mwaane a tabeka te atibu

21.

Mwakuri n Ibuobuoki

21.0

Kabwarabwaraana

Te mwakuri n ibuobuoki bon te beku ibukiia tabeman n aron are e karaoia te Tia Kamaiu (taraa Mataio 20:26–28).

Nanon te Uea ibukiia membwa ni kabane n Ana Ekaretia bwa a na karekea te aeka n tararua anne. Ao ibukin aei, naake iai irouia te nakoanibonga a katabeaki bwa taari n ibuobuoki nakoia kaain te mwengaia n tatabemaniia. A katabeaki aine n ibuobuoki nakon temanna te aine ae e ikawai.

21.1

Tabeia Aine ao Taari n Ibuobuoki

Iai tabeia aine ao taari n ibuobuoki ibukiia aomata n tatabemania ao utu n aron aikai:

• Buokiia ni kakorakorai aia onimaki iroun Tamara are i Karawa ao Iesu Kristo.

• Buokiia ni katauraoia ni karaoi ao ni kawakin berita aika tabu ma te Atua ngkana a karekei otenanti.

• Atai kainnanoia ao ni karekea ana tangira, ana tabeaianga, ao ana mwakuri n ibuobuoki Kristo.

• Buokiia bwa a na riki n toronibwai n tamneia ao n rabwataia.

21.2

Barongakin te Mwakuri n Ibuobuoki

21.2.1

Babairean Mwioko

Te kooram n unimwaane ao te beretitentii n te Bootaki n Aine a tataroakin mwakuri ibukiia taari ao aine n ibuobuoki. E bwainaki ae a mwiokoia uoman taari ke uoman aine bwa a na ikatoatoa. A na karekea ana kariaia te bitiobi ibukin te ikatoatoa n te mwakuri n ibuobuoki ao tabeia.

A kona taanga ae a tia ni mare ni mwiokoaki bwa a na uaia n ibuobuoki nakon te aomata ke te utu anne.

Titita ao taari aika a ibuobuoki aki weteaki, kamatoaki, ke ni katabuaki.

21.2.2

Tabeia Kairake n te Mwakuri n Ibuobuoki

E kona te ataeinnaine ni beku bwa te tia katoataoa n te mwakuri n ibuobuoki nakon te titita n te Bootaki n Aine ngkana iai nanon ao a na kona te ataeinnaine anne. E kona ni moana ana mwakuri n te ririki are e koro iai 14.

Te ataeinimwaane e beku bwa te tia katoataoa n te mwakuri n ibuobuoki nakon are iai irouna te nakoanibonga ae te merekitereka ngke e katabuaki nakon te nakoa n tia reirei ke n ibonga.

21.3

Intawiu n te Mwakuri n Ibuobuoki

Te beretitenti n te kooram n unimwaane ao a na kauntira a na intawiuniia taari n ibuobuoki. Te beretitenti n te Bootaki n Aine ao ana kauntira ana intawiuniia titita n ibuobuoki.

A karaoaki intawiu aikai teuana te tai ni katoa kuata.

Aia kantaninga a na:

• Marooro iaon taekan te korakora, taian kainano, ao kakaewenako irouiia n tatabemaniia ao utu.

• Maroroakin kawai ni buokiia aomata ni karekei aia otenanti ngkana e kainnanoaki.

• Iangoia bwa a na kanga kaain te kooram ni unimwaane, Bootaki n Aine, kauntira n te uoote, ao tabeman n ibuobuoki.

• Reireiniia ao kaungaiia taari ao titita n ibuobuoki.

21.4

Barongakin Mwakuri n Ibuobuoki

Te beretitentii n te Bootaki n Aine ao te kooram n unimwaane a na bootaki ni katoa kuata. A rinanon te bwai ae a tia n reiakinna man intawiu n te mwakuri n ibuobuoki (taraa 21.3). A barongai naba katabeaki n te mwakuri n ibuobuoki.

Inanon iunite ma tabeman kaaina aika a kakaonimaki, te beretitentii n te Bootaki n Aine ao te kooram n unimwaane a kona n aki anganiia titita n ibuobuoki ao taari n ibuobuoki nakoia tabeman membwa.