24.

Odersii a Ngklel a mo Misionari ma Omesiou

24.0

Uchelel

Sera ngaramong, ea Rubak a ultebedii a tekoi el mo mengidb ra Israel ra “rokui el beluu, e melecholb er tir el ngara ngklel a Chedam, ma Ngalek, ma Chedaol Reng” (Mateus 28:19; dirrek el mesa verse 20). A Rubak a mla omekbeches er tial tekoi ra chelechal urirul klebesei ( mesa Doctrine and Covenants 39:11; 68:6–8; 112:28–30).

A omesiou er a Rubak el misionari a chedaol techall. Ng msa diak a ulebengelel klengeltengat a chad ma tirkel losiou er tir (mesa Doctrine and Covenants 18:14–16).

A Rubak a olengit er a bek el klikiid, el ngeasek el sechal el mo mesiou el misionari.

A Rubak a dirrek el mengemedaol er tirkel klikiid, e sebechir el ngeasek el redil mo mesiou el misionari a le sorir.

A remechuodel misionari dirrek el usbechall e dirrek el sebechir el mo mesiou.

24.1

Okedong el mo Mesiou

A remisionari omtechei ra Rubak e kirir el mokedong ra meral loba klisiich (mesa Doctrine and Covenants 42:11; Tebechelel a Klaumerang 1:5). A okedong el mo mesiou a blechoel mongit lokiu a Merredel er a Ikelesia. Tirkel mechuodel el misionari, sel okedong a mongit lokiu a merredel er a stake.

24.2

Ngerchelir a re Misionari

Sel okedong el mo mesiou el misionari a uldimukl er ngii a tokubets el ngerachel. Aikal ngerachel a kakerous.

24.2.1

Rengeasek el Misionari

Betok el ngeasek el misionari a mokedong el momerk er a ebangkelio el cheroid er a blirir. Aikal ngerachel a okiu a chedaol ocholt er a re Apostol. Tirkal misionari a mesiou el ngara eungel a derredel ra merredel er a mision.

24.2.2.

Rengeasek el Misionari

A rebebil er a rengeasek el misionari a di ngara blirir e mengilt el mo mesiou er a Ikelesia ma beluu. Aika el ngerachel a mei lokiu chedaol ocholt el mora re Apostol e mora rechad el teletael ra klengar tir a ungil kirel (mesa 24.3.3).

24.2.3

Mechuodel Misionari

A rokui el mechuodel misionari a sebechir el mo osiik er a rechad e olisechakl e olngeseu er tir kirel a tekoi er a techolbchelid. A remechuodel misionari a sebechir el mengilt el mo mesiou er a:

• Rechedal a Ikelesia ma remerredel er a beluu.

• Kakerous el obis ma basio er a Ikelesia.

• Chelechad er a ngesou.

A remecheuodel misionari a diak losisiu a klemengetel a taem loureor ma lechub te meruul osisiu el tekoi malechub loltirakl a osisiu el teletael el uaia rengeasek el misionari.

A ngerchelir a remecheuodel el misionari a okiu a chedaol locholt er a re Apostol. Ng sebechir el lolengit er sel sorir el kirel a urerir eng di kirir el kongei er a ngidil ngerachel mo er tir.

24.2.4

Mecheuodel Mesiou el Misionari

Uldimukl er a okedong er a ward malechub eng stake el ngarngii, ea remechuodel el chedal a Ikelesia a sebechir el mesiou er a Rubak. Tirkal misionari a klou a relii el ureor ra basio ra Ikelesia, omekedecheraol, ma mision (mesa 24.7.1). Te kiei er a blirir.

A remechuodel el misionari a mokedong lokiu a merredel er a stake. Te mesiou el ngara eungel a derreder ngii. Sel klungel a taem el oureor er a bek el sandei a ultuil er sel dechal a rengrir, techall er a omesiou er a belurir, ma derreder el mlara Area Presidency.

24.2.5

Kedeb el Omesodel a Ngerchelir a re Misionari

Tiakid a kedeb lomsodel aikakid el ngerchelir a remisionari.

