24.

Pilipildahn Misineri kan oh Papah en Misineri

24.0

Kapehse

Nan mwein kawaho, Kauno ketkihda kehkehlik ehu en kihpene Isrehl “wasa koaros, papidaisihirailla ni mwaren Sahm, oh Sapwelime, oh Ngehn Sarawi” (Madiu 28:19; pil kilang iretikitik 20). Kauno pil pwurehng kapwurehdo kehkehliko nan imwin rahn akan (kilang Doctrine and Covenants 39:11; 68:6–8; 112:28–30).

En papah Kauno ni ahmw wia misineri men wia pwukoah sarawi ehu. E kin kiheng kapai kan ong aramas o oh irail akan me e kin papah (kilang Doctrine and Covenants 18:14–16).

Kauno ketin peki koaros pwutak pwulopwul kan me warohng, en kounop ehng oh wia pwukoah en misineri men.

Kauno pil ketin kasamwo irail serepein pwulopwul akan me warohng, en wia pwukoah en misineri men ma irail inengiong.

Misineri me mah kan pil inenen anahn oh koangoang pil kohieng irail en kounopada oh papah.

24.1

Malipilip ong Papah

Misineri kan wia weliepen Kauno oh anahne alehdi malipilip sang emen me ahneki mweimwei (kilang Doctrine and Covenants 42:11; Iren Pwoson akan 1:5). Pwukoah en wia misineri men kin kohsang rehn Preseden en Mwomwohdiso. Ong misineri en papah me mah kan, pwukoah wet kin kohsang rehn steik preseden.

24.2

Pwukoah kan en Misineri

Malipilip en papah ni ah wia misineri men iangahki pwukoah kesempwal ehu. Pwukoah pwukat inenen wekpeseng.

24.2.1

Misineri Pwulopwul me kin Padapadahk

Pali tohto en Misineri pwulopwul pwukat kin alehdi pwukoah en padahngki rongamwahu o ni arail kin dolahsang arail wasahn kouson akan. Pwukoah pwukat kin kohsang kaudiahl ong Wahnparon kan. Misineri kat kin doadoahk pahn kaweidpen misin preseden.

24.2.2

Misineri en Papah me Pwulopwul

Oakoai misineri kan kin alehdi pwukoah en papah nan Mwomwohdiso oh wasahn kouson kan ni arail kin koukousoan nan arail wasahn kouson kan. Pwukoah pwukat kin alahldihsang kaudiahl ong Wahnparon akan oh kin kohiong irail akan me konehng wia doadoahk wet (kilang 24.3.3).

24.2.3

Misineri me Mah kan

Koaros misineri me mah kan pahn nantiong rapahkida aramas me re pahn padahk ong oh sewese irail en kounopada ong pepdais. Misineri mah kan pil kin alehdi pwukoah en utuht.

• Towe kan oh ehria oh kaun akan en atail wasa.

• Ohpis kan nan Mwomwohdiso oh kepwe kan.

• Pwihn en Sawas akan.

Misineri mah kan sohte kin doadoahngki soangen awahkan, wia soangen mwekid ehute, de anahne wiahda soahng kan koaros me misineri pwulopwul kan kin wia.

Pwukoah en misineri mah kan kin kohdo sang ni kaudiahl me kohiong Wahnparon akan. Ihr me pilipildahr akan kak kasalehda dahme re mwahuki ong pwukoah ahpw pahn anahne alehda pwukoah sohte lipilipil ehu.

24.2.4

Misineri en Papah me Mah

En kapatapat ieng pwukoah kan nan arail ward de steik, towe kan kak papah Kauno ni arail wia misineri en papah me mah kei. Misineri pwukat kin sawaski mwekid kesempwal nan ohpis kan nan Mwomwohdiso, kepwe kan, oh nan misin kan (kilang 24.7.1). Irail kin mihmi nan arail wasahn kousoan.

