26.

Kisin Likou en Mweimwei ong nan Tehnpas Sarawi

26.0

Kapehse

Pidelong nan tehnpas sarawi wia mehkot sarawi ehu. Sounkaweid kan en ward oh sdeik kin koangoangehki towe kan en warohng oh kolokol kisin likou en mweimwei me doadoahk mendahte ma irail sohte karanih tehnpas sarawi.

Sounkaweid kan nan Mwomwohdiso kin nantiong pwe koaros me pahn pidelong nan tehnpas sarawi en warohng (kilang Melkahka kan 24:3–5).

Towe kan anahne naineki kisin likou en mweimwei me doadoahk pwe en pidelong nan tehnpas sarawi.

Pisop pahn kin ale kaweid sang rehn sdeik preseden ma mie ah peidek duwen kisin likou en mweimwei en pidelong nan tehnpas sarawi me sohte pasapengla nan pwuhk wet. Sdeik preseden kak peideklahng Ohpis en Presidensi Keiou ma mie anahnepe.

26.1

Soangesoangen Kisin Likou en Mweimwei en pidelong nan Tehnpas Sarawi

Mie soangen kisin likou en mweimwei siluh:

1. Kisin likou en mweimwei ong irail akan me saikinte ale endaumen. Kisin likou en mweimwei kat ongete irail akan me sohte endau me pahn katengteng ong arail pahpa oh nohno oh me pahn wia weliepen me mehlar akan ong pepdais oh kasarawi kan. E kin kohdasang nan Leader and Clerk Resources (LCR). Ong ekei ire, kilang 26.4.

2. Kisin likou en mweimwei ong nan tehnpas sarawi ong tiahk sarawi en me momour kan. Kisin likou en mweimwei pwukat ong toweh kan me pahn alehda arail endaumen oh katengteng ehng ah pwoud. Mweimwei en wia tiahk sarawi kan patehngete kisin likou en mweimwei ong nan tehnpas sarawi ong irail me wiahier arail endaumen (me sansal pah).

3. Kisin likou en mweimwei ong toweh kan me wiahier endaumen. Kisin likou en mweimwei pwukat ong irail toweh kan me wiahier arail endaumen. Irail kin kohdahsang nan LCR Irail mweidada emen towe en iang towehda tiahk sarawi kan koaros ong me melahr akan. E pil kin doadoahk ma emen me alehier endaumen pahn katengteng ehng ah pahpa oh nohno de nah serih kan me momour de melahr. Ong ekei ire, kilang 26.3.

26.2

Apwapwalih Kisin Likou en Mweimwei ong Tehnpas Sarawi

26.2.1

Kaun en Prihsduhd kan kin Apwapwalih Kisin Likou en Mweimwei en Tehnpas Sarawi

Kaun en prihsduhd me ahneki manaman en kolokol pwuhk en kisin likou en mweimwei ong tehnpas sarawi pahn anahne apwalih mwahu.

Kaun en prihsduhd kan anahne tehk me irail akan me sohte mweimwei ong ale kisin likou en mweimwei ong tehnpas sarawi sohte kak alehdi ire kan me pid kisin likou en mweimwei wet nan LCR.

26.2.3

Pwopwila de Pirapalahn Kisin likou en Mweimwei kan

Pisopo pahn padahkiong towe kan en kesehki ih mwadang ma neirail kisin likou en mweimweio pwopwila de pirapala. Ih de emen soun sawas me pilipildahr de klerk kin doadoahngki LCR pwe en kemehla kisin likou en mweimweio ansou mwadang. Ma wiepe wet sohte kak doadoahk, pisop pahn alehdi ohpis en tehnpas sarawi oh padahkiong irail en kemehla kisin likou en mweimweio.

26.2.4

Irail akan me Kolokol kisin Likou en Mweimwei ahpw Sohte Momouriki Kosondi en Warohng

Ma pisop men pahn tehkada me towe men me kolokol kisin likou en mweimwei ahpw sohte momouriki kosondi kan en warohng (kilang 26.3), e pahn peki kisin likou en mweimweio sang rehn towe meno. E kin doadoahngki LCR pwe en kemehla kisin likou en mweimweio. Ma wiepe wet sohte kak doadoahk, pisop pahn alehdi ohpis en tehnpas sarawi oh padahkiong irail en kemehla kisin likou en mweimweio.

26.3

Oaralap en Mehn Kaweid kan ong Kihda Kisin Likou en Mweimwei ong nan Tehnpas Sarawi

Kaun en prihsduhd kan pahn kak kihdahte kisin likou en mweimwei ma toweh men pahn kin sapengala peidengko ni pwung.

Kapeidek kan ong mweimwei en nan tehnpas sarawi sohte anahne en pwurur. Irail anahne wiawi ni rir. Ahpw, aramas me pahn kapeideko pahn kak luke emen aramas laud en mih wasao.