	Ngeasek Lolisechakl Misionari (mesa 24.2.1)	Ngeasek el Mesiou el Misionari (mesa 24.2.2)	Chuodel el Misionari (mesa 24.2.3)	Chuodel el Mesiou el Misionari (mesa 24.2.4)
A mokedong lokiu a	Ngeasek Lolisechakl Misionari (mesa 24.2.1) Merredel er a Ikelesia	Ngeasek el Mesiou el Misionari (mesa 24.2.2) Merredel er a Ikelesia	Chuodel el Misionari (mesa 24.2.3) Merredel er a Ikelesia	Chuodel el Mesiou el Misionari (mesa 24.2.4) Merredel er a Stake
E mengilt lokiu a	Ngeasek Lolisechakl Misionari (mesa 24.2.1) Apostol	Ngeasek el Mesiou el Misionari (mesa 24.2.2) Apostol	Chuodel el Misionari (mesa 24.2.3) Apostol	Chuodel el Mesiou el Misionari (mesa 24.2.4) Merredel er a Stake
Moterekokl lokiu a	Ngeasek Lolisechakl Misionari (mesa 24.2.1) Merredel er a Stake	Ngeasek el Mesiou el Misionari (mesa 24.2.2) Merredel er a Stake	Chuodel el Misionari (mesa 24.2.3) Merredel er a stake	Chuodel el Mesiou el Misionari (mesa 24.2.4) Merredel er a stake malechub a counselor
Kiei	Ngeasek Lolisechakl Misionari (mesa 24.2.1) Cheroid er a blil	Ngeasek el Mesiou el Misionari (mesa 24.2.2) Ngara blil	Chuodel el Misionari (mesa 24.2.3) Cheroid er a blil malechub ngara blil	Chuodel el Mesiou el Misionari (mesa 24.2.4) Ngara blil
Ecclesiastical leader	Ngeasek Lolisechakl Misionari (mesa 24.2.1) Merredel er a Mision malechub a merredel er a ngesechel a cherechar	Ngeasek el Mesiou el Misionari (mesa 24.2.2) Merredel er a Stake	Chuodel el Misionari (mesa 24.2.3) Merredel ra Mision, templo, malechub a ngesechel a cherechar; malechub a Area President	Chuodel el Mesiou el Misionari (mesa 24.2.4) Merredel er a Stake
Ouchais el mora	Ngeasek Lolisechakl Misionari (mesa 24.2.1) Merredel er a Mision malechub a merredel er a ngesechel a cherechar	Ngeasek el Mesiou el Misionari (mesa 24.2.2) Merredel er a Mision er a Omesiou	Chuodel el Misionari (mesa 24.2.3) Merredel ra Mision, templo, malechub a merredel er a ngesechel a cherechar; Area President; merredel er a basio er a re me oldingel, malechub a merredel er a obis ma kakerous el basio er a Ikelesia	Chuodel el Mesiou el Misionari (mesa 24.2.4) Merredel er a ngerachel er a omesiou
Rekil	Ngeasek Lolisechakl Misionari (mesa 24.2.1) 18–25 (sechal) 19–29 (redil)	Ngeasek el Mesiou el Misionari (mesa 24.2.2) 18–25 (sechal) 19–29 (redil)	Chuodel el Misionari (mesa 24.2.3) 40 malechub eng klou alsekum ng bechiil malechub eng mesobil redil	Chuodel el Mesiou el Misionari (mesa 24.2.4) 26 malechub eng klou

24.3

Mengedmokl el mo Sebechel mora Mision

Tirkel soriri el mo misionari a mora mision leng beltkil a rengrir mora Rubak ma Rengelekel. Ng kirir el mo medengei aikel ker lokiu a cheldecheduch el mora misionari.

24.3.1

Obult el mora Jesus Kristo

Tirkel sebechir el mo misionari a melasm el mo melisiich er tir e obult el mora Jesus Kristo ma mla Moluut el ebangkelio er Ngii.

24.3.2

Moltirakl aikel Llechul a Klikiid

Tirkel sebechir el mo misionari a melasm el mo klikiid meng sebechir el nguu a keldemel Chedaol Reng. Tiang a usbechall el kirel a ungil omesiou el misionari (mesa Doctrine and Covenants 42:13–14).

24.3.2.1

Ouchelreng

A ouchel el reng a ultuil er a klaumerang er a Kristo, e oba blakerreng, e oltirakl a llach. Ng uldimukl er a kombesar e mo ikrii a klengit. Aikel oberaod el klengit, a ouchel el reng a ousbech a kombesar el mora bisop ma merredel er a stake.

A chad el ouchel a rengul a mo mousubes e lmuut el mo beches lokiu a Tngakireng ma krasia er a Jesus Kristo. A Rubak a obes er sel klengit. (Mesa Isaiah 43:25; Jacob 6:5; Alma 34:15–17; Helaman 5:10–11; Doctrine and Covenants 58:42–43. Dirrek el mesa 32.1 er tial hong.)

