մկրտության ավազան

28.

Տաճարային արարողություններ մահացածների համար

28.0

Նախաբան

Տաճարներում կատարվող արարողությունները հնարավորություն են տալիս ընտանիքներին հավերժ միասին լինել և զգալ ուրախության լիությունը Աստծո ներկայության մեջ:

Որպեսզի Երկնային Հոր զավակները վերադառնան Իր մոտ, նրանցից յուրաքանչյուրը պետք է ապաշխարի, արժանի դառնա ստանալու փրկության և վեհացման արարողությունները և հարգի այն ուխտերը, որոնք վերաբերում են յուրաքանչյուր արարողությանը:

Երկնային Հայրը գիտեր, որ Իր զավակներից շատերը չէին ստանա այս արարողությունները իրենց մահկանացու կյանքի ընթացքում: Նա մեկ այլ ուղի տվեց նրանց՝ ստանալու արարողությունները և ուխտեր կապելու Իր հետ: Տաճարներում արարողությունները կարող են կատարվել փոխարինող անձանց կողմից: Դա նշանակում է, որ կենդանի մարդը արարողություններ է ստանում մահացածի անունից: Հոգիների աշխարհում մահացած մարդիկ կարող են ընտրել՝ ընդունել կամ մերժել արարողությունները, որոնք կատարվել են իրենց համար (տես Վարդապետություն և Ուխտեր 138․19, 32–34, 58–59)։

Եկեղեցու անդամներին խրախուսվում է գտնել մահացած ազգականներին, որոնք չեն ստացել փրկության և վեհացման արարողությունները: Այնուհետև անդամները կատարում են արարողությունները այդ ազգականների անունից։

Եթե անդամները ընտանեկան անուններ չեն պատրաստել տաճարային աշխատանքի համար (տես 28.1.1), մահացած մարդկանց անունները, որոնք արարողությունների կարիք ունեն, կտրամադրվեն տաճարում:

28.1

Փոխարինող արարողություններ կատարելու ընդհանուր ուղեցույցներ

Այն մահացած մարդկանց անունից, որոնք իրենց մահվան պահին 8 և ավելի բարձր տարիքի էին, կարող են կատարվել փոխարինող արարողություններ: Բացառությամբ 28.3-ում նշված դեպքերի, փոխարինող արարողությունները բոլոր մահացած անձանց համար կարող են կատարվել նրանց մահվան օրվանից 30 օր անց, եթե կիրառվում է հետևյալներից որևէ մեկը.

• Մահացածի մերձավոր ազգականը (չամուսնալուծված ամուսին, չափահաս երեխա, ծնող կամ քույր-եղբայր) անունը ներկայացնում է տաճարային արարողությունների համար:

• Արարողությունները կատարելու թույլտվությունը ստացվում է մահացածի մերձավոր ազգականից (չամուսնալուծված ամուսին, չափահաս երեխա, ծնող կամ քույր-եղբայր):

Եթե վերը նշված պայմաններից ոչ մեկը չի կիրառվում, տաճարային փոխարինող արարողությունները կարող են կատարվել մահացած մարդու ծնվելուց 110 տարի անց:

28.1.1

Պատրաստել մահացած անձանց անունները տաճարային արարողությունների համար

Հնարավորության դեպքում ընտանիքի մահացած անդամների ինքնությունը հաստատող տեղեկությունները պետք է մուտքագրվեն FamilySearch.org կայքում՝ տաճարային արարողությունները կատարելուց առաջ (տես 25.4.2)։

28.1.1.1

Ընտանիքի անդամների անունների ներկայացում

Տաճարային փոխարինող արարողությունների համար անուններ ներկայացնելիս անդամները սովորաբար պետք է ներկայացնեն միայն այն անձանց անունները, որոնց հետ կապ ունեն։

28.1.2

Ո՞վ կարող է մասնակցել մահացածների համար կատարվող տաճարային արարողություններին

Բոլոր անդամները, որոնք ունեն տաճարային գործող երաշխավորագիր, կարող են մասնակցել մահացածների համար կատարվող մկրտություններին և հաստատմումներին: Տաճարային գործող երաշխավորագիր ունեցող օժտում ստացած անդամները կարող են մասնակցել մահացածների համար կատարվող բոլոր արարողություններին: Տես 26.3։

