rechad lomes a dengua

23.

Omerk er a Ebangkleio e Melisiich er a Rebeches me a re Luueta el mei el Chedal a Ikelesia

23.0

Uchelel

A siotai er a rokui el mo nguu ebangkelio a telengtengil a ureor lolsobel me a ngar el mo cherechar (mesa 1.2 er tial handbook; Mateus 28:19–20). Ng uldimukl er ngii a:

• Meruul a urerel a misionari e mesiou el misionari.

• Olngeseu er a rebeches me a re luueta el mei er a Ikelesia el mo ngar sel rael er a telbiil.

23.1

Omerk er a Ebangkelio

23.1.1

Beltikereng

A tara rolel e kede ochotii a beltkil a rengud el mo er a Dios a sel doubeltik el reng e dosiou er a Rengelekel (mesa Mateus 22:36–39; 25:40). Kede melasm el oubeltikereng e mesiou el uaia Jesus Kristo. Tiaikid el beltikereng a mekrolid el mo olngeseu er a rechad er a rokui el bedengel a klechelid, rokui el beluu, me a basio (mesa Rellir 10:34; 2 Nephi 26:33).

23.1.2

Omerk

Ng beltkil a rengud el mo er a Dios me a Rengelekel a uchul, eng kse er kid el soad louchais el kirel a klengeltengat el Ngii a mla meskid (mesa Johanes 13:34–35) e olngeseu el mengideb er a Israel. Kede osiik el mo olngeseu er a rechad el melchesuar a deurreng el kid omelchesiu er ngii (mesa Alma 36:24). Kede mimokl mesaod el kirel Osobel me ikel Ngii a remuul er a klengar kid (mesa Doctrine and Covenants 60:2). Kede mimokl e bleketakl louchais aika el tekoi sel dekaseues, a lechub e kede ngara online, ma bebil er a teletael.

23.1.3

Siotai

Kede meluluuch lolengit a ulekrael el kmo ng mekerang a de siotai er a rebebil el:

• Mei e leues a klengeltengat el kirir lokiu a Jesus Kristo, me a ebangkelio er Ngii, me a Ikelesia er Ngii (mesa Johanes 1:37–39, 45–46).

• Mei e mngesukemam el mesiou er a rousbech a ngesou.

• Mei e bom chedal a mla moluut el Ikelesia er a Jesus Kristo.

Ng blechoel, sel de siotai eng uldimukl er a rechedal a telungalek er kid, rsechelid, me a retonari er a ikel ngii a doruul tekoi.

23.2

Melisiich er a Rebeches el Chedal a Ikelesia

A bek el beches el chedal a ikelesia ousbech er a resechelei, techall el mo mesiou, me a ulekeroul er a chedaol tekoi. E kid el chedal a Ikelesia, a mesterir a beltikerneg me a ngesou (mesaMosiah 18:8–10). Kede ngosuterir el mo omelchesiu lulcherangel er a chelsel a Ikelesia. Kede ngosuterir el melemolem el ngara rolel a telbiil e dmolech a “beltir el mo er a Rubak” (Alma 23:6).

23.3

Melisiich er a re Luueta el Mei

A rebebil er a rechad a kuk mo diak lomais el mei er a Ikelesia. “Tirkaikid,” ng millekoi Osobel, “a kiriu el melemolem loldingel er tir, leng diak modengei el kmo te locha mo obult e lmuut, el mei er ngak loba rengrir rokir, me ak mo omekungil er tir; e kemiu a mo uchul e te mo suobel” (3 Nephi 18:32).

A rechad el diak el sal mesisiich er a ikelesia a klou a techellir lmuut el mei sel sekum eng ungil a deleuill er tir me a rechedal a Ikelesia. Me te di uaia rebeches el chedal a ikelesia, el dirrek lousbech er a resechelei, techall er a omesiou, me a ulekeroul er a chedaol tekoi.

23.4

Roungerachel er a Stake

23.4.1

Rengara Omerredel er a Stake

A merredel er a stake olab a kiis er a stake el kirel osischeklel ebangkelio me a omelisiich er a rebeches me a re luueta el chedal a ikelesia. Ngii me a re counselor ngii a olab a rokui el dereder er a ikal ureor.

Ng blechoel bek el buil, e a merredel er a stake a mo kebtech lobengkel a merredel er a mision el mo omes er a urerel a stake me a ward me a recherrungel misionari.

23.4.3

High Councilors

A remerredel er a stake a sebechir loterkeklii a high councilor el mo olisechakl e olngeseu er a remerredel er a chelechad er a re elders me a oungerachel er a ward mision. A chimong a lechub a rebetok el high councilor a sebechir el mo oungerachel er tial ureor. Eng di, a rokui el high councilor a ngerchelir aika el ureor er a ward me a chelechad el tir oungerachel.

23.4.4

Remerredel er a Stake Relief Society

Ngokiu a dereder er a merredel er a stake, e a remerredel er a Relief Society er a stake a olisechakl e olngeseu er a remerredel er a Relief Society er a ward er a ngerchelir lomerk er a ebangkelio e melisiich er a rebeches me a re luueta el chedal a ikelesia.

