“23. ການແບ່ງປັນພຣະກິດຕິຄຸນ ແລະ ການເພີ່ມຄວາມເຂັ້ມແຂງໃຫ້ແກ່ສະມາຊິກໃໝ່ ແລະ ສະມາຊິກທີ່ກັບຄືນມາ,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ (2023).
“23. ການແບ່ງປັນພຣະກິດຕິຄຸນ ແລະ ການເພີ່ມຄວາມເຂັ້ມແຂງໃຫ້ແກ່ສະມາຊິກໃໝ່ ແລະ ສະມາຊິກທີ່ກັບຄືນມາ,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ.
23.
ການແບ່ງປັນພຣະກິດຕິຄຸນ ແລະ ການເພີ່ມຄວາມເຂັ້ມແຂງໃຫ້ແກ່ສະມາຊິກໃໝ່ ແລະ ສະມາຊິກທີ່ກັບຄືນມາ
23.0
ຄຳນຳ
ການເຊື້ອເຊີນທຸກຄົນໃຫ້ຮັບເອົາພຣະກິດຕິຄຸນເປັນພາກສ່ວນໜຶ່ງຂອງວຽກງານແຫ່ງຄວາມລອດ ແລະ ຄວາມສູງສົ່ງ. (ເບິ່ງ 1.2 ໃນຄູ່ມືນີ້; ມັດທາຍ 28:19–20). ມັນລວມທັງ:
-
ການມີສ່ວນຮ່ວມໃນວຽກງານເຜີຍແຜ່ ແລະ ການຮັບໃຊ້ເປັນຜູ້ສອນສາດສະໜາ.
-
ການຊ່ວຍສະມາຊິກໃໝ່ຂອງສາດສະໜາຈັກ ແລະ ສະມາຊິກທີ່ກັບຄືນມາ ໃຫ້ກ້າວໜ້າຕາມເສັ້ນທາງແຫ່ງພັນທະສັນຍາ.
23.1
ແບ່ງປັນພຣະກິດຕິຄຸນ
New Guidelines to Help Members and Missionaries Gather Israel
Some guiding principles to improve the coordination of efforts by members and missionaries to gather Israel have been developed by the Church. The effort is called Love, Share, and Invite.
23.1.1
ຮັກ
ວິທີໜຶ່ງທີ່ເຮົາສະແດງຄວາມຮັກຂອງເຮົາຕໍ່ພຣະເຈົ້າຄືໂດຍການຮັກ ແລະ ຮັບໃຊ້ລູກໆຂອງພຣະອົງ (ເບິ່ງ ມັດທາຍ 22:36–39; 25:40). ເຮົາພະຍາຍາມຮັກ ແລະ ຮັບໃຊ້ດັ່ງທີ່ພຣະເຢຊູຄຣິດໄດ້ເຮັດ. ຄວາມຮັກນີ້ດົນໃຈເຮົາໃຫ້ເອື້ອມອອກໄປຫາຜູ້ຄົນໃນທຸກສາດສະໜາ, ທຸກເຊື້ອຊາດ, ແລະ ທຸກວັດທະນະທຳ (ເບິ່ງ ກິດຈະການ 10:34; 2 ນີໄຟ 26:33).
23.1.2
ແບ່ງປັນ
ຍ້ອນວ່າເຮົາຮັກພຣະເຈົ້າ ແລະ ລູກໆຂອງພຣະອົງ, ຕາມທຳມະຊາດແລ້ວ ເຮົາຈຶ່ງຢາກແບ່ງປັນພອນທີ່ພຣະອົງໄດ້ປະທານໃຫ້ເຮົາ (ເບິ່ງ ໂຢຮັນ 13:34–35) ແລະ ຊ່ວຍເຕົ້າໂຮມອິດສະຣາເອນ. ເຮົາສະແຫວງຫາທີ່ຈະຊ່ວຍໃຫ້ຜູ້ຄົນຮູ້ສຶກມີຄວາມຊື່ນຊົມດັ່ງທີ່ເຮົາຮູ້ສຶກ (ເບິ່ງ ແອວມາ 36:24). ເຮົາເວົ້າເຖິງພຣະຜູ້ຊ່ວຍໃຫ້ລອດ ແລະ ອິດທິພົນຂອງພຣະອົງໃນຊີວິດຂອງເຮົາຢ່າງເປີດເຜີຍ (ເບິ່ງ ຄຳສອນ ແລະ ພັນທະສັນຍາ 60:2). ເຮົາແບ່ງປັນສິ່ງເຫລົ່ານີ້ໃນວິທີປົກກະຕິ ແລະ ທຳມະຊາດ ຊຶ່ງເປັນພາກສ່ວນໜຶ່ງໃນການປະຕິສຳພັນສ່ວນຕົວ, ທາງອອນລາຍ, ແລະ ອື່ນໆ.
