ninac se tuhlihk muhtwacn se nahtuhl ke Sackramacn miting

29

Miting ke Alu uh

29.0

Ikucslah

Mwet luhlahlfongi ke Lwen-sahflah toeni nuh sie in ahkfuhlwact, ahkkweye kais sie, ac luti ac lutlutkihn wosasuc (liye Alma 6:6; Moroni 6:5–6). Mwet Lahngo el olwelah, “Tuh yen nukewa ma oasr mwet luo ku tolu tukeni we inek, nga fah welulos pac” (Matthew 18:20). Toeni nuh sie el sie inkacnek ma insiacsr kuh in “maeni in ma se ac in luhngse sie sin sie” (Mosiah 18:21).

Tuhsruhktuh, oruh miting se tiac enenuh in eslah kuhlwacnsap ac luti oacna ke Jisus El oruh ah.

29.1

Plwacni ac Ahkfahsrye Miting

Mwet kol elos plwacni ac ahkfahsrye miting oacna ke kohkoh luhn Nguhn Muhtahl, in fahsr fal nuh ke masap ac fwackyuck luhn God” (Doctrine and Covenants 20:45; liye pac Moroni 6:9; Doctrine and Covenants 46:2). Elos suk inkacnek in suli orekma luhn Nguhn nuh ke miting lalos.

Mwet kol elos ahklohye in liye lah nacmpuh ac lusen miting sacn tiac sang toasr nuh sin mempucr kuh sucu lalos.

29.2

Ward Miting

29.2.1

Sackramacn Miting

Srihpac

Esamuhl Jisus Kraist ke eis kuhfa ke Sackramacn. Kuhtuh srihpac sahyac uh pa ahkfuhlwact, muhsahi luhlahlfongi ac etuh, ac us ma ward business.

Mwet ma wi

Mwet nuhkwewa elos suliyuck in wi.

Kais kuhtuh pacl

Kais sie Sacnri.

29.2.1.1

Plwacni Sackramacn Miting

Pisaprik el plwacni ac ahkfahsrye Sackramacn miting. Elos liye lah miting sac el siyac na Sackramacn ac muhsahi luhlahlfongi kacl Jisus Kraist.

Miting ke Sackramacn orek ao se. El nwacnwack ma ekahsr inge:

1. Sritacl on met liki (liye 19.3.2 nuh ke ahkuhtweyac).

2. Paing ac suli.

3. Ahkkahlwemye kuh ma ac kol kuh mwet kol sahyac ma muhtwacta.

4. Mwe fahkwack. Ma inge enenuh in tiac loeslac.

5. Ikucslah ke on ac pruhe. Liye 19.3.2 ac 29.6.

6. Business luhn ward ac stek, suc pa nuh ke ma ten inge:

   • Ahkkweye ac fuhlwelah mwet oasr ma kunac ac mwet luti (liye 30.3 and 30.6).

   • Ahkkahlwemye inen mukul ma ac akmuhsralah nuh ke ohfuhs luhn Aaronic Pristut (liye 18.10.3).

   • Akihlen mempucr sasuc ke ward, finne nuh ke mwet tuhfahna in pacptaislac.

7. Sang in ac ahkinsewowoye ahwowo (liye 18.6). Ma inge kwacna sikyak ke toeni in fahkwack luhlahlfongi (liye 29.2.2).

8. Ahkkweyelah mwet tuhfahna in pacptaislac (liye 18.8).

9. On in Sackramacn ac alui Sackramacn. Sackramacn pa srihpac yohk ke toeni se inge. Akwuck se inge el inkacnek se nuh sin mempucr in kol nuhnak lalos nuh sin Mwet Lahngo ac kihsackuhnlah Lal kaclos.

   In etuh yohk ke ahkolah, ahkinsewowoye, ac pahsi Sackramacn, liye 18.9.

