Kūr ko im Bok in Bōk Meļeļe ko
35. Kōjparok im Kōjerbal Im̧ōn Kweilo̧k ko

“35. 35. Kōjparok im Kōjerbal Im̧ōn Kweilo̧k ko,” Bok in Bōk Meļeļe Eļap: Jerbal ilo Jisōs Kraist im Armej ro Rekwojarjar ilo Raan Ko Āliktata (2024).

“35. Kōjparok im Kōjerbal Im̧ōn Kweilo̧k ko,” Bok in Bōk Meļeļe Eļap.

armej ro rej pākuum̧i im karreeoiki wūntō ko

35.

Kōjparok im Kōjerbal Im̧ōn Kweilo̧k ko

35.1

Jibadbad

Kabun̄ in ej letok im̧ōn kweilo̧k ko bwe aolep ro rej deļo̧n̄ ren maron̄:

Juon im̧ōn kweilo̧k emaron̄ waļo̧k ilo jekjek ko rooktak jān doon pedped ioon jekjek ko ilo jokwe ie im aikuj ko. Emaron̄ in juon jikin kar kalōk jān Kabun̄ in ak juon jikin Kabun̄ ekar wiaiki, juon im̧ōn membōr, juon jikuuļ ak center an jukjuk in pād eo ijo jokwe ie, juon jikin rej liiji, ak jikin ko jet kar kōm̧ālim.

35.2

Jerbal ko Rekwojarjar im Eddo ko

35.2.1

Tipaatmen eo an ej Loloorjake Men ko Mweienim M̧ōko Im̧ōn Kabun̄ in

Ra eo an Meetinghouse Facilities ilo opiij ko an Kabun̄ in ej ejaki pedped ko im unin tōl ko n̄an letok im kōjparok jikin kabun̄-jar ko Ra in ej jerbal ium̧win tōl eo an Bisoprik eo Eutiej ej Tōl.

Rijerbal ro an Meetinghouse Facilities rej eddoik letok im kōjparok im̧ōn kweiļok ko im im̧ōko jet an Kabun̄ in. Menin ej kōm̧m̧an ium̧win tōl eo an Eria Būreejtōnji eo im eria tōrāāktōr eo n̄an temporal affairs.

35.2.2

Menija eo an Church Facilites

Juon menija rijerbal an Kabun̄ in ej jipan̄ kajjojo stake kōjerbal im̧ōn kweilo̧k ko. Ļeo ak lio rej kōm̧m̧ani karōk ko n̄an jerbal in kōkāāl (repair) ko reļļap, lukkuun (deep) karreo, im jerbal in kōjparok im̧ōko iien otemjej.

N̄e aikuj, menija eo an facilities ej jipan̄ kōmeļeļeik ro rej jerbal (building representative) ilo etan stake im ward eo kōn ekōjkan karreoik im̧ōko im kōm̧m̧ani jerbal ko jet ijo jokwe ie. Ļeo ak lio ej letok naan in kōmeļeļe ko, wujkinen ko, im kein jerbal.

Menija eo an facilities ej jerbal ippān rijerbal eo an im̧ōko (building represntative) n̄an kōtōbalbal jerbal kein im aolep jerbal in kōjparok an im̧ōko. Leo ak ļeo remaron̄ barāinwōt etale wōņāān ko an im̧weo ippān bisop eo.

35.2.3

Eria Jiljilimjuonn̄oul

Eria Jiljilimjuonn̄oul eo kar kappeik ej kanooj jerbal ippān stake būreejtōn ro ilo jerbal in karōk eo eļap (master planning) eo (lale 35.3).

35.2.4

Stake Būreejtōnji

Stake būreejtōnji eo ej tōl bisop ro ilo kōjerbal, kea, im kōjparok eo an im̧ōn kweilo̧k ko. Rej jitōn̄ juon ko̧o̧njeļ euteij n̄an an erom ribōk eddo in im̧weo (building representative) an stake (lale 35.2.5). Rej kapilōk ippān n̄an etale aikuj ko reiookļo̧k im būroojāāk ko.

Eļan̄n̄e membōr ro rej aikuj elōn̄ļo̧k jikin n̄an kabun̄-jar, stake būreejtōnji eo ej leļo̧k meļeļe ko n̄an Eria Jiljilimjuonn̄oul eo. Menin ej kōm̧m̧an kōn jerbal eo an (master planning) karōk eo eļap (lale 35.3).

35.2.5

Ribōk Eddo in Im̧weo an Stake

Ribōk eddo in im̧weo an stake ej jipan̄ stake būreejtōnji eo ilo kōjerbal, kea, im kōjparok im̧ōn kweilo̧k ko kōn:

  • Kōmeļeļeik ribōk eddo in ro an im̧weo an ward ilo jerbal ko aer (lale 35.2.9).