23.1.3
ເຊື້ອເຊີນ
ເຮົາອະທິຖານເພື່ອການດົນໃຈ ແລະ ການຊີ້ນຳກ່ຽວກັບວິທີເຊື້ອເຊີນໃຫ້ຜູ້ອື່ນ:
-
ມາເບິ່ງພອນທີ່ມີໃຫ້ຜ່ານທາງພຣະເຢຊູຄຣິດ, ພຣະກິດຕິຄຸນຂອງພຣະອົງ, ແລະ ສາດສະໜາຈັກຂອງພຣະອົງ (ເບິ່ງ ໂຢຮັນ 1:37–39, 45–46).
-
ມາຊ່ວຍພວກເຮົາຮັບໃຊ້ຄົນຂັດສົນ.
-
ມາເປັນພາກສ່ວນໃນສາດສະໜາຈັກຂອງພຣະເຢຊູຄຣິດທີ່ຖືກຟື້ນຟູ.
ເຊື້ອເຊີນຄົນອື່ນ "ໃຫ້ມາເບິ່ງເອົາ"
ຜູ້ຄົນຢາກເຂົ້າຮ່ວມ. ເຂົາເຈົ້າພຽງຢາກໄດ້ຮັບການເຊື້ອເຊີນ. ວິດີໂອເລື່ອງນີ້ສາທິດກ່ຽວກັບການເຊື້ອເຊີນ "ໃຫ້ມາເບິ່ງເອົາ" ທີ່ສາມາດເປັນພາກສ່ວນປົກກະຕິ ແລະ ທຳມະດາ ໃນຊີວິດປະຈຳວັນ ສຳລັບສະມາຊິກຂອງສາດສະໜາຈັກຂອງພຣະເຢຊູຄຣິດແຫ່ງໄພ່ພົນຍຸກສຸດທ້າຍ.
ເຊື້ອເຊີນຄົນອື່ນ "ໃຫ້ມາຊ່ວຍເຫລືອ"
ຜູ້ຄົນຢາກຊ່ວຍເຫລືອ; ສ່ວນຫລາຍເຂົາເຈົ້າພຽງຢາກໄດ້ຮັບການເຊື້ອເຊີນ. ວິດີໂອນີ້ສາທິດກ່ຽວກັບການເຊື້ອເຊີນຜູ້ຄົນແບບງ່າຍໆ ເພື່ອໃຫ້ຊ່ວຍເຫລືອ ໃນໂອກາດຮັບໃຊ້ທີກ່ຽວພັນກັບໂບດ ສຳລັບສາດສະໜາຈັກຂອງພຣະເຢຊູຄຣິດແຫ່ງໄພ່ພົນຍຸກສຸດທ້າຍ.
ຊ່ວຍເຫຼືອຄົນ "ໃຫ້ມາຮ່ວມ"
ເມື່ອຜູ້ຄົນຮູ້ສຶກອົບອຸ່ນ, ເຂົາເຈົ້າຈະຢາກມາຮ່ວມ. ວິດີໂອນີ້ສຳລັບສາດສະໜາຈັກຂອງພຣະເຢຊູຄຣິດແຫ່ງໄພ່ພົນຍຸກສຸດທ້າຍ ສະແດງວິທີປົກກະຕິ ທີ່ຈະຊ່ວຍໃຫ້ຜູ້ມາຢ້ຽມຢາມຮູ້ສຶກສະບາຍໃຈ ເວລາເຂົາເຈົ້າມາໂບດເປັນເທື່ອທຳອິດ.
ສ່ວນຫລາຍແລ້ວ, ການເຊື້ອເຊີນພຽງໝາຍເຖິງການລວມຄອບຄົວ, ໝູ່ເພື່ອນ, ແລະ ເພື່ອນບ້ານຂອງເຮົາເຂົ້າໃນສິ່ງທີ່ເຮົາກຳລັງເຮັດ.
