“29. Dagiti Miting iti Simbaan,” Dagiti Napili manipud iti Sapasap a Handbook (2023).
“29. Dagiti Miting iti Simbaan,” Dagiti Napili manipud iti Sapasap a Handbook
29.
Dagiti Miting iti Simbaan
29.0
Pakauna
Agmimiting dagiti Santo iti Ud-udina nga Aldaw tapno agdayaw, mangitandudo iti tunggal maysa, ken mangisuro ken mangsursuro iti ebanghelio (kitaen iti Alma 6:6; Moroni 6:5–6). Inkari ti Mangisalakan, “No agummong ti dua wenno tallo iti naganko, adtoy, addaakto iti baetda.” (Mateo 18:20). Ti panagmimiting ket maysa a wagas a “makapagrereppeng ti puspusotayo iti panagkaykaysa ken ayat” (Mosiah 18:21).
Nupay kasta, ti panangangay iti miting ket saan koma a pulos a mangsukat iti panagserbi ken ministering a kas iti inaramid ni Jesucristo.
29.1
Panagplano ken Panangiturong kadagiti Miting
Planuen ken iturong dagiti lider dagiti miting “iti panangiwanwan kadakuada ti Espiritu Santo, maibatay iti bilin ken paltiing ti Dios” (Doktrina ken Katulagan 20:45; kitaen met iti Moroni 6:9; Doktrina ken Katulagan 46:2). Agsapulda kadagiti wagas a mangawis iti impluensia ti Espiritu kadagiti mitingda.
Siguraduen dagiti lider a saan a mangparnuay iti dagensen kadagiti miembro wenno ti pamiliada ti bilang ken kaatiddog dagiti miting.
29.2
Dagiti Miting iti Ward
29.2.1
Miting iti Sakramento
29.2.1.1
Panangplano iti Miting iti Sakramento
Planuen ken iturong ti bishopric ti miting ti sakramento. Siguraduenda a ti pokus ti miting ket iti sakramento ken panangbangon iti pammati ken ni Jesucristo.
Agpaut iti maysa nga oras ti miting ti sakramento. Mabalin nga iraman daytoy ti sumaganad:
-
Pakauna [prelude] a musika (kitaen iti 19.3.2 para kadagiti pangiwanwan).
-
Kablaaw ken panagpasangbay.
-
Panangbigbig kadagiti mangimatmaton a dadaulo [presiding authority] wenno dadduma pay a lider a sumarsarungkar.
-
Dagiti Pakaammo. Nasken a mapagtalinaed nga ababa dagitoy.
-
Ward ken stake business, kas kadagiti sumaganad:
-
Panangkanunong ken panangi-release kadagiti opisial ken mannursuro (kitaen iti 30.3 ken 30.6).
-
Panangidatag iti nagnagan dagiti kakabsat a lallaki a maordenan iti maysa a saad [office] iti Aaronic Priesthood (kitaen iti 18.10.3).
-
Panangbigbig kadagiti baro a miembro ti ward, agraman dagiti nabiit pay a nabuniagan.
-
-
Panangnagan ken panangbendision kadagiti ubbing (kitaen iti 18.6). Gagangay a maaramid daytoy iti miting ti panagayuno ken pammaneknek (kitaen iti 29.2.2).
-
Kumpirmasion dagiti baro a convert (kitaen iti 18.8).
-
Himno ti sakramento ken panangannong [administration] iti sakramento. Ti sakramento ti kangrunaan a pokus ti miting. Daytoy nga ordinansa ti maysa a gundaway para kadagiti miembro a mangiturong iti panunotda iti Mangisalakan ken iti sakripisiona para kadakuada.
Para iti ad-adu pay maipapan iti panagsagana, panangbendision, ken panangipasa iti sakramento, kitaen iti 18.9.
-
Dagiti mensahe ti ebanghelio ken panagkanta ti kongregasion wenno dadduma pay a musika.
-
Pangrikep a himno ken kararag.
-
Musika kalpasan ti miting [postlude music].
29.2.1.4
Panagpili kadagiti Agsarita [Speaker]
Pilien ti bishopric dagiti agsarita iti miting ti sakramento. Masansan unay nga awisenda dagiti miembro ti ward, agraman dagiti agtutubo.
Agpaneknek dagiti agsarita maipapan ken ni Jesucristo ken isuroda ti ebangheliona babaen ti panangusar kadagiti nasantuan a kasuratan (kitaen iti Doktrina ken Katulagan 42:12; 52:9).
29.2.2
Miting iti Panagayuno ken Panagpaneknek
Iti miting ti panagayuno ken panagpaneknek, awan dagiti nadutokan nga agsarita wenno espesial a napili a musika. Imbes ketdi, ti tao a mangiturturong ti mangiburay iti ababa a pammaneknek. Kalpasanna awisenna dagiti miembro ti kongregasion a mangiburay iti pammaneknekda. Ti mangiburay iti pammaneknek kayatna a sawen ti mangipakdaar kadagiti kinapudno ti ebanghelio kas pinaregta ti Espiritu Santo.
