29.

የቤተክርስቲያኗ ስብሰባዎች

29.0

መግቢያ

የኋለኛው ቀን ቅዱሳን ለአምልኮ፣ እርስ በርስ ለመተናነፅ እንዲሁም ወንጌልን ለማስተማር እና ለመማር ይሰሰባሉ (አልማ 6፥6፤ ሞሮኒ 6፥5–6 ይመልከቱ)። አዳኙ ቃል እንደገባው፣ “ሁለት ወይም ሶስት በስሜ በሚሰበሰቡበት እኔ በዚያ በመካከላቸው እሆናለሁ” (ማቴዎስ18፥20)። በህብረት መሰብሰብ ልቦቻችን “በአንድ ላይ በአንድነት እና አንዱ ሌላኛውን ባለው ፍቅር [የሚጣበቁበት]” አንዱ መንገድ ነው (ሞዛያ 18፥21)።

ሆኖም ስብሰባ ማድረግ እንደ ኢየሱስ ክርስቶስ ማገልገልን መተካት የለበትም።

29.1

ስብሰባዎችን ማቀድ እና ማካሄድ

መሪዎች “እንደ እግዚአብሔር ትዕዛዝ እና ራዕይ በመንፈስ ቅዱስ መሪነት” ስብሰባዎችን ማቀድ እና ማከናወን አለባቸው (ትምህርት እና ቃል ኪዳኖች 20፥45ን፤ በተጨማሪምሞሮኒ 6፥9፤ ትምህርት እና ቃል ኪዳኖች 46፥2ን ይመልከቱ)። በስብሰባዎቻቸው ላይ የመንፈስ ቅዱስን ተፅዕኖ ለመጋበዝ መንገዶችን ይፈልጋሉ።

መሪዎች የስብሰባዎች ብዛት እና ርዝመት በቤተሰብ አባላቶቻቸው ላይ ጫና አለመፍጠሩን ያረጋግጣሉ።

29.2

የአጥቢያ ስብሰባዎች

29.2.1

የቅዱስ ቁርባን ስብሰባ

ዓላማዎች

ቅዱስ ቁርባንን በመካፈል ኢየሱስ ክርስቶስን ማስታወስ። ሌሎች አላማዎች አምልኮን፣ እምነትን እና ምስክርነትን መገንባትን እና የአጥቢያ ስራዎችን ማከናወንን ያካትታሉ።

ተሳታፊዎች

ሁሉም እንዲሳተፉ ተጋብዘዋል።

ድግግሞሽ

በእያንዳንዱ እሁድ

29.2.1.1

የቅዱስ ቁርባን ስብሰባን ማቀድ

የኤጲስ ቆጶስ አመራሩ የቅዱስ ቁርባን ስብሰባን ያቅዳል እንዲሁም ይመራል። ስብሰባው በቅዱስ ቁርባኑ እንዲሁም በኢየሱስ ክርስቶስ እምነትን በመገንባት ላይ ያተኮረ መሆኑን ያረጋግጣሉ።

የቅዱስ ቁርባን ስብሰባ አንድ ሰዓት ይፈጃል። የሚከተሉትን ሊያካትት ይችላል፦

1. የመግቢያ ሙዚቃ (ለመመሪያው 19.3.2 ንይመልከቱ)።

2. ሰላምታ እና የእንኳን ደህና መጣችሁ መልዕክት።

3. ለስብሰባው የበላይ መሪ ባለሥልጣናት ወይም ለሌሎች ጎብኚ መሪዎች እውቅና መስጠት።

4. ማስታወቂያዎች። እነዚህ የተቻለውን ያህል አጭር መሆን አለባቸው።

5. የመክፈቻ መዝሙር እና ጸሎት 19.3.2 እና 29.6 ይመልከቱ።

6. እንደሚከተሉት ያሉ የአጥቢያ እና የካስማ ሥራዎች፦

   • ለመሪዎች እና ለአስተማሪዎች ድጋፍ መስጠት እንዲሁም ማሰናበት (30.3 እና 30.6 ይመልከቱ)።

   • በአሮናዊ ክህነት ክፍሎች የሚሾሙ ወንድሞችን ሥሞች ማቅረብ (18.10.3 ይመልከቱ)።

   • በቅርብ ጊዜ የተለወጡትን ጨምሮ ለአዲስ የአጥቢያ አባላት እውቅና መስጠት።

7. ልጆችን መሰየም እና በረከት መስጠት (18.6 ይመልከቱ)። ይህ በአብዛኛው የሚከናወነው በጾም እና በምስክርነት ስብሰባ ላይ ነው (29.2.2 ይመልከቱ)።

