“29. Mga Miting sa Simbahan,” Mga Pinili nga Bahin halin sa Libro sang Pangkabilogan nga Pagsulundan (2023).
“29. Mga Miting sa Simbahan,” Mga Pinili nga Bahin halin sa Libro sang Pangkabilogan nga Pagsulundan
29.
Mga Miting sa Simbahan
29.0
Introduksyon
Ang mga Santos sa Ulihing mga Adlaw nagatipon sa pagsimba, pagpalig-on sang kada isa sa espirituhanon, kag sa pagtudlo kag pagtuon sang ebanghelyo (tan-awa sa Alma 6:6; Moroni 6:5–6). Ang Manluluwas nagpromisa nga, “Kon diin ang duha ukon tatlo nga nagatipon sa akon ngalan, yara ako sa tunga nila” (Mateo 18:20). Ang pagkilit-anay sing tingob isa ka paagi nga ang aton mga tagipusuon “[mabugkos] sing tingob sa paghiliusa kag sa gugma” (Mosias 18:21).
Pero, ang paghiwat sang miting indi dapat magbulos sa pag-alagad kag pagminister pareho sang ginhimo ni Jesucristo.
29.1
Pagplano kag Pagpamuno sang mga Miting
Ang mga lider nagaplano kag nagapamuno sang mga miting “samtang ginatuytuyan sila sang Balaan nga Espiritu suno sa mga kasugoan kag mga rebelasyon sang Dios” (Doktrina kag mga Kasugtanan 20:45; tan-awa man sa Moroni 6:9; Doktrina kag mga Kasugtanan 46:2). Nagapangita sila sang mga paagi nga maimbitar ang impluwensya sang Espiritu sa ila mga miting.
Ginasiguro sang mga lider nga ang kadamuon kag kalawigon sang mga miting wala nagatuga sang kabudlayan sa mga miyembro ukon sa ila mga pamilya.
29.2
Mga Miting sa Ward
29.2.1
Sakramento nga Miting
29.2.1.1
Pagplano sang Sakramento nga Miting
Ang bishopric ang nagaplano kag nagapamuno sang sakramento nga miting. Ginasiguro nila nga ang tutok sang miting amo ang sakramento kag pagpatubo sang pagtuo kay Jesucristo.
Ang sakramento nga miting nagadugay sang isa ka oras. Pwede nga dala sini ang masunod:
-
Prelude nga musika (tan-awa sa 19.3.2 para sa mga pagsulundan).
-
Mga pagtamyaw kag pag-abiabi.
-
Pagkilala sang mga nagapanguna nga mga awtoridad ukon iban pa nga mga lider nga nagabisita.
-
Mga pahibalo. Dapat diutay lang ini.
-
Pangbukas nga himno kag pangamuyo. Tan-awa sa 19.3.2 kag 29.6.
-
Ward kag stake business, pareho sang masunod:
-
Pagngalan kag pagbendisyon sang kabataan (tan-awa sa 18.6). Masami ini ginahimo sa miting sang puasa kag testimonya (tan-awa sa 29.2.2).
-
Pagkumpirma sang bag-o ginpangbunyagan (see 18.8).
-
Sakramento nga himno kag pagpanagtag sang sakramento. Ang sakramento amo ang mayor nga tutok sang miting. Ini nga ordinansa isa ka oportunidad para sa mga miyembro nga ituon ang ila mga panghunahuna sa Manluluwas kag sa Iya sakripisyo para sa ila.
Para sa dugang nga ihibalo parte sa paghanda, pagbendisyon, kag pagpanagtag sang sakramento, tan-awa sa 18.9.
-
Mga mensahe sang ebanghelyo kag pagkinanta sa kongregasyon ukon iban pa nga musika.
-
Pangtakop nga himno kag pangamuyo.
-
Postlude nga musika.
29.2.1.4
Pagpili sang mga Manughambal
Ang bishopric ang nagapili sang mga manughambal sa sakramento nga miting. Masami ginaagda nila ang mga miyembro sang ward, pati ang mga lamharon.
Ang mga manughambal nagapamatuod kay Jesucristo kag nagatudlo sang Iya ebanghelyo gamit ang balaan nga mga kasulatan (tan-awa sa Doktrina kag mga Kasugtanan 42:12; 52:9).
29.2.2
Miting sang Puasa kag Testimonya
Sa miting sang puasa kag testimonya, wala sang ginaasayn nga mga manughambal ukon espesyal nga pinili nga musika. Kundi, ang tawo nga nagapamuno nagahatag sang malip-ot nga testimonya. Dayon ginaagda niya ang mga miyembro sang kongregasyon nga maghatag sang ila mga testimonya. Ang paghatag sang testimonya nagakahulugan sang pagdeklarar sang mga kamatuoran sang ebanghelyo nga inspirado sang Balaan nga Espiritu.