10. Pweng ke wosasuc ac on luhn mwet wi alu kuh on sahyac.

11. Kaliyac ke on ac pruhe.

12. Sritacl on ahksahfye.

29.2.1.4

Mwet Sramsram Sollac

Pisaprik elos sulaclah mwet in sramsram ke toeni in Sackramacn. Inkaiyen pacl uh elos suli mempucr ke ward, wi pacna tuhlihk fuhsr.

Mwet sramsram inge elos fahk nuhnak lalos kacl Jisus Kraist ac luti wosasuc Lal orekmakihn ma suhmuhslah (liye Doctrine and Covenants 42:12; 52:9).

29.2.2

Toeni in Lalo ac Fahkwack Puhla la

Srihpac

Eis Sackramacn ac ahkkweye kais sie ke fahkwack etuh puhla kacl Jisus Kraist ac wosasuc Lal. Ahkkweyeyuck mempucr in tuhkuh nuh ke toeni in lalo uh tiac mongo kuh nihm kof fin elos kuh in oruh.

Mwet ma oruh uh

Mwet nuh kwewa suliyuck in srihke.

Kuhtuh pacl uh

Pacl se in mahlwem se, toeni in Sackramacn som nuh ke lalo ac fahkwack puhla la. Kwacna orek ke Sacnri se emet ke mahlwem.

Ke miting in lalo ac fahkwack puhla, wacngihn mwet suleyucklac in sramsram ac wacngihn on special onkihnyuck. Oruh, mwet se ma us toeni sacn fahkwack puhla lal. Na el suli mempucr ma wi alu an in fahkwack pac luhlahlfongi lalos. Kalmacn fahkwack puhla pa in sruhmuhn ma pwacye ke wosasuc oacna ke pihrihkyuck sin Nguhn Muhtahl.

29.2.3

Ward Kanfracns

Srihpac

Ke ward kanfracns, mwet kol ke stek elos luti, ahkkweye, ac ahkfokokoye mwet kol ac mempucr ke ward. Mempucr ke ward elos ahkkweye mwet kol ke acn selos ac acn luhlahp lalos.

Mwet ma wi

Mwet nuhkwewa elos suliyuck in wi.

Kuhtuh pacl uh

Pacl se in yac se ke lwen Sacnri sahyacn na Sacnri in lalo.

29.2.4

Miting luhn Pisaprik

Srihpac

Tuhkweni sramsram ac oraclah sulaclah ke ma enenuh nuh ke ward se.

Mwet ma wi

Pisaprik, mwet liyacacng ke ma sihmlac luhn pwepuh luhn ward, ac mwet sihm luhn mwet karihngihn ohfuhs se.

Kuhtuh pacl uh

Inkaiyen wik nuhkwewa.

Ma enenuh in sramsramkihnyuck uh pa:

• Tuhkweni pahtok orekma in molwelah ac ma pahtpaht ke ward sacn.

• Ahkkweye kais sie ac sucu ke ward sacn—yohk na tuhlihk fuhsr ac tuhlihk srihsrihk.

• Sokwack mempucr ma ahkolah in eis akwuck, wi pacna akmuhsralah luhn pristut.

• Sokwack mempucr ma kuh in pahng nuh ke kunohkohn.

29.2.5

Ward Council Miting [Toeni in eis ac sang kahsruh luhn ward]

Srihpac

Kahsruh ahkfahsryelah orekma in molwelah ac ma pahtpaht ke ward sacn (liye 1.2).

Mwet ma wi

• Pisaprik, mwet liyacacng ke ma sihmlac luhn pwepuh luhn ward, ac mwet sihm luhn mwet karihngihn ohfuhs se.

• Prestuhn ke u luhn elder, Rilif Sosaiti, Muhtwacn Fuhsr, U luhn Tuhlihk Srihsrihk, ac Sacnri Skul.

Pacl fuhkah

Inkaiyen pacl uh wik nuhkwewa (tuhsruhk kuh in srihklac).

Pisap el plwacni, kol, ac us miting in eis ac sang kahsruh ke ward sacn. U sacn tiac kuh in oraclah sulaclah fin pisap el wacngihn.