8. ለአዳዲስ አባላት ማረጋገጫ መስጠት (18.8 ይመልከቱ)።

9. የቅዱስ ቁርባን መዝሙር እና ቅዱስ ቁርባንን ማከናወን ቅዱስ ቁርባን የስብሰባው ዋነኛ ትኩረት ነው። ይህ ሥርዓት አባላት ሃሳባቸውን ወደ አዳኙ እና ለእነርሱ ወደከፈለው መስዋዕት የሚመራ አጋጣሚ ነው።

   ቅዱስ ቁርባንን ስለማዘጋጀት፣ ስለመባረክ እና ስለማሳለፍ የበለጠ ለማግኘት 18.9 ይመልከቱ።

10. የወንጌል መልዕክት እና የምዕመናን ዝማሬ ወይም ሌላ ሙዚቃ።

11. የመዝጊያ መዝሙር እና ጸሎት።

12. የመዝጊያ ሙዚቃ

29.2.1.4

ተናጋሪዎችን መምረጥ

የኤጲስ ቆጶሱአመራሩ ለቅዱስ ቁርባን ስብሰባ ተናጋሪዎችን ይመርጣሉ። አብዛኛውን ጊዜ፣ ወጣቶችን ጨምሮ የአጥቢያ አባላትን ይጋብዛሉ።

ተናጋሪዎቹ ስለኢየሱስ ክርስቶስ ምስክርነት ይሰጣሉ እንዲሁም ቅዱሳት መጻህፍትን በመጠቀም ወንጌሉን ያስተምራሉ ( ትምህርት እና ቃል ኪዳኖች 42፥12፤ 52፥9ይመልከቱ)።

29.2.2

የጾም እና የምስክርነት ስብሰባ

ዓላማ

ቅዱስ ቁርባንን መካፈል እንዲሁም ስለኢየሱስ ክርስቶስ እና ስለወንጌሉ ምስክርነት በመስጠት እርስ በርስ መጠነካከር። አባላት መጾም የሚችሉ ከሆነ ወደ ስብሰባው ሲመጡ ጾመው እንዲመጡ ይበረታታሉ።

ተሳታፊዎች

ሁሉም እንዲሳተፉ ተጋብዘዋል።

ድግግሞሽ

በወር አንድ ጊዜ የቅዱስ ቁርባን ስብሰባ የጾም እና የምስክርነት ስብሰባ ይሆናል። ብዙውን ጊዜ በወሩ የመጀመሪያ እሁድ ላይ ይሆናል።

በጾም እና ምሥክርነት ስብሰባ ላይ ተናጋሪዎች አይመደቡም ወይም ልዩ የመዝሙርሙዚቃ ምርጫዎች አይኖሩም። ከዚያ ይልቅ ስብሰባውን የሚመራው ግለሰብ አጭር ምስክርነቱን ይሰጣል። ከዚያም የስብሰባው ተሳታፊዎች ምስክርነታቸውን እንዲሰጡ ይጋብዛል። ምስክርነት መስጠት ማለት በመንፈስ ቅዱስ አነሳሽነት የወንጌልን እውነታዎች መናገር ማለት ነው።

29.2.3

የአጥቢያ ጉባኤ

ዓላማ

በአጥቢያ ጉባኤ፣ የካስማ መሪዎች የአጥቢያ መሪዎችን እና አባላትን ያስተምራሉ፣ ይደግፋሉ እንዲሁም ያገለግላሉ። የአጥቢያ አባላት አጠቃላይ እና የአካባቢ መሪዎችን ይደግፋሉ።