Misineri mah kan kin alehdi malipilip sang rehn steik preseden. Irail kin doadoahk pahn ah kaweid. Woahn ansou me re kin papah nan ehu wihk kin pahsan wen ahr kak, anahnepen sawas nan arail wasa, oh kaweid sang rehn Ehria Presedensi.

24.2.5

Oaralap en Pwukoah en Misineri kan

Me pahn sansal pah kan iei oaralap en soangen pwukoahn misineri kan.

	Misineri pwulopwul me wie padapadahk (kilang 24.2.1)	Misineri Pwulopwul me kin Papah (kilang 24.2.2)	Misineri Mah kan (kilang 24.2.3)	Misineri Mah me kin Papah (kilang 24.2.4)
kin ale malipilip sang rehn	Misineri pwulopwul me wie padapadahk (kilang 24.2.1) Preseden en Mwomwohdiso	Misineri Pwulopwul me kin Papah (kilang 24.2.2) Preseden en Mwomwohdiso	Misineri Mah kan (kilang 24.2.3) Preseden en Mwomwohdiso	Misineri Mah me kin Papah (kilang 24.2.4) Preseden en Steik
kin pilipilda sang	Misineri pwulopwul me wie padapadahk (kilang 24.2.1) Wahnparon emen	Misineri Pwulopwul me kin Papah (kilang 24.2.2) Wahnparon emen	Misineri Mah kan (kilang 24.2.3) Wahnparon emen	Misineri Mah me kin Papah (kilang 24.2.4) Preseden en Steik
Kin kasarawihla sang	Misineri pwulopwul me wie padapadahk (kilang 24.2.1) Preseden en Steik	Misineri Pwulopwul me kin Papah (kilang 24.2.2) Preseden en Steik	Misineri Mah kan (kilang 24.2.3) Preseden en Steik	Misineri Mah me kin Papah (kilang 24.2.4) Preseden en Steik de Soun Sawas
Mour kan	Misineri pwulopwul me wie padapadahk (kilang 24.2.1) Dohlahsang wasahn kouson	Misineri Pwulopwul me kin Papah (kilang 24.2.2) Wasahn kouson	Misineri Mah kan (kilang 24.2.3) Dohlahsang wasahn kouson de mihmi wasahn kouson	Misineri Mah me kin Papah (kilang 24.2.4) Wasahn Kouson
Sounkaweid en Ecclesiastic	Misineri pwulopwul me wie padapadahk (kilang 24.2.1) Preseden en Misin de preseden en wasahn poadopoad	Misineri Pwulopwul me kin Papah (kilang 24.2.2) Preseden en Steik	Misineri Mah kan (kilang 24.2.3) Misin, tehnpas sarawi, de preseden en wasahn poadopoad; de Preseden en Ehria	Misineri Mah me kin Papah (kilang 24.2.4) Preseden en steik
Repwoht lahng	Misineri pwulopwul me wie padapadahk (kilang 24.2.1) Preseden en misin de preseden en wasahn poadopoad	Misineri Pwulopwul me kin Papah (kilang 24.2.2) Sounkaweid en soun papah nan misin	Misineri Mah kan (kilang 24.2.3) Misin, tehnpas sarawi, de preseden en wasahn poadopoad; Preseden en Ehria; director en visitors‘ center; de sounapwahpwalih en wasa kan nan Mwomwodiso de facility kan	Misineri Mah me kin Papah (kilang 24.2.4) Sounapwahpwalih wasahn pwukoahki papah
Sounpar me konehng kan	Misineri pwulopwul me wie padapadahk (kilang 24.2.1) 18–25 (ohl akan) 19–29 (lih akan)	Misineri Pwulopwul me kin Papah (kilang 24.2.2) 18–25 (ohl akan) 19–29 (lih akan)	Misineri Mah kan (kilang 24.2.3) 40 de me pil mahsang ma pwopwoud de peinakapw emen me kiripw	Misineri Mah me kin Papah (kilang 24.2.4) 26 de me pil mahsang

24.3

Koukounop oh Warohng en wia soun Papah nan Misin

Irail kan me kak papah nan misin kan anahne wia arail misin pwehki sang ni limpoak ong Kauno oh Sapwelime seri kan. Irail anahne ese duwen peidek en misineri kan.

