25.

Templo me a Ureor er a Reksi er a Telungalek er a Ward me a Stake

25.0

Uchelel

A templo me a ureor er a reksi er a telungalek a oldak e merrenged a telungalek el mo cherechar (mesa Mateius 16:19). Tial ureor a uldimukl er a:

• Meruul a telbiil sel dolai a chedaol ruoll er a templo (mesa Isaiah 55:3; Doctrine and Covenants 84:19–23).

• Sel bo dodengelterir a re mla mad el chedad e doruul a chedaol ruoll el kirir er a templo me bol sebechir el remuul a telbilir lobengkel a Dios (mesa Malachi 4:5–6; 1 Korint 15:29; Doctrine and Covenants 128:15–18).

• Bo blechoel mo er a templo, sel sebechem, el mo mesiou er a Dios e meruul a chedaol ruoll kirel a Rengelekel (mesa Lukas 24:52–53; Doctrine and Covenants 109:13–14).

A lmuut el bebil er a omsodel a ngarngii er a “Temples” ma “Family History” (Gospel Topics, topics.ChurchofJesusChrist.org).

25.1

Chedal me a Merredel el Oureor er a Templp me a Ureor er a Reksi er a Telungalek

A rechedal a ikelesia a ngarngii a techelir ma deruchelir el mo oldak a telungaelk el mo cherechar. Te mengedmokl er tir el mo meruul a telbiil sel lolai a chedaol ruoll er a templo, e melasm loltirakl a telbiil.

A rechedal a Ikelesia a kirir el mo osiik a ngklir a rechederir el mla mad el dirkak el ngai a chedaol ruoll er a templo. Ea rechedal a ikelesia a mo meruul aikal chedaol ruoll el kirir tirkal chederir (mesa Doctrine and Covenants 128:18). Sel belurir a redeleb, ea re mla mad el chad a sebechir el melilt el kongei malechub te kotouar aikal chedaol ruoll el mla mekedmokl kirir.

25.1.1

Ngerchelel a Chad el mo er a Templo

A rechedal a ikelesia a di tir el omdasu el kmo oingerang e mo uangerang a idisel a taem le bo er a templo. A remerredel a diak lomechur el kmo ng uangera idisel a taem el bo er a templo.

25.2

Mengedmokl er a Templo me a Ureor kirel a Reksi er a Telungalek er a Ward

25.2.1

Kelbisop

A rengara klebisop a oureor lobengkel a chelechad ra elders me a remerredel er a Relief Society el oungerachel er a templo me a ureor kirel a reksi er a telungalek. Tirkal merredel a dmak el oureor.

A klebisop a dirrek el ngarngii aikakid el ngerchelir el kirel a templo me a ureor er a reksi er a telungalek er a elsel a ward:

• Kerkikl el kmo suobel ma klengeltengat er a templo me a ureor er a reksi er a telungalk a mosisechakl er a ikelesia.

• Kerkikl el kmo a templo me a ureor el kirel a reksi er a telungalek a mesaod er a ikel miting er a ward me a rengeasek er a ward.

• Omes a omngedmeklel a omesuub el mo er a templo (mesa 25.2.8).

• Oltobed a babier er a templo (mesa bliongel 26).

25.2.2

Merredel er a Chelechad er a Elders me a Relief Society

A merredel er a chelechad er a elders me a Relief Society a oungerachl aikal ureor er a templo me a reksi er a telungealek er a elsel a ward er a bek el sils (mesa 8.2.4 me a 9.2.4). Te tmak loureor el kirel aikal ureor lobengkel a chedal a ward, el ngar er a eungel a dereder er a bisop.

Aikakid a ngerchelir tirkal merredel:

• Olngeseu er a rechedal a ikelesia el mengedmokl er tir el mo melai a chedaol ruoll er a templo e meruul a telbilir er a templo.

• Mengelechel er a rechedal a ikelesia el mo er a templo sel bek el taem el sebecherir el mong.

• Mengelechel er a rechedal a ikelesia el mo medengei el kirel a rechederir el mla mad e meruul a chedaol ruoll er a templo el kirir.

• Oungerachl a ureor er a ward me a oungerachel er a reksi er a telungalek. Ngkal merredel alsekum ng diak le mokedong, ea chedal a merredel er a chelechad ra elders a sebchel mo er tial deruchall (mesa 25.2.3).

A merredel er a chelechad ra elders me a Relief Society a ngiltii a chederir er a ward el mo oungerachl a ureor er a templo me a reksi er a telungalek. Tirkal terul merredel a dmak loureor. Te ngara miting er a templo me a reksi er a telungalek er a ward er tir (mesa 25.2.7).

25.2.3

Merredel er a Ward me a Merredel er a Reksi er a Telungalek

A bisop a oureor ngii me a merredel er a stake el mo mednegei el kmo te mo ngiltii a merredel er a templo er a ward me a reksi er a telungalek. Ngkal chad a kirel loba Melchizedek Priesthood.

Ngkel merredel er a templo me a reksi er a telungalek a olngeseu er a merredel er a chelechad ra elders me a Relief Society er a urerir el kirel e templo me a reksi er a telungalek. Ngar er ngii aikakid el ngerchelel:

• Oungerachel a miting er a templo me a reksi er a telungalek

• Olngeseu er a oureor er a templo me a reksi er a telungalek. Oureor kirel a olngeseu er a rechedal a ikelesia er a ureor er a templo me a reks er a telungalek.