ተሳታፊዎች

ሁሉም እንዲሳተፉ ተጋብዘዋል።

ድግግሞሽ

በዓመት አንድ ጊዜ ከጾም እሑድ ውጪ በሌላ እሁድ ላይ።

29.2.4

የኤጲስ ቆጶስ አመራር ስብሰባ

ዓላማ

አጥቢያውን በሚመለከቱ ጉዳዮች ላይ በጋራ መምከር እንዲሁም ውሳኔ መስጠት።

ተሳታፊዎች

የኤጲስ ቆጶስ አመራሩ፣ የአጥቢያ ጸሃፊው እና ዋና ጸሃፊው

ድግግሞሽ

በተለምዶ በየሳምንቱ

ግምት ውስጥ ሊገቡ የሚገባቸው ጉዳዮች የሚከተሉትን ሊያካትቱ ይችላሉ፦

• በካስማው ውስጥ የደህንነት እና በዘለአለማዊ ህይወት ከፍ ከፍ የማድረግ ሥራን ማስተባበር።

• በአጥቢያው ውስጥ ያሉ ግለሰቦችን እና ቤተሰቦችን ማጠናከር—በተለይ ወጣቶችን እና ልጆችን።

• የክህነት ሥርዓቶችን ጨምሮ ሥርዓቶችን ለመቀበል ሊዘጋጁ የሚችሉ አባላትን መለየት።

• በአጥቢያ መደቦች ሊጠሩ የሚችሉ አባላትን መለየት።

29.2.5

የአጥቢያ ምክር ቤት ስብሰባ

ዓላማ

የደህንነት እና በዘለአለማዊ ህይወት ከፍ ከፍ የማድረግ ሥራ እንዲከናወን መርዳት ( 1.2ይመልከቱ)።

ተሳታፊዎች

• የኤጲስ ቆጶስ አመራሩ፣ የአጥቢያ ጸሃፊው እና የአጥቢያ ዋና ጸሃፊው

• የሽማግሌዎች ቡድን፣ የሴቶች የመረዳጃ ማህበር፣ የወጣት ሴቶች፣ የመጀመሪያ ክፍል እና የሰንበት ትምህርት ቤት ፕሬዘደንቶች

ድግግሞሽ

በተለምዶ በየሳምንቱ (ነገር ግን እንደዚያ ቶሎ ቶሎ ላይሰበሰቡ ይችላሉ)።

ኤጲስ ቆጶሱ የአጥቢያ ምክር ቤት ስብሰባዎችን ያቅዳል፣ ይመራል፣ እንዲሁም ያካሂዳል። ምክር ቤቱ ኤጲስ ቆጶሱ ሳይኖር ዋና ውሳኔዎችን አያደርግም።

የአጥቢያ ድርጅት መሪዎች በአጥቢያ ምክር ቤት ስብሰባዎች ላይ በሁለት በኩል ይሳተፋሉ።

1. ሁሉንም የአጥቢያ አባላት በመባረክ እንደሚረዱ እንደ አጥቢያ ምክር ቤት አባላት።

2. እንደ ድርጅቶቻቸው ተወካዮች።

በጋራ ሲሰበሰቡ፣ የአጥቢያ ምክር ቤት አባላት ከመላው ምክር ቤት የተቀናጀ ጥረት ሊጠቀሙ በሚችሉ ጉዳዮች ላይ ይወያያሉ። እያንዳንዱ የምክር ቤት አባል በእነዚህ ጉዳዮች ላይ ሀሳቡን/ቧን እና በመንፈስ የተነሳሳ ግንዛቤውን/ዋን እንዲያካፍል/ድታካፍል ይበረታታል/ትበረታታለች።

ብዙውን ጊዜ የአጥቢያ ምክር ቤት ስብሰባ ከአንድ ሰዓት በላይ አይቆዩም። በጸሎት እና ባለፉት ስብሰባዎች በተሰጡ ስራዎች አጭር የክንውን ሪፖርቶች ይጀምራሉ። ኤጲስ ቆጶሱ ግለሰቦችን እና ቤተሰቦችን ለመባረክ ይበልጥ ለሚያስፈልጉ ጉዳዮች ቅድሚያ ይሰጣል።