24.3.1

Weliakapw ohng Sises Krais

Misineri kan kin nantiong kakehlailihla arail weliakapw ong Sises Krais oh Sapwelime rongamwahu me kapwurupwurdohu.

24.3.2

Ahneki Mwekid en Warohng

irail kan me kaukaunop ong misin anahne nantiheng en warohng kompokepahn ki Ngehno. Met inenen anahn ong misineri men me pahn wia soun papah (kilang Doctrine and Covenants 42:13–14).

24.3.2.1

Koluhla

Koluhla anahne doadoahngki amw pwoson Krais, udahn inongiong ni mehlel, oh kolokol kosonned akan. E iangahki wehkada oh sohpeisang dihp. Ong dihp laud kan, koluhla anahne wehkada iong pisop de steik preseden.

Aramas emen me koluhla kin ale mahkpe oh mwakelekelada sang ni Tomwpen oh mahk en Sises Krais. Kauno kin manokehla dihp o. {(Kilang Aiseia 43:25; Seikop 6:5; Alma 34:15–17; Ilemen 5:10–11; Doctrine and Covenants 58:42–43. Pil kilang 32.1 nan pwuhk wet.)

Misineri men me pahn kohla wia ah misin pahn anahne koluhkilahr dihp laud mwohn steik preseden ah pahn kapidelong nah doaropwehn wia misin o (kilang 32.6; pil kilang 24.4.4). Mwekid en koluhlao kin kihong ansou ong aramas o en kak kasalehda ah momouriki pwung pwe en kak alehdi ngehn en Krais sang ni ah pahn weliakapwasang nan dihp kan.

24.3.3

Paliwar, Madamadau, oh Roson mwahu en mehn pepehm

Doadoahk en Misineri inenen apwal. Misineri pwulopwul kan anahne poadidieng oh sang nan paliwererail, arail madamadau, oh pepehm koaros kak wia arail doadoahk en misineri ansou kan koaros.

24.3.4

Palien Mwohni Kan

24.3.4.1

Sawas en Mwohni ong Misineri Pwulopwul kan me wiewia arail papah Dohlasang arail Wasahn Kouson.

Me pwulopwul kan me kaunopadahr ong misin sang ni arail kak koaros sohte anahne kapwandalahsang papah pwehki sang ni kahpwal en mwohni kan. Irail akan me anahne sawas en mwohni pwe irail en kak kihdi wen mwohni me irail anahne kihdi kak alehdisang peneinei oh kempoakehpah kan.

Ma anahn o miehte, pisop de steik preseden kak peki rehn towe kan nan ward de steik irail en iang sawas ong nan mwohnihn misineri.

Budget kan oh Mwohni en meiroang en kaisihsol kan sohte kak doadoahk.

Inou en pwilidien mwohni nan sounpwong kan Misineri pwulopwul kan oh arail peneinei kan kin sawaskihda wehn mwohni ehu nan sounpwong ehu pwe en kak sewese pweinen pwirokrahm en misineri kan.

Sawas pwukat kin wiawihda ong mwohnihn misineri nan ward. Pisop o pahn kin tehk mwahu me mwohni kat kin kohdi nan ehu ehu sounpwong. Mwohni me daulihla woahn sent me pahn kohdi nan ehu ehu sounpwong sohte kin alahlda ansou mwadang. Mwohni me sawasdahr kan sohte kak kopwurpwurieng misineri men me pahn mwadangete pwuralahng ah wasahn kousoan.

Wehn mwohni me kin doadoahk nan ansoun wie misin. Nan ehu ehu sounpwong, misineri pwulopwul kan kin alehdi wehn sent ehu sang misin pwe en sawaski pwainda mwenge, mehn peidaid, oh soahng teikan. Mwohni pwukat inenen sarawi. Misineri kan kin doadoahngki ongete arail pwukoahn misineri. E sohte kak doadaohk ong pein insenarail, nekinekila, de pekederlahng rehn arail peneinei de mehteikan. Misineri kan pahn kapwurehdo nan misin mwohni kan me re sohte anahne.

