Kūr ko im Bok in Bōk Meļeļe ko
12. Būraimere

“12. Būraimere,” Bok in Bōk Meļeļe Eļap Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata (2024).

“12. Būraimere,” Bok in Bōk Meļeļe Eļap.

baam̧le eo ej ekkatak jeje ko rekwojarjar

12.

Būraimere

12.1

Kōttōpar eo im Doulul eo

Doulul eo an Būraimere ej jpan̄ ajri ro nejin Anij m̧aanjabpopo n̄an bar ro̧o̧l n̄an im̧aan Mejān. Ilo ae kaorōk gospel eo an Jisōs Kraist, renaaj “pen im dim, iien otemjej paoktokimi ilo jerbal ko rem̧m̧an” (Mosaia 5:15).

12.1.1

Kōttōbar ko

Būraimere ej jipan̄ ajri ro:

  • En̄jake iakwe eo an Jemeer Ilan̄ im ekkatak kōn karōk in m̧ōņōņō eo An.

  • Ekkatak kōn Jisōs Kraist im jerbal eo An ilo karōk eo an Jemādwōj Ilan̄.

  • Ekkatak im mour kōn gospel eo an Jisōs Kraist.

  • En̄jake, kile, im kōm̧m̧an ekkar n̄an im̧we eo an Jetōb Kwojarjar.

  • M̧aanjabpopo n̄an, kōm̧m̧an, kōjparok bujen ko rekwojarjar.

  • Bōk koņaadn ilo jerbal in lo̧mo̧o̧r eo an Anij im mour ijo eutiej tata.

12.1.2

M̧ato eo an Būraimere

M̧ato eo an Būraimere ej juon kakeememej kōn kōjeram̧m̧an ko an jerbal ilo Būraimere:

“Im ro nejūm̧ otemjej Irooj enaaj katakin er; im eļap naaj aenōm̧m̧an eo an ro nejūm̧” (Aiseia 54:13; 3 Nipai 22:13).

12.1.3

Nursery eo

Nursery ej jipan̄ ajri ro me 18 aer allōn̄ ļo̧k n̄an jilu rej en̄jake iakwe eo an Jemedwōj Ilan̄ im ekkatak kōn karōk in m̧ōņōņō eo An.

Ritōl ro an nursery eo rej iakwe, katakin, im jerbal in karejar n̄an ajri ro. Rej barāinwōt lukkuun lale bwe rej pād ilo kōjparok im jo̧kwōne.

Diktata ruo rūtto ro me rej aikuj kūr er n̄an kajjojo kūlaaj ko an nursery. Eļan̄n̄e ritōl ro an nursery rejjab ripālele, ej aikuj bwe ren kōrā wōt ak em̧m̧aan wōt.

Nursery kūlaaj eo ej jem̧ļo̧k ilo awa eo em̧ōj karōk n̄an Būraimere. N̄an elōn̄ļo̧k meļeļe ko, lale 12.1.4 and 12.3.5.

12.1.4

pija ej bōk jikin, laajrak in tōl n̄an ukukōt wāween tōl ko ekkar n̄an jekjek ko
 Kūlaaj ko

Kūlaaj ko an Būraimere rej jpan̄ ajri ro en̄jake iakwe eo an Jemedwōj Ilan̄ im katak kōn karōk in m̧ōņōņō eo An. Katak ko rej ļoor Itok, Ļoor Eō laajrak in kein katak eo. Ilo Jabōt ko Kein Kōļalem, rūkaki ro rej kōketak n̄an kōjerbal “Appendix B: N̄an Būraimere—Ilo Kōpooj Ajri ro n̄an Iaļ in Bujen eo an Anij To̧o̧n Wōt Aer Mour.”

Kūlaaj ko an Būraimere rej ejaak kōn iiō im oran rūkaki ro rej pojak. Iunit ko me eiiet ajri ro ak rūkaki ro remaron̄ in koba ruo ak lōn̄ļo̧k kumi in iiō ko n̄an juon kūlaaj. Ilo iunit ko reļļapļo̧k, ritōl ro an Būraimere remaron̄ ejaake elōn̄ļo̧k jān juon kūlaaj n̄an juon kumi in iiō im elōn̄ļo̧k jān juon nursery.

N̄e ebwe ajri ro, rej ajije er n̄an kūlaaj ko pedped ioon iiō eo aer ilo Tijemba 31 an iiō eo m̧oktakļo̧k, āinwōt an waļo̧k ilo jaat in:

Dettan ilo Tijemba 31 in Iiō eo M̧oktakļo̧k

kūlaaj ilo Jānwōde 1

Dettan ilo Tijemba 31 in Iiō eo M̧oktakļo̧k

2

kūlaaj ilo Jānwōde 1

Nursery (ajri ro rej kobaļo̧k ilo nursery n̄e 18 allōn̄)

Dettan ilo Tijemba 31 in Iiō eo M̧oktakļo̧k

3

kūlaaj ilo Jānwōde 1

Sunbeam

Dettan ilo Tijemba 31 in Iiō eo M̧oktakļo̧k

4

kūlaaj ilo Jānwōde 1

CTR 4

Dettan ilo Tijemba 31 in Iiō eo M̧oktakļo̧k

5

kūlaaj ilo Jānwōde 1

CTR 5

Dettan ilo Tijemba 31 in Iiō eo M̧oktakļo̧k

6

kūlaaj ilo Jānwōde 1

CTR 6

Dettan ilo Tijemba 31 in Iiō eo M̧oktakļo̧k

7

kūlaaj ilo Jānwōde 1

CTR 7

Dettan ilo Tijemba 31 in Iiō eo M̧oktakļo̧k

8

kūlaaj ilo Jānwōde 1

Valiant 8

Dettan ilo Tijemba 31 in Iiō eo M̧oktakļo̧k

9

kūlaaj ilo Jānwōde 1

Valiant 9

Dettan ilo Tijemba 31 in Iiō eo M̧oktakļo̧k

10

kūlaaj ilo Jānwōde 1

Valiant 10

Eitien aolep iien ajri ro rej em̧m̧akūt jān Būraimere n̄an Doulul eo an Jiron̄ ro ak doulul eo an tikōn ro ilo Jānwōde in iiō eo rej tōpar 12. Remaron̄ bōk juon certificate of advancement. Peba in kam̧ool/certificates ko remaron̄ kōm̧m̧ani ilo Leader and Clerk Resources eo.

