mga lalaki nga naglamanohay

31.

Mga Interbiyo ug Ubang mga Miting sa mga Miyembro

31.0

Pasiuna

Si Jesukristo kanunay nga nangalagad ngadto sa uban sa tinagsa-tagsa (tan-awa, pananglitan sa Juan 4:5–26; 3 Nephi 17:21). Siya nahigugma sa matag usa sa mga anak sa Dios. Siya motabang kanila sa tinagsa-tagsa.

Kini nga kapitulo makatabang sa tanang lider kinsa adunay mga oportunidad sa pakigmiting sa indibidwal nga mga miyembro.

31.1

Giya nga mga Baruganan

31.1.1

Mangandam sa Espirituwal nga Paagi

Andama ang imong kaugalingon sa espirituhanong paagi pinaagi sa pag-ampo, pagtuon sa kasulatan, ug matarong nga pagpakabuhi. Paminaw sa mga paghunghong sa Espiritu Santo.

31.1.2

Motabang sa Miyembro nga Mobati sa Gugma sa Dios

Kon ang mga miyembro moduol nimo alang sa interbiyo o alang sa tabang sa usa ka personal nga hagit, kasagaran unsay ilang kinahanglan gayod nga mahibaloan mao nga masayod nga ang Langitnong Amahan nahigugma nila.

Ang mga kasulatan ug ang mga pulong sa mga propeta sa ulahing mga adlaw magdapit sa Espiritu ug magtudlo sa putli nga doktrina. Gamita kini sa pagdasig ug pag-awhag, dili sa pagpanghimaraot, pagpamugos, o pagpanghadlok (tan-awa sa Lucas 9:56

31.1.3

Motabang sa Miyembro nga Modangop sa Gahom sa Manluluwas

Moawhag sa mga miyembro nga moduol ngadto Kaniya. Motabang nila nga modangop sa Iyang gahom sa paglig-on, paghupay, ug pagtubos.

31.1.4

Motabang sa Miyembro nga Mobati nga Komportable ug Luwas

Hatagi kanunay ang miyembro og opsiyon nga adunay kuyog nga laing tawo atol sa usa ka interbiyo o miting. Kon makigmiting sa usa ka miyembro sa kaatbang og sekso, o usa ka bata, o usa ka batan-on, siguroa nga adunay kuyog nga ginikanan o laing hamtong. Siya mahimong moapil sa miting o maghulat sa gawas sa lawak, depende kon unsay gusto sa miyembro nga imong pakigmitingan.

Ayaw ipaambit ang kompidensiyal nga impormasyon ni bisan kinsa—lakip na sa imong asawa o ubang mga lider sa Simbahan—gawas kon ang miyembro mohatag og pagtugot.

31.1.5

Mangutana og Dinasig nga mga Pangutana ug Maminaw og Maayo

Kon makigmiting sa usa ka miyembro, mangutana og mga pangutana nga makatabang nimo nga makasabot sa iyang sitwasyon.

Samtang mag-istorya ang miyembro, paminaw og maayo.

31.1.6

Moawhag og Pagbarog pinaagi sa Kinaugalingong Paningkamot

Tungod sa imong gugma sa mga miyembro, tingali gusto ka nga motanyag dihadiha dayon og mga solusyon sa ilang mga problema. Hinoon, ikaw mas makapanalangin nila pinaagi sa pagtabang nila sa pagpangita og ilang kaugalingong mga solusyon ug paghimo sa ilang kaugalingong mga desisyon (tan-awa sa Doktrina ug mga Pakigsaad 9:8).

31.1.7

Mosuporta sa mga Paningkamot sa Paghinulsol

Ang bishop o presidente sa stake lamang ang makatabang sa usa ka tawo sa pagsulbad sa seryoso nga mga sala. Ang pipila niini gilista diha sa 32.6. Kon ang miyembro nakahimo og bisan asa niini nga mga sala, siya kinahanglang makigkita sa bishop o presidente sa stake diha-diha dayon.