Misineri kan kin doadoangki pein neirail sent oh pwainda soahng teikan. Pein arail anahn akan anahne kin tikitik. (Kilang Missionary Standards for Disciples of Jesus Christ, 4.8.)

24.3.4.2

Sawas en mwohni ong Misineri Mah kan me wie papah dohsang arail wasahn Kouson

Inou en nan ehu ehu sounpwong. Misineri mah kan me kin dohsang arail wasahn kouson akan kin iang kihdi nan mwohnihn misineri nan ehu ehu sounpwong. Pwilidi pwukat kin sawas ong palien ihmw oh pweinen sidohsa.

Pisop o kin tehk mwahu me pwilidi pwukat kin wiawi nan ehu ehu sounpwong. Mwohni me kin daulihla pwilidi en nan sounpwong o sohte kin kapwurupwurla.

Soangen Pweipwei teikan. Me kapatapat ong pwilidi en sounpwong kan, me kin sawas ong pweinen ihmw oh sidohsa, misineri mah kan anahne pwain soahng koaros, iangahki mwenge.

24.3.4.3

Sawas en Mwohni ong Misineri me wie Papah nan arail wasahn Kouson

Misineri men me wie papah arail wasahn kouson pahn pein pwukoahki arail anahn akan koaros.

24.3.4.4

Medical Insurance oh Soangen Pweipwei Teikan

Misineri koaros anahne kolokol pein neirail medical insurance ma mie, me pil iangahki misineri pwulopwul kan.

Misineri kan me wie doadoahk nan arail wasahn kouson pahn pein pwukoahki neirail medical oh insurance teikan. Misineri mah kan me wiewia arail doadoahk dohsang wasahn kouson pahn pil pein apwalih neirail insurance. Misineri mah me kin wiewia arail doadoahk dohsang wasahn kouson pahn kak alehdi neirail insurance ni Senior Service Medical Plan.

24.3.5

Pwukoah kan en Peneinei kan oh Kaun akan ong Koukounop irail kan me kak wia Misineri kei

Peneinei kan, pisop akan, oh kaun teikan kin sewese me pwulopwul kan en kounopada pwe rehn wia arail doadoahk en misin.

Peneinei kan oh kaun akan kin koangongehki koaros me men wia arail misiin en onopiki.

• Pwuhk en Mormon oh pwuhk sarawi teikan.

• Kalohki Ai Rongamwahu .

• Safeguards for Using Technology.

Peneinei kan oh kaun akan kin sewese irail akan me men wia arail misin en koasoanehdi oh idawehn kosonned en misineri kan. Irail kin kangoangehki irail akan me men wia arail misin en onpiki pwuhk en duwen misineri kan me doke pwukoah me re kak wia:

• Ong misineri pwulopwul kan: Missionary Standards for Disciples of Jesus Christ

24.4

Pilipildahn Misineri kan

24.4.1

Koasoaupen Palien Roson Mwahu

Koaros me men wia arail misin anahne ale arail kosou en palien roson mwahu sang semen en palien roson mwahu kan.

24.4.2

Kapeidek kan oh Doaropwehn Recommendation kan

Pisop oh steik preseden kin kapeidek mengihtik oh kamarain irail kan me men wia arail misin ni roprop en palingehn. Irail kin doadoahngki peidek kan en misineri recommendation interview kan.

Pisop oh steik preseden pil kin tehk soahng koaros duwen warohng oh roson mwahu nan Missionary Online Recommendation System. Pisop oh steik preseden sohte kin kapatahiong ekei mwohmw me pahn elehda arail kak wia pwukoah. Re pil sohte kin wekidala peidek kan.

