Mga Pinili nga Bahin halin sa Libro sang Pangkabilogan nga Pagsulundan

Mga Kaundan
Pahina sang mga Tig-ulo
Paggamit sang Mga Pinili nga Bahin halin sa Libro sang Pangkabilogan nga Pagsulundan
Pundasyon sang Doktrina
- 0. Pangbukas nga Paathag
- 1. Ang Plano sang Dios kag ang Imo Papel sa Buluhaton sang Kaluwasan kag Pangkahitaasan
- 2. Pagsuporta sang mga Indibidwal kag mga Pamilya sa Buluhaton sang Kaluwasan kag Pangkahitaasan
- 3. Mga Prinsipyo sang Priesthood
- 4. Pagkalider kag mga Konseho sa Simbahan ni Jesucristo
Organisasyon sang Simbahan
- 5. Pagkalider sa Pangkabilogan kag sa Area
- 6. Pagkalider sa Stake
- 7. Ang Bishopric
- 8. Elders Quorum
- 9. Relief Society
- 10. Mga Korum sa Aaronic Priesthood
- 11. Young Women
- 12. Primary
- 13. Sunday School
- 14. Single nga mga Miyembro
- 15. Mga Seminary kag Institute of Religion
Ang Buluhaton sang Kaluwasan kag Pangkahitaasan
- Pagpangabuhi sang Ebanghelyo ni Jesucristo
  - 16. Pagpangabuhi sang Ebanghelyo ni Jesucristo
  - 17. Pagtudlo sang Ebanghelyo
  - 18. Paghikot sang mga Ordinansa kag mga Bendisyon sang Priesthood
  - 19. Musika
  - 20. Aktibidades
- Pag-atipan sang mga Nagakinahanglan
  - 21. Ministering
  - 22. Paghatag sang Temporal nga mga Kinahanglanon kag Pagpatubo sang Self-Reliance
- Pag-imbitar sang Tanan nga Magbaton sang Ebanghelyo
  - 23. Pagpaambit sang Ebanghelyo kag Pagpabakod sang Bag-o kag Nagabalik nga mga Miyembro
  - 24. Pagrekomendar kag Pag-alagad sang Misyonero
- Pag-isa sang mga Pamilya sa Wala Katubtuban
  - 25. Buluhaton sa Templo kag Family History sa Ward kag Stake
  - 26. Mga Temple Recommend
  - 27. Mga Ordinansa sang Templo para sa Buhi
  - 28. Mga Ordinansa sa Templo para sa mga Patay
Pagdumala sang Simbahan
- 29. Mga Miting sa Simbahan
- 30. Mga Calling sa Simbahan
  - 30.0. Introduksyon
  - 30.1. Paghibalo Kon Sin-o ang Tawgon
  - 30.2. Pagtanyag sang Calling
  - 30.3. Pagsakdag sang mga Miyembro sa mga Calling
  - 30.4. Pag-set Apart sang mga Miyembro sa Pag-alagad sa mga Calling
  - 30.6. Pag-release sang mga Miyembro sa mga Calling
  - 30.8. Tsart sang mga Calling
- 31. Mga Interbyu kag Iban Pa nga mga Miting sa mga Miyembro
- 32. Paghinulsol kag mga Church Membership Council
- 33. Mga Rekord kag mga Report
- 34. Kuwarta kag mga Awdit
- 35. Paghalong kag Paggamit sang mga Meetinghouse
- 36. Paghimo, Pag-ilis, kag Paghatag sang Ngalan sa Bag-o nga mga Yunit
  - 36.0. Introduksyon
- 37. Pinasahi nga mga Stake, Ward, kag mga Branch
- 38. Mga Polisiya kag mga Pagsulundan sang Simbahan

30. Mga Calling sa Simbahan

“30. Mga Calling sa Simbahan,” Mga Pinili nga Bahin halin sa Libro sang Pangkabilogan nga Pagsulundan (2023).

“30. Mga Calling sa Simbahan,” Mga Pinili nga Bahin halin sa Libro sang Pangkabilogan nga Pagsulundan

30.

Mga Calling sa Simbahan

30.0

Introduksyon

Ang mga calling nagahatag sa mga miyembro sang mga oportunidad nga mabatyagan ang kalipay sang pagserbisyo sa Dios paagi sa pagserbisyo sa Iya mga anak (tan-awa sa Mosias 2:17). Nagabulig man ang mga calling nga magtubo ang ila pagtuo kag mangin mas malapit sa Ginuo.