29.2.3
Komperensia iti Ward
29.2.4
Miting ti Bishopric
Maibilang kadagiti pakaseknan a bambanag para iti konsiderasion:
-
Panangitunos iti aramid ti pannakaisalakan ken pannakaitan-ok iti ward.
-
Panangpapigsa kadagiti indibidual ken pamilia iti ward—nangnangruna kadagiti agtutubo ken ubbing.
-
Panangilasin kadagiti miembro a makapagsagana nga umawat kadagiti ordinansa, agraman dagiti panangorden iti priesthood.
-
Panangilasin kadagiti miembro nga awagan kadagiti posision iti ward.
29.2.5
Miting ti Konseho iti Ward
Ti bishop ti agplano, mangidaulo, ken mangiturong kadagiti miting ti konseho iti ward. Saan nga agaramid ti konseho kadagiti dadakkel a pangngeddeng no awan ti bishop.
Dumar-ay dagiti lider ti organisasion ti ward kadagiti miting ti konseho ti ward iti dua a kapasidad:
-
Kas miembro ti konseho ti ward a tumulong a mangbendision iti amin a miembro ti ward.
-
Kas pannakabagi dagiti organisasionda.
No agmimitingda, pagsasaritaan dagiti miembro ti konseho ti ward dagiti banag a mangted pagsayaatan manipud kadagiti nagkaykaysa a panagkagumaan ti intero a konseho. Maallukoy ti tunggal miembro ti konseho a mangibinglay kadagiti kapanunotan ken inspirasionna kadagitoy a banag.
Gagangay a saan nga agpaut iti nasursurok ngem maysa nga oras dagiti miting ti konseho ti ward. Mangrugida iti kararag ken ababa a report maipapan kadagiti naituding nga aramiden manipud kadagiti napalabas a miting. Ipangpangruna ti bishop dagiti banag a kasapulan unay a mangbendision kadagiti indibidual ken pamilia.
-
Panagbiag iti ebanghelio ni Jesucristo. Panangtulong kadagiti amin a miembro a mangbukel iti pammati, umawat kadagiti pangisalakan nga ordinansa ken agtungpal kadagiti katulaganda.
-
Panangaywan kadagiti agkasapulan. Panangibinglay kadagiti resources ken paglaingan a mangbendision kadagiti indibidual, pamilia, ken komunidad. Panangtulong kadagiti miembro ti ward nga agbalin a mapagpannuray iti bukodda a kabaelan [self reliant]. (Kitaen iti kapitulo 22.)
-
Panangawis iti amin nga umawat iti ebanghelio. Panangrebyu iti panagdur-as dagiti agsursuro maipapan iti ebanghelio, kasta met dagiti baro ken agsubsubli a miembro. Panangilawlawag kadagiti wagas a makaibinglay dagiti miembro iti ebanghelio kadagiti dadduma. (Kitaen iti kapitulo 23.)
-
Panamagkaykaysa kadagiti pamilia para iti kinaagnanayon. Panangrebyu iti panagdur-as dagiti miembro nga agsagsagana nga umawat kadagiti ordinansa iti templo. Panangplano kadagiti wagas a tumulong iti ad-adu pay a miembro nga agbalin a kualipikado para iti maysa a temple recommend. Panangilawlawag kadagiti wagas a mabalin dagiti miembro ti makiraman iti aramid iti templo ken family history. (Kitaen iti kapitulo 25.)
Nasken dagiti miembro ti konseho a mangpatalinaed a kumpidensial ti ania man a pribado wenno sensitibo nga impormasion (kitaen iti 4.4.6).
29.2.6
Miting ti Konseho dagiti Agtutubo iti Ward
Sakbay ti tunggal miting, ti bishop ken ti tao a mangiturturong ti mangrebyu kadagiti banag a paglilinnawagan.
-
Aramid ti pannakaisalakan ken pannakaitan-ok.
-
Dagiti kasapulan dagiti agtutubo iti ward ken dagiti wagas a mangtaming kadagitoy.
-
Dagiti panagkagumaan a mangtulong kadagiti agtutubo a saan unay nga aktibo wenno baro a miembro.
-
Dagiti aktibidad, agraman dagiti gundaway a makapagserbi kadagiti agkasapulan. Maaramid ti kaaduan a panagplano kadagiti miting ti panguluen ti korum wenno klase (kitaen iti kapitulo 20).
-
Ministering (kitaen iti kapitulo 21).
-
Panangiwardas [orienting] kadagiti kaaw-awag a panguluen ti korum ken klase.
29.2.8
Dagiti Iskediul para kadagiti Miting iti Simbaan
Usaren dagiti ward ti maysa kadagiti sumaganad a dua nga oras nga iskediul para kadagiti miting iti Domingo.