23.2
ເພີ່ມຄວາມເຂັ້ມແຂງໃຫ້ແກ່ສະມາຊິກໃໝ່
ສະມາຊິກໃໝ່ແຕ່ລະຄົນຕ້ອງການມິດຕະພາບ, ໂອກາດທີ່ຈະຮັບໃຊ້, ແລະ ການບຳລຸງລ້ຽງທາງວິນຍານ. ໃນຖານະສະມາຊິກຂອງສາດສະໜາຈັກ, ເຮົາໃຫ້ຄວາມຮັກ ແລະ ໃຫ້ການສະໜັບສະໜູນແກ່ສະມາຊິກໃໝ່ (ເບິ່ງ ໂມໄຊຢາ 18:8–10). ເຮົາຊ່ວຍໃຫ້ເຂົາເຈົ້າຮູ້ສຶກເປັນພາກສ່ວນໃນສາດສະໜາຈັກ. ເຮົາຊ່ວຍໃຫ້ເຂົາເຈົ້າກ້າວໜ້າໃນເສັ້ນທາງແຫ່ງພັນທະສັນຍາ ແລະ “ປ່ຽນໃຈເຫລື້ອມໃສໃນພຣະຜູ້ເປັນເຈົ້າ” (ແອວມາ 23:6).
23.3
ເພີ່ມຄວາມເຂັ້ມແຂງໃຫ້ແກ່ສະມາຊິກທີ່ກັບຄືນມາ
ສະມາຊິກບາງຄົນເລືອກບໍ່ມີສ່ວນຮ່ວມໃນສາດສະໜາຈັກ. “ແກ່ຄົນນັ້ນ,” ພຣະຜູ້ຊ່ວຍໃຫ້ລອດໄດ້ກ່າວ, “ຈົ່ງປະຕິບັດສາດສະໜາກິດສະເໝີໄປ; ເພາະເຈົ້າບໍ່ສາມາດຈະຮູ້ໄດ້ວ່າ ເຂົາອາດຈະກັບມາ ແລະ ກັບໃຈຫລືບໍ່, ແລະ ມາຫາເຮົາດ້ວຍຈຸດປະສົງເຕັມທີ່ແຫ່ງໃຈ, ແລະ ເຮົາຈະປິ່ນປົວເຂົາ; ແລະ ເຈົ້າຈະເປັນທາງນຳຄວາມລອດມາສູ່ເຂົາ” (3 ນີໄຟ 18:32).
ສະມາຊິກທີ່ບໍ່ໄດ້ມີສ່ວນຮ່ວມ ມີແນວໂນ້ມທີ່ຈະກັບມາຫລາຍຂຶ້ນ ຖ້າຫາກເຂົາເຈົ້າມີຄວາມສຳພັນແໜ້ນແຟ້ນກວ່າກັບສະມາຊິກຂອງສາດສະໜາຈັກ. ເຊັ່ນດຽວກັບສະມາຊິກໃໝ່, ເຂົາເຈົ້າຕ້ອງການມິດຕະພາບ, ໂອກາດທີ່ຈະຮັບໃຊ້, ແລະ ການບຳລຸງລ້ຽງທາງວິນຍານ.
23.4
ຜູ້ນຳສະເຕກ
23.4.1
ຝ່າຍປະທານສະເຕກ
ປະທານສະເຕກດຳລົງຂໍກະແຈໃນສະເຕກ ສຳລັບການແບ່ງປັນພຣະກິດຕິຄຸນ ແລະ ເພີ່ມຄວາມເຂັ້ມແຂງໃຫ້ແກ່ສະມາຊິກໃໝ່ ແລະ ສະມາຊິກທີ່ກັບຄືນມາ. ເພິ່ນ ແລະ ທີ່ປຶກສາຂອງເພິ່ນໃຫ້ການຊີ້ນຳໂດຍລວມສຳລັບຄວາມພະຍາຍາມເຫລົ່ານີ້.
ຕາມປົກກະຕິແລ້ວ, ປະທານສະເຕກພົບກັບປະທານເຜີຍແຜ່ທຸກເດືອນ ເພື່ອປະສານຄວາມພະຍາຍາມລະຫວ່າງຜູ້ນຳສະເຕກ ແລະ ຜູ້ນຳຫວອດ ແລະ ຜູ້ສອນສາດສະໜາເຕັມເວລາ.
