21.

Veiqaravi

21.0

Ai Vakamacala Taumada

Na veiqaravi e kena ibalebale na nodra qaravi na tani me vaka a vakayacora na iVakabula (raica na Maciu 20:26–28).

E vinakata na Turaga kivei ira na lewe ni Nona Lotu mera ciqoma na veikaroni vakaoqo. Ena vuku ni ka oqo, o ira na lewe ni matabete era sa lesi mera tagane dauveiqaravi ki na veimatavuvale ni lewenilotu yadua. Era lesi na marama dauveiqaravi vei ira na marama uabula yadua.

21.1

Nodra iTavi na Marama kei na Turaga Dauveiqaravi

O ira na marama dauveiqaravi kei ira na turaga sa nodra itavi oqo me baleta na tamata yadua kei na matavuvale era sa lesi kina:

• Vukei ira na mera vaqaqacotaka na nodra vakabauta na Tamada Vakalomalagi kei Jisu Karisito.

• Vukei ira mera vakavakarau mera cakava ka maroroya na veiyalayalati tabu vata kei na Kalou ni ra ciqoma na cakacaka vakalotu.

• Kila na ka e gadrevi ka vakarautaka na loloma, veikauwaitaki, kei na veiqaravi va-Karisito.

• Vukei ira mera bula rawati ira vakayalo ka vakayago.

21.2

Tauyavutaki ni Veiqaravi

21.2.1

Vakayacori na Veilesi

Eratou na dau masulaka na mataveiliutaki ni kuoramu ni italatala qase kei na iSoqosoqo ni Veivukei na nodra ilesilesi na turaga kei na marama dauveiqaravi. Era dau lesia e rua na turaga se rua na marama me rau veitokani. Era na vakasaqara na veivakadonui ni bisopi ena veitokani kei ilesilesi ni veiqaravi.

E rawa ni lesi e dua na veiwatini me rau veiqaravi vata vua e dua na tamata se matavuvale.

O ira na tagane kei na yalewa dauveiqaravi era sega ni kacivi, tokoni, se vakatikori.

21.2.2

iLesilesi ni Veiqaravi vei ira na iTabagone

E rawa ni veiqaravi e dua na goneyalewa me dua na itokani dauveiqaravi vua e dua na marama ni iSoqosoqo ni Veivukei ena nona sa tuvakarau ka rawata na goneyalewa. Sa rawa ni tekivu me veiqaravi o koya ena yabaki me sa na yabaki 14 kina.

Sa na itokani vakadauveiqaravi e dua na cauravou vua e dua na Matabete i Melikiseteki ena gauna sa tabaki kina ki na itutu vakaivakavuvuli se bete.

21.3

Veivakatarogi ni Veiqaravi

Eratou vakatarogi ira na turaga dauveiqaravi o peresitedi ni kuoramu ni italatala qase kei rau na nona daunivakasala. Na peresitedi ni iSoqosoqo ni Veivukei kei rau na nona daunivakasala eratou vakatarogi ira na marama dauveiqaravi.

Na veivakatarogi oqo e dau vakayacori vakadua ena veivulatolu kevaka e lailai.

Na nodra inaki mera:

• Veivakasalataki me baleta na nodra kaukauwa, nodra gagadre, kei na bolebole ni tamata yadua kei na matavuvale.

• Veivosakitaka na sala mera vukei kina na tamata mera vakavakarau ki na nodra ciqoma na cakacaka vakalotu kevaka e gadrevi.

• Vakasamataka na sala mera veivuke kina na kuoramu ni italatala qase, iSoqosoqo ni Veivukei, matabose ni tabanalevu, kei ira tale eso.

• Vakavulici ka vakayaloqaqataki ira na turaga kei na marama dauveiqaravi.

21.4

Yadrava na Sasaga ni Veiqaravi

Era na soqoni vata vakavulatolu ke lailai na mataveiliutaki ni iSoqosoqo ni Veivukei kei na italatala qase. Era na railesuva na veika era sa vulica ena veivakatarogi ni veiqaravi (raica na 21.3). Era na vakarautaka talega na ilesilesi ni veiqaravi.

Ena veitabanilotu ka vica wale na lewena era bulabula tiko vakalotu, e rawa ni ratou lewa na mataveiliutaki ni iSoqosoqo ni Veivukei kei na kuoramu ni italatala qase mera kua ni lesi ruarua na dauveiqaravi marama kei na turaga vei ira eso na lewenilotu.