Indi bagay nga maghandum sang partikular nga mga calling sa Simbahan (tan-awa sa Marcos 10:42–45; Doktrina kag mga Kasugtanan 121:34–37). Kag wala man ang mga miyembro sang Simbahan “nagasaka” halin sa isa ka calling pakadto sa isa pa ka calling. Ang pagserbisyo sang matutom sa isa ka calling mas importante sangsa calling mismo. Ginatahod sang Ginuo ang dedikasyon sang tanan nga nagaalagad sa Iya Simbahan.

30.1

Paghibalo Kon Sin-o ang Tawgon

30.1.1

Pangkabilogan nga Pagsulundan

Ang mga nagaalagad sa Simbahan gintawag sang Dios (tan-awa sa Mga Hebreo 5:4; Mga Artikulo sang Pagtuo 1:5). Ang mga lider nagapangayo sang giya sang Espiritu sa paghibalo kon sin-o ang tawgon (tan-awa man sa 4.2.6). Ginabinagbinag man nila:

Ang katakos sang miyembro (nga mahibal-an sa interbyu).
Ang mga dulot kag ikasarang nga ara sa miyembro, ukon pwede pa niya mapatubo, para bugayan ang iban.
Ang personal nga mga sirkumstansya sang miyembro, upod ang iya ikaayong lawas kag trabaho.
Ang epekto sang calling sa pag-asawahay kag pamilya sang miyembro.

Ang mga miyembro ginabugayan sa mga sakripisyo nga ila ginahimo sa pagserbisyo sa Simbahan. Pero, ang calling indi dapat maghatag sang sobra nga kabudlayan sa mga indibidwal kag mga pamilya. Indi man ini dapat magpabudlay sa mga miyembro nga tumanon ang ila mga responsibilidad sa trabaho.

Sa masami, ang tagsa ka miyembro ginatawag sa pag-alagad sa isa lang ka calling, dugang sa iya pagka-ministering brother ukon sister.

Kon magtanyag sang calling sa kasado nga miyembro, ginasiguro sang mga lider nga nakahibalo ang bana/asawa kag nagasuporta sa sina nga calling. Antes magtanyag sang calling sa isa ka lamharon nga lalaki ukon lamharon nga babayi, nagapangayo sang pahanugot ang mga lider sa iya mga ginikanan ukon guardian.

Antes magtanyag sang calling, mahinalungon nga ginarebyu sang bishop ang membership record sang tawo para siguruhon nga wala ini sang marka ukon pormal nga mga limitasyon sa pagkamiyembro.

30.1.2

Mga Calling para sa Bag-o nga mga Miyembro

Ang mga oportunidad sa pagserbisyo nagabulig sa mga miyembro nga magtubo sa espirituhanon.

Ginahatagan sang mga lider sang ward ang bag-o nga mga miyembro sang mga oportunidad nga magserbisyo pagkatapos nila nga mabunyagan kag makumpirma.

30.1.3

Mga Calling para sa Mga Indi Miyembro

Ang mga tawo nga indi miyembro sang Simbahan pwede nga tawgon sa pila ka mga posisyon, pareho sang organist, music director, ukon sa calling sa pagbulig plano sang mga aktibidades. Pero, indi sila dapat tawgon bilang mga titser, bilang mga miyembro sang pangulohan sang korum ukon organisasyon, ukon mga music leader sa Primary.

30.1.4

Pagtipig sang Impormasyon

Ang pagtawag kag pag-release sa mga calling sagrado. Tungod sini, wala ginapalapta sang mga lider ang impormasyon parte sa ginapanugyan nga pagtawag kag pag-release sa mga calling.

30.1.5

Mga Rekomendasyon kag Pag-apruba para sa mga Calling

Ang Tsart sang mga Calling nagapakita kon sin-o ang nagahimo sang rekomendasyon sa tagsa ka calling kag sin-o ang nagahatag sang pahanugot (tan-awa sa 30.8).

Mahinalungon nga ginabinagbinag sang mga bishop kag stake president ang tagsa ka rekomendasyon, nga ginakilala nga dapat ini himuon sing mainampuon. Ang bishopric ukon stake presidency ang may katapusan nga responsibilidad sa pagbaton sang inspirasyon kon sin-o ang dapat tawgon.

30.2

Pagtanyag sang Calling

Ang pagbaton sang tawag nga mag-alagad dapat isa ka makahulugan nga espirituhanon nga eksperiyensya para sa miyembro.