Mwet kol ke organization elos wi toeni in eis ac sang kahsruh ke ward sacn ke atac luo:

1. Ekihn mempucr ke ward council suc kahsruh ahkinsewowoye kwewa mempucr ke ward ingacn.

2. Ekihn mwet sollac ke u lalos.

Ke elos ohsun nuh sie, mempucr ke ward council elos sruhmuhn ma enenuh ma tuhkuh wo ke kampare lalos nuh ke u luhlahp sacn. Kais sie mempucr ke u sacn ahkkweyeyuck elos in akacsruhi nuhnak lalos ac etuh lalos ke enenuh se inge.

Miting ke ward council uh tiac som paht liki ao se. Elos muhtwacwacack ke sie pruhe ac tuhkahkuhnlah fototo se ke orekma ke miting se tari ah. Pisap el oraclah ma yohk srihpac ma enenuh in sang ahkinsewowoye kais sie ac sucu.

• Moulkihn wosasuc luhn Jisus Kraist. Kahsruh mempucr nuh kwewa in muhsahi luhlahlfongi, eis mwe sang muhtahl, ac karihngihn olwelah lalos.

• Kahsruh elos suc enenuh. Akacsruhi ke mwe orekma ac etuh in ahkinsewowoye kais sie, sucu, ac mura sacn. Kahsruh mempucr ke ward in kuh in sifacna. (Liye sapta 22.)

• Suli nuhkwewa in eis wosasuc. Akihlen kapwack luhn mwet ma lutlut ke wosasuc, oacyacpac mempucr sasuc ac ma tuhfahna in fohlohk. Akacsruhi ohiyac ma mempucr kuh in akacsruhi wosasuc nuh sin mwet sahyac. (Liye sapta 23.)

• Oracni sucu nuh tok ma pahtpaht. Lohacng sifilpac liye kapwack luhn mempucr ma ahkoo in eis akwuck muhtahl lalos tempuhl. Plwacni inkacnek in kahsruh mempucr in kuh in eis pwepuh in lwelah lalos nuh tempuhl. Sramsramkihn inkacnek ma mempucr kuh in wi oruh orekma ke tempuhl ac sramsram mahtuh ke sucu. (Liye sapta 25.)

Mempucr ke u in eis ac sang kahsruh se inge enenuh in sruokyac ma lukmac kuh mwe ahkkahlwemye ma tiac enenuh in nohfohnna etuh (liye 4.4.6).

29.2.6

Miting luhn Ward Youth Council

Srihpac

Ahkkweye tuhlihk fuhsr ke ward sacn. Kahsrelos in wi oruh orekma in molwelah ac ma pahtpaht (liye 1.2).

Mwet ma wi

• Pisaprik.

• Sie sin mwet kahsruh lal pisap ke u luhn prist ac prestuhn ke u luhn titsucr ac u luhn tikin.

• Prestuhn ke kuhlahs luhn Muhtwacn Fuhsr (kuh nohfohnna mwet ke prestuhnsi sacn fin kuhlahs se fanna luhn Muhtwacn Fuhsr ke ward se ingacn).

• Prestuhn luhn Muhtwacn Fuhsr.

Pacl fuhkah

Inkaiyen pacl uh mahlwem nuh kwewa.

Met liki miting inge, pisap ac mwet se ma ac us ah liye ma ac sruhmuhnyuck kac uh.

• Orekma in molwelah ac ma pahtpaht.

• Enenuh luhn mwet fuhsr ke ward sacn ac inkacnek in ahkkahlwemye.

• Kampare in soklah mwet fuhsr ma tilac fahsr wi alu kuh mempucr sasuc.

• Mukwikwi, som pacna nuh ke ohiyac ma ac kuhlwacnsuhpuh elos suc enenuh. Inkaiyen plwacn uh ahksahfyeyucklac ac ke toeni luhn u kuh prestuhnsi luhn kuhlahs (liye sapta 20).

