tulugmawan

28.

Mga Ordinansa sa Templo para sa mga Patay

28.0

Introduksyon

Ang mga ordinansa nga ginahimo sa mga templo nagapatigayon sa mga pamilya nga mag-upod sa katubtuban kag maeksperiyensyahan ang kabug-osan sang kalipay sa presensya sang Dios.

Para makabalik ang mga anak sang Amay nga Langitnon sa Iya, kinahanglan sang kada isa nga maghinulsol, mangin angayan sa pagbaton sang mga ordinansa sang kaluwasan kag pangkahitaasan, kag tumanon ang mga kasugtanan nga naangot sa tagsa ka ordinansa.

Nahibal-an sang Amay nga Langitnon nga madamo sang Iya kabataan ang indi makabaton sining mga ordinansa sa mortal nila nga mga kabuhi. Nagtigana Sia sang isa pa ka paagi nga mabaton nila ang mga ordinansa kag maghimo sang mga kasugtanan upod sa Iya. Sa mga templo, ang mga ordinansa sarang mahikot paagi sa proxy. Buot silingon nga ang buhi nga tawo ang nagabaton sang mga ordinansa sa lugar sang tawo nga napatay na. Sa kalibutan sang mga espiritu, ang napatay na nga mga tawo pwede nga magpili kon batunon ukon sikwayon ang mga ordinansa nga ginhikot para sa ila (tan-awa sa Doktrina kag mga Kasugtanan 138:19, 32–34, 58–59).

Ang mga miyembro sang Simbahan ginapaisog nga kilalahon ang napatay na nga kaparyentihan nga wala pa makabaton sang mga ordinansa sang kaluwasan kag pangkahitaasan. Dayon ginahikot sang mga miyembro ang mga ordinansa sa lugar sinang mga kaparyentihan.

Kon wala makahanda ang mga miyembro sang mga ngalan sang pamilya para sa ulobrahon sa templo (tan-awa sa 28.1.1), hatagan sila sa templo sang mga ngalan sang patay na nga mga tawo nga nagakinahanglan sang mga ordinansa.

28.1

Pangkabilogan nga Pagsulundan sa Paghikot sang Proxy nga mga Ordinansa

Pwede hikuton ang proxy nga mga ordinansa para sa napatay na nga mga tawo nga nagaedad 8 anyos pataas. Magluwas kon ginmitlang sa 28.3, pwede hikuton ang proxy nga mga ordinansa para sa tanan nga napatay na paglampas sang 30 ka adlaw sa petsa sang ila pagkapatay kon bisan isa sang masunod ang matuod:

• Ang malapit nga himata sang napatay (wala gindiborsyo nga asawa/bana, hamtong nga anak, ginikanan, ukon utod) ang nagapasa sang ngalan para sa mga ordinansa sa templo.

• May permiso sa paghimo sang mga ordinansa halin sa malapit nga himata sang napatay (wala gindiborsyo nga asawa/bana, hamtong nga anak, ginikanan, ukon utod).

Kon wala sa mga kondisyones sa ibabaw ang nasabat, ang proxy nga mga ordinansa sa templo pwede himuon 110 katuig pagkatapos natawo ang napatay nga himata.

28.1.1

Paghanda sang mga Ngalan sang Napatay na para sa mga Ordinansa sa Templo

Kon diin posible, ang impormasyon nga nagakilala sang napatay na nga mga miyembro sang pamilya dapat mapasulod na FamilySearch.org antes hikuton ang mga ordinansa sa templo (tan-awa sa 25.4.2).

28.1.1.1

Pagpasa sang mga Ngalan sang mga Miyembro sang Pamilya

Sa pagpasa sang mga ngalan para sa proxy nga mga ordinansa sa templo, sa kabilogan dapat ipasa lang sang mga miyembro ang mga ngalan sang mga tawo nga may kaangtanan sa ila.