Plano 1
|
60 a minuto |
Miting iti sakramento |
|---|---|
|
10 a minuto |
Yaakar kadagiti klase ken miting |
|
50 a minuto |
Amin a Domingo: Primary, agraman ti nursery Kadagiti umuna ken maikatlo a Domingo ti bulan: Sunday School Maikadua ken maikapat a Domingo: dagiti miting ti korum ti priesthood, dagiti miting ti Relief Society, ken dagiti miting ti Young Women Maikalima a Domingo: dagiti miting para kadagiti agtutubo ken nataengan. Ti bishopric ti mangikeddeng iti topiko ken mangdutok kadagiti mannursuro. |
Plano 2
|
50 a minuto |
Amin a Domingo: Primary, agraman ti nursery Kadagiti umuna ken maikatlo a Domingo ti bulan: Sunday School Maikadua ken maikapat a Domingo: dagiti miting ti korum ti priesthood, dagiti miting ti Relief Society, ken dagiti miting ti Young Women Maikalima a Domingo: dagiti miting para kadagiti agtutubo ken nataengan. Ti bishopric ti mangikeddeng iti topiko ken mangdutok kadagiti mannursuro. |
|---|---|
|
10 a minuto |
Yaakar iti miting iti sakramento |
|
60 a minuto |
Miting iti sakramento |
29.3
Dagiti Miting iti Stake
29.3.1
Komperensia iti Stake
29.3.2
Sapasap a Miting ti Priesthood iti Stake
29.3.3
Miting iti Panangidaulo iti Priesthood iti Stake
29.3.4
Dagiti Miting iti Panangidaulo iti Stake
29.3.5
Miting iti Korum dagiti High Priest iti Stake
29.3.6
Miting ti Panguluen ti Stake
29.3.7
Miting ti Nangato a Konseho
29.3.8
Miting ti Konseho ti Stake
29.3.9
Miting ti Komite ti Panangidaulo ti Nataengan iti Stake
29.3.10
Miting ti Komite ti Panangidaulo dagiti Agtutubo iti Stake
29.3.11
Miting ti Konseho dagiti Bishop iti Stake
29.5
Dagiti Pamumpon ken Dadduma Pay a Serbisio para iti Pimmusay
29.5.1
Dagiti Sapasap a Pagbatayan
Maysa a napateg a panggep dagiti serbisio ti Simbaan para iti pimmusay ket ti mangipaneknek iti plano ti pannakaisalakan, nangnangruna iti Pannubbot ken Panagungar ti Mangisalakan. Nasken koma a nadayaw, naespirituan a padas dagitoy a serbisio.
Saan koma nga iraman dagiti lider ti Simbaan dagiti ritual ti dadduma a relihion wenno grupo kadagiti serbisio ti Simbaan para kadagiti pimmusay.
29.5.2
Panangidiaya iti Tulong iti Pamilia
Kas disipulo ni Jesucristo, dagiti lider ken miembro ti Simbaan “makipagbaklay iti imet ti tunggal maysa, … makipagladingit kadagiti agladladingit … ken manglinglingay kadagiti makasapul iti pannakalinglingay” (Mosiah 18:9). No matay ti maysa a miembro, sumarungkar ti bishop iti pamilia tapno mangted iti liwliwa.
Mangidiaya ti bishop iti tulong manipud kadagiti miembro ti ward, agraman ti korum dagiti elder ken Relief Society.
29.5.4
Dagiti Serbisio ti Pamumpon (No Sadino a Nakaugalian)
Ti pamumpon nga iturong ti bishop, iti man maysa a pasdek ti Simbaan wenno sadino man, ket maysa a miting ti Simbaan ken maysa a serbisio iti relihion. Nasken a naespirituan a gundaway daytoy.
Nasken a mangrugi ti pamumpon iti naituding nga oras. Iti sapasap, saan koma nga agpaut dagitoy iti nasursurok ngem 1.5 nga oras, kas pammadayaw kadagiti dumar-ay.
Gagangay a saan a maangay dagiti serbisio ti pamumpon iti Domingo.
29.6
Dagiti Kararag kadagiti Miting iti Simbaan
Nasken nga ababa, simple, ken iturong ti Espiritu dagiti kararag kadagiti miting iti Simbaan. Mabalin ti asino man a nabuniagan a miembro ti Simbaan ti mangidaton iti panglukat wenno pangrikep a kararag. Mabalin nga agkararag iti Primary dagiti ubbing a saan a nabuniagan.
29.7
Panag-stream kadagiti Miting ken Panangangay kadagiti Miting a Virtual
Mabalin ti bishop, kas eksepsion, ti mang-awtorisado iti livestream dagiti miting ti sakramento ken dagiti pamumpon ken kallaysa a maangay iti balay a pagmimitingan.
Ti maysa a livestream ti miting ti sakramento ket saan koma a mangiraman iti administrasion ti sakramento.
Para iti sumagmamano a miting, mabalin ti bishop wenno stake president ti mang-awtorisado kadagiti miembro a saan a makadar-ay iti personal tapno makipaset iti virtual. Mabalin nga iraman dagitoy a miting:
-
Dagiti miting iti panangidaulo, kas kadagiti miting ti panguluen wenno konseho.
-
Dagiti miting ti korum, Relief Society, ken Young Women.
-
Dagiti klase iti Sunday School.
-
Dagiti klase iti Primary ken oras ti panagkanta.