23.4.3
ສະມາຊິກສະພາສູງ
ຝ່າຍປະທານສະເຕກອາດມອບໝາຍໃຫ້ສະມາຊິກສະພາສູງແນະນຳ ແລະ ສະໜັບສະໜູນຝ່າຍປະທານກຸ່ມແອວເດີ ແລະ ຜູ້ນຳເຜີຍແຜ່ປະຈຳຫວອດ. ສະມາຊິກສະພາສູງໜຶ່ງຄົນ ຫລື ຫລາຍກວ່ານັ້ນອາດຖືກມອບໝາຍໃຫ້ນຳພາຄວາມພະຍາຍາມນີ້. ເຖິງຢ່າງໃດກໍຕາມ, ສະມາຊິກສະພາສູງທຸກຄົນມີໜ້າທີ່ຮັບຜິດຊອບເຫລົ່ານີ້ສຳລັບຫວອດ ແລະ ກຸ່ມທີ່ພວກເພິ່ນຖືກມອບໝາຍໃຫ້ດູແລ.
23.4.4
ຝ່າຍປະທານສະມາຄົມສະຕີສົງເຄາະສະເຕກ
ພາຍໃຕ້ການຊີ້ນຳຂອງປະທານສະເຕກ, ຝ່າຍປະທານສະມາຄົມສະຕີສົງເຄາະສະເຕກແນະນຳ ແລະ ສະໜັບສະໜູນຝ່າຍປະທານສະມາຄົມສະຕີສົງເຄາະຫວອດ ໃນໜ້າທີ່ຮັບຜິດຊອບຂອງເຂົາເຈົ້າ ສຳລັບການແບ່ງປັນພຣະກິດຕິຄຸນ ແລະ ເພີ່ມຄວາມເຂັ້ມແຂງໃຫ້ແກ່ສະມາຊິກໃໝ່ ແລະ ສະມາຊິກທີ່ກັບຄືນມາ.
23.5
ຜູ້ນຳຫວອດ
23.5.1
ຝ່າຍອະທິການ
ຝ່າຍອະທິການປະສານງານກັບຝ່າຍປະທານກຸ່ມແອວເດີ ແລະ ຝ່າຍປະທານສະມາຄົມສະຕີສົງເຄາະ ຂະນະທີ່ພວກເພິ່ນນຳພາຄວາມພະຍາຍາມຂອງຫວອດ ໃນການແບ່ງປັນພຣະກິດຕິຄຸນ ແລະ ເພີ່ມຄວາມເຂັ້ມແຂງໃຫ້ແກ່ສະມາຊິກໃໝ່ ແລະ ສະມາຊິກທີ່ກັບຄືນມາ. ຜູ້ນຳເຫລົ່ານີ້ປຶກສາຫາລືນຳກັນເປັນປະຈຳ.
ຝ່າຍອະທິການຕ້ອງແນ່ໃຈວ່າ ຄວາມພະຍາຍາມເຫລົ່ານີ້ໄດ້ຖືກສົນທະນາ ແລະ ປະສານງານ ໃນການປະຊຸມສະພາຫວອດ ແລະ ສະພາຊາວໜຸ່ມຫວອດ.
ອະທິການສຳພາດສະມາຊິກໃໝ່ຜູ້ມີອາຍຸເໝາະສົມ ສຳລັບໃບຮັບຮອງເຂົ້າພຣະວິຫານ ເພື່ອເປັນຜູ້ກະທຳການບັບຕິສະມາ ແລະ ການຢືນຢັນແທນ (ເບິ່ງ 26.4.2). ເພິ່ນກໍຍັງສຳພາດອ້າຍນ້ອງທີ່ມີອາຍຸເໝາະສົມ ເພື່ອຮັບຖານະປະໂລຫິດແຫ່ງອາໂຣນເຊັ່ນກັນ. ຕາມປົກກະຕິແລ້ວ ເພິ່ນຈະທຳການສຳພາດເຫລົ່ານີ້ພາຍໃນອາທິດທີ່ສະມາຊິກໄດ້ຮັບການຢືນຢັນ.