• Ahkkweyeyucklac (liye sapta 21).

• Luti u ma tuhfahna pahngonyuck ac prestuhnsi ke kuhlahs.

29.2.8

Pacl oreklac nuh ke Miting ke Sacnri

Ward orekmakihn sie sin ao luo oreklac ke miting in Sacnri.

Plwacn 1

mihnit 60	Sackramacn miting
mihnit 10	Ayaol nuh ke kuhlahs ac miting
mihnit 50	Sacnri nuhkwewa, Tuhlihk Srihsrihk, weacng pacna ahwowo Sacnri se emet ac ahk tolu ke mahlwem: Sacnri Skul Sacnri ahk luo ac ahk ahkosr: miting luhn u ke pristut, miting luhn Rilif Sosaiti, ac miting luhn Tuhlihk Muhtwacn Fuhsr Sacnri ahk limekohsr: miting luhn tuhlihk fuhsr ac mwet mahtuh fuhsr. Pisaprik elos sulaclah sifac ac srihsrngiyac mwet in luti.

Plwacn 2

mihnit 50	Sacnri nuhkwewa: Tuhlihk srihsrihk, wi pacna ahwowo Sacnri se emet ac ahk tolu ke mahlwem: Sacnri Skul Sacnri ahk luo ac ahk ahkosr: miting luhn u ke pristut, miting luhn Rilif Sosaiti, ac miting luhn Tuhlihk Muhtwacn Fuhsr Sacnri ahk limekohsr: miting luhn tuhlihk fuhsr ac mwet mahtuh fuhsr. Pisaprik elos sulaclah sifac ac srihsrngiyac mwet in luti.
mihnit 10	Ayaol nuh ke Sackramacn miting
mihnit 60	Sackramacn miting

29.3

Stek miting

29.3.1

Stek Kanfracns

Srihpac

Srihpac yohk luhn stek kanfracns pa in ahkweye mempucr ke luhlahlfongi lalos kacl Jisus Kraist.

Mwet ma wi

Mwet nuhkwewa elos suliyuck in wi toeni luhlahl se. Toeni sahyac ma nuh sin mwet suleyucklac in wi, pa ahkuhtweyucki ten inge.

Pacl fuhkah

Pacl luo ke yac se

29.3.2

Miting Luhlahp ke Stek luhn Pristut

Srihpac

Luti ac mokle mwet ma sruok pristut ke kunohkohn lalos.

Mwet ma wi

Mukul nuhkwewa ke stek sacn ma oasr pristut se.

Pacl fuhkah

Pacl se in yac se.

29.3.3

Miting luhn Mwet Kol ke Pristut ke Stek sacn

Srihpac

Luti mwet ma sruok pristut kunohkohn lalos, ahkyohkye etuh lalos, ac ahkkweye luhlahlfongi lalos.

Mwet ma wi

• Prestuhnsi ke Stek.

• Kaunsucl Fuhlwact.

• Clerk ke stek ac ward (ac mwet in kahsruh se lal clerk fin enenuh).

• Mwet in sihm ke stek ac ward.

• Prestuhnsi ke Mukul Fuhsr ke stek (ac mwet in sihm fin oasr).

• Pisaprik.

• Prestuhnsi ke u luhn elder ac mwet in sihm.

• Mwet in kahsruh se luhn u luhn Aaronic Pristut.

Pacl fuhkah

Miting luhn mwet kol ke pristut orek ipin kanfracns se ke kais sie stek.

29.3.4

Miting luhn Mwet Kol ke Stek

Srihpac

Luti mwet kol ke kais sie ma kunaclos, kahsrelos in kapwack ekihn mwet kol ac mwet luti, ac ahkkweye luhlahlfongi lalos kacl Jisus Kraist. Ke miting inge, mwet kol elos tuhkweni sramsram ac akacsruhi ke nuhnak.