Kon magtanyag ang isa ka lider sang calling, ginapaathag niya nga naghalin ini sa Ginuo.

Pwede man nga himuon sang lider ang masunod:

Ipaathag ang katuyuan, importansya, kag mga responsibilidad sang calling.
Paisugon ang miyembro nga pangayuon ang Espiritu sang Ginuo sa pagtuman sang calling.
Magpamatuod nga buligan sang Ginuo ang miyembro kag bendisyunan sia sa pagserbisyo sing matinuohon.
Hambalon ang miyembro kon sin-o ang magahatag sang paghanas kag suporta para sa sina nga calling.
Pahibal-on ang miyembro sang bisan ano nga miting nga dapat niya entrahan kag bisan ano nga bulig nga pwede niya magamit.

30.3

Pagsakdag sang mga Miyembro sa mga Calling

Ang mga ginatawag sa kalabanan nga mga posisyon sa Simbahan dapat ginapresentar sa pagsakdag antes sila magsugod sa pagserbisyo (tan-awa sa Doktrina kag mga Kasugtanan 28:13; 42:11).

Ang tawo nga nagapamuno sa pagsakdag una nagaanunsyo kon sin-o ang gina-release sa posisyon (kon may ara). Ginaagda niya ang mga miyembro nga magpakita sang pagpahayag sang pagpasalamat sa pag-alagad sang tawo (tan-awa sa 30.6).

Sa pagpresentar sang tawo para sa pagsakdag, ginaagda sia sang awtorisado nga lider sang priesthood nga magtindog. Pwede nga ihambal sang lider ang pareho sa masunod:

“Si [ngalan] gintawag sa pag-alagad bilang [posisyon]. Ang mga nagapabor sa pagsakdag sa iya magpakita sini paagi sa ginaalsa nga kamot. [Magpundo sing makadali.] Ang mga nagapamatok, kon may ara, palihog ipakita man ini. [Magpundo sing makadali.]”

Kon may miyembro nga maayo ang rekord sa simbahan nga magpamatok sa calling, ang nagapanguna nga lider ukon isa pa ka naasayn nga lider sang priesthood magapakigkita sa iya sing pribado pagkatapos sang miting.

30.4

Pag-set Apart sang mga Miyembro sa Pag-alagad sa mga Calling

Para sa dugang nga impormasyon, tan-awa sa 18.11.

30.6

Pag-release sang mga Miyembro sa mga Calling

Kon ang presidente ukon ang bishop gina-release, ang iya mga manuglaygay gina-release man upod sa iya.

Ang pagtanyag sang release isa ka importante nga oportunidad para sa lider nga magpahayag sang pagpasalamat kag pagkilala sang kamot sang Dios sa pag-alagad sang miyembro. Ang lider nagaistorya sa miyembro sang personal para pahibaluon sia sang release antes ini ianunsyo sa publiko. Ang mga kinahanglan lamang makahibalo ang ginapabalo parte sa release antes ini ianunsyo.

Isa ka awtorisado nga lider sang priesthood ang nagaanunsyo sang release sa pareho nga lugar kon diin ginsakdag ang tawo. Ang lider pwede nga maggamit sang mga tinaga pareho sa masunod:

“Si [ngalan] gina-release bilang [posisyon]. Ang gusto nga magpahayag sang pagpasalamat sa iya pag-alagad magpakita sini paagi sa pag-alsa sang kamot.”

Ang lider wala na nagapapamangkot kon may nagapamatok.