A chad el melatk el mo misionari a kirel mo ouchel er a rengul el kirel a oberaod el kengtil ruchei era merredel er a stake a lodersii a ngklel. (mesa 32.6; dirrek el mesa 24.4.4). A ouchelreng a ousbech a taem el sebechel a chad el mo ochotii lokiu a melemalt el klengar el kmo ngii a mla nguu tial Chedaol Reng ra Kristo el obes a klengit.

24.3.3

Ulekereuil a Bedenged, Uldesued ma Rengud

A urerel a misionari a meringel. A rengeasek el misionari a kirir el mo blak a rengrir, e mesisiich a bedengir, uldesuir, ma rengrir el mo oureor loltirakl a teletelel a misionari.

24.3.4

Udoud

24.3.4.1

Mesiou er a Rengeasek el Misionari el Mesiou el Cheroid er a Blil

A rengeasek el mengedmokl el mo misionari lultuil ra duch er tir a diak lomekioud el tekoi ra udoud a uchul. Tirkel ousbech a ngesou ra udoud er sel kirir el melecha er ngii a sebechir el ngmai ra rechederir ma resechelirir.

A lengarngii a ngelsengesel, e a bisop a lechub a merredel ra stake a olengit ra rechad ra ward ma stake me te mo olngeseu ra ward.

A udoud ra ikelesia ra ikel basio lengarngii ma uldars ra sengerenger a diak lusbechall.

Sel lolecha er ngii ra bek el buil. A rengeasek lolisechakl misionari ma rechad ra blirir a ngarngii a klungel a udoud lolecha er ngii ra bek el buil el kirel a prokuram ra misionari.

Aika modars el mo er sel omsengelel a ward. A bisop a kerekikl ma udoud a ngarngii el mei ra bek el buil. A udoud lengelakl er sel lolecha er ngii ra bek el buil a diak el kirel mereched lolechang. A udoud lechang ruchei a diak el sebechir muut el ngmai alsekum ngkel misionari a mo remei.

Iitel a udoud Bek el buil, a rengeasek el misionari a ngmai a udoud ra mision lomechar a kall, olidiull, ma bebil ra lousbech. Aikal udoud a chedaol. A remisionari di ousbech el kirel a moktek ra mision. Ng diak lousbech ra kuk di sel sorir, a lechub e longereomel, a lechub loldurokl mora rechad ra blirir. A remisionari oluut a derengel a udoud el mlo diak lousbech.

A remisionari ousbech a di ududir ra bebil ra usbechellir. Aikal kuk di usbechellir a kirel mekesai. (Mesa Missionary Standards for Disciples of Jesus Christ, 4.8.)

24.3.4.2

Mesiou ra Remechuodel Misonari el Mesiou el Cheroid ra Blirir

Sel lolecha er ngii ra bek el buil A remechuodel misionari el mesiou el cheroid ra blirir a melechang a udoud er sel ward er tir ra bek el buil. Aikal udoud olngeseu ra cheral a blirir ma olidiull er tir.

A rebisop a kerekikl me ngarngii a udoud lolechang ra bek el buil. A udoud lengelakl er sel lolecha er ngii ra bek el buil a diak el kirir lorreched el melechang.

Bebil ra iitel a udoud. Obengkel aikel ludoud lolechang ra bek el buil, lolngeseu ra cheral a blirir ma mlai, ea remechuodel misionari a di tir loungerachel aikel bebil ra iitel a udoud, luldimukl ra kall.

24.3.4.3

Olngeseu ra Udoud er Tirkel Misionari el Mesiou el di Ngara Belurir

A remisionari el mesiou el ngara belurir a di tir ra ikel rokui usbechellir ra udoud.

24.3.4.4

Isurans ra ukeruul ma Iitel a Udoud

A rokui el misionari a kmal kirir el ngara ikel insurans er tir ra ukeruul a lesebechel, luldimukl ra rengeasek lolisechakl misionari.

A remisionari el mesiou di ngar belurir a di tir ra cheral a ukeruul er tir. A remechuodel misionari el mesiou el cheroid ra belurir a dirrek el di tir. A remechuodel misionari el mesiou el cheroid ra belurir a locha mo sebechir el nguu sel Senior Service Medical Plan.