Ma pisop de steik preseden pahn ahneki iren peikasal ehu ong aramas o de candidate o de ong ah palien kounopadahn kehlail en paliwar, re kin kosoipene iangahki aramas o. Mweimwei sang candidate pwulopwul o, irail pil kin kosoieng ah pahpa oh nohno. Pisop de steik preseden o sohte kak koapidelong eden aramas o lahu aramas o koluhkila dihp laud o (kilang 24.3.2.1). Sang ni petehkpen paliwere, ah madamadau, de kehlail en mehn pepehm, irail kak kosoiapene kamwahupen en wia misineri en papah men.

Nan irair karuwaru kan ansou me pisop de steik preseden pahn sohte kak sawas, e kak kamanahiong emen nah soun sawas akan en katanga peidek ong aramas o.

Nan distrik kan, preseden en misin de soun sawas me pwukoahki pahn wia kapeidek ko oh pilada irail akan me men wia doadoahk en misineri. Preseden en distrik sohte kin katanga kapeidek pwukat ong irail akan me men wia arail misin kan.

24.4.4

Irail akan me Sohte kak wia Misinerii en nan Ansou-Koaros kei

Ekei pak towe men me inoangiong en papah en misineri men pahn kakete sohte alehdi pwukoah en wia misineri en ansou-koaros men. Met pahn kak sang ni kahpwal ehu ong ah roson, sohte warehng, kahpwal en pelien kosonned, de soahng tohto teikan. Preseden en steik kak kakomoalihdi sang doadoahk en misineri en ansou-koaros men.

24.5

Mwurin amw Alehdi Pwukoah en Misin

Misineri kapw kan pahn anahne wadek oh pwurehng wadewadek Pwuhk en Mormon mwohn arail pahn tapihada doadoahk en misin. Irail pahn kin idahwen sawas en Nanmwariki Pensamin en “kilang kumwail, oh amwail madamadau kan, oh amwail kosoi kan, oh amwail mwekid kan” (Mosiah 4:30).

24.5.1

Endaumen en Tehnpas Sarawi oh Papah nan Tehnpas Sarawi

Ma misineri kapw men saikinte alehdi tiahk sarawi en endaumen en tehnpas sarawi, irail anahne wia mwohn arail pahn tapihada doadaohk en misineri wasa me re pahn mih ie (kilang Doctrine and Covenants 43:15–16; 105:33). Met iangahki misineri en papah kan ma e konehng arail irair kan.

Misineri kapw kan me wiahier arail endaumen kak doadoahk nan tehnpas sarawi mwohn arail pahn tapihada arail doaadohk en misineri (kilang 25.5).

24.5.2

Kaudek en Kamadipw Sarawi kan

Pisop o kin lukehiong misineri kapw kan en padahk nan kaudek en kamadipw sarawi mwohn arail pahn tapihada arail misin. Met e wia kaudek en kamadipw sarawi ehu. Poahson en kaudek o pahn kohiong ni kamadipw sarawio oh Sounkomour o.

24.5.2

Kasarawilahn Misineri kan

Arail steik presedeno kin kasarawihla emen emen misineri mwohnte rahn me irail pahn tapihada arail misin. Nan ansou karuwaru kan ansou me steik preseden pahn sohte kak sawas, e kak idiada emen nah soun sawas akan en kasarawihala misineri kan.

Misin preseden de emen nah soun sawas akan kin kasarawihala misineri kan me malipilipier nan ah distrik kan nan ah misin. Distrik preseden sohte kin kasarawiala misineri kan.

Mwanakapw emen me pahn wia soun papah men dohsang ah wasahn kouson anahne alehdi prihsduhd en Melikisedek mwohn ah pahn kasarawiala en wiahla misineri men. Mwanakapw emen me pahn wia misineri en papah men anahne kolokol prihsduhd en Melkisedek ma konehng ong ni irair me mih loale kan.