• በኢየሱስ ክርስቶስ ወንጌል መኖር። ሁሉም አባላት እምነትን እንዲገነቡ፣ የመዳን ሥርዓቶችን እንዲቀበሉ እና ቃል ኪዳኖቻቸውን እንዲጠብቁ መርዳት።

• እርዳታ የሚያስፈልጋቸውን መርዳት፡፡ ግለሰቦችን፣ ቤተሰቦችን እና ማህበረሰቡን ለመባረክ ሃብቶችን እና ክህሎቶችን ማጋራት። የአጥቢያው አባላት ራሳቸውን የቻሉ እንዲሆኑ መርዳት። (ምዕራፍ 22 ይመልከቱ።)

• ሁሉም ወንጌልን እንዲቀበሉ መጋበዝ። ስለወንጌል የሚማሩትን እንዲሁም አዲስ እና እንደገና ወደቤተክርስቲያኗ የተመለሱ አባላትን እድገት መገምገም። አባላት ወንጌልን ለሌሎች ማካፈል የሚችሉባቸውን መንገዶች መወያየት። (ምዕራፍ 23 ይመልከቱ።)

• ቤተስቦችን ለዘለአለም ማጣመር። የቤተመቅደስ ሥርዓቶችን ለመቀበል እየተዘጋጁ ያሉ አባላትን እድገት መገምገም። ብዙ አባላት የቤተመቅደስ መግቢያ መታወቂያ ለማግኘት ብቁ እንዲሆኑ ለመርዳት መንገዶችን ማቀድ። አባላት በቤተመቅደስ እና በቤተሰብ ታሪክ ስራ ላይ ሊሳተፉ ስለሚችሉባቸው መንገዶች መወያየት። (ምዕራፍ 25 ይመልከቱ።)

የምክር ቤቱ አባላት ማንኛውንም የግል ወይም ጥንቃቄ የሚያሻው መረጃ ሚስጥራዊ አድርገው መያዝ አለባቸው ( 4.4.6ን ይመልከቱ)።

29.2.6

የአጥቢያ የወጣቶች ምክር ቤት ስብሰባ

ዓላማ

በአጥቢያው ያሉ ወጣቶችን ማጠናከር። በደህንነት እና በዘለአለማዊ ህይወት ከፍከፍ የማድረግ ሥራ ውስጥ እንዲሳተፉ መርዳት ( 1.2ን ይመልከቱ)።

ተሳታፊዎች

• የኤጲስ ቆጶስ አመራሩ

• በካህናቱ ቡድን ውስጥ ያለ ከኤጲስ ቆጶስ ረዳቶች አንዱ እንዲሁም የአስተማሪዎች እና የዲያቆናት ቡድን ፕሬዘደንቶች።

• የወጣት ሴቶች ክፍል ፕሬዘደንቶች ወይም (አጥቢያው አንድ የወጣት ሴቶች ክፍል ብቻ ካለው አመራሩ በሙሉ)።

• የወጣት ሴቶች ፕሬዘደንት

ድግግሞሽ

ብዙውን ጊዜ በየወሩ

ከእያንዳንዱ ስብሰባ በፊት ኤጲስ ቆጶሱና ግምገማውን የሚመራው ሰው ለውይይት የሚቀርቡትን ነገሮች ይከልሳሉ።

• የደህንነት እና በዘለአለማዊ ህይወት ከፍ ከፍ የማድረግ ሥራ

• በአጥቢያው ውስጥ ያሉ ወጣቶች ፍላጎቶች እና እነሱን ለማሟላት የሚቻልባቸው መንገዶች።

• ንቁ ተሳታፊ ያልሆኑትን ወይም አዲስ አባላትን ለመርዳት የሚደረግ ጥረት።

• አክቲቪቲዎች—እርዳታ የሚያስፈልጋቸውን የማገልገል እድሎችን ጨምሮ። አብዛኛው እቅድ የሚታቀደው በቡድን ወይም በክፍል የአመራር ስብሰባዎች ነው (ምዕራፍ 20 ይመልከቱ)።