24.3.5

Ngerchelir a Rechedal a Telungalek ma Roungerachel Mengedmokl ra Remisionari

A rechedal a telungalek, rebisop, ma rebebil ra oungerachel a olngeseu el mengedmokl ra rengeasek el mora mision.

A rechedal a telungalek ma roungerachel a mengelechel ra rokui el sebechir el mo mesuub ra:

• Babier ra Mormon ma bebil ra chedaol llechukl.

• Omerk er a Ebangkelio er Ngak.

• Kerekikl ra Usbechellel a Technology.

A rechedal a telungalek ma rebisop olngeseu er tir el mo oltirakl a llechul a misionari. Te mengelechel ra remisionari el mo mesuub a llechul a misionari el kirel aikel mo ngerchelir.

• Mo er tirkel ngeasek lolisehcakl misionari: Missionary Standards for Disciples of Jesus Christ

24.4

Oldars a ngklir a Remisionari

24.4.1

Ulekerreuil a Bedengel

A rokui el mo misionari a kirir mo mesa toktang el kirel a klisichel a bedengir.

24.4.2

Cheldecheduch ma Babier el Kongei

A bisop ma merredel ra stake a mo ungil merritel, a chedaol kedmeklel, sel longedecheduch ra bek el mo misionari. Te ousbech a ikel ker loker ra misionari sel chadecheduch.

A bisop ma merredel ra stake a dirrek el ngmai a tekoi el uase ng klikiid ma klisichel a bedengel el ngara Missionary Online Recommendation System. A bisop ma merredel ra stake a kuk diak lolechel a bebil ra tekoi. A lechub el ngodech aikel ker loker.

A lsekum a bisop ma merredel ra stake a ngarngii a sebekreng er tir el kirel ngkal chad ra otireklel ra llach a lechub eng klisichel a bedengel, e te dmak el chadecheduch tir me ngkal chad. Ngultuil ra kengei er ngkal chad, eng dirrek el sebechir el mengedecheduch ra rechad ra blil. A bisop ma merredel ra stake a diak lodersii a kengei el di merekmo ngkal chad bla louchel a rengul ra oberaod el klengit (mesa 24.3.2.1). Ngultuil ra klisichel a bedengel, uldesuel, ma rengul ngkal chad, eng sebechir el mesaod el kirel a urerel el di mo mesiou el misionari.

Aikel orechudel teletael ea bisop a lechub a merredel ra stake a dibus, eng sebechel kongei ra tara counselor ngii el mo mengedecheduch ra chad.

Chelsel a district, e a merredel ra mision a lechub a tara counselor ngii a sebechel mengedecheduch e oldars a ngklir a re mo misionari. A remerredel a district a diak loruul a berrotel cheldecheduch.

24.4.4

Tirkel Diak el Sebechir el mo Mesiou el Cherrungel Misionari

Bebil ra taem e a chad a soal mo mesiou eng di diak el mokedong el cherrungel misionari. Tia locha tekoi ra bedengel a chad, diak el klikiid ra llach, ultutakl kirel, a lechub eng kuk di bebil ra tekoi. A merredel ra stake a sebechel ngubetii ra urerel a cherrungel misionari.

24.5

Uriul ra Lenguu Okedong ra Mision

A rebeches el mokedong el misionari a kirir el mo menguiu a lechub e te lmuut el menguiu ra Babier er a Mormon ruchei ra mision er tir. Te oltirakl ra osischeklel a King Benjamin el mo kerekikl er kid, a uldesued, me a omelkinged, me a omerelled (Mosiah 4:30).

24.5.1

Klengeltengat er a Templo ma Omesiou ra Templo

Alsekum a re dirk mlokedong el misionari a dirkak el ngai a chedaol ruoll ra templo, eng kirir kudmeklii ruchei ra lomuchel mesiou el misionari a le sebechel (mesa Doctrine and Covenants 43:15–16; 105:33). Tia uldimukl a remesiou el misionari a di lungil er tir.

A re dirk mlokedong el misionari el mla mora templo a sebechir el mesiou loureor ra chelsel a templo ruchei ra le bora mision a di lungil besul (mesa 25.5).

24.5.2

Miting ra Sakrament

A klebisop a siotai ra dirk mlokedong el mo misionari el mo mengedecheduch ra temel a sakrament ruchei ra lorael mora mision. Tiang a diuaia bek el miting ra sakrament. A moktek a kirel ngara sakrament ma Osobel.

24.5.3

Olterekokl ra Remisionari

Ngkel merredel ra stake a oterkeklii a misionari sel lolkeda temel merael mora mision. Aikel orechudel tekoi e dibus a merredel ra stake, eng sebechel oderchii a tara counselor ngii el mo oterkeklii a misionari.

