“37. ສະເຕກ, ຫວອດ, ແລະ ສາຂາສະເພາະ,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ (2023).
“37. ສະເຕກ, ຫວອດ, ແລະ ສາຂາສະເພາະ,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ
37.
ສະເຕກ, ຫວອດ, ແລະ ສາຂາສະເພາະ
37.0
ຄຳນຳ
ປະທານສະເຕກອາດສະເໜີການສ້າງຕັ້ງສະເຕກ, ຫວອດ, ແລະ ສາຂາສະເພາະ ເພື່ອຮັບໃຊ້ສະມາຊິກ.
37.1
ຫວອດ ແລະ ສາຂາພາສາ
ປະທານສະເຕກອາດສະເໜີການສ້າງຕັ້ງຫວອດ ຫລື ສາຂາພາສາຂຶ້ນສຳລັບສະມາຊິກສະເຕກ (1) ຜູ້ທີ່ບໍ່ເວົ້າພາສາໃນທ້ອງຖິ່ນ ຫລື (2) ຜູ້ທີ່ໃຊ້ພາສາກືກ.
37.7
ກຸ່ມໃນສະເຕກ, ເຂດເຜີຍແຜ່, ແລະ ເຂດ
ກຸ່ມຄືສະມາຊິກກຸ່ມນ້ອຍທີ່ຖືກອະນຸຍາດໃຫ້ຊຸມນຸມກັນໂດຍມີອະທິການ, ປະທານສາຂາ, ຫລື ປະທານເຜີຍແຜ່ເປັນຜູ້ດູແລ. ປະທານສະເຕກ ຫລື ປະທານເຜີຍແຜ່ອາດສະເໜີສ້າງຕັ້ງກຸ່ມໃນສະຖານະການດັ່ງຕໍ່ໄປນີ້:
-
ການເດີນທາງຂອງສະມາຊິກທີ່ຄາດຫວັງດັ່ງກ່າວເພື່ອໄປຮ່ວມການປະຊຸມຫວອດ ຫລື ສາຂາເປັນເລື່ອງລຳບາກ.
-
ສະມາຊິກຈຳນວນນ້ອຍເວົ້າພາສາທີ່ແຕກຕ່າງຈາກຜູ້ຄົນໃນຫວອດ ຫລື ສາຂາ.
-
ສະມາຊິກທີ່ເປັນທະຫານຈະໄດ້ຮັບການດູແລດີທີ່ສຸດໂດຍການຢູ່ໃນກຸ່ມ.
ກຸ່ມຕ້ອງມີສະມາຊິກຢ່າງໜ້ອຍສອງຄົນ. ຄົນໜຶ່ງຕ້ອງເປັນປະໂລຫິດທີ່ມີຄ່າຄວນໃນຖານະປະໂລຫິດແຫ່ງອາໂຣນ ຫລື ເປັນຜູ້ດຳລົງຖານະປະໂລຫິດແຫ່ງເມນຄີເສເດັກທີ່ມີຄ່າຄວນ.
ໃນສະເຕກ, ປະທານສະເຕກຈະມອບໝາຍໃຫ້ອະທິການ ຫລື ປະທານສາຂາຈັດຕັ້ງ ແລະ ດູແລກຸ່ມ. ໃນເຂດເຜີຍແຜ່, ປະທານເຜີຍແຜ່ຈະມອບໝາຍໃຫ້ປະທານຂາສາຈັດຕັ້ງ ແລະ ດູແລກຸ່ມ.
ປະທານສະເຕກ, ປະທານເຜີຍແຜ່, ອະທິການ, ຫລື ປະທານສາຂາຈະເອີ້ນຜູ້ໜຶ່ງໃຫ້ເປັນຜູ້ນຳກຸ່ມ ແລະ ແຕ່ງຕັ້ງລາວເປັນທາງການ. ຜູ້ນຳກຸ່ມຈະຈັດຕັ້ງ ແລະ ດຳເນີນການປະຊຸມກຸ່ມ, ຊຶ່ງລວມທັງການປະຕິບັດສິນລະລຶກ.
ຜູ້ນຳກຸ່ມບໍ່ດຳລົງຂໍກະແຈຂອງຖານະປະໂລຫິດ, ແລະ ລາວກໍບໍ່ຖືກອະນຸຍາດໃຫ້:
-
ຮັບເອົາສ່ວນສິບ ຫລື ເງິນບໍລິຈາກ.
-
ໃຫ້ຄຳປຶກສາແກ່ສະມາຊິກກ່ຽວກັບບາບອັນຮ້າຍແຮງ.
-
ໃຫ້ການຈຳກັດສະມາຊິກກະພາບຢ່າງບໍ່ເປັນທາງການ ຫລື ເປັນທາງການ.
-
ປະຕິບັດໜ້າທີ່ອື່ນທີ່ຮຽກຮ້ອງຂໍກະແຈຂອງຖານະປະໂລຫິດ.
ຕາມປົກກະຕິແລ້ວ, ກຸ່ມຈະໃຊ້ໂປຣແກຣມໜ່ວຍພື້ນຖານ.
ບັນທຶກສະມາຊິກກະພາບຂອງສະມາຊິກໃນກຸ່ມຖືກຮັກສາໄວ້ຢູ່ໃນຫວອດ ຫລື ສາຂາທີ່ໃຫ້ການດູແລກຸ່ມນັ້ນ.
ສຳນັກງານໃຫຍ່ຂອງສາດສະໜາຈັກຈະບໍ່ມອບໝາຍເລກໜ່ວຍໃຫ້ກຸ່ມ.