31.1.8

Tukmang Paagi sa Pagresponde sa Pag-abuso

Ang pag-abuso dili mahimong tugotan sa bisan unsa nga matang. Mohatag og seryoso nga pagtagad sa mga report bahin sa pag-abuso. Kon kamo makahibalo nga ang usa ka tawo giabusohan, i-report ang pag-abuso ngadto sa sibil nga mga awtoridad ug magpakitambag sa bishop. Ang mga lagda alang sa pag-report ug pagresponde sa pag-abuso gihatag diha sa 38.6.2.

31.2

Mga Interbiyo

31.2.1

Mga Katuyoan sa mga Interbiyo

Sa kinatibuk-an, ang mga lider sa Simbahan mointerbiyo sa mga miyembro aron sa pagtino kon sila:

• Andam na ba sa pagdawat o pag-apil sa usa ka ordinansa.

• Kinahanglan na ba nga tawagon sa usa ka katungdanan sa Simbahan.

31.2.2

Mga Matang sa mga Interbiyo

Kinsa ang makapahigayon sa interbiyo	Katuyoan sa interbiyo
Kinsa ang makapahigayon sa interbiyo Bishop lamang	Katuyoan sa interbiyo Moisyu og rekomend sa templo ngadto sa usa ka miyembro nga modawat sa iyang kaugalingong pagtuga o isilyo ngadto sa kapikas (tan-awa sa 26.3.1). Moisyu og rekomend sa templo ngadto sa usa ka bag-ong kinabig (tan-awa sa 26.4.2). Mo-orden sa bag-ong kinabig nga lalaki ngadto sa katungdanan sa Aaronic nga Pagkapari. Mo-orden sa batan-ong lalaki o usa ka lalaki ngadto sa katungdanan sa pagka-priest (tan-awa sa 18.10.2). Morekomendar og usa ka lalaki aron ma-orden nga usa ka elder o high priest (tan-awa sa 31.2.6). Ang pagtugot gikan sa kapangulohan sa stake gikinahanglan aron mapahigayon kini nga interbiyo. Morekomendar og usa ka miyembro nga moserbisyo isip usa ka full-time nga misyonaryo (tan-awa sa 24.4.2). Motawag og usa ka miyembro aron moserbisyo isip usa ka presidente sa organisasyon sa ward. Motawag og usa ka priest aron moserbisyo isip kaabag sa korum sa mga priest. Motabang sa usa ka miyembro sa paghinulsol sa usa ka seryoso nga sala (tan-awa sa kapitulo 32). Moendorso sa usa ka miyembro aron makadawat og loan sa Perpetual Education Fund, kon aduna. Motugot sa usa ka miyembro sa pagdeklarar sa iyang kahimtang isip usa ka tigbayad sa ikapulo (tan-awa sa 34.3.1.2). Mohatag og pagtugot sa paggamit sa mga pundo sa halad sa puasa (tan-awa sa 22.6.1).
Kinsa ang makapahigayon sa interbiyo Bishop o usa ka magtatambag nga iyang sangonan	Katuyoan sa interbiyo Mobag-o sa rekomend sa templo (tan-awa sa 26.3.1). Moisyu og rekomend sa templo aron makaapil sa proxy nga mga bunyag ug mga kompirmasyon (tan-awa sa 26.4.3). Moisyu og rekomend sa templo aron masilyo ngadto sa mga ginikanan o makasaksi sa pagsilyo sa mga igsoon ngadto sa mga ginikanan (tan-awa sa 26.4.4). Motawag og miyembro nga moserbisyo sa calling sa ward sama sa gipasabot diha sa 30.8. Mohatag og pagtugot sa bunyag ug kompirmasyon sa usa ka 8 anyos kinsa usa ka miyembro nga anaa sa rekord o adunay ginikanan o magbalantay nga miyembro sa Simbahan (tan-awa sa 31.2.3.1). Mohatag og pagtugot sa pag-orden sa usa ka batan-ong lalaki ngadto sa katungdanan sa pagka-deacon o pagka-teacher (tan-awa sa 18.10.2). Moisyu og Rekomend sa Patriyarkal nga Panalangin (tan-awa sa 18.17). Mohatag og pagtugot sa usa ka naghupot sa pagkapari nga mopahigayon og ordinansa sa laing ward, kon siya walay rekomend sa templo. (Tan-awa sa porma sa Rekomend sa Pagpahigayon og Ordinansa.)