Ilo jet jekjek, juon 11 iiō dettan emaron̄ jab pojak n̄an em̧m̧akūt jān Būraimere. Bisop eo, ro jinen im jemen, im ajri ro rej ko̧o̧njeļ ippān doon kōn iien eo.

Ajri ro remaron̄ jab kadedeļo̧k Būraimere m̧okta jān Jānwōde in iiō eo rej tōpar 12. Ak likao ro emaron̄ jab ekkapit n̄an tikōn m̧okta jān iien eo.

12.1.5

Iien Al

Iien al ej jipan̄ ajri ro rej en̄jake iakwe eo an Jemedwōj Ilan̄ im ekkatak kōn karōk in m̧ōņōņō eo An. Ilo an ajri ro al kōn pedped in katak ko an gospel eo, Jetōb Kwojarjar eo ej kam̧ool kōn m̧ool ko aer. Naan ko im al ko renaaj pād wōt ilo kōļmenļo̧kjeņ ko im bōro ko an ajri ro ilo aolepān mour ko aer.

Iien al eo eoktak jān iien kūlaaj eo. Ilo iien al eo, ajri ro rej ekkatak ilo aer bōk koņaer ilo al. Ritōl al eo an Būraimere rej katakin kōn pedped in katak ko an gospel eo, bōtaab rej kōm̧m̧ane eļap tata kōn al.

Būraimere būreejtōnji eo im ritōl al eo rej kāāleti al ko n̄an kajjojo allōn̄ n̄an kakijin̄en̄eikļok pedped in katak ko an gospel eo me ajri ro rej ekkatak ilo kūlaaj ko aer im ilo m̧weo. Al ko me rej kapenļo̧k pedped in katak kein rej barāinwōt waļo̧k ilo Itok, Ļoor Eō.

ajri ro rej al

N̄an meļeļe ko reļļapļo̧k, lale “Naan in Kōmeļeļe ko n̄an Iien Al im Būrookraam̧ eo an Ajri ro ilo Kweilo̧k in Kwojkwoj eo.” Bar lale 12.1.6 im 12.3.4 ilo bok in bōk meļeļe in.

12.1.6

Presentation eo an Ajri ro ilo Kweilo̧k in Kwojkwoj eo

Iien kwaļo̧k eo an ajri ro ilo kweilo̧k in kwojkwoj eo iiō otemjej ej kōm̧m̧an ilo allōn̄ ko āliktata in juon iiō. Ajri ro rej kwaļo̧k ta eo raar ekkatak ilo m̧weo im ilo m̧ōnjar eo ilo iiō eo. Rej jipan̄ jarlepju eo kalimjōk wōt Jemedwōj Ilan̄, Rilo̧mo̧o̧r eo, im katak ko Aer.

Būraimere būreejtōnji eo im ritōl al eo rej jar ilo karōk iien kwaļo̧k eo. Bisoprik eo ej leļo̧k tōl. Ajri ro remaron̄ al, kwaļo̧k kōnono ko, im kwaļo̧k bwebwenato ko, eoon ko, ak naan in kam̧ool ko.

kōkaļļe, unin tōl ko n̄an ukukōt Iien kwaļo̧k eo emaron̄ in bōk aolepān ak jidik in iien kweilo̧k eo ālkin kwojkwoj eo. Iunit ko me eietļo̧k ajri ro ie remaron̄ kajjitōk ippān ro uwaan baam̧le eo an ajri ro n̄an bōk ko̧naer.

Kōnke kōn ekwojarjar eo an kweilo̧k in kwojkwoj eo, iien kwaļo̧k eo eaikuj in jab koba pija ko, kaajtuum̧ ko, ak media presentation ko.

N̄an elōn̄ļo̧k meļeļe ko, lale “Naan in Kōmeļeļe ko n̄an Iien Al im Būrookraam̧ eo an Ajri ro ilo Kweilo̧k in Kwojkwoj eo” ilo Itok, Ļoor Eō.

12.1.7

Kweilo̧k eo an Tampeļ im Kōppopo an Priesthood

Jinen im jemān ajri ro epād ippāer eddo eo eļaptata n̄an katakin ajri ro nejier kōn tampeļ im priesthood eo. N̄an rejtake er, Būraimere būreejtōnji eo ej karōk juon tampeļ im kwelo̧k in kōppopo n̄an Priesthood eo kajjojo iiō. Bisoprik eo ej leļo̧k tōl. Kweilo̧k eo ej n̄an ajri ro ilo kūlaaj eo an Valiant 10. Jinen im jemān ajri ro rej ruwainene. Kweilo̧k in ewōr ie kōttōpar kein:

  • Jipan̄ ajri ro meļeļe kōttōpar ko an priesthood eo, eddo ko, im kōjeraam̧m̧an ko.

  • Jipan̄ ajri ro bōk koņaer ilo jerbal in tampeļ im menmenbwij an baam̧le im m̧aanjabpopo n̄an kōm̧m̧an im kōjprok bujen ko rekwojarjar.

  • Jipan̄ ļaddik ro m̧aanjabpopo n̄an bōk Priesthood eo an Aron.

  • Jipan̄ ajri ro m̧aanjabpopo n̄an bōk juon peba in mālim n̄an deļo̧n̄e tampeļ.

Kweilo̧k eo emaron̄ kōm̧m̧an ilo iien Būraimere ilo Jabōt, ilo bar juon iien ilo Jabōt, ak ilo juon iien eoktak. Juon uwaan bisoprik eo ej kōjeikiki. Diktata juon membōr in Būraimere būreejtōnji eo ej pād.

kōkaļļe, unin tōl ko n̄an ukukōt Eļan̄n̄e iunit eo eietļo̧k ajri ro ie, kweilo̧k eo emaron̄ kōm̧m̧an ium̧win tōl eo an stake Būreejtōnji eo. Jet ak aolepān ward ko ilo stake eo rej kweilo̧k ippān doon.