• Oureor lobengkel a merredel er a ward mision me a re missionaries el molngeseu er tirkel mesuub er a ebangkelio, beches el chedal a ikelesia, me a re luueta el chedal a ikelesia el kirel a ureor er a templo me a reksi er a telungalek.

25.2.4

Roungerachel a Templo er a Ward me a Reksi er a Telungalek

A roungerachel a templo er a ward me a reksi er a telungalek a mesiou er a eungel ngkel merredel er a templo er a ward me a reksi er a telungalek malechub a chedal a merredel er a chelechad ra elders. A rechedal a bisop a omkedong er tirkal chedal a ikelesia el mo mesiou. A re meklou el chad me a rengeasek a sebechir el mokedong.

Aikakid a ngerchelir:

• Olngeseu er a rechedal a ikelesia el mo medengei a klengeltengat sel bo dodengelterir a remla mad el chedad e meruul a chedaol ruoll er a templo el kirir.

• Olngeseu er a rechedal a ikelesia el mo mengedmokl er tir el mo melai a chedaol ruoll er a templo e meruul a telbiil er a templo.

• Mo ngara miting er a templo me a reksi er a telungalek. (mesa 25.2.7).

25.2.7

Miting er a Templo er a Ward me a Reksi er a Telungalek

Kedeb el miting el kirel a templo er a ward me a reksi er a telungalek a blechoel ngar er ngii. A lsekum a templo er a ward me a merredel er a reksi er a telungalek a mokedong, e ngii a moungerachel aikal miting. A lak, ea chedal a merredel er a chelechad ra elders a mo er tial ngerachel.

A rebebil el dirrek el sebechir el ngar tial miting a:

• Rechedal a merredel er a Relief Society me a chelechad ra elders.

• Olngeseu ra chelechad ra prist.

• Chedal a merredel rer sel klas er a re kot el meklou el Young Women.

• Resensei er a templo me a reksi er a telungalek.

A moktek er aikal miting a mo:

• Olngeseu er a rechedal a ward el kirel a ureor er a templo me a reksi er a telungalek a lusbechall.

Aikal miting a sebechel ngarngii lokiu a klaseues ra mad a lechub eng melidiul. Ng dirrek el sebechel lokiu a dengua, text, malechub a email.

25.2.8

Suobel kirel Omngedmokl mo er a Templo

Ngokiu a derreder er a bisop, ea suobel kirel a omngedmokl el mo er a templo a sebechel morngii el molngeseu er a rechedal a ikelesia el mo meruul a telbiil el mo melai a chedaol ruoll er a templo. Aikal suobel a ngarngii er a tara sils el diak el Sandei er a taem lungil mo er a rechedal a ikelesia. Sebechel ngar er a ikelesia malechub a blai.

A suobel ma omesodel a ngarngii er a Endowed from on High: Temple Preparation Seminar Teacher’s Manual. A rechad a ngmai a copy er a Preparing to Enter the Holy Temple. Klekedall lousbech er a omesubel a chad me a suobel, e mesa: temples.ChurchofJesusChrist.org.

25.4

Klekedall er a Reksi er a Telungalek

25.4.1

Telungalek er Ngak: Cheldecheduch Loldak Er Kid

My Family: Stories That Bring Us Together olngeseu er a rechad el mo medengelterir a rechederir me a remla mad el chederir e oldak a cheldechederir. Tial hong a sebechel olngeseu er a rechedal a Ikelesia el mengedmokl a ngklir a rechedal a telungalek el kirel chedaol ruoll er a templo.

Tial hong a sebechel mengai er a ChurchofJesusChrist.org. A copy er tial hong a mengai er a store.ChurchofJesusChrist.org.

25.4.2

FamilySearch.org me a FamilySearch Apps

FamilySearch.org website er a Ikelesia el kirel a templo me a ureor er a reksi er a telungalek Ng sebechel olngeseu era rechad el:

• Omak a reksi er a telungalek e meleketk a deleuill.

• Bo mo medengei a cheldecheduch el kirir a rebeldekir.

• Ouchais e mongereoml a cheldecheduch er a telungalek, siasing, me a reksi.

• Mengedmokl a ngklir a rechedal a telungalek el kirel chedaol ruoll er a templo.

A FamilySearch Tree app me a FamilySearch Memories app a olngeseu er a rechad el moureor er a templo me a reksi er a telungalek lolab a dengua er tir.

25.5

Oldars e Omekedong er a re mo Oureor er a Templo

25.5.1

Oldars a Ngklir a re Moureor er a Templo

A rensebechir el moureor er a templo a mengilt lokiu a:

• A rechedal a Ikelesia a mengilt lokiu a bisop malechub a merredel er a ward

• Rechedal a Ikelesia el mo omes er a bisop el kirel a omesiou

• Rechedal a Ikelesia el mla modars er a merredel er a templo malechub a tara merredel

• Rechedal a ikelesia el mengedmokl er tir el kirel malechub te dirk mlei el mlara mision er a omesiou (mesa bliongel 24)

Ngklir tirkel sebechir el moureor er a templo loba sel Recommend Temple Worker tool Tial dongu a ngarngii el mo er a rebisop, merredel er a stake, ma remerredel a templo.