37.

Fapi Stake, Ward, nge Branch nikan Specialize nag

37.0

Mornga’agen

Stake president e rayag nira fith ni ngan sunmiy fapi stake, ward, nge branch nikan specialize nag ni nge ayuweg e members ni woed rogon nikan weliy ulan e biney e guruy.

37.1

Thin ko fapi Ward nge fapi Branch

Stake president e rayag nira fith ni ngan sunmiy reb e ward fa branch nib thil e thin riy nifan fapi members ko stake (1) nib thil e thin roraed fa (2) fan ngak e gidii’ nima fanathin u paa’.

37.7

Fanochi Ulung nibay ulan e Stake, Mission, nge Areas

Fanochi ulung e buchi ulung niba achichig ni yima tay nikan pii’ mat’won nifan e members nibay e bishof, fa branch president, fa mission president nibe ayuwegraed. Fare stake fa mission president e rayag nira fith ni ngan sunmiy reb e nochi ulung ney ni fa’anra bay reb e tin ba’aray riy:

• Milekag ko fapi members ni ngar bad ko ward fa branch e rib momaw’ rogon.

• Buchu’uw ko fapi members e darma nangfan e thin ni yima thin riy ko fare ward fa fare branch.

• Fapi members nibay ko salthaw e rib mangil e nochi ulung ney nifan ngoraed.

Reb e nochi ulung ney e susun ni bay l’agruw e members riy. Bagiyow e susun ni’ir e bay thawingin fare priest rok’ ko Aaronic Priesthood fa reb e bay rok’ fare Melchizedek Priesthood.

Ulan fare stake, fare president ko stake era duugliy reb e bishof fa branch president ni nge yarmiy me gagiyegnag ere ulung ney. Ulan e mission, fare mission president era duugliy fare branch president ni’ir e nge yarmiy me gagiyegnag fare ulung.

Fare stake president, mission president, bishof, fa branch president e yaedra pii’ bee’ ni nge mang fare tiyugang’ ko fanochi ulung min yibliy ni nge rrin’ e biney e muruwel. Fare tiyugang’ ko fachi ulung era yarmiy me powi’iy fapi mo’olung, nib mu’un fare sakrament ngay.

Bee’ ni’ir e tiyugang’ ko fachi ulung e dariy fapi kiy ko priesthood rok’, ma dariy mat’won ni nge thapeg:

• Thapeg e tithing nge maligach.

• Machib ngak fapi members ko mornga’agen e denen ni rib kireb.

• Siyegnag fapi membership nib informal fa formal.

• Rrin’ boech e muruwel nira tu’uf fapi kiy ko priesthood riy.

Woed, ni tiney e ulung niba achichig e ma fanay fare Basic Unit Program.

Fapi membership record ko members ko biney e ulung nib achichig e yima tay ulan fapi ward fa branch ni’ir e ma gagiyegnag fanochi ulung.

Headquarters ko Galasia e darma duugliy e namba ko unit nifan fanochi ulung.