N̄an elōn̄ļo̧k meļeļe ko, lale Tampeļ im Kōppopo an Priesthood ilo ChurchofJesusChrist.org.

12.2

Bōk Koņaad ilo Jerbal in Lo̧mo̧o̧r eo an Anij im Mour Ijo Eutiej Tata

Anij ej karuwaineneik aolep n̄an itok n̄an Kraist im jipan̄ ilo jerbal in An ilo ad:

  • Mour kōn gospel eo an Jisōs Kraist.

  • Kea kōn ro rej aikuj.

  • Karuwaineneik aolep n̄an bōk gospel eo.

  • Kakobaik baam̧le ko n̄an mour indeeo.

Būraimere eo ej jipan̄ ajri ro, baam̧le ko, ritōl ro, im rūkaki ro bōk koņaer ilo jerbal in. Kōn meļeļe ko reļļapļo̧k kōn jerbal in lo̧mo̧o̧r eo an Anij im mour ijo eutiej tata, ekkatak jepta 1)

12.2.1

Mour kōn Gospel eo an Jisōs Kraist

12.2.1.1

Jerbal ko an ro Jinen im Jemān im Ritōl ro

Ro jinen im jemān ej aer eddo n̄an katakin ajri ro nejier gospel eo im jipan̄ er mour kake (lale Katak im Bujen Ko 68:25–28). Ritōl ro im rūkaki ro an Būraimere rej rejtake ro jinen im jemān ilo eddo in āinwōt kein:

  • Kanooj lale bwe katak ko an Būraimere, iien al eo, im jerbal in jipan̄ im m̧akūtkūt ko ren jipan̄ ajri ro ļoor waanjon̄ak eo an Rilo̧mo̧o̧r eo.

  • Jipan̄ ajri ro m̧aanjabpopo n̄an peptaij im kapen.

  • Jipan̄ ļaddik ro m̧aanjabpopo n̄an ekkapit an priesthood.

  • Jipan̄ ajri ro m̧aanjabpopo n̄an bōk juon peba in mālim n̄an deļo̧n̄e tampeļ im kain̄i ko an tampeļ.

  • Katakin ajri ro kōn kōjeraam̧m̧an ko an kwaļo̧k gospel eo, ekoba jerbal in mijenede aolep raan.

Ritōl ro raikuj in pidodo aer en̄jake kōn ajri ro me elikjab jipan̄ an baam̧le n̄an mour kōn gospel eo.

Jinen im jemān ajri ro im ritōl ro rej kajjieon̄ in waanjon̄ak ko rem̧m̧an n̄an ajri ro. Rej kōketak ajri ro ilo kijejeto ko aer n̄an eromļo̧k āinwōt Jisōs Kraist. Būrookraam̧ eo an Ajri ro im Jodikdik ro ej juon kein jipan̄ n̄an jipan̄ ajri ro dettaer 8–11 (lale ChildrenandYouth.ChurchofJesusChrist.org).

ļaddik im em̧m̧an eo rej jidipen aļaļ

12.2.1.2

Ekkatak Gospel eo

Ritōl ro im rūkaki ro an Būraimere rej kōketak ajri ro im baam̧le ko aer n̄an ekkatak gospel eo ilo m̧weo. Ritōl im rūkaki rein rej ekkatak gospel eo im kwaļo̧ke n̄an ajri ro ta eo rej ekkatak. Rej kajjitōk ippān ajri ro n̄an kwaļo̧ke ilo m̧ōnjar eo ta eo rej ekkatak ilo m̧weo.

Kweilo̧k ko an Būraimere ilo Jabōt rejipan̄ ajri ro kakūrm̧ool kōttōpar ko an Būraimere (lale 12.1.1). Juon membōr in būreejtōnji eo an Būraimere ej kōjeikik iien kōppeļļo̧k eo. Ritōl al eo ej tōl iien al eo. Rūkaki ro an Būraimere rej katakin ajri ro ilo iien kūlaaj ko.

Kweilo̧k ko an Būraimere n̄an ajri ro dettaer 3–11 rej kōm̧m̧an aolep Jabōt ium̧win 50 minit ko ilo an rūtto ro im jodikdik ro pād ilo kūlaaj ko aer. Jikejuuļ in ej āinwōt in:

M̧ōttan in Kweilo̧k eo

Aitokan

M̧ōttan in Kweilo̧k eo

Kōppeļļo̧k (jar, juon eoon ak Laajrak in Tōmak ko, im juon kōnono—rej aolep kōm̧m̧an jān ajri ro).

Aitokan

5 minit

M̧ōttan in Kweilo̧k eo

Iien al eo

Aitokan

20 minit

M̧ōttan in Kweilo̧k eo

Iien Jānij n̄an kūlaaj ko

Aitokan

5 minit

M̧ōttan in Kweilo̧k eo

Iien kūlaaj ko im jar in ikkilōk

Aitokan

20 minit

kōkaļļe, unin tōl ko n̄an ukukōt Ilo ward ko me elōn̄ ajri ro ie, ritōl ro an Būraimere remaron̄ ajije ajri ro n̄an ruo kumi ko. Juon kumi ej pād ilo kūlaaj ko ilo an kumi eo juon pād ilo iien al. Innām kumi ko ruo rej jānij jikin. Ritōl ro rej ukukōt iien eo ilo an menin aikuj.

Nursery ej n̄an ajri ro dettaer 18 allōn̄ n̄an 3 iiō aitokan ej 50 minit. Behold Your Little Ones ej letok juon jikejuuļ kar elmakote. Ajri ro remaron̄ jino etal n̄an nursery n̄e rej 18 allōn̄ rūttoer.

12.2.1.3

Jerbal in Jipan̄ im M̧akūtkūt ko

Jino ilo Jānwōde in iiō eo rej tōpar 8, ajri ro remaron̄ jino etal n̄an m̧akūtkūt ko an Būraimere. N̄an unin tōl ko n̄an m̧akūtkūt ko reļlap, lale jebta 20.

