23.

Pagpakigbahin sa Ebanghelyo ug Pagpalig-on sa Bag-o ug Mibalik nga mga Miyembro

23.0

Pasiuna

Ang pagdapit sa tanan nga modawat sa ebanghelyo kabahin sa buhat sa Dios sa kaluwasan ug kahimayaan (tan-awa sa 1.2 niini nga tamdanan nga basahon; Mateo 28:19–20). Kini naglakip sa:

• Pag-apil sa misyonaryo nga buhat ug pagserbisyo isip mga misyonaryo.

• Pagtabang sa bag-o ug mibalik nga mga miyembro sa Simbahan nga mouswag subay sa dalan sa pakigsaad.

23.1

Pagpaambit sa Ebanghelyo

New Guidelines to Help Members and Missionaries Gather Israel

Some guiding principles to improve the coordination of efforts by members and missionaries to gather Israel have been developed by the Church. The effort is called Love, Share, and Invite.

23.1.1

Gugma

Ang usa ka paagi nga atong mapakita ang atong gugma alang sa Dios mao ang paghigugma ug pagserbisyo sa Iyang mga anak (tan-awa sa Mateo 22:36–39; 25:40). Maningkamot kita sa paghigugma ug pagserbisyo sama ni Jesukristo. Kini nga gugma nagdasig nato sa pagtabang sa mga tawo sa tanang relihiyon, kaliwatan, ug kultura (tan-awa sa Mga Buhat 10:34; 2 Nephi 26:33).

23.1.2

Pagpaambit

Tungod kay gihigugma nato ang Dios ug ang Iyang mga anak, kita natural nga gustong mopaambit sa mga panalangin nga Iyang gihatag kanato (tan-awa sa Juan 13:34–35) ug motabang sa pagpundok sa Israel. Magtinguha kita sa pagtabang sa mga tawo nga mobati sa hingpit nga kalipay nga atong gibati (tan-awa sa Alma 36:24). Dayag kitang mosulti bahin sa Manluluwas ug sa Iyang impluwensiya sa atong mga kinabuhi (tan-awa sa Doktrina ug mga Pakigsaad 60:2 Kita mopaambit niining mga butanga sa normal ug sa natural nga mga paagi isip kabahin sa personal, online, ug sa ubang mga inter-aksiyon.

23.1.3

Pagdapit

Mag-ampo kita alang sa inspirasyon ug giya kon unsaon sa pagdapit sa uban sa:

• Pagduol ug pagtan-aw sa mga panalangin nga anaa pinaagi ni Jesukristo, sa Iyang ebanghelyo, ug sa Iyang Simbahan (tan-awa sa Juan 1:37–39, 45–46).

• Pagduol ug pagtabang kanato sa pagserbisyo sa mga tawo nga nanginahanglan.

• Pagduol ug pagpasakop sa gipahiuli nga Simbahan ni Jesukristo.

Inviting Others to "Come and See"

People like being included. They just need to be invited. This video shows how invitations to "come and see" can be just a normal and natural part of everyday life for members of the Church of Jesus Christ of Latter-day Saints.

Inviting Others to "Come and Help"

People want to help; often all they need is an invitation. This video depicts the ease of inviting people to lend a helping hand in church-related service opportunities for The Church of Jesus Christ of Latter-day Saints.

Inviting Others to "Come and Stay"

When people feel welcome at church, they'll naturally want to stay. This video for the Church of Jesus Christ of Latter-day Saints shows normal and natural ways to help visitors feel at home when they come to church for the first time.

Kasagaran, ang pagdapit yano nga nagpasabot sa paglakip sa atong pamilya, mga higala, ug mga silingan sa unsay gibuhat na nato.

23.2

Pagpalig-on sa Bag-ong mga Miyembro

Ang matag bag-ong miyembro nagkinahanglan og panaghigala, mga oportunidad sa pagserbisyo, ug espirituwal nga pag-amuma. Isip mga miyembro sa Simbahan, kita mohatag sa bag-ong mga miyembro sa atong gugma ug suporta (tan-awa sa Mosiah 18:8–10). Kita motabang kanila nga mobati nga nahisakop sa Simbahan. Kita motabang kanila nga mouswag subay sa dalan sa pakigsaad ug mahimong mas lig-on nga “nakabig ngadto sa Ginoo” (Alma 23:6).

