37.

Dagiti Espesialisado a Stake, Ward, ken Branch

37.0

Pakauna

Mabalin nga isingasing ti maysa a stake president ti panangbuangay kadagiti espesialisado a stake, ward, ken branch tapno agserbi kadagiti miembro kas nabalabala iti daytoy a kapitulo.

37.1

Pagsasao kadagiti Ward ken Branch

Mabalin nga isingasing ti maysa a stake president ti panangparnuay iti maysa a language ward wenno branch para kadagiti miembro ti stake (1) a saan nga agsasao iti lokal a katutubo a pagsasao wenno (2) agus-usar iti sign language.

37.7

Dagiti Grupo kadagiti Stake, Mision, ken Area

Dagiti grupo ket babassit nga awtorisado a panagtitipon dagiti miembro nga imatmatonan ti maysa bishop, branch president, wenno mission president. Mabalin nga isingasing ti stake wenno mission president ti panangbuangay iti maysa a grupo kadagiti sumaganad a kasasaad:

• Narigat ti panagbiahe para kadagiti potensial a miembrona tapno makipagkita iti maysa a ward wenno branch.

• Bassit a bilang dagiti miembro ti agsasao iti pagsasao a naiduma kadagiti adda iti ward wenno branch.

• Kasayaatan a mapagserbian dagiti miembro iti militar babaen ti kaadda iti maysa a grupo.

Masapul nga addaan ti maysa a grupo iti di kumurang a dua a miembro. Masapul a maikari ti maysa a priest iti Aaronic Priesthood wenno maikari a Melchizedek Priesthood holder.

Kadagiti stake, dutokan ti stake president ti bishop wenno branch president a mangbukel wenno mangimaton iti grupo. Kadagiti mision, dutokan ti mission president ti branch president a mangbukel wenno mangimaton iti daytoy.

Ti stake president, mission president, bishop, wenno branch president ti mangawag iti maysa a lider ti grupo ket i-set apartna daytoy. Ti lider ti grupo ti mangbukel ken mangimaton kadagiti miting ti grupo, a pakairamanan ti panangannong iti sakramento.

Saan nga agiggem ti lider ti grupo kadagiti tulbek ti priesthood, ken saan nga awtorisado nga:

• Umawat kadagiti apagkapullo ken daton.

• Mangbalakad kadagiti miembro maipapan iti nadagsen a basol.

• Mangted kadagiti impormal wenno pormal a panagiget wenno restriksion iti kinamiembro.

• Mangaramid kadagiti dadduma pay a pagrebbengan nga agkasapulan kadagiti tulbek ti priesthood.

Gagangay, usaren dagiti grupo ti Basic Unit Program.

Maidulin dagiti rekord ti kinamiembro dagiti miembro ti grupo iti ward wenno branch a mangimatmaton iti grupo.

Saan a mangituding ti headquarter ti Simbaan iti numero ti yunit kadagiti grupo.