Ritōl ro an m̧akūtkūt an Būraimere rej karōk jerbal in jipan̄ im m̧akūtkūt ko me rej jipan̄ ajri ro bōk koņaer ilo jerbal in lo̧mo̧o̧r eo an Anij im mour ijo eutiej tata. Jerbal in jipan̄ im m̧akūtkūt ko rej aikuj in kam̧ōņōņō im kōketak. Rej kalōk naan in kam̧ool ko, kōkajoorļo̧k baam̧le ko, im tōlarōk eddōk eo an juon make.

Būraimere m̧akūtkūt ko rej kōm̧m̧an ilo iien ko ijello̧kin Jabōt ko ak joteenin M̧ande ko. Ritōl ro rerūtto rej kanooj lale bwe m̧akūtkūt ko en ejjeļo̧k jorrāān ie (lale safety.ChurchofJesusChrist.org; bar lale 20.7 ilo bok in bōk meļeļe in). Diktata ruo ritōl ro rōrūtto rōkeke rej aikuj in pād ilo aolep m̧akūtkūtk ko (lale 12.5.1

kōkaļļe, unin tōl ko n̄an ukukōt Unin tōl kein remaron̄ ukukōti ekkar n̄an jekjek ko ijo jokwe ie.

  • Būraimere m̧akūtkūt ko rej kōm̧m̧an ruo alen juon allōn̄ n̄e emaron̄. Emaron̄ emakijkijļo̧k ak jemakijkijļo̧k kōm̧m̧ani. Ritōl ro rej ļōmņak kōn jekjek ko an baam̧le, aitokan ettōrļo̧k im wōnāān, im ineem̧m̧an eo.

  • Eitien aolep iien, ajri ro rej karōki kōn kumi in iiō ko. Ļaddik ro im leddik ro ekkā an jepeļļo̧k aer ippān doon. Mekarta, remaron̄ koba n̄an jet m̧akūtkūt ko ak ilo jikin ko me eietļo̧k ajri ro ie.

  • Ritōl ro remaron̄ kāālet n̄an karōk im kōm̧m̧ani raan in kāām ko iiō otemjej n̄an ajri in Būraimiere ro dettaer 8–11. Makūtkūt ko an Būraimere, ekoba kāām ko ilo raan, jab kobaik kāām ebōk aolepān bon̄on en.

Aolep kein jerbal ko im m̧akūtkūt ko, ekoba kāām in raan ko, rej kōļļāik jān bajet eo an ward eo. Em̧akūtkūt im jon̄an jāān joļo̧k rejjab aikuj eļļā jān jon̄an aikuji.

Bisoprik eo ej kanooj lale bwe bajet eo im m̧akūtkūt ko n̄an ļaddik ro im leddik ro ilo Būraimere rōbwe im jon̄an wōt juon. Bajet eo kōjjemo̧o̧je ekkar n̄an jon̄an oran ajri ro.

N̄an elōn̄ļo̧k meļeļe ko, lale ChildrenandYouth.ChurchofJesusChrist.org. Barāinwōt lale JustServe.org, ijo epād ie. Kein jipan̄ kein rej letok aitia ko ikkijeen jerbal in jipan̄ im m̧akūtkūt ko.

12.2.1.4

Eddōkļo̧k An Juon Make

Ilo kijejeto ko aer n̄an eromļo̧k āinwōt Rilo̧mo̧o̧r eo, ajri ro—jino ilo iiō eo rej tōpar 8—rej karuwaineneik er n̄an kōm̧m̧ani kōttōpar ko n̄an eddōkļo̧k ilo jetōb, iaio, kanniōk, im jeļāļo̧kjeņ (lale Luk 2:52). Kōn jipan̄ eo jān ro jinen im jemān, ajri ro rej kappukōt im̧we n̄an lo ta eo rej jerbale. Rej kōm̧m̧ani karōk ko, jerbalki karōk ko aer, im kejekļo̧kjeņ ioon ta eo rej ekkatak. Ritōl ro rej leļo̧k rejtak n̄e aikuj. Ijo wōt ke, rejjab aikuj in etale ļo̧kanļo̧k kōttōpar ko ak eddōkļo̧k eo an ajri ro.

Jino ilo iiō eo rej tōpar 8, ajri ro rej kōketak n̄an kadedeļo̧k diktata juon kōttōpar ilo kajjojo eria ko emen kajjojo iiō. Remaron̄ kōjerbal Personal Development: Children’s Guidebook n̄an kōm̧m̧an im ļo̧o̧ke kōttōpar ko.

N̄an elōn̄ļo̧k meļeļe ko, lale ChildrenandYouth.ChurchofJesusChrist.org.

12.2.2

Kea kōn Ro Riaikuj

Ajri ro rej aikuj in wōr aer iien ko rem̧m̧an iien otemjej n̄an jerbal n̄an ro jet ilo im ippān baam̧le ko aer im ilo iien m̧akūtkūt ko an Būraimere. Ļōmņak ko n̄an jerbal in jipan̄ maron̄ loi ilo ChildrenandYouth.ChurchofJesusChrist.org. Ijo ewōr ie, JustServe.org ej elmakote iien ko rem̧m̧an n̄an jerbal in jipan̄ ilo jukjuk in pād eo.

12.2.3

Karuwaineneik Aolep n̄an Bōk Gospel eo

Ajri ro remaron̄ karuwaineneik aolep n̄an bōk gospel eo ilo elōn̄ wāween ko. Jet iaan wāween kein rej ellaajrak ijin ilaļ:

  • Kōm̧m̧ane juon waanjon̄ak em̧m̧an āinwōt rikaļoor ro an Jisōs Kraist.

  • Kwaļo̧k naan in kam̧ool ko aer ippān ro m̧ōttāer im ro uwaan baam̧le eo.

  • Jerbal in karejar n̄an ro uwaan kūlaaj eo rejeniknik.

  • Karuwaineneik ro m̧ōttaer n̄an etal n̄an jar, m̧akūtkūt ko, ak peptaij ko ak katakin er jān mijenede ro.