23.5.2
ຝ່າຍປະທານກຸ່ມແອວເດີ ແລະ ຝ່າຍປະທານສະມາຄົມສະຕີສົງເຄາະ
ຝ່າຍປະທານກຸ່ມແອວເດີ ແລະ ຝ່າຍປະທານສະມາຄົມສະຕີສົງເຄາະນຳພາຄວາມພະຍາຍາມປະຈຳວັນຂອງຫວອດ ເພື່ອແບ່ງປັນພຣະກິດຕິຄຸນ ແລະ ເພີ່ມຄວາມເຂັ້ມແຂງໃຫ້ແກ່ສະມາຊິກໃໝ່ ແລະ ສະມາຊິກທີ່ກັບຄືນມາ (ເບິ່ງ 8.2.3 ແລະ 9.2.3).
ຜູ້ນຳເຫລົ່ານີ້ມີໜ້າທີ່ຮັບຜິດຊອບດັ່ງຕໍ່ໄປນີ້:
-
ຊ່ວຍດົນໃຈສະມາຊິກໃຫ້ຮັກລູກໆຂອງພຣະເຈົ້າ, ແບ່ງປັນພຣະກິດຕິຄຸນ, ແລະ ເຊື້ອເຊີນຄົນອື່ນໃຫ້ຮັບເອົາພອນຂອງພຣະຜູ້ຊ່ວຍໃຫ້ລອດ.
-
ມອບໝາຍໃຫ້ອ້າຍນ້ອງ ແລະ ເອື້ອຍນ້ອງຜູ້ປະຕິບັດສາດສະໜາກິດດູແລສະມາຊິກໃໝ່ ແລະ ສະມາຊິກທີ່ກັບຄືນມາ (ເບິ່ງ 21.2.1).
-
ນຳພາວຽກງານຂອງຜູ້ນຳເຜີຍແຜ່ປະຈຳຫວອດ.
ປະທານກຸ່ມແອວເດີ ແລະ ປະທານສະມາຄົມສະຕີສົງເຄາະຕ່າງກໍມອບໝາຍສະມາຊິກໃນຝ່າຍປະທານຄົນໜຶ່ງໃຫ້ຊ່ວຍນຳພາຄວາມພະຍາຍາມເຫລົ່ານີ້. ສະມາຊິກໃນຝ່າຍປະທານສອງຄົນນີ້ເຮັດວຽກນຳກັນ. ເຂົາເຈົ້າເຂົ້າຮ່ວມການປະຊຸມປະສານງານທຸກອາທິດ (ເບິ່ງ 23.5.7).
23.5.3
ຜູ້ນຳເຜີຍແຜ່ປະຈຳຫວອດ
ຝ່າຍອະທິການປຶກສາກັບປະທານສະເຕກ ເພື່ອພິຈາລະນາວ່າຄວນຈະເອີ້ນຜູ້ນຳເຜີຍແຜ່ປະຈຳຫວອດຫລືບໍ່. ບຸກຄົນນີ້ຄວນດຳລົງຖານະປະໂລຫິດແຫ່ງເມນຄີເສເດັກ. ຖ້າຫາກຜູ້ນຳຄົນນີ້ບໍ່ໄດ້ຖືກເອີ້ນ, ສະມາຊິກຄົນໜຶ່ງໃນຝ່າຍປະທານກຸ່ມແອວເດີຈະຮັບບົດບາດນີ້.
ຜູ້ນຳເຜີຍແຜ່ປະຈຳຫວອດຊ່ວຍເຫລືອຝ່າຍປະທານກຸ່ມແອວເດີ ແລະ ຝ່າຍປະທານສະມາຄົມສະຕີສົງເຄາະ ໃນໜ້າທີ່ຮັບຜິດຊອບການເຜີຍແຜ່ຂອງເຂົາເຈົ້າ. ລາວກໍມີໜ້າທີ່ຮັບຜິດຊອບດັ່ງຕໍ່ໄປນີ້:
-
ປະສານວຽກງານຂອງສະມາຊິກຫວອດ ແລະ ຜູ້ນຳຫວອດ, ຜູ້ສອນສາດສະໜາປະຈຳຫວອດ, ແລະ ຜູ້ສອນສາດສະໜາເຕັມເວລາ.
-
ນຳພາການປະຊຸມປະສານງານທຸກອາທິດ (ເບິ່ງ 23.5.7).