  • Ajiji kii ko n̄an ritōl ro an iunit eo.

  • Ekōnono ippān menija eo an facilities an Kabun̄ kōn dāpij em̧m̧an im kein jerbal ko aikuj an im̧ōko.

35.2.6

Technology Specialist ro an Stake ak Ward

Technology specialist ro an stake eo im ward eo rej kōm̧m̧ane im kōjparok techology eo ilo im̧ōko. N̄e aikuji kein jerbal kāāl n̄an kajutake, rej kōtōbalbal ippān menija eo an facilities. N̄an elōn̄ļo̧k meļeļe ko kōn kūr kein, lale 33.10 (lale barāinwōt mhtech.ChurchofJesusChrist.org).

35.2.7

Bisoprik

Bisoprik eo (ak ribōk eddo in im̧weo an ward) ej katakin membōr ro ekōjkan kōjerbal, kea kake, im kōjparok im̧weo. Bisoprik eo ej barāinwōt ajiji ki ko an im̧weo n̄an ritōl ro an ward eo.

Rej kanooj lale bwe m̧akūtkūt ko ilo im̧weo im ilo meļan ko rej kōm̧m̧an ilo ejjeļo̧k jorrāān (lale 20.7).

Rej ekōnono ippān menija eo an facilities an Kabun̄ in kōn kōjparok im aikuj ko kein jerbal. Rej maron̄ barāinwōt etale wōn̄āān ko reiookļo̧k ippān menija eo an facilities.

35.2.8

Bisop eo Bōk Eddo in

Eļan̄n̄e elōn̄ļo̧k jān juon ward ej jar ilo juon im̧ōn jar, stake būreejtōnji eo ej kappeik juon bisop in bōk eddo in (agent) n̄an kōtōbalbal ijjitōn̄ ko ippān bisop ro jet. Ijjitōn̄ kein koba jikejuuļ, karreo, im kōjparok im̧weo. Jān iien n̄an iien stake būreejtōnji eo ej ukukōt eddo in ibwilijin bisop ro me ward ko rej kweilo̧k ilo im̧weo.

35.2.9

Ribōk Eddoin an Ward ikkijeen Jerbal in Karreoik Mōn Jar eo

Bisoprik eo ej kōmlet eļan̄n̄e n̄an kūr juon ribōk eddo in im̧weo an ward. Eļan̄n̄e rej jokāālet n̄an leļo̧k kūr in, bisoprik eo emaron̄ kūr juon membōr em̧m̧aan ak kōrā erūtto. pija ej bōk jikin, unin tōl ko n̄an ukukōt Eļan̄n̄e ribōk eddo in im̧weo an ward ejjab kūr, bisop eo emaron̄ kappeik eddo in n̄an juoniaan rikakpilōklōk ro an, rijeje eo an ward ak rijjipan̄ rijeje eo an ward eo, ak executive rijeje eo.

Ribōk eddo in im̧weo an ward ej karōk membōr ro im baļiniter ro n̄an karreoik im kōjparok im̧weo. Ļeo ak lio ej katakin er ekōjkan kōm̧m̧ane kajjojo jerbal ko kōn kein karreok ko im kein jerbal ko.

Eļan̄n̄e aikuj, armej eo ej bōk kōmeļeļe jān ribōk eddo in im̧weo an stake ilo kōjerbal jejtōm̧ ko an kein kōnnaan, kōmāāņaņ, air condition, im jejtōm̧ ko an im̧ōko jet.

35.2.10

Membōr ro

Ium̧win tōl eo an bisop eo, rūtto eo im ritōl ro an jodikdik ro rej kōketak membōr ro n̄an jipan̄ kea im kōjparok im̧weo. Bisoprik eo im ribōk eddo in im̧weo an ward rej ukukōt jerbal ko ekkar n̄an kapeel ko im maron̄ ko an ro rej kōm̧m̧ane jerbal eo. Kea eo iien otmejej jān membōr ro ejipan̄ kein jipan̄ ko an Kabun̄ in aitokļo̧k wōt aer pād.

35.3

Letok Im̧ōn Kweilo̧k ko

Im̧ōn kweilo̧k ko rookoktaktak ilo dettaer im jekjekier pedped ioon aikuj ko ijo jokwe ie im jekjek ko. Juon im̧ōn kweilo̧k emaron̄ in juon em̧ ekkal in Kabun̄ in ak jikin kar wiaiki, juon im̧ōn membōr, juon jikuuļ ak center an jukjuk in pād ijo jokwe ie, juon jikin liiji, ak juon jikin ļōmņake kar kōmālimi.

Ritōl ro an eria im ijo jokwe ie rej kajjieon̄ in lukkuun kōjerbal im̧ōn kweilo̧k ko repād im lo̧ļe ilo elmakote elōn̄ļo̧k jikin. Rej ļoor “Pedped ko im Unin Tōl ko n̄an Letok Im̧ōn Kweilo̧k ko” (Meetinghouse Master Planning Guidelines).