  • Karuwaineneik ro m̧ōttaer n̄an bōk koņaer ilo būrookraam̧ eo an Ajri ro im Jodikdik ro. Ritōl ro rej kanooj jerbal ippān jinen im jemān ajri ro n̄an jipan̄ er meļeļe kōn būrookraam̧ eo im n̄an jokāālet ekōjkan aer im ajri ro kōņaan bōk koņaer.

  • Karuwaineneik ro m̧ōttaer im ro uwaan baam̧le eo n̄an pād ilo iien kwaļo̧k eo in kweilo̧k in kwojkwoj eo iiō otemjej an ajri ro.

12.2.4

Kobaik Baam̧le ko n̄an Indeeo

Jipan̄ ajri ro kobaik baam̧le ko n̄an indeeo ilo elōn̄ wāween ko. Jet iaan wāween kein rej ellaajrak ijin ilaļ:

  • Kautiej ro jineer im jemāer im kwaļo̧k juon waanjon̄ok in mour āinwōt Kraist ilo m̧ōko m̧ōer.

  • Kōppopo n̄an wōr aer make baam̧le n̄an indeeo.

  • Kajjieon̄ n̄an erom̧ erreeo n̄an bōk juon peba in mālim n̄an deļo̧n̄e tampeļ ilo iiō eo ejetjet.

  • Kōppopo n̄an kōm̧m̧an im kejparok bujen ko im kain̄i ko an tampeļ, ekoba m̧are n̄an indeeo.

  • Ekkatak kōn baam̧le ko nukier im ro jibūn im jim̧m̧an (lale My Family: Stories That Bring Us Together

  • Kappukot ro jibūer im jim̧m̧āer etto ro rej aikuj kain̄i ko an tampeļ (lale FamilySearch.org).

  • M̧aanjabpopo n̄an bōk koņaan ilo peptaij ko im kapen ko n̄an ro remej.

  • Bok koņaad ilo indexing ippān juon uwaan baam̧le eo (lale FamilySearch.org/indexing).

kōrā eo im ajri eo rej lale kampiutōr eo

12.3

Ward Būraimere Ritōl

12.3.1

Bisoprik eo

Eddo eo eaorōktata an bisop eo ej n̄an diktak in epepen eo ilo ward eo an. Bisop eo ak rikakpilōklōk eo em̧ōj jitōn̄e e rej kweilo̧k ippān būreejtōn eo an Būraimere emakijkij.

Bisop eo im rikakpilōklōk ro an rej uwaak ilo iien eo em̧ōkaj n̄an elmakot ko jān Būraimere būreejtōnji eo kōn ro me n̄an kūr er n̄an jerbal ilo Būraimere. Bisoprik eo ej jerbal ippān būreejtōnji eo n̄an dāpij wōt wōnm̧aanļo̧k in rūkaki ro im ritōl al ro. N̄e emaron̄, membōr ro ilo kūr kein rej aikuj jerbal ebwe an aitok n̄an ejaake jemjerā ko reiakwe, lōke ippān ajri ro. Kain jemjerā kein rejipan̄ kōkaajiririik naan in kam̧ool ko ilo būruwōn ajri ro.

Bisop eo im rikakpilōklōk ro an rej etal n̄an Būraimere iien otemjej. Rej barāinwōt ekkatak āt ko im meļeļe jekjek ko ilo kapijuknen eo an kajjojo ajri ilo ward eo.

12.3.2

pija ej bōk jikin, laajrak in tōl n̄an ukukōt wāween tōl ko ekkar n̄an jekjek ko
 Būraimere Būreejtōnji

Bisoprik eo ej kūr im kōjenolo̧k juon kōrā erūtto n̄an jerbal āinwōt ward Būraimere būreejtōn eo. Eļan̄n̄e doulu eo ebwe an ļap uwaan, ej kōtļo̧k juon ak ruo kōrā ro rerūtto n̄an bōk kūr āinwōt rikakpilōklōk ro an (lale jebta 30). Bisoprik eo ej kile ļōmņak im kajjitōk ko an kōrā eo im leļo̧k kūr ko.

Būraimere būreejtōnji eo ej bōk kajineet im rejtak eo ejjab jem̧lo̧k jān stake Būraimere būreejtōnji eo.

Ilo juon iunit eo edik, Būraimere būreejtōn eo emaron̄ e wōt ritōl kar kūri ilo Būraimere. Ilo jekjek in, liin ej jerbal ippān jinen im jemān ro n̄an karōk katak ko, iien al eo, im m̧akūtkūt ko. Kōrā in ej barāinwōt kanooj lale bwe diktata ruo rūtto ro rōkekemo̧o̧j ren pād ilo aolep kweilo̧k ko im m̧akūtkūt ko. Eļan̄n̄e iunit eo ebwe an kilep, bar jet kūr ko remaron̄ in kanni ilo ellaajrak in: rikakpilōklōk ro, ritōl al eo, rūkaki ro im ritōl ro an nursery, rijeje, im ritōl ro an m̧akūtkūt.

Eļan̄n̄e juon branch ejjeļo̧k juon an Būraimere būreejtōn, būreejtōn eo an Doulul eo an Kōrā ro emaron̄ jipan̄ jinen im jemān ajri ro karōk katak ko n̄an ajri ro m̧ae iien eo juon Būraimere būreejtōn ej kūr.

Būraimere Būreejtōnji eo ej jipan̄ ro jinen im jemān ajri ro kepooj ajri ro n̄an deļo̧n̄ im wōnm̧aanļo̧k ilo iaļan bujen in. En̄in ej juon iaan eddo ko aer eļap an aorōk.

N̄an kōm̧m̧ane menin, Būraimere būreejtōn eo emaron̄ jitōn̄ juon membōr in būreejtōnji eo n̄an jipan̄ ro jinen im jemān ajri ro kepooj ajri ro nejier n̄an peptaij im kapen. Būraimere būreejtōn eo emaron̄ jitōn̄ bar juon membōr in būreejtōnji eo n̄an jipan̄ jinen im jemān ajri ro kōn kōppopo an tampeļ im priesthood n̄an ajri ro nejier.