28.1.2

Sin-o ang Pwede Magpartisipar sa mga Ordinansa para sa mga Patay na

Ang tanan nga miyembro nga may current temple recommend pwede magpartisipar sa mga bunyag kag kumpirmasyon para sa patay. Ang mga miyembro nga na-endow na nga may current temple recommend pwede nga magpartisipar sa tanan nga ordinansa para sa patay. Tan-awa sa 26.3.

28.1.4

Pag-iskedyul

Mahimo nga kinahanglan sang mga miyembro nga magpa-appointment antes maghikot sang mga ordinansa para sa patay. Tan-awa sa temples.ChurchofJesusChrist.org para sa impormasyon sa pagkontak sang templo kag mga kinahanglanon para makapaiskedyul.

28.2

Paghikot sang mga Ordinansa sang Templo para sa Patay na nga mga Tawo

Sa paghikot sang proxy nga mga ordinansa, ang miyembro magatindog lamang nga proxy sang napatay na nga tawo nga pareho ang kasarian sa pagkatawo (birth sex) sa iya.

28.2.1

Mga Bunyag kag Kumpirmasyon para sa Patay

Bisan sin-o nga miyembro nga may current temple recommend pwede agdahon sa pag-alagad sa mga asaynment sa tulugmawan. Pwede nga dala sining mga asaynment ang:

• Pagtindog bilang proxy para sa mga bunyag kag kumpirmasyon.

• Pagsaksi sa proxy nga mga bunyag.

• Pagbulig sa mga patron.

Ang mga nagakapot sang Melchizedek Priesthood kag mga priest sang Aaronic Priesthood pwede nga agdahon sa paghikot sang mga bunyag para sa mga patay. Ang mga nagakapot sang Melchizedek Priesthood pwede man nga agdahon sa paghikot sang mga kumpirmasyon sang mga patay.

Ang mga lalaki lamang nga nakabaton na sang endowment ang pwede agdahon sa:

• Pag-alagad bilang manugrekord sa tulugmawan.

• Pag-alagad bilang manugrekord sang kumpirmasyon.

28.2.2

Endowment (Dala ang Initiatory)

Sa paghikot sang proxy nga mga endowment para sa patay, ang initiatory nga bahin sang endowment separar nga ginahikot kag ginarekord (tan-awa sa 27.2). Ang bisan sin-o nga na-endow na nga miyembro nga may current temple recommend pwede magtindog bilang proxy sa pagbaton sining mga ordinansa.

28.2.3

Pagselyo sa Asawa/Bana kag Pagselyo sang Kabataan sa Ginikanan

Sa templo, ang patay na nga mga tawo pwede nga maselyohan sa ila mga asawa/bana kon kay sin-o kasado sila sang buhi pa. Pwede man nga selyohan ang patay na nga mga tawo sa buhi ukon patay na nila nga kabataan. Endowed nga miyembro nga may current temple recommend ang pwede nga magtindog bilang proxy sa mga ordinansa sang pagselyo.

28.3

Pinasahi nga mga Sirkumstansya

Ini nga seksyon nagapaathag sang mga sirkumstansya nga sa diin ang pila ka mga pagsulundan sa 28.1 indi magamit.

28.3.1

Mga Kabataan nga Napatay Antes pa Matawo (Mga Stillborn kag Nahulog nga Kabataan)

Ang mga ordinansa sang templo indi kinahanglan hikuton para sa kabataan nga napatay antes matawo. Para sa dugang nga impormasyon, tan-awa sa 38.7.3.

28.3.2

Kabataan nga Napatay Antes Maglab-ot sa Edad nga Walo ka Tuig

Ang magagmay nga kabataan gintubos paagi sa Pagbayad-Sala ni Jesucristo kag “maluwas sa selestiyal nga ginharian sang langit” (Doktrina kag mga Kasugtanan 137:10). Tungod sini, wala sang bunyag ukon endowment nga ginahikot para sa bata nga napatay antes maglab-ot sa edad nga 8 ka tuig. Pero, ang pagselyo sa mga ginikanan pwede hikuton para sa kabataan nga wala mabun-ag sa sulod sang kasugtanan ukon wala pa makabaton sina nga ordinansa sang buhi pa (tan-awa sa 18.1).