23.3

Pagpalig-on sa Mibalik nga mga Miyembro

Ang pipila ka miyembro mipili sa paghunong sa pag-apil sa Simbahan. “Ngadto kanila,” miingon ang Manluluwas, “kamo magpadayon sa pag-alagad; kay kamo wala masay[o]d kanus-a sila mobalik ug mohinulsol, ug moduol ngari kanako uban sa hingpit nga katuyoan sa kasingkasing, ug Ako moayo kanila; ug kamo mao ang hinungdan sa pagdala og kaluwasan ngadto kanila” (3 Nephi 18:32).

Ang mga miyembro kinsa wala moapil sa hingpit tingali mas mobalik kon sila adunay lig-on nga mga relasyon uban sa mga miyembro sa Simbahan. Sama sa bag-ong mga miyembro, sila kinahanglan og panaghigala, mga oportunidad sa pagserbisyo, ug espirituwal nga pag-amuma.

23.4

Mga Lider sa Stake

23.4.1

Kapangulohan sa Stake

Ang presidente sa stake naghupot sa mga yawe diha sa stake alang sa pagpakigbahin sa ebanghelyo ug pagpalig-on sa bag-o ug mibalik nga mga miyembro. Siya ug ang iyang mga magtatambag mohatag sa kinatibuk-ang direksyon alang niini nga mga paningkamot.

Kasagaran kada bulan, ang presidente sa stake makigkita sa presidente sa misyon sa pagpakigsabot sa mga paningkamot tali sa mga lider sa stake ug ward ug sa mga full-time nga mga misyonaryo.

23.4.3

Mga High Councilor

Ang kapangulohan sa stake mahimong mosangon og mga high councilor sa pagtudlo ug pagsuporta sa mga kapangulohan sa korum sa mga elder ug sa mga lider sa misyon sa ward. Usa o daghang high councilor mahimong sangonan sa pagpangulo niini nga mga paningkamot. Hinoon, ang tanang high councilor aduna niini nga mga responsibilidad alang sa mga ward ug mga korum diin sila gisangonan.

23.4.4

Kapangulohan sa Relief Society sa Stake

Ubos sa direksyon sa presidente sa stake, ang kapangulohan sa Relief Society sa stake motudlo ug mosuporta sa mga kapangulohan sa Relief Society sa ward sa ilang mga responsibilidad sa pagpaambit sa ebanghelyo ug pagpalig-on sa bag-o ug mibalik nga mga miyembro.

23.5

Mga Lider sa Ward

23.5.1

Bishopric

Ang bishopric makigsabot sa mga kapangulohan sa korum sa mga elder ug sa Relief Society samtang sila mangulo sa mga paningkamot sa ward sa pagpakigbahin sa ebanghelyo ug sa pagpalig-on sa bag-o ug mibalik nga mga miyembro. Kini nga mga lider magtinambagay kanunay.

Ang bishopric moseguro nga kini nga mga paningkamot nahisgotan ug nasabotan diha sa mga miting sa konseho sa ward ug sa konseho sa kabatan-onan sa ward.

Ang bishop mointerbiyo sa bag-ong mga miyembro sa tukma nga edad alang sa rekomend sa templo aron sa pagpahigayon og puli nga mga bunyag ug mga kumpirmasyon (tan-awa sa 26.4.2 Siya usab mointerbiyo sa kaigsoonan sa tukma nga edad sa pagdawat sa Aaronic nga Pagkapari. Siya sa kasagaran mopahigayon niini nga mga interbiyo sulod sa semana sa kompirmasyon sa miyembro.

23.5.2

Mga Kapangulohan sa Korum sa mga Elder ug Relief Society

Ang mga kapangulohan sa korum sa mga elder ug Relief Society mangulo sa inadlaw-adlaw nga mga paningkamot sa pagpaambit sa ebanghelyo ug sa paglig-on sa bag-o ug mibalik nga mga miyembro (tan-awa sa 8.2.3 ug 9.2.3).

