एक पटक कोष सङ्कलन कार्यक्रमका लागि अधिकार दिन सक्छ:

• २०.६.२ मा सूचीवद्ध क्रियाकलापहरूका लागि भुक्तानी सहयोग गर्नका लागि ।

• वार्षिक शिविरका लागि आवश्यक पर्ने उपकरणहरू किन्न एकाइलाई सहयोग गर्न ।

२०.७

क्रियाकलापहरूका लागि सुरक्षा नीतिहरू र मार्गदर्शनहरू

२०.७.१

वयस्क पर्यवेक्षण

बालबालिका र युवाहरू सहभागी हुने चर्चका सबै क्रियाकलापहरूमा कम्तिमा दुई वयस्कहरू उपस्थित हुनुपर्छ । समूहको आकार, क्रियाकलापका लागि आवश्यक सीप वा अन्य कारकहरूका आधारमा थप वयस्कहरूको आवश्यकता हुन सक्छ । अभिभावकहरूलाई सहयोग गर्नका लागि प्रोत्साहन गरिन्छ ।

बालबालिका र युवाहरूसँग कार्य गर्ने सबैले बालबालिका र युवा सुरक्षा प्रशिक्षण पूरा गर्नुपर्छ । हेर्नुहोस् ProtectingChildren.ChurchofJesusChrist.org.

२०.७.२

युवा क्रियाकलापहरूमा सहभागी हुनका लागि उमेरको आवश्यकताहरू

आफ्ना अभिभाकको स्वीकृतिमा, युवाहरूले जनवरीमा सुरू हुने १२ वर्ष पूरा गरेको वर्षको रातभरका शिविरहरूमा सहभागी हुन सक्छन् । तिनीहरू १४ वर्ष पुगेको वर्षको जनवरीदेखि सुरू हुने नृत्य, युवा सम्मेलन र एफ. एस. वाइ. सम्मेलनहरूमा सहभागी हुन सक्छन् ।

२०.७.४

अभिभावकीय अनुमति

बालबालिका र युवाहरूले आफ्ना अभिभावक वा संरक्षकहरूको अनुमति बिना चर्चका क्रियाकलापमा सहभागी हुन सक्दैनन् । रातभरको बसाइ, लामो यात्रा वा सामान्य जोखिम भन्दा बढी समावेश हुने चर्चका क्रियाकलापहरूका लागि, लिखित सहमति आवश्यक छ ।

अभिभावकहरू र संरक्षकहरूले अनुमति र मेडिकल रिलिज फारममा हस्ताक्षर गरेर यो सहमति दिन्छन् ।

२०.७.५

दुर्व्यवहारका प्रतिवेदनहरू

चर्चका क्रियाकलापको समयमा हुने कुनै पनि दुर्व्यवहारका सम्बन्धमा सरकारी अधिकारीहरूलाई जानकारी गर्नुपर्छ । बिशपलाई तत्कालै सम्पर्क गरिनु पर्छ । सदस्यहरूका लागि निर्देशनहरू ३८.६.२.७मा छन् । बिशपहरूका लागि निर्देशनहरू ३८.६.२.१मा छन् ।

२०.७.६

सुरक्षा सावधानी, दुर्घटनामा प्रतिक्रिया र दुर्घटनाको प्रतिवेदन

२०.७.६.१

सुरक्षा सावधानीहरू

अगुवा र सहभागीहरूले चोटपटक वा रोगको न्यूनतम जोखिम सुनिश्चित गर्न क्रियाकलापहरूको सम्वेदनशील भएर मूल्याङ्कन गर्छन् । क्रियाकलापहरूमा सम्पत्तिको क्षतिको न्यूनतम जोखिम पनि समावेश हुनुपर्छ । क्रियाकलापहरूको समयमा अगुवाहरूले सुरक्षा सुनिश्चित गर्न हर प्रयास गर्छन् ।

२०.७.६.२

दुर्घटना प्रतिक्रिया

यदि चर्चका सम्पत्तिमा वा चर्चको क्रियाकलापका क्रममा दुर्घटना वा चोटपटक लाग्यो भने अगुवाहरूले निम्न मार्गदर्शनहरू पालना गर्छन्:

• प्राथमिक उपचार प्रदान गर्नुहोस् । यदि कुनै व्यक्तिलाई थप चिकित्सा सहयोग आवश्यक छ भने, आपतकालीन चिकित्सा सेवाहरूलाई सम्पर्क गर्नुहोस् । अभिभावक, संरक्षक वा अन्य नातेदार र बिशप वा किला अध्यक्षलाई पनि सम्पर्क गर्नुहोस् ।

• यदि कोही बेपत्ता भयो वा कसैको मृत्यु भयो भने, तुरुन्तै स्थानीय कानुन कार्यान्वयनलाई सूचित गर्नुहोस् ।

• संवेगात्मक समर्थन प्रदान गर्नुहोस् ।

• कानुनी कारबाहीलाई प्रोत्साहन वा निरुत्साहन नगर्नुहोस् । चर्चका तर्फबाट कुनै प्रतिवद्धताहरू नगर्नुहोस् ।

• साक्षीहरूका नाम, तिनीहरूको सम्पर्क जानकारी, घटेको घटनाका विवरणहरू र फोटोहरू सङ्कलन गर्नुहोस् र राख्नुहोस् ।

• दुर्घटनाको जानकारी गराउनुहोस् (हेर्नुहोस् २०.७.६.३) ।

२०.७.६.३

दुर्घटना जानकारी गराउने

निम्न अवस्थाहरूलाई अनलाइनमा अभिलेख गराउनु पर्छ incidents.ChurchofJesusChrist.org.

• दुर्घटना वा चोटपटक चर्चपरिसरमा वा चर्चका क्रियाकलापको समयमा हुन्छ ।

• चर्चका क्रियाकलापमा सहभागी भइरहेको कुनै व्यक्ति हराएको छ ।

• चर्चका क्रियाकलापको समयमा निजी, सार्वजनिक वा चर्चको सम्पत्ति क्षतिग्रस्त हुन्छ ।

• कानूनी कारबाही धम्कीपूर्ण वा अपेक्षित छ ।

यदि कुनै घटनाले गम्भीर चोटपटक, मृत्यु वा व्यक्ति हराउने जस्ता परिणाम दिन्छ भने किला अध्यक्ष, बिशप वा सदस्यले तत्कालै इलाका कार्यालयलाई सूचित गर्छन् ।

२०.७.६.४

बीमा र प्रश्नहरू

यदि चर्चको कार्यक्रमको समयमा चोटपटक लागेको छ भने, अगुवाहरूले चर्चका क्रियाकलापमा चिकित्सा सहायता कार्यक्रम लागू हुन्छ कि हुँदैन भनेर निर्धारण गर्छन् ।

कुनै अवस्थाहरूमा किला अध्यक्ष वा बिशपसँग सुरक्षाका विषयहरू वा चर्च विरुद्धका दावीहरूका सम्बन्धमा प्रश्नहरू हुन सक्छन् । किला अध्यक्ष (वा उनको निर्देशन अन्तर्गत कुनै बिशप) ले जोखिम व्यवस्थापन विभाग वा क्षेत्रीय कार्यालयमा यस्ता प्रश्नहरू बुझाउँछन् ।

२०.७.७

यात्रा

चर्चका क्रियाकलापहरूका लागि गरिने यात्रा विशप वा किला अध्यक्षद्वारा अनुमोदन गरिनु पर्छ । यो यात्राले सदस्यहरूलाई अनावश्यक बोझ दिनु हुँदैन । क्रियाकलापहरूका लागि लामो दूरीको यात्रा निरुत्साहित गरिन्छ ।

सम्भव हुँदासम्म चर्चका समूहहरूले लामो दूरीको यात्राका लागि व्यावसायिक यातायात प्रयोग गर्नुपर्छ । यो दायित्व बीमाद्वारा इजाजतपत्र प्राप्त र सुरक्षित हुनुपर्छ ।

जब चर्चका समूहहरू निजी यात्री सवारी साधनहरूमा यात्रा गर्छन्, प्रत्येक सवारी साधन सुरक्षित रूपमा सञ्चालन गर्न सक्ने अवस्थामा हुनुपर्छ । प्रत्येक व्यक्तिले सिट बेल्ट प्रयोग गर्नुपर्छ । प्रत्येक चालक इजाजतपत्र प्राप्त, जिम्मेवार वयस्क हुनुपर्छ ।