Membōr in būreejtōnji rein rej kōm̧m̧an bwe jinen im jemān ajri ro ren jeļā kōn kein katakin ko ilo Gospel Library eo me remaron̄ jipan̄. Lale, n̄an waanjon̄ak, “Kōpooj Ajri ro Nejum̧ n̄an Iaļ in Bujen eo an Anij Toon Wōt An Mour” ilo Itok, Ļoor Eō. Membōr in būreejtōnji eo emaron̄ jerbal ippān jerbal in karejar jeiū ak jatū m̧aan im kōrā, rūkaki ro, im ro jet n̄an jipan̄ jinen im jemān ajri ro.

Būraimere būreejtōn eo ewōr ippān eddo kein ilaļ. Rikakpilōklōk ro an rej jipan̄ e.

  • Jerbal ilo ward ko̧o̧njeļ eo. Liin ej jerbal āinwōt (1) juon membōr in ko̧o̧njeļ eo ej jipan̄ ņa mejļan aikuj ko im kappukōt uwaak ko im (2) juon eo ej jutak ilo etan Būraimere. Liin ej jipan̄ ward ko̧o̧njeļ eo jeļā etan im jekjek ko ilo kapijuknen eo an kajjojo ajri bwe en maron̄ kōkōm̧anm̧anļo̧k jerbal in karejar eo n̄an ajri ro im baam̧le ko. Lale 29.2.5.

  • Kōm̧m̧ane kweilo̧k ko an Būraimere būreejtōnji eo aolep iien im kweilo̧k ippān bisop eo ak rikakpilōklōk eo an kar kappeik.

  • Liļo̧k elmakot ko n̄an bisoprik eo kōn em̧m̧aan ro im kōrā ro rōrūtto n̄an jerbal ilo Būraimere.

  • Jipan̄ ward ko̧o̧njeļ eo jeļā kōn ajri ro me remaron̄ peptaij ilo iiō eo tok juon (lale 18.7.1.1).

  • Jipan̄ karōk iien peptaijkoin n̄an ajri ro me ewōr aer rekoot n̄e rej kajjitōk (lale 18.7.2).

  • Karōk im kōjeikik kōppeļļo̧k eo an kweilo̧k ko an Būraimere ilo Jabōt.

  • Jerbal in karejar n̄an kajjojo ajri ro, rūkaki ro, im ritōl ro ilo Būraimere.

  • Katakin ritōl ro im rūkaki ro an Būraimere eo eddo ko aer im rejtake er ilo eddo kein kōn kajiniet er n̄an kūr ko aer (lale Teaching in the Savior’s Way [2016], 38).

  • Jipan̄ ritōl ro im rūkaki ro an Būraimere eo ilo iien kūlaaj, iien al eo, im iien jānij ko.

  • Loļo̧k kūlaaj ko an Būraimere eo im karōk n̄an rūkaki ro n̄an pād ilo kweilo̧k in ko̧o̧njeļ ko an rūkaki.

  • Jipan̄ kwaļo̧k kadkad in būrookraam̧ eo an Ajri ro im Jodikdik ro n̄an ajri ro rej tōpar 8 im n̄an ro jineer im jemāer. Menin emaron̄ kōm̧m̧an ilo kapijuknen ko aer ak kūlaaj in Būraimere eo aer (lale 12.5.7).

  • Eddoik rekoot ko, riboot ko, bajet eo, im jāān ko an Būraimere.

12.3.3

kōkaļļe, unin tōl ko n̄an ukukōt
 Rijeje

Eļan̄n̄e iunit eo ebwe an kilep, Būraimere būreejtōn eo ej kwaļo̧k n̄an bisoprik eo juon kōrā erūtto n̄an jerbal āinwōt rijeje. Ej barāinwōt wōr jerbal kein ippān:

  • Jipan̄ Būraimere būreejtōnji eo kōpooj laajrak in kweilo̧k ko n̄an kweilo̧k ko an būreejtōnji eo. Liin ej pād ilo kweilo̧k kein, je kakeememej ko, im rekooti ijjtōn̄ ko.

  • Jerbal epaake rūkaki ro im ritōl ro n̄an kōm̧m̧ani rekoot ko rejetjet tata kōn ro rej pād.

  • Kōjerbal LCR, jerbal ippān rijeje ro an doulul eo an elder ro im Doulul eo an Kōrā ro n̄an kōm̧m̧ane wōt ļo̧o̧k ko n̄an rūtto ro rej jerbal ilo Būraimere.

  • Kanooj lale bwe Būraimere būreejtōnji ej jeļā kake:

    • Ajri ro rekāāl im rilotok ro.

    • Ajri ro rej deļo̧n̄tok n̄an nursery im ajri ro rej em̧m̧akūtļo̧k jān nursery n̄an kūlaaj in Sunbeam eo.

    • Ajr ro me rej maron̄ peptaij.

    • Ajri ro me renaaj wōnm̧aanļo̧k jān Būraimere.

  • Kappeik ajri ro n̄an kōm̧m̧an jar ko, eoon ko, im kōnono ilo iien kōppeļļo̧k eo an kweilo̧k ko an Būraimere ilo Jabōt (ium̧win tōl eo an būreejtōnji eo). Kōrā in ej barāinwōt kōjjeļļāik jinen im jemān ajri ro.

  • Jipan̄ Būraimere būreejtōnji eo kōpooj juon bajet, juon ļo̧o̧k n̄an men ko wiaik, im lali kein katakin ko an Ajri ro im Jodikdik ro.

12.3.4

Ritōl Al eo im Rikōjan̄jan̄ eo

Ritōl al eo im rikōjan̄jan̄ eo rej katakin ajri ro gospel eo an Jisōs Kraist kōn al ilo iien al eo. Al ko rej kapen ekkatak jeje ko rekwojarjar wiik otemjeļo̧k āinwōt kar kōllaajrake ilo Itok, Ļoor Eō. kōkaļļe, unin tōl ko n̄an ukukōt Kein jipan̄ kein remaron̄ in jipan̄:

Bisoprik eo ej aikuj kōmālim kōjerbal jabdewōt bar al ko ilo Būraimere.

ajri ro rej al ippān kuwaer eo

pija ej bōk jikin, unin tōl ko n̄an ukukōt N̄e ejjeļo̧k rikōjan̄jan̄ ak piano, ritōl ro remaron̄ kōjerbal kein kanne al ko jān kein katak kein ilaļ.