• ማገልገል (ምዕራፍ 21ን ይመልከቱ።)

• አዲስ ለተጠሩ የቡድን እና የትምህርትክፍል አመራሮችን መግለጫ መስጠት።

29.2.8

የእሁድ ስብሰባዎች መርሃ ግብር

አጥቢያዎች ከሚከተሉት የሁለት ሰዓት መርሃ ግብሮች አንዱን ለእሁድ ስብሰባዎች ይጠቀማሉ።

ዕቅድ 1

60 ደቂቃዎች	የቅዱስ ቁርባን ስብሰባ
10 ደቂቃ	ወደ ክፍሎች እና ወደስብሰባዎች መሸጋገሪያ
50 ደቂቃዎች	በሁሉም እሁዶች፦ የመጀመሪያ ክፍል፣ የህጻናትን ክፍል ጨምሮ በየወሩ በመጀመሪያው እና በሶስተኛው እሁዶች፦ የሰንበት ትምህርት በሁለተኛው እና በአራተኛው እሁዶች፦ የክህነት ቡድን ስብሰባዎች፣ የሴቶች መረዳጃ ማህበር ስብሰባዎች እና የወጣት ሴቶች ስብሰባዎች በአምስተኛው እሁዶች፦ የወጣቶች እና የጎልማሶች ስብሰባዎች። የኤጲስ ቆጶስ አመራሩ ርዕሱን ይወስናል እንዲሁም አስተማሪዎችን ይመድባል።

ዕቅድ 2

50 ደቂቃዎች	በሁሉም እሁዶች፦ የመጀመሪያ ክፍል፣ የህጻናትን ክፍልን ጨምሮ በየወሩ በመጀመሪያው እና በሶስተኛው እሁዶች፦ የሰንበት ትምህርት በሁለተኛው እና በአራተኛው እሁዶች፦ የክህነት ቡድን ስብሰባዎች፣ የሴቶች መረዳጃ ማህበር ስብሰባዎች እና የወጣት ሴቶች ስብሰባዎች። በአምስተኛው እሁዶች፦ የወጣቶች እና የጎልማሶች ስብሰባዎች። የኤጲስ ቆጶስ አመራሩ ርዕሱን ይወስናል እንዲሁም አስተማሪዎችን ይመድባል።
10 ደቂቃዎች	ወደ ቅዱስ ቁርባን ስብሰባ መሸጋገር
60 ደቂቃዎች	የቅዱስ ቁርባን ስብሰባ

29.3

የካስማ ስብሰባዎች

29.3.1

የካስማ ጉባኤ

ዓላማ

የካስማ ጉባዔ ዋና ዓላማ አባላት በኢየሱስ ክርስቶስ ላይ ያላቸውን እምነት ማጠናከር ነው።

ተሳታፊዎች

በአጠቃላይ ክፍለ ጊዜው ሁሉም እንዲሳተፉ ተጋብዘዋል። ሌሎች ክፍለ ጊዜዎች ከታች እንደተገለፀው ለተወሰኑ ተሳታፊዎች ናቸው።

ድግግሞሽ

በዓመት ሁለት ጊዜ

29.3.2

የካስማ አጠቃላይ የክህነት ስብሰባ

ዓላማ

የክህነት ተሸካሚዎችን ስለኃላፊነቶቻቸው ማስተማር እና ማነሳሳት።

ተሳታፊዎች

በካስማ ውስጥ ያሉ ሁሉም የክህነት ተሸካሚዎች።

ድግግሞሽ

በዓመት አንድ ጊዜ

29.3.3

የካስማ የክህነት መሪዎች ስብሰባ

ዓላማ

የክህነት መሪዎችን ስለኃላፊነቶቻቸው ማስተማር፣ ችሎታቸውን ማሳደግ እና እምነታቸውን ማጠንከር።

ተሳታፊዎች

• አመራር

• ከፍተኛ ሸንጎ

• የካስማ እና የአጥቢያ ጸሃፊዎች (እና እንዳስፈላጊነቱ ረዳት ጸኃፊዎች)።

• የካስማ እና የአጥቢያ ዋና ጸሃፊዎች

• የካስማ የወጣት ወንዶች አመራሮች (እና ጸኃፊው፣ ከተጠራ)