23.5.4
ຜູ້ສອນສາດສະໜາປະຈຳຫວອດ
ຜູ້ສອນສາດສະໜາປະຈຳຫວອດຊ່ວຍໃຫ້ສະມາຊິກຫວອດປະສົບກັບຄວາມຊື່ນຊົມຂອງການແບ່ງປັນພຣະກິດຕິຄຸນ ດັ່ງທີ່ບັນຍາຍໄວ້ໃນ 23.1. ເຂົາເຈົ້າຮັບໃຊ້ພາຍໃຕ້ການຊີ້ນຳຂອງຜູ້ນຳເຜີຍແຜ່ປະຈຳຫວອດ ຫລື ສະມາຊິກໃນຝ່າຍປະທານກຸ່ມແອວເດີ ຜູ້ຮັບບົດບາດນີ້.
23.5.5
ສະພາຫວອດ ແລະ ສະພາຊາວໜຸ່ມຫວອດ
ການແບ່ງປັນພຣະກິດຕິຄຸນ ແລະ ການເພີ່ມຄວາມເຂັ້ມແຂງໃຫ້ແກ່ສະມາຊິກໃໝ່ ແລະ ສະມາຊິກທີ່ກັບຄືນມາ ຄວນຖືກສົນທະນາເປັນປະຈຳໃນການປະຊຸມສະພາຫວອດ. ອະທິການອາດເຊື້ອເຊີນຜູ້ນຳເຜີຍແຜ່ປະຈຳຫວອດໃຫ້ເຂົ້າຮ່ວມການປະຊຸມສະພາຫວອດ.
ຟອມເຊັ່ນດັ່ງຕໍ່ໄປນີ້ສາມາດຊ່ວຍໃນການສົນທະນາເຫລົ່ານີ້ໄດ້:
ໃນການສົນທະນາກ່ຽວກັບຄວາມຕ້ອງການຂອງຊາວໜຸ່ມໃນຫວອດ, ສະພາຊາວໜຸ່ມຫວອດໃຫ້ຄວາມເອົາໃຈໃສ່ເປັນພິເສດຕໍ່ສະມາຊິກໃໝ່ ແລະ ສະມາຊິກທີ່ກັບຄືນມາ ແລະ ຕໍ່ຊາວໜຸ່ມທີ່ກຳລັງຖືກສິດສອນໂດຍຜູ້ສອນສາດສະໜາ.
23.5.7
ການປະຊຸມປະສານງານ
ທຸກໆອາທິດ, ການປະຊຸມແບບບໍ່ເປັນທາງການຈະຖືກຈັດຂຶ້ນເພື່ອປະສານຄວາມພະຍາຍາມທີ່ຈະແບ່ງປັນພຣະກິດຕິຄຸນ ແລະ ເພີ່ມຄວາມເຂັ້ມແຂງໃຫ້ແກ່ສະມາຊິກໃໝ່ ແລະ ສະມາຊິກທີ່ກັບຄືນມາ. ຖ້າຫາກຄົນໜຶ່ງຖືກເອີ້ນໃຫ້ເປັນຜູ້ນຳເຜີຍແຜ່ປະຈຳຫວອດ, ລາວຈະດຳເນີນການປະຊຸມເຫລົ່ານີ້. ຖ້າບໍ່ດັ່ງນັ້ນ, ສະມາຊິກໃນຝ່າຍປະທານກຸ່ມແອວເດີທີ່ຮັບບົດບາດນີ້ຈະດຳເນີນ.
ຄົນອື່ນໆທີ່ຖືກເຊື້ອເຊີນແມ່ນລວມທັງ:
-
ສະມາຊິກໃນຝ່າຍປະທານສະມາຄົມສະຕີສົງເຄາະ ແລະ ສະມາຊິກໃນຝ່າຍປະທານກຸ່ມແອວເດີທີ່ຖືກມອບໝາຍ.
-
ຜູ້ສອນສາດສະໜາປະຈຳຫວອດ.
-
ຜູ້ຊ່ວຍໃນກຸ່ມປະໂລຫິດ (ຫລື ປະທານກຸ່ມຄູສອນ ຫລື ປະທານກຸ່ມມັກຄະນາຍົກ ຖ້າຫາກບໍ່ມີປະໂລຫິດໃນຫວອດ).
-
ສະມາຊິກໃນຝ່າຍປະທານຫ້ອງຍິງໜຸ່ມລຸ້ນໃຫຍ່ສຸດ.
-
ຜູ້ສອນສາດສະໜາເຕັມເວລາ.
Examples of Weekly Missionary Coordination Meetings
Examples from around the world of weekly missionary coordination meetings.