37.

Steik, Ward, oh Prans kan me Samanih Anahn akan

37.0

Kapehse

Steik preseden kak pekihda en wiahda steik, ward, oh prans kan me samanih anahn akan pwehn papah towehkan me sansalehr nan iralaud wet.

37.1

Ward oh Prans kan en Pelien Lokaia kan

Steik preseden kak pekihda en wiahda ehu ward de prans me pelien lokaia ong tohwehkan nan steik (1) me sohte ese lokaiahn wasahu de (2) me kin doadoahngki lokaiahn sain.

37.7

Pwihn akan nan Steik kan, Misin kan, oh Ehria kan

Pwihn akan iei towehkei me mweimweidahr en patpene me pisop, prans preseden, de misin preseden kin apwahpwalih. Steik de misin preseden kak pilada en wiahda ehu pwihn nan soangen ire pwukat:

• Epwelen tangatang ong me kak wia tohwekan pwehn patehng ward de prans.

• Mie tohn mwomwohdiso malaulau kei me arail lokaia weksang tohn ward de prans.

• Towehkan me mih nan sounpei pahn alehdi papah keiou mwahu ma irail mih nan pwihn.

Pwihn ehu anahne towe sohte malaulausang meh riemen. Emen anahne wia prihsd warehng men nan Prihsduhd en Aron de emen me ahnki Melkisedek Prihsduhd me warehng.

Nan steik kan, steik preseden kin kapwukoahki emen pisop de prans preseden en wiahda oh kaweid ih pwihn. Nan misin kan, misin preseden kin kapwukoahki emen prans preseden en wiahda oh kaweid ih.

Steik preseden, misin preseden, pisop, de prans preseden kin malipe emen sounkaweid en pwihn oh kasarawihala. Sounkaweid en pwihn kin wiahda oh kaunda mihting kan en pwihn, me iangahki doadoahkpen kamadipw sarawi.

Emen sounkawed en pwihn me sohte kolokol kihkan en prihsduhd, oh e sohte mweimweieng en:

• Alehdi daiding oh meiroang teikan.

• Kaweidki tohwekan duwen dihp laud akan.

• Kiheng towehkan irairdihkan me manaman de sohte manaman.

• Wia ekei pwukoah tohrohr me anahne kihkan en prihsduhd.

Pwihn akan kin doadoahngki Basic Unit Program.

Rekohd en towehkan kin mihmi nan ward de prans me kin apwahpwalih pwihn.

Ohpis Lap en Mwomwohdiso sohte kin kilelehieng ehu nempe ong pwihn akan.