• የኤጲስ ቆጶስ አመራሮች

• የሽማግሌዎች ቡድን አመራሮች ጸሃፊዎች

• አሮናዊ የክህነት ቡድን አማካሪዎች

ድግግሞሽ

የክህነት አመራር ስብሰባ የእያንዳንዱ የካስማ ጉባኤ አካል በመሆን ይካሄዳል።

29.3.4

የካስማ መሪዎች ስብሰባዎች

ዓላማ

የአጥቢያ ድርጅትመሪዎችን ስለኃላፊነቶቻቸው ማስተማር፣ እንደ መሪዎች እና አስተማሪዎች እንዲሻሻሉ መርዳት እንዲሁም በኢየሱስ ክርስቶስ ያላቸውን እምነት ማጠንከር። በእነዚህ ስብሰባዎች ላይ መሪዎች በጋራ ይመክራሉ እንዲሁም ሃሳቦችን ይለዋወጣሉ።

ተሳታፊዎች

ሁሉም የካስማ እና የአጥቢያ የሴቶች መረዳጃ ማህበር፣ የወጣት ሴቶች፣ የመጀመሪያ ክፍል እና የሰንበት ትምህርት ቤት አመራሮች እና ፀኃፊዎች። አንድ የካስማ አመራር አባል ወይም አንድ የተመደበ ከፍተኛ አማካሪ ተገኝቶ በበላይነት ይመራል። አስተማሪዎች፣ አማካሪዎች፣ ከፍተኛ አማካሪዎች እና ለእነዚህ ድርጅቶች የተመደቡ የኤጲስ ቆጶስ አመራር አባላትም ሊጋበዙ ይችላሉ።

ድግግሞሽ

በዓመት አንድ ጊዜ

29.3.5

የካስማ ሊቀ ካህናት ቡድን ስብሰባ

ዓላማ

የቡድን አባላትን ስለኃላፊነቶቻቸው እና ከክህነት ጋር ስለተያያዙ ትምህርቶች ማስተማር።

ተሳታፊዎች

ሁሉም የካስማ ሊቀ ካህናት ቡድን አባላት።

ድግግሞሽ

ቢያንስ በዓመት አንድ ጊዜ።

29.3.6

የካስማ አመራር ስብሰባ

ዓላማ

ካስማውን በሚመለከቱ ጉዳዮች ላይ በጋራ መምከር እንዲሁም ውሳኔ መስጠት።

ተሳታፊዎች

የካስማ አመራሩ፣ የካስማ ጸሃፊው እና ዋና ጸሃፊው

ድግግሞሽ

በየወቅቱ (በተለምዶ በየሳምንቱ)

