37.

Pieu, Pawas, ak Branch Spesyalize

37.0

Entwodiksyon

Yon prezidan pieu ka pwopoze pou yo kreye pieu, pawas, ak branch spesyalize pou sèvi manm yo jan sa endike nan chapit sa a.

37.1

Lang Pawas ak Branch

Yon prezidan pieu ka pwopoze pou yo kreye yon pawas oswa branch pou manm pieu (1) ki pa pale lang natif natal la oubyen (2) ki itilize langaj siy.

37.7

Gwoup nan Pieu, Misyon, ak Zòn

Gwoup yo se ti rasanbleman manm ki otorize, ki sipèvize pa yon evèk, prezidan branch, oswa prezidan misyon. Prezidan pieu oswa prezidan misyon an ka rekòmande pou kreye yon gwoup nan sikonstans sa yo:

• Vwayaje pou manm potansyèl li yo rankontre avèk yon pawas oswa yon branch se yon bagay difisil.

• Gen yon ti gwoup manm ki pale yon lang diferan de moun ki nan pawas la oswa nan branch lan.

• Manm nan militè yo pi byen sèvi lè yo nan yon gwoup.

Yon gwoup dwe gen omwen de manm. Youn dwe yon prèt diy nan Prètriz Aawon an oswa yon detantè Prètriz Mèlkisedèk.

Nan pieu, prezidan pieu a bay yon evèk oswa yon prezidan branch tach pou òganize ak sipèvize gwoup la. Nan misyon, prezidan misyon an bay yon prezidan branch tach pou òganize ak sipèvize li.

Prezidan pieu a, prezidan misyon an, evèk la, oswa prezidan branch an aple yon lidè gwoup epi yo mete li apa. Lidè gwoup la òganize ak dirije reyinyon gwoup yo, ki gen ladan administrasyon Sentsèn nan.

Yon dirijan gwoup pa detni kle prètriz yo, epi li pa otorize pou l:

• Resevwa dim ak ofrann.

• Fè konsèy avèk manm yo sou peche grav.

• Bay restriksyon enfòmèl oswa fòmèl pou manm.

• Akonpli lòt tach ki mande kle prètriz yo.

Tipikman, gwoup yo itilize Pwogram Inite Debaz la.

Yo kenbe rejis manm pou gwoup manm yo nan pawas oswa branch ki sipèvize gwoup la.

Syèj legliz la pa bay yon nimewo inite pou gwoup yo.