31.2.3

Mga Interbiyo alang sa Bunyag ug Kompirmasyon

31.2.3.1

Mga Bata Kinsa mga Miyembro nga Anaa na sa Rekord [Member of Record]

Ang bishop mao ang naghupot sa mga yawe sa pagkapari alang sa pagbunyag sa 8 anyos nga mga miyembro nga anaa sa rekord diha sa iyang ward. Tungod niini nga rason, siya og ang gisangonan nga magtatambag mointerbiyo sa mosunod nga mga tawo alang sa bunyag:

• Mga bata nga nag-edad og 8 kinsa mga member of record.

• Mga bata nga nag-edad og 8 kinsa dili mga miyembro nga anaa sa rekord apan adunay ginikanan o tigbantay nga miyembro.

• Mga miyembro nga anaa na sa rekord nga nag-edad og 9 ug pataas kansang bunyag nalangan tungod sa intelektuwal nga mga kakulangan.

Diha sa interbiyo, ang sakop sa bishopric mosiguro nga ang bata nakasabot sa mga katuyoan sa bunyag (tan-awa sa 2 Nephi 31:5–20). Siya usab mosiguro nga ang matag bata nakasabot sa pakigsaad sa bunyag ug mapasaligon nga mosunod niini (tan-awa sa Mosiah 18:8–10). Wala na siya magkinahanglan og gipiho nga mga lista sa mga pangutana. Dili kini usa ka inetrbiyo sa pagtino sa katakos, tungod kay ang “mga bata wala magkinahanglan sa paghinulsol.” (Moroni 8:11).

31.2.3.2

Mga Kinabig

Ang presidente sa misyon mao ang naghupot sa mga yawe sa pagkapari alang sa pagbunyag sa mga kinabig. Tungod niini nga rason, ang usa ka full-time nga misyonaryo mointerbiyo sa:

• Mga tawo nga nag-edad og 9 ug labaw pa kinsa wala gayod mabunyagi ug makompirmahi. Tan-awa sa 31.2.3.1 alang sa usa ka eksepsiyon niadtong adunay intelektuwal nga mga kakulangan.

• Mga bata nga nag-edad og 8 ug pataas kansang mga ginikanan dili mga miyembro sa Simbahan.

• Mga bata nga nag-edad og 8 ug pataas kinsa adunay ginikanan nga bunyagan ug kompirmahan usab.

31.2.4

Mga Interbiyo Alang sa Pag-orden ngadto sa Katungdanan sa Aaronic nga Pagkapari

Alang sa dugang nga impormasyon, tan-awa sa 18.10.2.

31.2.5

Mga Interbiyo sa Rekomend sa Templo

Ang templo mao ang balay sa Ginoo. Ang pagsulod sa templo ug pag-apil sa mga ordinansa usa ka sagrado nga pribilehiyo. Kini nga pribilehiyo gigahin alang niadtong kinsa andam sa espirituhanong paagi ug naningkamot sa pagsunod sa mga sumbanan sa Ginoo, sama sa gitino sa awtorisado nga mga lider sa pagkapari.

Sa paghimo niini nga pagtino, ang mga lider mointerbiyo sa miyembro gamit ang mga pangutana diha sa LCR (tan-awa usab sa mga lagda diha sa 26.3).

31.2.6

Mga Interbiyo alang sa Pag-orden ngadto sa Katungdanan sa Melchizedek nga Pagkapari

Ang presidente sa stake mao ang naghupot sa mga yawe sa pagkapari alang sa pagtugyan sa Melchizedek nga Pagkapari. Siya mao usab ang naghupot sa mga yawe alang sa pag-orden ngadto sa mga katungdanan sa pagka-elder ug pagka-high priest.