30.8

Tsart sang mga Calling

30.8.1

Mga Calling sa Ward

Calling	Ginarekomendar sang	Ginaaprubahan sang	Ginasakdag sang	Ginatawag kag gina-set apart sang
Calling Bishop	Ginarekomendar sang Stake presidency, gamit ang LCR	Ginaaprubahan sang Unang Pangulohan kag Korum sang Dose	Ginasakdag sang Mga miyembro sang ward	Ginatawag kag gina-set apart sang Stake president pagkatapos nga mabaton ang pahanugot halin sa Unang Pangulohan
Calling Mga manuglaygay sa bishopric	Ginarekomendar sang Bishop	Ginaaprubahan sang Stake presidency kag high council	Ginasakdag sang Mga miyembro sang ward	Ginatawag kag gina-set apart sang Stake president ukon naasayn nga manuglaygay
Calling Ward clerk	Ginarekomendar sang Bishopric	Ginaaprubahan sang Stake presidency kag high council	Ginasakdag sang Mga miyembro sang ward	Ginatawag kag gina-set apart sang Stake president ukon naasayn nga manuglaygay ukon miyembro sang high council
Calling Ward executive secretary	Ginarekomendar sang Bishopric	Ginaaprubahan sang Stake presidency kag high council	Ginasakdag sang Mga miyembro sang ward	Ginatawag kag gina-set apart sang Stake president ukon naasayn nga manuglaygay ukon miyembro sang high council
Calling Elders quorum president	Ginarekomendar sang Stake presidency (nga may konsultasyon upod sa bishop)	Ginaaprubahan sang Stake presidency kag high council	Ginasakdag sang Mga miyembro sang ward	Ginatawag kag gina-set apart sang Stake president
Calling Mga manuglaygay sa elders quorum presidency	Ginarekomendar sang Pangulo sang korum (nga may konsultasyon upod sa bishop)	Ginaaprubahan sang Stake presidency kag high council	Ginasakdag sang Mga miyembro sang ward	Ginatawag kag gina-set apart sang Stake president ukon naasayn nga manuglaygay ukon miyembro sang high council
Calling Iban pa nga mga calling sa elders quorum	Ginarekomendar sang Pangulohan sang korum	Ginaaprubahan sang Bishopric	Ginasakdag sang Mga miyembro sang korum	Ginatawag kag gina-set apart sang Presidente sang korum ukon naasayn nga manuglaygay
Calling Mga presidente sang organisasyon sa ward	Ginarekomendar sang Bishopric	Ginaaprubahan sang Bishopric	Ginasakdag sang Mga miyembro sang ward	Ginatawag kag gina-set apart sang Bishop
Calling Mga manuglaygay sa mga pangulohan sang organisasyon sa ward	Ginarekomendar sang Presidente sang organisasyon	Ginaaprubahan sang Bishopric	Ginasakdag sang Mga miyembro sang ward	Ginatawag kag gina-set apart sang Bishop ukon naasayn nga manuglaygay
Calling Iban pa nga mga calling sa Relief Society sa ward	Ginarekomendar sang Relief Society presidency	Ginaaprubahan sang Bishopric	Ginasakdag sang Mga miyembro sang Relief Society	Ginatawag kag gina-set apart sang Bishop ukon naasayn nga manuglaygay
Calling Iban pa nga mga calling sa Young Women, Primary, kag Sunday School sa ward	Ginarekomendar sang Pangulohan sang organisasyon	Ginaaprubahan sang Bishopric	Ginasakdag sang Mga miyembro sang ward	Ginatawag kag gina-set apart sang Bishop ukon naasayn nga manuglaygay
Calling Ward mission leader (pwede nga isa ini ka miyembro sang elders quorum presidency; kon amo sini, indi na niya kinahanglan nga tawgon, sakdagon, ukon i-set apart sing lain)	Ginarekomendar sang Bishopric (nga may konsultasyon sa mga presidente sang elders quorum kag Relief Society)	Ginaaprubahan sang Bishopric	Ginasakdag sang Mga miyembro sang ward	Ginatawag kag gina-set apart sang Bishop ukon naasayn nga manuglaygay
Calling Mga ward missionary	Ginarekomendar sang Bishopric ukon mga presidente sang elders quorum kag Relief Society	Ginaaprubahan sang Bishopric	Ginasakdag sang Mga miyembro sang ward	Ginatawag kag gina-set apart sang Bishop ukon naasayn nga manuglaygay
Calling Ward temple and family history leader (pwede nga isa ini ka miyembro sang elders quorum presidency; kon amo sini, indi na niya kinahanglan nga tawgon, sakdagon, ukon i-set apart sing lain)	Ginarekomendar sang Bishopric (nga may konsultasyon sa mga presidente sang elders quorum kag Relief Society)	Ginaaprubahan sang Bishopric	Ginasakdag sang Mga miyembro sang ward	Ginatawag kag gina-set apart sang Bishop ukon naasayn nga manuglaygay
Calling Mga assistant sa priests quorum president	Ginarekomendar sang Bishop (bilang priests quorum president)	Ginaaprubahan sang Bishopric	Ginasakdag sang Mga miyembro sang korum	Ginatawag kag gina-set apart sang Bishop
Calling Mga teachers kag deacons quorum president	Ginarekomendar sang Bishopric	Ginaaprubahan sang Bishopric	Ginasakdag sang Mga miyembro sang korum	Ginatawag kag gina-set apart sang Ginatawag sang bishop ukon naasayn nga manuglaygay; gina-set apart sang bishop
Calling Mga manuglaygay sa mga pangulohan sang teachers kag deacons quorum kag mga secretary sang korum	Ginarekomendar sang Quorum president	Ginaaprubahan sang Bishopric	Ginasakdag sang Mga miyembro sang korum	Ginatawag kag gina-set apart sang Bishop ukon naasayn nga manuglaygay
Calling Mga Young Women class president	Ginarekomendar sang Bishopric (nga may konsultasyon upod sa Young Women presidency)	Ginaaprubahan sang Bishopric	Ginasakdag sang Mga miyembro sang klase	Ginatawag kag gina-set apart sang Bishop ukon naasayn nga manuglaygay
Calling Mga manuglaygay sa Young Women class presidency kag mga class secretary	Ginarekomendar sang Class president	Ginaaprubahan sang Bishopric	Ginasakdag sang Mga miyembro sang klase	Ginatawag kag gina-set apart sang Bishop ukon naasayn nga manuglaygay
Calling Iban pa nga mga calling sa ward	Ginarekomendar sang Bishopric	Ginaaprubahan sang Bishopric	Ginasakdag sang Mga miyembro sang ward	Ginatawag kag gina-set apart sang Bishop ukon naasayn nga manuglaygay