29.3.7

የከፍተኛ ምክር ቤት ስብሰባ

ዓላማ

በካስማው ስለደህንነት እና በዘለዓለማዊ ህይወት ከፍ ከፍ ስለማድረግ ሥራ በጋራ መምከር ( 1.2ን ይመልከቱ)።

ተሳታፊዎች

• የካስማ አመራር

• ከፍተኛ ምክር ቤት

• የካስማ ጸኃፊ እና ዋና ጸሃፊዎች

ድግግሞሽ

የሚቻል ከሆነ በወር ሁለት ጊዜ።

29.3.8

የካስማ ምክር ቤት ስብሰባ

ዓላማ

በካስማው ስለደህንነት እና በዘለአለማዊ ህይወት ከፍ ከፍ ስለማድረግ ሥራ በጋራ መምከር ( 1.2ን ይመልከቱ)።

ተሳታፊዎች

• የካስማ አመራር

• ከፍተኛ ምክር ቤት

• የካስማ ጸኃፊ እና ዋና ጸሃፊዎች

• የካስማ የሴቶች መረዳጃ ማህበር፣ የወጣት ሴቶች፣ እና የመጀመሪያ ክፍል ፕሬዘደንቶች

• የካስማ ያላገቡ ወጣት ጎልማሳ መሪዎች እና ያላገቡ ጎልማሳ መሪዎች (ከተጠሩ)።

ድግግሞሽ

የሚቻል ከሆነ በየወሩ።

29.3.9

የካስማ የጎልማሶች መሪዎች ኮሚቴ ስብሰባ

ዓላማ

የአጥቢያ መሪዎችን በደህንነት እና በዘለአለማዊ ህይወት ከፍ ከፍ የማድረግ ሥራ እንዴት መደገፍ እንደሚቻል በጋራ መምከር። የካስማ መሪዎች ለዚህ ሥራ ያላቸውን ራዕይ ተግባራዊ ለማድረግ የሚረዱ መንገዶችን ማቀድ።

ተሳታፊዎች

• የካስማ አመራር

• የካስማ የሴቶች መረዳጃ ማህበር አመራር (እና ጸኃፊ ከተጠራች)

• ከሽማግሌዎች ቡድን ጋር እንዲሰሩ የተመደቡ ከፍተኛ አማካሪዎች።

ድግግሞሽ

እንዳስፈላጊነቱ

29.3.10

የካስማ የወጣቶች መሪዎች ኮሚቴ ስብሰባ

ዓላማ

የአጥቢያ መሪዎችን በደህንነት እና በዘለአለማዊ ህይወት ከፍ ከፍ የማድረግ ሥራ ላይ እንዴት መደገፍ እንደሚቻል በጋራ መምከር። የካስማ ምክር ቤት በካስማው ውስጥ ለሚገኙ ወጣቶች ያለውን ራዕይ ተግባራዊ ለማድረግ የሚረዱ መንገዶችን ማቀድ።

ተሳታፊዎች

• ከካስማ አመራር አባላት አንዱ።

• የካስማ የወጣት ወንዶች አመራር (እና ጸኃፊ ከተጠራ)

• የካስማ የወጣት ሴቶች አመራር (እና ጸኃፊ ከተጠራች)

• ለወጣት ሴቶች እና ለመጀመሪያ ክፍል ድርጅቶች የተመደቡ ከፍተኛ አማካሪዎች

ድግግሞሽ

እንዳስፈላጊነቱ

29.3.11

የካስማ የኤጲስ ቆጶሳት ምክር ቤት ስብሰባ

ዓላማ

ልምድ ማካፈል እና በተለይ ኤጲስ ቆጶሳትን የሚመለከቱ ጥያቄዎችን መመለስ።

ተሳታፊዎች

በካስማው ያሉ ሁሉም ኤጲስ ቆጶሳት እና የቅርንጫፍ ፕሬዚዳንቶች የዚህ ምክር ቤት አባላት ናቸው። የካስማ ፕሬዚዳንቱ በተወሰኑት ወይም በሁሉም ስብሰባዎች ላይ ለመሳተፍ ሊመርጥ ይችላል። የካስማ ጸኃፊም የሚሰጡ የስራ ምድቦችን እና ውሳኔዎችን ለመመዝገብ ይሳተፋል።

ድግግሞሽ

ቢያንስ በሩብ ዓመት

29.5

የሞቱ ሰዎች የቀብር እና የሌሎች ነገሮች ሥርዓቶች

29.5.1

አጠቃላይ መርሆዎች

ለሞቱ የሚደረጉ የቤተክርስቲያን አገልግሎቶች አስፈላጊ ዓላማ ስለደህንነት ዕቅድ በተለይም ስለአዳኙ የኃጢያት ክፍያ እና ትንሳኤ መመስከር ነው። እነዚህ አገልግሎቶች የተከበሩ መንፈሳዊ ተሞክሮዎች መሆን አለባቸው።