23.5

Roungerachel er a Ward

23.5.1

Klebisop

A rebisop oureor lobengkel a chelechad er a re elders me a remerredel er a Relief Society sel longetikaik er a ureor er a ward el kirel osischeklel ebangkelio me a melisiich er a rebeches me a re luueta el chedal a ikelesia. Tirkal loungerachel a blechoel mo dmak e chadecheduch.

A re ngara klebisop a mo kerekikl me a teletael er a ureor a mesaod er a temel aikel miting er a ward council me a miting er a rengeasek.

A bisop a mengedecheduch er a rebeches el chedal a ikelesia el kirel a ungil taem el bo lenguu a babier el mo er a templo el mo meruul a techolbechelid el kirir a re mla mad (mesa 26.4.2). Ng dirrek el mengedecheduch er a rodam el kirel a ngeiul a Aaronic Priesthood. Ng blechoel kudmokl aika el cheldecheduch er a chelsel a tal sandei ruriul er a lemoterekokl a chad.

23.5.2

Remerredel er a Chelechad er a re Elders me a Relief Society

A remerredel er a chelechad er a re elders me a Relief Society a mengetikaik er a ureor er a ward er a bek el sils lomerk er a ebangkelio e melisiich er a rebeches me a re luueta el chedal a ikelesia (mesa 8.2.3 and 9.2.3).

Aikakid a ngerchelir tirkaikid loungerachel:

• Ngosuterir a rechedal a ikelesia el mo oubeltikereng el mo er a rengelekel a Dios, e omerk er a ebangkelio, e siotai er a rebebil el mo ngmai a klengeltengat er a Osobel.

• Oterkekelterir a roldingel el rodam me a rodos el mo oldingel er a rebeches me a re luueta el chedal a ikelesia (mesa 21.2.1).

• Mengetikaik er a urerel a oungerachel er a mision er a ward.

A merredel er a chelechad er a re elders me a merredel er a Relief Society a oterkeklii a tal chedal omerredel el mo olngeseu er tial ureor. Tirka el teru el chedal omerredel a dmak loureor. Te ngara ikel miting er a bek el sandei (mesa 23.5.7).

23.5.3

Oungerachel er a Ward Mision

A klebisop a mengedecheduch lobengkel a merredel er a stake el mo oterkeklii el kmo ngungil a lemokedong a mo oungerachel er a ward mision a lechub eng diak. Ngika el chad a kirel loba Melchizedek Priesthood. A lsekum eng diak lemokedong ngika el chad, e a chedal omerredel er a chelechad er a re elders a nguu tial ngerachel.

A oungerachel er a ward mision a olngeseu er a remerredel er a chelechad er a re elders me a remerredel er a Relief Society er a ikel ngerchelir er a urerel a misionari. Ng dirrek lolab aikakid el ngerachel:

• Olngeseu er a ureor er a rechedal a ward me a roungerachel, misionari er a ward, me a recherrungel el misionari.

• Oungerachel aikel miting er a bek el sandei (mesa 23.5.7).

23.5.4

Misionari er a Ward

A remisionari er a ward a ngosuterir a rechedal a ikelesia el melchesuar a deurreng sel lomerk er a ebangkleio el mla mesaod er a 23.1. Te mesiou el ngara cheungel a oungerachel er a ward mision a lechub a chedal omerredel er a chelechad er a re elders el meruul er tial ngerachel.

23.5.5

Ward Council me a Ward Youth Council

A osischeklel ebangkelio me a melisiich er a rebeches me a re luueta el chedal a ikelesia a kirel blechoel soadel er a temel a council miting. A bisop a sebechel siotai er a oungerachel er a mision er a ward el mei er a ikal miting.

Aikakid el babier a sebechel ngosuterir er a ikel losaod:

• Rekord er a Teletelel a Urerir a Remisionari.

• Teletael er a Rebeches me a re Luueta el Chedal a Ikelesia.

Sel kuk losaod a usbechellir a rengeasek er a ward, e a council er a rengeasek a kirel mo kerekikl er tirkel beches me a re luueta el chedal a ikelesia me a rengeasek el remisionari olisechakl er tir.

23.5.7

Teletelel a Miting

Bek el sandei, e a mekedeb el miting a ngarngii el kirel a urerel a ebangkelio me a omelisiich er a rebeches me a re luueta el mei el chedal a ikelesia. A lsekum e ngarngii a oungerachel er a ward mision, e ngii a mengetikaik aika el miting. Ea lak, e a chedal a chelechad er a re elders loungerachel a mo mengetikaik a miting.

A rebebil el dirrek el sebechir el mei a:

• Mla metutk el chedal a Relief Society a lechub a chelechad er a remerredel er a re elders.

• Misionari er a ward

• A olngeseu er a chelechad er a prist (a lechub merredel er a chelechad er a resensei a lechub a re deacon a lsekum eng diak a prist er a ward).

• Chedal omerredel er sel klas er tirkel kot el meklou el ngara Young Women.

• Cherrungel misionari