tagata o loo taumamafa i fafo

37.

Siteki, Uarota, ma Paranesi Faapitoa

37.0

Faatomuaga

E mafai e se peresitene o le siteki ona fautua atu le faavaeina o ni siteki, uarota, ma paranesi faapitoa e tautuaina ai tagata o le ekalesia e pei ona otooto atu i le mataupu lenei.

37.1

Uarota ma Paranesi a Gagana

E mafai e se peresitene o le siteki ona fautua atu le faavaeina o se uarota po o se paranesi a se gagana mo tagata o le siteki (1) o ē le tautatala i le gagana a le atunuu i le lotoifale po o le (2) o ē faaaogaina le gagana faifaailoga.

37.7

Vaega i Siteki, Misiona, ma Eria

O vaega, o ni potopotoga laiti ua faatagaina o tagata o le au paia e vaaia e se epikopo, peresitene o le paranesi, po o se peresitene o le misiona. E mafai e le peresitene o le siteki po o le misiona ona fautua atu le faavaeina o se vaega i tulaga nei:

• O femalagaa’iga e faigata mo ona tagata ua onomea i ai, e faatasitasi ai ma se uarota po o se paranesi.

• O se fuainumera laitiiti o tagata o le au paia e tautatala i se gagana e ese mai i ē o i le uarota po o le paranesi.

• Tagata o le au paia i le militeli e sili ona tautuaina pe a i ai i se vaega.

O se vaega e tatau ona i ai e le itiiti ifo i le toalua ni tagata o le ekalesia. O le tasi e tatau ona avea o se ositaulaga agavaa i le Perisitua Arona po o sē o loo umiaina ma le agavaa le Perisitua Mekisateko.

I totonu o siteki, e tofi e le peresitene o le siteki se epikopo po o se peresitene o le paranesi e faatulagaina ma vaavaaia le vaega. I misiona, o le peresitene o le misiona e tofiaina se peresitene o le paranesi e faatulagaina ma vaavaaia.

E valaau e le peresitene o le siteki, peresitene o le misiona, epikopo, po o le peresitene o le paranesi se taitai vaega ma vaetofiaina o ia. E faatulaga ma taitai e le taitai vaega ia fonotaga po o sauniga faalevaega, lea e aofia ai le faatautaiga o le faamanatuga.

O se taitai vaega na te le umiaina ki o le perisitua, ma e le faatagaina foi o ia e:

• Taliaina sefuluai ma taulaga.

• Fautuaina tagata o le au paia e uiga i ni agasala matuia.

• Tuuina atu ni tapuia’iga mamafa pe māmā o le avea ai ma tagata o le ekalesia.

• Faatinoina isi tiute e manaomia ai ki o le perisitua.

O le mea masani lava, e faaaoga e vaega le Polokalama a Iunite Faavae.

O pepa faamaumau o tagata o vaega e teu i le uarota po o le paranesi e vaavaaia le vaega.

E le atofaina atu e le laumua o le Ekalesia se numera iunite i vaega.