Kaun en prihsduhd kan sohte kak kapatahiong ekei wiepe ong me kileldier nan pwuhken kisin likou en mweimwei ong tehnpas sarawi. De irail sohte kak kihsang sohte lipilipil me miehier kan.

Nan sdeik kan, emen tohn sdeik presedensi de klerk nan sdeik kin wiahda kisin likou en mweimwei ong nan tehnpas sarawio en kak doadoahk LCR mwurin ah alahldi. Nan distrik kan, emen tohn nan misin presedensi de klerk en misin kin wiahda kisin likou en mweimweio en doadoahk. Kisin likou en mweimwei ong me pahn wia weliepe men nan pepdais oh kasarawihla me melahr akan pahn kakehr doadoahk ansou me irail alehdier sang rehn emen pisoprik de preseden en branch.

26.3.1

Kapeidek kan en Kisin Likou en Mweimwei ong Tehnpas Sarawi ong Towe kan nan ward kan oh Branch kan.

Nan ehu ward, pisopo de emen sounsawas pilipildahr kin wia kapeidek kan en kisin likou en mweimwei ong tehnpas sarawi oh kihda kisin likou en mweimwei pwukat ong irail akan me warohng. Nan branch, preseden en branch kelehpw me kin wia peidek kan en kisin likou en mweimwei ong tehnpas sarawi oh kihda kisin likou en mweimwei pwukat.

Nan ward kan, pisopo kin pein kapeidak irail towe kan me:

• Me pahn ale pein arail endaumen (kilang 27.1 oh 27.2).

• Me pahn katengeteng ong ah pwoud (kilang 27.3).

Nan ansou karuwaru kan me pisop pahn sohte mie, e kak kamanahiong emen nah soun sawas kan en wia peidek pwukat.

Mwohn kihda kisin likou en mweimwei nan irair pwukat me sansalehr, pisopo pahn pwurehng tehk oaretik pen rekohd en towe meno pwe en tehk mwahu me e sohte iangahki kileledi ehu me pid irairdi kan ong towe kan en Mwomwohdiso. Ong towe kan me pahn alehdi pein arail endaumen de katengeteng ong ah pwoud, e pil kin tehk mwahu me:

• An aramaso pepdais oh kasarawialahu kileldier nan nah rekohd en Mwomwohdiso.

• Ohl me aledier Melkisedek Prihsduhd.

Mwurin kapeidek sang rehn emen tohn pisoprik de branch preseden, emen tohn sdeik presedensi kin kapeidek towe kan me mihmi nan sdeiko. Emen tohn misin presedensi kin wia keriau en kapeidek ong towe kan me kin kousoan nan distrik o. Preseden en distrik sohte kin wia kapeidek kan en kisin likou en mweimwei lao e alehdi mweimwei sang rehn Presedensi Keieu.

26.3.2

Kapeidek kan ong Kisin Likou en Mweimwei ong Tehnpas Sarawi ong Towe men Me kin Mih Wasa me Doh kan.

Ekei towe kan me mihmi wasa me anahne seilok pweilaud de kahpwal laud en tuhwong emen tohn nan sdeik de misin presedensi. Nan irair pwukat, emen preseden en tehnpas sarawi kak kapeidek aramaso oh pil sainih kisin likou en mweimweio. Mwohn tapiada peidek kan, e pahn kin kosoiong sdeik de misin preseden. Pisopo, de sounsawas me alehdi mweimweio, de branch preseden anahne kapeidekiher towe meno oh sain lahr kisin likou en mweimweio.

26.4

Kihda Kisin Likou en Mweimwei ong Tehnpas Sarawi ong Toweh kan me Saikinte Endau

26.4.1

Iren Kaweid kan ni Oaralap

Kisin likou en mweimwei ong tehnpas sarawi kin kohieng me saikinte endau ni duwe met:

• Ong towe me sounpar 11 oh pil laudsang en pepdaiskihla oh kasarawihla ong me melahr akan. (Serepein pwulopwul oh pwutak pwulopwul me kasarawilahr pil kak naineki kisin likou en mweimwei ong tehnpas sarawi tapida nan Senueri en pahr me irail pahn lel sounpar 12.)

• Ong towe me sounpar 8 lel 20 me pahn katengeteng ong arail pahpa oh nohno. Seri kan pahnangin sounpar 8 sohte anahne kisin likou en mweimwei pwe en katengteng ohng ah pahpa oh nohno (kilang 26.4.4).

• Ong towe kan me sounpar 8 lel 20 pwe en iang patehng katengteng en rierail akan, me irail pahn rianeki kan, de me irail perienlahr akan ong arail pahpa oh nohno kan.

Toweh kan me apwtehn endau la sohte kin ale kisin likou en mweimwei me kawehwedahr nan pali wet.