28.1.4

Հերթագրում

Անդամները պետք է հանդիպում նշանակեն՝ նախքան մահացածի համար արարողություններ կատարելը: Տես temples.ChurchofJesusChrist.org , տաճարների կոնտակտային տվյալների և հերթագրման պահանջների համար:

28.2

Կատարել տաճարային արարողություններ մահացած մարդկանց համար

Փոխարինող արարողություններ կատարելիս անդամը կարող է որպես փոխարինող անձ հանդես գալ միայն այն մահացած անձի համար, որը նույն սեռի է, ինչ արարողությունները կատարող անդամը:

28.2.1

Մկրտություններ և հաստատումներ մահացածների համար

Ցանկացած անդամի, ով ունի տաճարային գործող երաշխավորագիր, կարող է առաջարկվել ծառայելու մկրտարանի հանձնարարություններում: Որոշ հանձնարարություններ կարող են ներառել.

• Հանդես գալ որպես փոխարինող անձ մկրտությունների և հաստատումների ժամանակ:

• Հանդես գալ որպես վկա փոխարինող մկրտությունների ժամանակ։

• Աջակցել այցելուներին։

Մելքիսեդեկյան քահանայություն կրողներին և Ահարոնյան քահանայության քահանաներին կարող են հրավիրել մկրտություններ կատարել մահացածների համար: Մելքիսեդեկյան քահանայություն կրողներին նաև կարող են հրավիրել հաստատումներ կատարելու մահացածների համար:

Միայն օժտում ստացած տղամարդկանց կարող են հրավիրել․

• Ծառայելու որպես մկրտության ավազանի արձանագրող։

• Ծառայելու որպես հաստատումների արձանագրող։

28.2.2

Օժտում (այդ թվում՝ նախնական արարողությունը)

Մահացած մարդկանց համար փոխարինող օժտումներ կատարելիս, օժտման նախնական մասը կատարվում է և գրանցվում առանձին (տես 27.2): Օժտում ստացած ցանկացած անդամ, որը կրում է գործող տաճարային երաշխավորագիր, կարող է հանդես գալ որպես փոխարինող՝ այդ արարողությունները ստանալու համար:

28.2.3

Կնքում ամուսնու հետ և երեխաների կնքումը ծնողներին

Մահացած մարդիկ տաճարում կարող են կնքվել այն ամուսինների հետ, որոնց հետ նրանք ամուսնացել են կենդանության օրոք: Մահացած մարդիկ կարող են նաև կնքվել իրենց ապրող կամ մահացած երեխաների հետ: Օժտում ստացած որևէ անդամ, որը կրում է գործող տաճարային երաշխավորագիր, կարող է հանդես գալ որպես փոխարինող՝ կնքման արարողությունների համար:

28.3

Հատուկ հանգամանքներ

Այս բաժինը բացատրում է այն հանգամանքները, որոնց դեպքում 28.1-ի որոշ ուղեցույցներ կարող են չկիրառվել:

28.3.1

Երեխաներ, որոնք մահացել են ծնվելուց առաջ (մեռելածին և վիժված երեխաներ)

Տաճարային արարողությունները անհրաժեշտ չեն կամ չեն կատարվում այն երեխաների համար, որոնք մահանում են ծնվելուց առաջ: Լրացուցիչ տեղեկությունների համար, տես 38.7․3։

28.3.2

Երեխաներ, որոնք մահացել են մինչև ութ տարեկանը

Փոքր երեխաները փրկագնվում են Հիսուս Քրիստոսի Քավության միջոցով և «փրկվում են երկնքի սելեստիալ արքայությունում» (Վարդապետություն և Ուխտեր 137.10): Այդ իսկ պատճառով մկրտություն կամ օժտում չի կատարվում այն երեխայի համար, որը մահացել է մինչև 8 տարեկան լրանալը: Սակայն, ծնողների հետ կնքումներ կարող են կատարվել այն երեխաների համար, ովքեր չեն ծնվել ուխտի մեջ կամ չեն ստացել այդ արարողությունը կենդանի ժամանակ (տես 18.1):