Mwet ma wi

Prestuhnsi ac mwet in sihm nuh kwewa ke ward ac stek ke u luhn Rilif Sosaiti, Muhtwacn Fuhsr, Tuhlihk Srihsrihk, ac Sacnri Skul. Mempucr se ke prestuhnsi ke stek kuh kaunsucl fuhlwact se ma srihsrngiyucki elos wi ac kol. Mwet luti, mwet in kahsruh, kaunsucl fuhlwact, ac mwet se ke pisaprik ma srihsrngiyucki in wi u inge kuh in suliyuck pac.

Pacl fuhkah

Pacl se ke kais sie yac.

29.3.5

Miting luhn U luhn Prist Fuhlwact ke Stek

Srihpac

Luti mempucr ke u ingacn ma kunaclos ac ma pwacye ke pristut.

Mwet ma wi

Mempucr nuh kwewa ke u luhn prist fuhlwact ke stek.

Pacl fuhkah

Fin kuh pacl se ke yac se.

29.3.6

Miting luhn Prestuhnsi ke Stek

Srihpac

Tuhkweni sramsram ac oraclah sulaclah ke ma enenuh luhn stek.

Mwet ma wi

Prestuhnsi luhn stek, mwet in karihngihn ma sihmlac ohfuhs, ac mwet in sihm.

Pacl fuhkah

Fahsr na fahsr (wik nuhkwewa).

29.3.7

Miting luhn Kaunsucl Fuhlwact

Srihpac

Tuhkweni sramsramkihn orekma in molwelah ac ma pahtpaht ke stek (liye 1.2).

Mwet ma wi

• Prestuhn luhn Stek

• Kaunsucl Fuhlwact

• Mwet karihngihn ma sihmlac ohfuhs ac mwet in sihm ke stek.

Pacl fuhkah

Pacl luo in mahlwem fin kuh.

29.3.8

Miting luhn Kaunsucl ke Stek

Srihpac

Tuhkweni sramsramlah ke orekma in molwelah ac ma pahtpaht ke stek (liye 1.2).

Mwet ma wi

• Prestuhnsi luhn Stek.

• Kaunsucl Fuhlwact.

• Mwet in karihngihn ma sihmlac ac mwet in sihm luhn stek.

• Prestuhn luhn Rilif Sosaiti, Muhtwacn Fuhsr, ac Tuhlihk Srihsrihk.

• Mwet kol se luhn mwet fuhsr ac mwet mahtuh fuhsr ke Stek (fin oasr).

Pacl fuhkah

Pacl se in mahlwem fin mwesahs.

29.3.9

Miting luhn Mwet Kol Mwet Mahtuh ke Stek

Srihpac

Tuhkweni sramsramkihn lah ac kahsruh fuhkah mwet kol ke ward in pahtok orekma in molwelah ac ma pahtpaht. Plwacnwelah inkacnek in orekmakihn finsrak luhn mwet kol ke stek inge nuh ke orekma se inge.

Srihpac

• Prestuhnsi luhn stek.

• Prestuhnsi ke Rilif Sosaiti ke stek (ac mwet in sihm fin oasr).

• Kaunsucl fuhlwact elos srihsrngiyucki in orekma wi u luhn elder.

Pacl fuhkah

Pacl enenweyuck.

29.3.10

Miting luhn Mwet Kol Tuhlihk Fuhsr ke Stek

Srihpac

Tuhkweni sramsramkihn lah ac kahsruh fuhkah mwet kol ke ward in pahtok orekma in molwelah ac ma pahtpaht. Plwacnwelah inkacnek in orekmakihn finsrak luhn mwet kol ke stek inge nuh ke orekma se inge.

Mwet ma wi

• Mempucr se ke prestuhnsi luhn stek.

• Prestuhnsi ke Mukul Fuhsr ke stek (ac mwet in sihm fin oasr).

• Prestuhnsi ke Muhtwacn Fuhsr (ac mwet in sihm fin oasr).