Towe ohl emen en Mwomwodiso me kakehr ale prihsduhd pahn anahne kasarawiong ohpis en prihsduhd mwohn ah pahn alehdi nah kisin likou en mweimwei ong tehnpas sarawi.

26.4.2

Kisin Likou en Mweimwei ong Tehnpas Sarawi ong Irail Akan me Apwtehn Pepdaisla

Pisopo kin kapeidak ih towe kapw meno me mihmi ni sounpar en alehdi kisin likou en mweimwei ong tehnpas sarawi ong weliepen irail me melahr akan ongete nan pepdais oh kasarawi. E kin wia tuhpene wet mwurinte kasarawilahn towe menet, kin wiawi mwurin wihk ehu (kilang 26.4.1). Ong ohl akan, tuhpene wet pil kak patehng kapeidek ong alehdi Prihsduhd en Aron.

26.4.3

Kisin Lkou en Mweimwei ong Tehnpas Sarawi ong Weliepen me Melahr akan Ongete Pepdais oh Kasarawi.

Kisin likou en mweimwei ong tehnpas sarawi me kin kohieng irail akan me weliandi me melahr akan nan pepdais oh kasarawi pahn kak doadoahk ongete kahrepeo.

26.4.4

Kisin Likou en Mweimwei ong Tehnpas Sarawi ong Katengtengpenehn Seri me Momour kan ong Arail Pahpa oh Nohno

Towe kan me sounpar 21 de mahsang kak katengteng ong arail pahpa oh nohno de iang kilang katengteng ehu ihte ma irail 1) endau lahr oh 2) kolokol kisin likou en mweimwei en tehnpas sarawi me wie doadoahk.

26.5

Kihda Kisin Likou en Mweimwei ong Tehnpas Sarawi nan Irair Kesempwal akan

26.5.1

Towe kan me pahn Alehdi Pein Arail Endaumen

Towe kan me warohng me inengiong alehdi pein arail endaumen kak wia ma irail kapwaiada soahng pwukat koaros:

• Sohte tikitik sang sounpar 18.

• Irail kanekelahr de sohlar mihmi nan high school, de keriau en sukuhl, de me pil duwehte.

• Sounpar ehu douier powe mwurin arail kasarawilahr en iangala mwomwohdiso.

• Irail inangih en ale oh wauneki inou kan en tehnpas sarawi erein arail mour.

Me kapatapat ong, ohl emen anahne kolokol Melkisedek Prihsduhd mwohn ah ale ah endaumen. Ong ireh kan me pid toweh kan me kaukaunop en ale pein arail endaumen, kilang 25.2.8. Ong Ireh kan me pid irail akan me kak ale arail endaumen, kilang 27.2.1.

26.5.3

Misineri Pwulopwul Kan Pwurasang arail Papah sang Wasa Doh

Misin presedeno kin koasoanehdi rahn oh wiahda kisin likou en mweimweio en manaman pwe en kak sohla doadoahk sounpwong siluh sang ni rahn me misinerio pwuredo nan ah wasahn kouson.

Pisopo pahn kosoieng oh kapeidakih misineri kan me pwurodohr pwe en kiheng neirail kisin likou en mweimwei ong tehnpas sarawi mwohn kaimwseklahn sounpwong-siluho ah pahn lel.

26.5.4

Towe kan Me Sohte Kin Kouson Nan Ward Ehute Sohte Mwotomwot sang Sounpar Ehu

Pisopo de sounsawas me pilipilda pahn alehdi pisop en mahso mwohn ah pahn wia kapeidek en kisin likou en mweimwei en tehnpas sarawi.

26.5.7

Aramas akan Me Wia Transgender

Sdeik preseden anahne ale kaweid sang Ehria Presedensi pwe en kak apwalih ehu ehu irair kan ni keneinei oh ahneki limpoak en Krais (kilang 38.6.23).

26.5.8

Towe Men Me Wiahda Dihp Laud Ehu

Towe men me wiahda dihp laud ehu sohte kak ale nah kisin likou en mweimwei ong tehnpas sarawi lahu e koluhla (kilang 32.6).

26.5.9

Towe Kan Me Pwurehng Pwurodo mwurin Arail Kasohrehla de Kapidoisang Edrail nan Mwomwohdiso

26.5.9.1

Toweh kan Me Sohte Alehdi Arail Endaumen

Towe pwukat sohte kak ale kisin likou en mweimwei pwe irail en ale arail endaumen lahu mwurin sounpar ehu mwurin rahn me irail pwurodo nan Mwomwohdiso sang ni arail pepdaisla oh kasarawihla.

26.5.9.2

Toweh kan Me Alehdi Arail Endaumen

Towe kan me endaulahro sohte kak alehdi sohte lipilipil en kisin likou en mweimwei lahu arail kapai kan en tehnpas sarawi pahn kapwurupwurdo sang ni tiahk sarawi en kapai kan en kapwurupwurdohu.