21.

Doadoahk en Papah

21.0

Kapehse

Doadoahhk en papah wehwehki papah mehteikan duwehte me Sounkomouro ketin wiahier (kilang Madiu 20:26-28).

Kauno ketin kupwuriki koaros memper kan en Sapwellime Mwomwohdiso en iang alehdi soangen papah wet. Iei kahrepe wet, koaros me kolokol prihsduhd kan kin wia soun papah kei ong ehu ehu ihmw. Soun papah lih akan kin pwukoahki emen lih.

21.1

Pwukoah kan en Lih oh Ohl akan me wia Soun Papah

Soun Papah lih oh ohl akan ahneki soangen pwukoah pwukat ong emen aramas oh peneinei kan me re kileldieng:

• Sewese irail en kakehlaka arail pwoson Samatail Nanleng oh Sises Krais.

• Sewese irail en kaunopada oh wia oh kolokol inou sarawi kan ong Koht ni arail pahn wiahda tiahk sarawi kan.

• Kasawiada anahn akan oh kasalehda limpoak en Krais, apwahpwalih, oh kin papah.

• Sewese irail en pein utohrala ni palingehn oh paliwar.

21.2

Koasoanepen Doadoahk en Papah

21.2.1

Wiahda Kepwukoah kan

Pwihn en kuohrumw en elder kan oh Pwihn en Sawas en Lih kan kin kapakapki oh koasoanehdi assignment kan ong papah riatail akan. Irail kin koasoanehdi ohl riemen de lih riemen en wia ehu nan doadoahk wet. Irail kin alehdi mweimwei sang pisop ong soun papah kan oh arail pwukoah kan.

Pwopwoud ehu kak kin wia doadoahk en papah emen aramas de peneinei ehu.

Irail akan me kin wia doadoahk en papah sohte kin ale malipilip, utuhtda, de pil kasarawihla.

21.2.2

Pwukoahn Doadoahk en Papah ong me Pwulopwul kan

Serepein me pwulopwul men kak iangih emen lih sang Pwihn en Sawas en Lih ansou me serepein pwulopwulo men wia oh kak wia. E kak tepida nan pahr me e pahn lel sounpar 14.

Pwutak pwulopwul men kak iang emen me kolokol Melkisedek Prihsduhd ni ansou me e kasarawiongehr ohpis en sounpadahk de prihs men.

21.3

Peidek kan ong Doadoahk en Papah

Preseden en kuohrumw en elder kan oh nah sounsawas akan kin kapeidahkih mwahnakapw akan me pahn wia doadoahk en papah. Preseden en Pwihn en Sawas en Lih oh nah sounsawas akan kin kapeidahki irail akan me kin wia doadoahk en papah.

Ansou en kapeidak pwukat kin wiawi pak ehu nan ehu quarter.

Kahrepe kan iei:

• Irail pahn kin sawaski duwen kehlail kan, anahn akan, oh kahpwal akan me re kin diaredi rehn aramaso de nan peneinei kan me re pwukoahki.

• Kosoia ahl akan me kak sewese aramas kan en kak kounopada pwe en alehdi tiahk sarawi kan ma mie anahnepe.

• Medewe ia mwomwen kuohrumw en elder, Pwihn en Sawas en Lih, kaunsel en ward, oh mehteikan arail kak sawas.

• Kaskuhlih oh kangoange riatail ohl oh lih akan nan doadoahk en papah.

21.4

Koasoanehdi duwen Wiepe kan en Doadoahk en Papah

Pwihn en Sawas en Lih oh pwihn en elder kuohrumw kan kin tuhpene nan ehu quarter. Irail kin pwurehng kosoiapene dahme irail kasukuhlkiher nan ansoun kapeidak ko (kilang 21.3). Irail pil kin koasoane duwen pwukoah kan en doadoahk en papah.

Nan kisin unit ehu me malaulau me kin nananti, Pwihn en Sawas en Lih oh presedensi en kuohrumw en elder kan kak koasoanehdi irail en dehr kapwukoahki soun wia doadoahk en papah kan ong ekei memper kan.