• Kaunsucl fuhlwact ma srihsrngiyucki nuh ke u luhn Muhtwacn Fuhsr ac Tuhlihk Srihsrihk.

Pacl fuhkah

Pacl enenweyuck.

29.3.11

Miting in Kahsruh luhn Pisrap ke Stek

Srihpac

Akacsruhi etwacack ac kuhtwena kihsen siyuck ma fal nuh ke pisap an.

Srihpac

Pisap ac pracns prestuhn nuh kwewa ke stek elos mempucr ke u se inge. Stek prestuhn elac sulaclah lah elac wi na kuhtuh kuh wi nohfohn miting inge. Mwet in karihngihn ma sihmlac ke ohfuhs luhn stek enenuh in wi elan suhmuhslah kunohkohn ac ma suleyucklac.

Pacl fuhkah

Pacl se ke kais sie mahlwem tolu.

29.5

Mas ac Kuhlwacnsap Sahyac nuh ke Mwet Misac

29.5.1

Mwe Luti Na Fohn Sac

Ma yohk srihpac ke kuhlwacnsap luhn Alu uh nuh sin mwet misac pa in fahkwack plwacn in molwelah, yohk na Iwaclah luhn Mwet Lahngo ac Sifilpac Moulyak. Alu in mas inge enenuh in pacl mihs, ac nguhn.

Mwet kol luhn alu uh in tiac lwelah facsin luhn alu sahyac ke kuhlwacnsap nuh sin mwet misac luhn Alu uh.

29.5.2

Sang Kahsruh nuh sin Sucu ah

Ekihn mwet tuhma lutlut luhn Jisus Kraist, mwet kol ac mempucr ke Alu uh “ahsor weluhlos suc ahsor … ac ahkenganyaclos suc enenuh in ahkenganyeyuck” (Mosiah 18:9). Ke mempucr se misac uh, pisap el muhtwacta nuh yurun sucu sacn in sang ahkkweyeyuck.

Pisap el sang kahsruh tuhkuh yurun mempucr ke ward, finne nuh ke u luhn elder ac Rilif Sosaiti.

29.5.4

Alu ke Mas (Ke Fal nuh sin Facsin)

Mas kolyuck sin pisap, lun lohm Alu se kuh acn se sahyac, el ipin miting se luhn Alu uh ac muhtahl. Enenuh in toeni muhtahl se.

Mas uh enenuh in muhtwacwacack ke pacl suleyucklac. Inkaiyac, mas inge tiac ahluhkwelah ao 1.5, in kuhlwacng nuh selos suc wi.

Alu ke mas suhkwac sikyak ke Lwen Sacnri.

29.6

Pruhe ke Toeni luhn Alu uh

Pruhe ke toeni luhn Alu uh enenuh in fototo, fihsrwacsr, ac kolyuck sin Nguhn. Kuhtwena mempucr luhn Alu suc pacptaislac kuh in oraclah pruhe kaliyac kuh ikacslah. Tuhlihk suc sonna pacptaislac kuh pruhe ke U luhn Tuhlihk Srihsrihk.

29.7

Toeni ma Fahsr ke Internet ac Miting ma oasr Internet

Pisap el kuh in, fin enenweyuck, lwelah toeni luhn sackramacn ac alu luhn mas ac macruhtlac in stream ke internet ke lohm alu.

Stream ke internet luhn toeni in sackramacn tiac kuh in weacng kihtakat luhn ke kuhfa luhn Leum.

Ke kuhtuh toeni uh, pisap kuh prestuhn luhn stek kuh in lwelah mempucr suc tiac kuh wi in wi ke internet. Kuhtuh ma oasr ke miting inge pa:

• Toeni luhn mwet kol, pa nuh ke prestuhnsi kuh toeni in eis ac sang kahsruh.

• Miting luhn U, Rilif Sosaiti, ac Muhtwacn Fuhsr.

• Kuhlahs ke Sacnri Skul.

• Kuhlahs ke Tuhlihk Srihsrihk ac pacl in on.