Ajri ro remaron̄ barāinwōt al ilo an ejjeļo̧k kein kōjan̄jan̄.

Ritōl al eo emaron̄ jipan̄ kōn al n̄an nursery ro n̄e kūrļo̧k. Juon bar ritōl al emaron̄ in kūr eļan̄n̄e aikuj.

Ritōl al eo ej jerbal ippān Būraimere būreejtōnji eo n̄an jipan̄ ajri ro m̧aanjabpopo n̄an iien kweilo̧k eo an ajri ro aolep iiō ilo kweilo̧k in kwojkwoj eo (lale 12.1.6).

Lale Singing Time ilo ChurchofJesusChrist.org kōn eļōn̄ļo̧k ļōmņak ko im kein jipan̄ ko.

12.3.5

Rūkaki ro im Ritōl ro an Nursery

Ej juon jeraam̧m̧an ekwojarjar n̄an katakin ajri ro. Jisōs Kraist ekar katakin, “Kom̧in lale ro reddik nejimi” im “kwōn naajdik lamb ko Aō” (3 Nipai 17:23; Jon 21:15). N̄an ļoor kajjitōk kein, ritōl ro an Būraimere rej iakwe im katakin ajri ro ilo wāween eo an Rilo̧mo̧o̧r.

Būraimere būreejtōnji eo ej elmakoteļo̧k n̄an bisoprik eo em̧m̧aan ro im kōrā ro n̄an jerbal āinwōt rūkaki ro an Būraimere im ritōl ro an nursery. Bisoprik eo ej ļōmņak kōn elmakot kein im ej leļo̧k kūr ko. Membōr rein rej kūr n̄an katakin im jerbal in karejar n̄an kurup in iiō ko em̧ōj rejenolo̧k an ajri ro.

Rūkaki ro an Būraimere rej katakin jān Itok, Ļoor Eō (iiō ko 3–11). Ilo Jabōt ko Kein Kōļalem, rej kōketak n̄an katakin katak ko jān “Appendix B: N̄an Ajiri Ro— Kōpooj Ajri ro Nejūm̧ n̄an juon Iaļ in Bujen an Anij To̧o̧n Wōt Aer Mour.”

Ritōl ro an Nursery rej katak in jān Behold Your Little Ones.

Rūkaki ro im ritōl ro an nursery rej ļoor pedped in katak ko ilo Katakin ilo Wāween eo an Rilo̧mo̧o̧r im jebta 17 in bok in bōk meļeļe in.

N̄e rūtto ro rej katakin ajri ro ilo jekjek ko an Kabun̄ in, aikuj wōr diktata ruo rūtto ro rōkeke rej aikuj pād. Rūtto rein ruo remaron̄ in ruo kōrā ro, ruo em̧m̧aan ro, ak juon rim̧are ripelele. Eļan̄n̄e ejjab maron̄, ritōl ro rej aikuj kobaik kūlaaj ko. Ritōl ro im rūkaki ro rej aikuj kadedeikļo̧k kaminene eo ilo ProtectingChildren.ChurchofJesusChrist.org. (Lale 12.5.1.)

Jodikdik ro rejjab aikuj katakin ilo Būraimere, ekoba āinwōt ribōk jikin ro.

Būraimere rūkaki ro im ritōl ro an nursery rej pād wōt ippān ajri ro ilo aolepān iien Būraimere eo, ekoba iien al eo im iien jānji ko. Ilo iien al eo, rūkaki ro rej bōk koņaer ippān kūlaaj ko aer. Rūkaki ro rej aikuj pād wōt ippān ajri ro reddik ālkin Būraimere m̧ae iien eo juon membōr in baam̧le eo ej itok n̄an bōk er.

Rūkaki ro im ritōl ro an nursery rej pād ilo kweilo̧k ko an ko̧o̧njeļ an rūkaki ilo kuwōta otemjeļo̧k (lale 13.4).

12.3.6

pija ej bōk jikin, laajrak in tōl n̄an ukukōt wāween tōl ko ekkar n̄an jekjek ko
 Ritōl ro an M̧akūtkūt eo

Ritōl m̧akūtkut ro an Būraimere rej jerbal in karejar n̄an ajri ro ilo aer karōk jerbal in jipan̄ im m̧akūtkūt ko jino ilo Jānwōde in iiō eo ajri ro rej tōpar 8 (lale 12.2.1.3). Jerbal in jipan̄ im m̧akūtkūt ko rej pedped ioon jerbal in lo̧mo̧o̧r eo an Anij im mour ijo eutiej tata. Rej kalimomo im bōk koņaan. Rej kalōk naan in kam̧ool ko, kōkajoorļo̧k baam̧le ko, im tōlarōk eddōk eo an juon make.

Ritōl m̧akūtkūt ro an Būraimere remaron̄ in rūkaki in Būraimere ro an ajri ro. Remaron̄ barāinwōt membōr ro jet in Būraimere būreejtōnji eo ej elmakote im bisoprik eo ej kūr. Diktata ruo ritōl ro rej pād ilo kajjojo m̧akūtkūt. Ritōl ro remaron̄ in ruo kōrā ro, ruo em̧m̧aan ro, ak juon rim̧are ripālele. Ritōl ro rej kadedeikļo̧k kaminene eo ilo ProtectingChildren.ChurchofJesusChrist.org. (Lale 12.5.1.)

12.4

pija ej bōk jikin, laajrak in tōl n̄an ukukōti wāween tōl ko ekkar n̄an jekjek ko
 Ritōl ro an Būraimere an Stake

Stake būreejtōnji eo emaron̄ kūr juon kōrā erūtto n̄an jerbal āinwōt stake Būraimere būreejtōn. Eļan̄n̄e stake eo ebwe an kilep, liin ej elmakote juon ak ruo kōrā rūtto n̄an jerbal āinwōt rikakpilōklōk im bar juon n̄an jerbal āinwōt rijeje. Kōrā rein rej kūr im kōjenolo̧k er jān juon membōr in stake būreejtōnji ak juon riko̧o̧njel eutiej kar jitōn̄e. Kōn meļeļe ko kōn eddo ko an būreejtōnji eo an Būraimere an stake im rijeje eo, lale 6.7.1, 6.7.1.3, im 6.7.3.