A merredel ra mision a lechub a tara counselor ngii a olterekokl ra remisionari el mokedong ra district el ngara mision. A merredel ra district a diak lolterekokl ra misionari.

A odam el mo mesiou el cheroid ra blil a kirel mla nguu a Melchizedek Priesthood ruchei ra lemoterekokl el misionari. A odam el di mo mesiou el misionari a kirel loba Melchizedek Priesthood lultuil ra teletael lengarngii.

24.6

Mesiou el Cheroid ra Blil

24.6.2

Ngara mision

24.6.2.5

Ongit Lolngeseu ra Rebebil ra Udoud a lechub a Skuul a lechub Omelukl el mora tara beluu.

A remisionari ma rechad ra blirir a diak el kirir lomesterir a udoud a rechad ra ikel basio lengarngii a misionari, luldimukl a udoud el kirel a skuul. E dirrek el remisionari ma rechad ra blirir a diak lolai ra rechad ra ngodech el beluu el sorir el melukl el mo ra tara beluu (mesa 38.8.19).

24.6.2.8

Rekord er a Chedal a Ikelesia ma Ongeltacher

Sel ward ra misionari a urrekodel a rekord er ngii. A ward er ngii ra belual a dirrek el rekord a ongeltacher ngii. A remisionari diak lolecha ongeltacher ra ikel udoud lengai ra mision. Eng di, te harau ongeltacher a lengarngii a kuk ngodech el soiseb lududir.

24.6.3

Mo Remei er a Uriul er a Mision

24.6.3.1

Mo Remei Loltirakl er sel Ioter Ngii

A remisionari ma rechad ra blirir a diak el kirir lolengit el mereched el momerek ra mision a lechub e longemanget er ngii el kuk di sorir a uchul.

Rengeasek el misionari a kirir el melemalt ra omerollir el mo remei ruriul er a mision. A kuk bebil ra teletael ra omerael a sebechel mo uaisei a lsekum e ngobeterir a rchad er a blil.

A remisionari a diak el mengubet el di merekmo bo lesa merredel ra stake er ngii. Te oltirakl a llechul a misionari el mo er sel taem.

24.6.3.2

Mereched el mo Remei

A rebebil er a misionari a mengubet ruchei er a bol merek a mision er tir el ulekereuil, tekoi er a klikiid, ma lechub eng bebil er a tekoi a uchul. A rebisop ma remerredel a stake a mesterir a tokubets el ngesou tirkal dirk mlo remei el misionari. A remerredel a olngeseu er tir el kirel a ulekereuil a bedengir mel sebechir muut el mo mesiou.

24.7

Mesiou el Mision

24.7.1

Osiik a Techall el mora Di Mesiou el Misionari

A bisop, merredel ra stake, ma mesiou el misionari a dmak el chadecheduch losiik a techall el mo mesiou. A rengeasek el di mesiou el misionari, ea oungerachel ra omesiou ra mision ma rechad ra blil a lechub a oungerachel er ngii a dmak el chadecheduch.

24.8

Uriul er a Omesiou er a Mision

24.8.2

Cheldecheduh el Melubet ra Misionari

A merredel ra stake a melubet ra remisionari e kudmeklii a cheldecheduch ra delongelir. A district, eng blechoel merredel ra mision a lechub a counselor a melubet ra misonari.

Aikakid el tekoi el kirel tial cheldecheduch a sebechel usbechall.

• Mengelechel er tir el mo melemolem loltirakl ra Jesus Kristo.

• Olisechakl er tir me lolasem el meleketek a ungil blekeradel lengilai er a lengara mision.

• Mengelechel er tir el mo mengedmokl er tir el kirel a ngar mederir el taem, uldimukl er a tekoi er a skuul me a ureor er a rengeasek el misionari.

• Mengelechel er tir el mo klikiid a klengar tir el sebechir el nguu a babier er a templo.

24.8.2

Okedong

A roungerachel a sebechir msa ngerachel ma okedong el mora dirk mlomerek el misionari. Tia uldimukl er ngii a mo oureor ra templo a di lungil (mesa 25.5).

24.9

Klekedall ra Kengei ra mo Misionari ma Omesiou

24.9.2

Websites

• MissionaryRecommendations.ChurchofJesusChrist.org (di mora roungerachel ma chad el mengemdokl mo ra mision e merekong)