Uban sa pagtugot sa kapangulohan sa stake, ang bishop mointerbiyo sa miyembro gamit ang mga pangutana nga gihatag diha sa Melchizedek Priesthood Ordination Record.

31.3

Ubang mga Oportunidad alang sa mga Lider aron Makigmiting sa mga Miyembro

• Ang mga miyembro mahimong mohangyo nga makigkita sa usa ka lider sa Simbahan kon sila magkinahanglan og espirituhanon nga giya o adunay bug-at nga personal nga mga problema.

• Ang bishop o usa ka tawo nga iyang gisangonan makigmiting sa mga miyembro nga adunay temporal nga mga panginahanglan (tan-awa sa 22.6).

• Ang usa ka sakop sa bishopric makigmiting sa matag 11 anyos samtang siya ibalhin gikan sa Primary ngadto sa korum sa mga deacon o sa klase sa Young Women.

31.3.1

Pakigmiting sa Kabatan-onan

Ang bishop o usa sa iyang mga magtatambag makigmiting sa matag batan-on kaduha sa usa ka tuig. Labing minos ang usa niini nga mga miting kinahanglan nga uban sa bishop. Sa sinugdanan sa tuig nga ang batan-on moedad og 16, ang duha ka miting nianang tuiga kinahanglan nga uban sa bishop kon mahimo.

Ang presidente sa Young Women adunay responsibilidad usab sa pagpangalagad ngadto sa tagsa-tagsa ka batan-ong babaye. Siya makahimo niini pinaagi sa pakigmiting sa mga batan-ong babaye sa tinagsa-tagsa (o kuyog sa usa ka hamtong nga anaa).

31.3.1.2

Mga Hilisgotan nga angayng Hisgotan

Ang labing mahinungdanong katuyoan sa mga miting uban sa kabatan-onan mao ang pagpalig-on sa hugot nga pagtuo diha sa Langitnong Amahan ug ni Jesukristo ug pagtabang sa kabatan-onan nga mosunod Kanila. Kini nga mga pakigmiting kinahanglang makapadasig og espirituhanong mga kasinatian.

31.3.2

Pagpakigkita sa mga Young Single Adult

Ang bishop mohatag og taas nga prayoridad sa espirituhanong paglambo sa mga single adult diha sa iyang ward. Siya o ang gisangonan nga magtatambag makigmiting sa matag young single adult labing minos kausa sa usa ka tuig.

31.3.3

Makigmiting sa mga Miyembro aron Hisgotan ang Ilang mga Calling ug mga Responsibilidad

Ang mga kapangulohan sa stake, mga bishopric, ug ubang mga lider makigmiting sa tinagsa-tagsa sa mga miyembro kinsa mo-report ngadto nila mahitungod sa ilang calling.

Ang lider mopahayag og pasalamat alang sa pagserbisyo sa miyembro ug mohatag og pag-awhag.

31.3.6

Propesyonal nga Pagtambag ug Pagtambal

Ang mga lider sa Simbahan wala gitawag aron mahimong propesyonal nga mga tigtambag o mohatag og pagtambal. Ang tabang nga ilang ihatag espirituhanon, magpokus diha sa makapalig-on, makahupay, matubsanong gahom ni Jesukristo. Agi og dugang niining importante ug dinasig nga tabang, ang pipila ka miyembro mahimong makabenepisyo gikan sa propesyonal nga pagtambag kon aduna.

31.4

Makigmiting sa mga Miyembro sa Virtual nga Paagi

Kasagaran, ang mga lider makigmiting sa mga miyembro sa personal alang sa mga interbiyo ug mohatag og espirituhanong tabang ug pagpangalagad. Hinoon, isip usa ka eksepsiyon, sila mahimong makigmiting sa virtual nga paagi kon ang pakigmiting sa personal dili praktikal.