Juon rikakpilōklōk ilo stake būreejtōnji eo ewōr ippān eddo eo n̄an Būraimere ilo stake eo. Ebar āinwōt pād ippān eddo eo n̄an jerbal eo an stake Būraimere būreejtōnji eo. Ej barāinwōt kōmeļeļeik bisop ro ilo eddo ko aer n̄an Būraimere eo.

Stake būreejtōnji eo ej kappeik juon high ko̧o̧njeļ n̄an jerbal ippān stake Būraimere būreejtōnji eo (lale 6.5).

ajri ro rej al ilo kweilo̧k in kwojkwoj eo

12.5

Bar Jet Unin Tōl ko im Kakien ko

12.5.1

Kōjparok Ajri ro

N̄e rūtto ro rej ikitōltōl ippān ajri ro ilo jekjek ko an Kabun̄, diktata ruo rūtto rōkeke raikuj in pād. Emaron̄ in menin aikuj n̄an kobaik kūlaaj ko n̄an kōm̧m̧an bwe menin en pidodo.

Aolep rūtto ro me rej jerbal ippān ajri ro rej aikuj kadedeļo̧k kaminene in kōjparok ajri ro im jodikdik ro ilowaan wōt juon allōn̄ ālkin rejtake er (ProtectingChildren.ChurchofJesusChrist.org). Rej āliji kaminene eo aolep jilu iiō ko ālikin.

12.5.2

Ajri ro Ewōr Aikuj ko Rejeno̧lo̧k

N̄e juon ajri ewōr an nan̄inmej eto an pād, jipikpik, ak aikuj ejenolo̧k, Būraimere ritōl ro rej kōnono ippān jinen im jemān ajri ro im bisoprik eo. Ippān doon rej kōm̧m̧ane juon karōk n̄an rejtake baam̧le eo im jipan̄ ajri eo bōk koņaan ilo Būraimere.

Ajri ro kōn jipikpik ko ekkā aer pād ilo Būraimere kūlaaj eo aer. N̄e emenin aikuj, bar jet rūkaki ro maron̄ kūr er n̄an jipan̄.

Ajri ro kōn jipikpik ko ak aikuj ko rejenolo̧k ekkā aer kōjem̧ļo̧k Būraimere ilo jino in Jāndwōde ilo iiō eo rej tōpar 12. Jet ajri remaron̄ jab kadedeļo̧k Būraimere ilo jikejuuļ in. Bisop eo im ro jinen im jemān rej jerbal ippān doon n̄an jokāālet ta eo em̧m̧an tata n̄an kajjojo ajri.

kōkaļļe, unin tōl ko n̄an ukukōt N̄an elōn̄ļo̧k meļeļe, lale disability.ChurchofJesusChrist.org; bar lale 38.8.27 ilo bok in bōk meļeļe in.

12.5.3

Em̧m̧aan ro rej Jerbal ilo Būraimere

Bisoprik eo im Būraimere būreejtōnji eo rej aikuj keememej kareel eo em̧m̧an an em̧m̧aan ro rōrreo jerbal ilo Būraimere. Em̧m̧aan ro remaron̄ jerbal āinwōt rūkaki ro, nursery ritōl ro, ritōl al ro im rikōjan̄jan̄ ro, im ritōl m̧akutkūt ro an Būraimere.

12.5.4

An Ejjeļo̧k Jorrāān ilo Em̧ Jidikdik eo

Ritōl ro im rūkaki ro rej aikuj kōketak jinen im jemān ajri ro n̄an bōkļo̧k ajri ro nejier n̄an em̧ jidikdik eo m̧okta jān Būraimere. Ilo iien Būraimere eo, juon ajri edik aikuj in bōkļo̧k n̄an em̧ jidikdik eo jān juon jinen ak jemān ak rikōjparok eo. Ritōl ro im rūkaki ro rejjab aikujin bōkļo̧k ajri ro n̄an lowaan em̧ jidikdik eo.

12.5.5

M̧akūtkūt in Waanjon̄ak ko

Ritōl ro im rūkaki ro rej aikuj mejmejkaruo n̄e kōm̧m̧ani iien ko rekwojarjar ilo Būraimere. Jemādwōj Ilan̄ im Jetōb Kwojarjar eo rejjab kein loariin. Ajri ro remaron̄ loariin Rilo̧mo̧o̧r eo wōt ilo juon jekjek in Ļotak eo. Kōn meļeļe ko reļļapļo̧k, lale 20.5.6.

12.5.6

pija ej bōk jikin, kein katak ko jet
 CTR Riin̄ ko

N̄e ajri ro rej jino CTR 4 kūlaaj eo, būreejtōnji eo an Būraimere ak rūkaki in Būraimere eo aer ej kakeememej er n̄an “kāālet jim̧we eo.” Ritōl rein rej barāinwōt leļo̧k n̄an kajjojo ajri juon CTR riin̄ eo.

12.5.7

Kwaļo̧k Kadkad in Būrookraam̧ eo an Ajri ro im Jodikdik ro

Ilo jino in kajjojo iiō, bisop eo, juon iaan rikakpilōklōk ro an, ak membōr in Būraimere būreejtōnji eo emaron̄ loļo̧k kapijuknen eo ak Būraimere kūlaaj eo an kajjojo ajri ro me enaaj tōpar 8 ilo iiō eo. Rej kwaļo̧k kadkad in ajri ro im ro jinier im jemāer būrookraam̧ eo an Ajri ro im Jodikdik ro. Kajjojo ajri ej bōk kōkaļļe ko an uwaan im juon kape in Eddōkļo̧k eo an Juon Make: Bok in Tōl an Ajri ro. Kein jipan̄ kein rej pād ilo store.ChurchofJesusChrist.org.

N̄an elōn̄ļo̧k meļeļe, lale ChildrenandYouth.ChurchofJesusChrist.org.