30.8.2

Mga Calling sa Branch

Calling	Ginarekomendar sang	Ginaaprubahan sang	Ginasakdag sang	Ginatawag kag gina-set apart sang
Calling Branch president	Ginarekomendar sang Stake, mission, ukon district presidency	Ginaaprubahan sang Stake presidency kag high council ukon mission presidency	Ginasakdag sang Mga miyembro sang branch	Ginatawag kag gina-set apart sang Stake ukon mission president (ukon sang district president kon may naasayn)
Calling Mga manuglaygay sang pangulohan sang branch	Ginarekomendar sang Branch president	Ginaaprubahan sang Stake presidency kag high council ukon mission presidency (ukon, kon may pahanugot sang mission president, sang district presidency)	Ginasakdag sang Mga miyembro sang branch	Ginatawag kag gina-set apart sang Stake, mission, ukon district president ukon sang gin-asayn nga manuglaygay
Calling Branch clerk, mga assistant clerk, kag executive secretary	Ginarekomendar sang Pangulohan sang branch	Ginaaprubahan sang Stake presidency kag high council ukon mission presidency (ukon, kon may pahanugot sang mission president, sang district presidency)	Ginasakdag sang Mga miyembro sang branch	Ginatawag kag gina-set apart sang Stake president ukon naasayn nga manuglaygay ukon miyembro sang high council (sa mga branch sa mga stake); district president ukon lider sang priesthood nga iya i-asayn (sa mga branch sa mga mission)
Calling Elders quorum president	Ginarekomendar sang Stake, district ukon mission presidency (nga may konsultasyon upod sa branch president)	Ginaaprubahan sang Stake presidency kag high council ukon mission presidency (ukon, kon may pahanugot sang mission president, sang district presidency)	Ginasakdag sang Mga miyembro sang branch	Ginatawag kag gina-set apart sang Stake ukon mission president (ukon sang district president kon may naasayn)
Calling Mga manuglaygay sang elders quorum presidency	Ginarekomendar sang Pangulo sang korum (nga may konsultasyon upod sa branch president)	Ginaaprubahan sang Stake presidency kag high council ukon mission presidency (ukon, kon may pahanugot sang mission president, sang district presidency)	Ginasakdag sang Mga miyembro sang branch	Ginatawag kag gina-set apart sang Stake ukon mission president ukon naasayn nga manuglaygay ukon miyembro sang high council (ukon sang district president ukon isa pa ka lider sang priesthood kon i-asayn)
Calling Iban pa nga mga calling sa branch	Ginarekomendar sang Tan-awa sa 30.8.1, kag busli sang branch president ang bishop kag busli sang branch ang ward.				Ginaaprubahan sang Tan-awa sa 30.8.1, kag busli sang branch president ang bishop kag busli sang branch ang ward.	Ginasakdag sang Tan-awa sa 30.8.1, kag busli sang branch president ang bishop kag busli sang branch ang ward.	Ginatawag kag gina-set apart sang Tan-awa sa 30.8.1, kag busli sang branch president ang bishop kag busli sang branch ang ward.