የቤተክርስቲያን መሪዎች የሌሎች ሃይማኖቶችን ወይም ቡድኖችን የአምልኮ ሥርዓቶች ለሞቱ በሚደረጉ የቤተክርስቲያን ሥርዓቶች ውስጥ ማካተት የለባቸውም።

29.5.2

ለቤተሰቡ እርዳታ ማድረግ

እንደ ኢየሱስ ክርስቶስ ደቀመዝሙርነት የቤተክርስቲያን መሪዎች እና አባላት “ከሚያዝኑት ጋር [ያዝናሉ] … መፅናናትን ለሚፈልጉ [ያፅናናሉ]” (ሞዛያ 18፥9)። አንድ አባል በሚሞትበት ጊዜ፣ ኤጲስ ቆጶሱ ቤተሰቡን ለማፅናናት ይጎበኛል።

ኤጲስ ቆጶሱ ከሽማግሌዎች ቡድን እና ከሴቶች መረዳጃ ማህበር ጨምሮ ከአጥቢያ አባላት የሚገኝን እርዳታ ይሰጣል።

29.5.4

የቀብር ሥርዓቶች (በባህላዊ በሚከናወኑበት ቦታ)

በቤተክርስቲያኗ ህንፃ ውስጥም ሆነ በሌላ ቦታ በኤጲስ ቆጶሱ አማካኝነት የሚደረግ የቀብር ሥነ ሥርዓት የቤተክርስቲያን ስብሰባ እና የሃይማኖት ሥርዓት ነው። መንፈሳዊ ጊዜ መሆን አለበት።

የቀብር ሥነ ሥርዓቶች በሰዓታቸው መጀመር አለባቸው። በአጠቃላይ ለተገኙት ክብር ሲባል ከ1.5 ሰዓታት በላይ መቆየት የለባቸውም።

በተለምዶ የቀብር ሥነ ሥርዓቶች በእሁድ ቀን አይካሄዱም።

29.6

በቤተክርስቲያን ስብሰባዎች ላይ የሚደረጉ ጸሎቶች

በቤተርስቲያኗ ስብሰባዎች ላይ የሚቀርቡ ጸሎቶች አጭር፣ ቀላል እና በመንፈስ የሚመሩ መሆን ይገባቸዋል። ማንኛውም የተጠመቀ የቤተክርስቲያኗ አባል የመክፈቻ እና የመዝጊያ ጸሎት ማቅረብ ይችላል። ያልተጠመቁ ልጆች በመጀመሪያ ክፍል መጸለይ ይችላሉ።

29.7

በቀጥታ የሚተላለፉ ስብሰባዎች እና በኮምፒተር የታገዙ የገፅ ለገፅ ስብሰባዎች

ኤጲስ ቆጶሱ በልዩ ሁኔታ የቅዱስ ቁርባን ስብሰባዎችን እና በመሰብሰቢያ አዳራሽ ውስጥ የሚደረጉ የቀብር ሥነ ሥርዓቶችን እንዲሁም የጋብቻ ሥነ ሥርዓቶችን በቀጥታ ስርጭት እንዲተላለፉ ሊፈቅድ ይችላል።

የቅዱስ ቁርባን ስብሰባ የቀጥታ ስርጭት የቅዱስ ቁርባን ሥርዓቱን አይጨምርም።

ለአንዳንድ ስብሰባዎች፣ ኤጲስ ቆጶሱ ወይም የካስማ ፕሬዚዳንቱ በአካል መገኘት የማይችሉ አባላትን በኮምፒተር በታገዘ የገፅ ለገፅ ዘዴ እንዲሳተፉ ሊፈቅድላቸው ይችላል። እነዚህ ስብሰባዎች የሚከተሉትን ሊያካትቱ ይችላሉ፦

• የአመራር ወይም የምክር ቤት ስብሰባዎችን የመሳሰሉ የአመራር ስብሰባዎች።

• የቡድን፣ የሴቶች መረዳጃ ማህበር እና የወጣት ሴቶች ስብሰባዎች።

• የሰንበት ትምህርት ክፍሎች

• የመጀመሪያ ክፍል የትምህርት ክፍሎች እና የመዝሙር ጊዜ