Kini nga mga lider aduna sa mosunod nga mga responsibilidad:

• Motabang sa pagdasig sa mga miyembro sa paghigugma sa mga anak sa Dios, sa pagpakigbahin sa ebanghelyo, ug sa pagdapit sa uban nga modawat sa mga panalangin sa Manluluwas.

• Mosangon sa tigpangalagad nga mga igsoong lalaki ug mga igsoong babaye ngadto sa bag-o ug mibalik nga mga miyembro (tan-awa sa 21.2.1

• Mangulo sa buhat sa lider sa misyon sa ward.

Ang presidente sa korum sa mga elder ug ang presidente sa Relief Society ang matag usa mosangon sa usa ka sakop sa kapangulohan sa pagtabang nga mangulo niini nga mga paningkamot. Kining duha ka sakop sa kapangulohan magtambayayong. Sila motambong sa sinemana nga mga miting sa pakigsabot (tan-awa sa 23.5.7).

23.5.3

Lider sa Misyon sa Ward

Ang bishop mokonsulta sa presidente sa stake sa pagtino kon motawag ba og lider sa misyon sa ward. Kini nga tawo kinahanglan nga usa ka tighupot sa Melchizedek nga Pagkapari. Kon kini nga lider dili matawag, ang usa ka sakop sa kapangulohan sa korum sa mga elder mohimo niini nga tahas.

Ang lider sa misyon sa ward mosuporta sa kapangulohan sa korum sa mga elder ug kapangulohan sa Relief Society sa ilang misyonaryo nga mga responsibilidad. Siya usab aduna sa mosunod nga mga responsibilidad:

• Makigsabot sa buhat sa mga miyembro ug mga lider sa ward, mga misyonaryo sa ward, ug full-time nga mga misyonaryo.

• Mangulo sa sinemana nga mga miting sa pakigsabot (tan-awa sa 23.5.7

23.5.4

Mga Misyonaryo sa Ward

Ang mga misyonaryo sa ward motabang sa mga miyembro sa ward nga makasinati sa hingpit nga kalipay sa pagpakigbahin sa ebanghelyo sumala sa gihulagway sa 23.1. Sila moserbisyo ubos sa direksyon sa lider sa misyon sa ward o sa sakop sa kapangulohan sa korum sa mga elder kinsa mohimo niini nga tahas.

23.5.5

Konseho sa Ward ug Konseho sa Kabatan-onan sa Ward

Ang pagpakigbahin sa ebanghelyo ug pagpalig-on sa bag-o ug mibalik nga mga miyembro kinahanglang hisgotan kanunay diha sa mga miting sa konseho sa ward. Ang bishop mahimong modapit sa lider sa misyon sa ward nga motambong sa mga miting sa konseho.

Ang mga porma sama sa mosunod makatabang niini nga mga panaghisgotan:

• Rekord sa Pag-uswag sa Misyonaryo.

• Pag-uswag sa Bag-o ug Mibalik nga Miyembro

Sa paghisgot sa mga panginahanglan sa kabatan-onan diha sa ward, ang konseho sa kabatan-onan sa ward mohatag og espesyal nga pagtagad sa bag-o ug mibalik nga mga miyembro ug sa kabatan-onan nga gitudloan sa mga misyonaryo.

23.5.7

Mga Miting sa Pagpakigsabot

Matag semana, ang mubo nga dili pormal nga mga miting himoon aron masabotan ang mga paningkamot sa pagpaambit sa ebanghelyo ug pagpalig-on sa bag-o ug mibalik nga mga miyembro. Kon ang usa ka lider sa misyon sa ward gitawag, siya ang mopahigayon niini nga mga miting. Kon dili, ang mga sakop sa kapangulohan sa korum sa mga elder kinsa mohimo niini nga tahas mao ang mopahigayon.

Ang uban nga dapiton maglakip sa:

• Gisangonan nga mga sakop sa mga kapangulohan sa Relief Society ug sa korum sa mga elder.

• Mga misyonaryo sa ward.

• Usa ka kaabag sa korum sa mga priest (o presidente sa korum sa mga teacher o sa mga deacon kon walay priest diha sa ward).

• Usa ka sakop sa kapangulohan sa labing edaran nga klase sa Young Women.

• Full-time nga mga misyonaryo.

Examples of Weekly Missionary Coordination Meetings

Examples from around the world of weekly missionary coordination meetings.