29.2.3
Ward Conference
29.2.4
Miting sang Bishopric
Pwede nga upod sa mga butang nga dapat hambalan ang:
-
Pagpakig-angot sang buluhaton sang kaluwasan kag pangkahitaasan sa ward.
-
Pagpabakod sang mga indibidwal kag mga pamilya sa ward—ilabi na ang mga lamharon kag kabataan.
-
Pagkilala sang mga miyembro nga pwede maghanda sa pagbaton sang mga ordinansa, upod ang mga ordinasyon sa priesthood.
-
Pagpili sang mga miyembro nga tawgon sa mga posisyon sa ward.
29.2.5
Ward Council Meeting
Ang bishop nagaplano, nagapanguna, kag nagapamuno sa mga ward council meeting. Ang konseho wala nagahimo sang mayor nga mga desisyon kon wala ang bishop.
Ang mga lider sa mga organisasyon sang ward nagaentra sa mga ward council meeting sa duha ka kapasidad:
-
Bilang mga miyembro sang ward council nga nagabulig sa pagbugay sang tanan nga miyembro sang ward.
-
Bilang mga representante sang ila mga organisasyon.
Kon nagamiting sila, ginahambalan sang ward council ang mga butang nga magabenepisyo sa gintingub nga pagpaninguha sang bilog nga konseho. Ang kada miyembro sang konseho ginapaisog sa pagpaambit sang iya mga panghunahuna kag inspirasyon sa sining mga butang.
Ang mga ward council meeting masami wala nagalapaw isa ka oras. Nagasugod sila sa pangamuyo kag malip-ot nga mga report sa mga asaynment halin sang nagligad nga mga miting. Ginahatagan sang bishop sang prayoridad ang mga butang nga pinakakinahanglan gid para bugayan ang mga indibidwal kag mga pamilya.
-
Pagpangabuhi sang ebanghelyo ni Jesucristo. Pagbulig sa tanan nga miyembro nga magpatubo sang pagtuo, magbaton sang nagapangluwas nga mga ordinansa, kag magtuman sang ila mga kasugtanan.
-
Pag-atipan sang mga nagakinahanglan. Pagpaambit sang mga ikasarang kag mga abilidad para bugayan ang mga indibidwal, mga pamilya, kag ang komunidad. Pagbulig sa mga miyembro sang ward nga magtindog sa ila kaugalingon. (Tan-awa sa kapitulo 22.)
-
Pag-agda sang tanan nga magbaton sang ebanghelyo. Pagrebyu sang progreso sang mga nagatuon parte sa ebanghelyo, amo man sang bag-o kag nagabalik nga mga miyembro. Paghambalanay sang mga pamaagi nga pwede ipaambit sang mga miyembro ang ebanghelyo sa iban. (Tan-awa sa kapitulo 23.)
-
Paghiusa sang mga pamilya sa wala katapusan. Pagrebyu sang progreso sang mga miyembro nga nagahanda sa pagbaton sang mga ordinansa sang templo. Pagplano sang mga pamaagi para buligan ang mas madamo pa nga mga miyembro nga mangin kalipikado para sa temple recommend. Paghambalanay sang mga pamaagi nga pwede magpartisipar ang mga miyembro sa buluhaton sang templo kag family history. (Tan-awa sa kapitulo 25.)
Kinahanglan nga indi pag-ipalapta sang mga miyembro sang konseho ang bisan ano nga pribado ukon sensitibo nga impormasyon (tan-awa sa 4.4.6).
29.2.6
Ward Youth Council Meeting
Antes sang tagsa ka miting, ginarebyu sang bishop kag sang tawo nga nagapamuno ang mga dapat hambalan.
-
Ang buluhaton sang kaluwasan kag pangkahitaasan.
-
Ang mga panginahanglan sang mga lamharon sa ward kag mga paagi nga masabat ini.
-
Mga pagpaninguha sa paglab-ot sa mga lamharon nga indi gawa aktibo ukon bag-o nga mga miyembro.
-
Aktibidades, upod ang mga oportunidad sa pagserbisyo sa mga nagakinahanglan. Kalabanan sa pagplano ginahimo sa mga quorum ukon class presidency meeting (tan-awa sa kapitulo 20).
-
Ministering (tan-awa sa kapitulo 21).
-
Pagtudlo sa bag-o lang gintawag nga mga quorum kag class presidency.
29.2.8
Mga Iskedyul sang mga Miting kon Domingo
Ang mga ward nagagamit sang isa sa masunod nga duha-ka-oras nga mga iskedyul para sa mga miting kon Domingo.