24.6

Papah Dohsang Wasahn Kousoan

24.6.2

Nan wasahn Doadoahk

24.6.2.5

Poakipoak en Utung Mehteikan ong Mwohni de ong palien Sukuhl de Mwekidla ehu wasa

Misineri kan oh arail peneinei kan sohte pahn kihda mwohni pwe en sewese irail akan me mihmi wasa me misineri kan wie doadoahk ie, me iangahki mwohni en palien sukuhl. Pil misineri kan oh arail peneinei kan sohte kak sewese irail akan me men mwekidla nan sahpw teikan (kilang 38.8.19).

24.6.2.8

Rekohd kan en Towe men oh Meiroang en Eisek kis ehu

An misineri o ah ward o kolokol nah rekohd. Pil ah ward o pahn kin kolokol oretik pen ah meiroang kan. Misineri kan sohte kin pwain ki arail meiroang sang ni mwohnihn misin. Ahpw, irail kin pwain arail meiroang en eisek kis ehu ma re alehdi pein neirail mwohni.

24.6.3

Pwurasang Misin oh Pwurodohng Arail Wasahn Kousoan

24.6.3.1

Pwurodohng arail wasahn kouson ni ansou me Koasondier

Misineri kan oh arail peneinei kan sohte pahn pekihda irail en pwurodo mwadang de pil kareirei ihla arail doadoahk sang ni pein insenerail.

Misineri pwulopwul men anahne inenlahte ah wasahn kouson mwurin arail misin kan. Ehu seiloak tohrohr kak mweimweida ma misineri men pahn iang ah pahpa de nohno de aramas me pahn pwukoahki apwalih.

Misineri kan sohte kin saledekla lahu irail repwoht la rehn arail steik preseden. Irail pahn kin idawehn kosondi en misineri lau lel ansou o.

24.6.3.2

Pwurodo Mwadang Ni arail Wasahn Kousoan

Ekei misineri kin kohkohla sang ni soumwahu en paliwar, sohla warohng, de soangen kahrepe teikan. Pisop kan oh steik preseden kan kin utung keneinei ih misineri me pwurodohr pwukat. Sounkaweid akan kin sewese irail en doadoahk pwe irail en kak pwurehng kehlailda de kak pwurala kanekehla arail doadoahk ma kak.

24.7

Misin kan en Papah

24.7.1

Kilangada soangen wiepe kan ong Misineri kan me pahn kin Papah

Pisop, steik preseden, oh misineri en papah kin kosoipene nan pwungarail pwe ren kilangada soangen wiepehkan pwe en papah. Ong misineri me pwulopwul kan, kaun en misin en papah oh an misineri o pahpa oh nohno de me pwukoahki apwali irail pahn iang patehng tuhpene wet.

24.8

Mwurin Papah en Misineri

24.8.2

Kapeidek en kasaledeklahn Misineri

Steik preseden kin kasaledekla misineri kan oh e kin katanga kapeidek en kasaledek la kan. Nan distrik kan, udahn misin preseden de sounsawas me kin kapwukoahki o me pahn kasaledekala misineri kan.

Iren kaweid pwukat ong ni kapeidek wet pahn kak sawas.

• Koangongehkin irail en doudoulahte nan arail mour wiewia sapwelimen Sises Krais soun papah kei.

• Kaweid kin irail en kakehlailih mwekid mwahu kan me re alehdi ansou me re wiewia arail doadoahk en misineri kei.

• Koangongehkin irail en medewe oh kounopada dahme pahn kohdo mwohrail, me iangahki sukuhl oh doadoahk ong misineri me pwulopwul kan.

• Koangongehkin irail en kin ansou koaros warohng silikou en mweimweilong nan tehnpas sarawi.

24.8.4

Malipilip kan

Kaun akan kin mwadang kiheng pwukoah en minisder oh malipilip kan ong irail me apwte neksang arail misin. Met pil iangahki pilipilda en wia tohn doadoahk en nan tehnpas sarawi (kilang 25.5).

24.9

Mehn sawas akan ong irail kan me Pilipilda ong Misineri oh Papah en Misineri

24.9.2

Websites

• MissionaryRecommendations.ChurchofJesusChrist.org (mweimwei iengete kaun akan oh irail akan me men iang wia doadoahk en misineri)