Plano 1
|
60 minutos |
Sakramento nga miting |
|---|---|
|
10 minutos |
Pagsaylo sa mga klase kag mga miting |
|
50 minutos |
Tanan nga Domingo: Primary, pati ang nursery Una kag ikatatlo nga Domingo sang bulan: Sunday School Ikaduha kag ikaapat nga Domingo: mga priesthood quorum meeting, mga Relief Society meeting, kag mga Young Women meeting Ikalima nga Domingo: mga miting para sa mga lamharon kag hamtong. Ang bishopric ang nagapili sang topiko kag nagaasayn sang mga titser. |
Plano 2
|
50 minutos |
Tanan nga Domingo: Primary, pati ang nursery Una kag ikatatlo nga Domingo sang bulan: Sunday School Ikaduha kag ikaapat nga Domingo: mga priesthood quorum meeting, mga Relief Society meeting, kag mga Young Women meeting Ikalima nga Domingo: mga miting para sa mga lamharon kag hamtong. Ang bishopric ang nagapili sang topiko kag nagaasayn sang mga titser. |
|---|---|
|
10 minutos |
Pagsaylo sa sakramento nga miting |
|
60 minutos |
Sakramento nga miting |
29.3
Mga Miting sa Stake
29.3.1
Stake Conference
29.3.2
Stake General Priesthood Meeting
29.3.3
Stake Priesthood Leadership Meeting
29.3.4
Mga Stake Leadership Meeting
29.3.5
Stake High Priests Quorum Meeting
29.3.6
Stake Presidency Meeting
29.3.7
High Council Meeting
29.3.8
Stake Council Meeting
29.3.9
Stake Adult Leadership Committee Meeting
29.3.10
Stake Youth Leadership Committee Meeting
29.3.11
Stake Bishops’ Council Meeting
29.5
Mga Funeral Service kag Iban pa nga mga Serbisyo para sa Patay
29.5.1
Pangkabilogan nga mga Prinsipyo
Ang importante nga katuyuan sang mga serbisyo sang Simbahan para sa patay amo ang magpamatuod sa plano sang kaluwasan, ilabi na gid sang Pagbayad-Sala kag Pagkabanhaw sang Manluluwas. Ini nga mga serbisyo dapat matinahuron, espirituhanon nga mga eksperiyensya.
Indi dapat pag-ientra sang mga lider sang Simbahan ang mga ritwal sang iban nga mga relihiyon ukon grupo sa mga pagserbisyo sang Simbahan sa napatay.
29.5.2
Pagtanyag sang Bulig sa Pamilya
Bilang mga disipulo ni Jesucristo, ang mga lider kag miyembro sang Simbahan “[nagapangasubo] upod sadtong mga nagapangasubo … kag [nagapaumpaw] sadtong mga nagakinahanglan sang kaumpawan” (Mosias 18:9). Kon mapatay ang isa ka miyembro, ginabisitahan sang bishop ang pamilya para maghatag sang kaumpawan.
Nagahatag ang bishop sang bulig halin sa mga miyembro sang ward, upod ang elders quorum kag Relief Society.
29.5.4
Mga Funeral Service (Kon Diin Nakaugalian)
Ang funeral service nga ginapamunuan sang bishop, sa bilding sang Simbahan ukon bisan sa lain nga lugar, isa ka miting sang Simbahan kag isa ka relihiyoso nga pag-alagad. Dapat isa ini ka espirituhanon nga okasyon.
Ang mga funeral service dapat magsugod gilayon sa gintalana nga oras. Sa kabilogan, indi ini dapat magsobra sa 1.5 ka oras, bilang respeto sa mga nagapartisipar.
Ang mga funeral service wala masami ginahiwat kon Domingo.
29.6
Mga Pangamuyo sa mga Miting sa Simbahan
Ang mga pangamuyo sa mga miting sa Simbahan dapat malip-ot, simple, kag suno sa giya sang Espiritu. Ang bisan sin-o nga nabunyagan nga miyembro sang Simbahan pwede nga maghatag sang pangbukas kag pangtakop nga pangamuyo. Ang mga bata nga wala pa mabunyagi pwede nga magpangamuyo sa Primary.
29.7
Pag-stream sang mga Miting kag Paghiwat sang Online nga mga Miting
Ang bishop, bilang eksepsyon, pwede nga maghatag sang pahanugot sa pag-livestream sang sakramento nga mga miting kag sang mga funeral service kag mga kasal nga ginahiwat sa meetinghouse.
Sa pag-livestream sang sakramento nga miting indi dapat dala ang pagpanagtag sang sakramento.
Sa iban nga mga miting, pwede ang bishop ukon stake president maghatag sang pahanugot sa mga miyembro nga indi makakadto sing personal nga magpartisipar online. Pwede nga dala sining mga miting ang:
-
Mga miting sang mga lider, pareho sang presidency ukon council meeting.
-
Mga miting sang korum, Relief Society, kag Young Women.
-
Mga klase sa Sunday School.
-
Mga klase sa Primary kag singing time.