Ritōl ro rej kōpooj karōk ko reļļap iiō otemjej kōjerbal Meetinghouse Master Planning Guidelines n̄an kanooj lale bwe jikin ilo im̧ōn jar eo en bwe. Ritōl ro rej barāinwōt kōjerbal karōk ko reļļap n̄an etale aikuj ko ilju im jekļaj n̄an jikin kweilo̧k kakkobabaļo̧k ak bar kōm̧m̧an, eo ej wia kake ak kōtļo̧k jerbal ko jet n̄an im̧ōn kweilo̧k ko im men ko m̧weien.

N̄an meļeļe ko reļapļo̧k, lale “Providing Meetinghouses and Other Places of Worship” (Meetinghouse Facilities Guiden).

kumi in armej ro inam̧ōj in Im̧ōnjar eo an Kabun̄ in

35.3.1

Iien ko an Rupe Bwidej im Aje Im̧ōko

Iien ko an rupe bwidej emaron̄ kōm̧m̧an m̧oktak jān ekkal eo. N̄e ededeļo̧k, im̧ōko rekāāl im kakkobaba ko reļļap rej aikuj in aji ilo iien eo wōt emaron̄. Liiji jikin ko maron̄ barāinwōt aji.

N̄an meļeļe ko reļapļo̧k, lale “Groundbreaking Services” im “Dedicating Buildings” ilo “Providing Meetinghouses and Other Places of Worship” (Meetinghouse Facilities Guide).

35.4

Kōjparok Im̧ōn Kweilo̧k ko

35.4.1

Karreoik im Kōjparok Im̧ōn Kweilo̧k ko

Ritōl ro ijo jokwe ie im membōr ro, ekoba jodikdik ro, ewōr juon aer eddo n̄an jipan̄ dāpij erreo eo an kajjojo em̧ im ilo jekjek eo em̧m̧an. Menin ej jipan̄:

  • Dāpij paotok kwojarjar eo an im̧weo āinwōt juon jikin ijo Jetōb eo emaron̄ pād.

  • Kōketak kautiej.

  • Kwaļo̧k juon pija in kautiej im jeļā ņae.

  • Kaitokļo̧k iien kōjerbal m̧weo.

Jikejuuļi iien karreo eo aikuj jab erom juon eddo ioon membōr ro. N̄an waanjon̄ak, eļan̄n̄e ilo̧k n̄an m̧weo ej apan̄, membōr ro remaron̄ karreoiki āinwōt m̧ōttan iien m̧akūtkūt ko wiik otemjej n̄e rej pād ilo im̧weo kadede.

N̄an meļeļe ko reļapļo̧k, lale “Maintaining Meetinghouses” (Meetinghouse Facilities Guide).

35.4.2

Kajjitōk kōn Jerbal in M̧adm̧ōd ko (repair)

Ro uwaan ko̧o̧njeļ ro an ward im stake eo remaron̄ ribooti aikuj ko n̄an jerbal in m̧adm̧ōd ko an m̧weo. Menin emaron̄ kōm̧m̧an kōn kōjerbal Facility Issue Reporting (FIR) tool eo. FIR en kōmaron̄ ritōl ro n̄an jilkinļo̧k, ļoor wōnm̧aanļo̧k eo an, im leļo̧k ennaan kōn jerbal in kōm̧adm̧ōd ko im kajjitōk ko jet. Ro uwaan ko̧o̧njeļ eo remaron̄ barāinwōt kepaak menija eo an facilities kōn jipan̄.

FIR eo ej barāinwōt pād āinwōt juon app ilo Google Play im Apple App Store. Naan in kōmeļeļe ko kōn kōjerbal FIR eo rej pād ilo Help Center ilo ChurchofJesusChrist.org.

35.4.3

Etale (inspection) Im̧ōn Kweilo̧k eo

Aolep em̧ ej etale (inspected) iiō otemjeļo̧k jān juon menija in facilities. Jibadbad eo ej n̄an kile aikuj ko an m̧weo aitok kitier im jerbal in kōm̧adm̧ōd ko. Innām menija eo an facilities eo ej ekōnono kōn tōprak ko an etale (inspection) eo im jerbal ko remenin aikuj ippān ribōk eddo in im̧weo an stake ak bisop in bōk eddo eo.

35.4.4

Jarom im Jikin Kako̧ņ Dān

Kabun̄ in ej kajjieon̄ in kōjparok dān, jarom, im kein jipan̄ ko jet. Ritōl ro rej kōketak membōr ro n̄an kōjparok jarom im dān ilo im̧weo. N̄an waanjon̄ak, n̄e membōr ro rej etal jān juon ruum̧, rej aikuj kune tōm̧a ko, bo̧jet in dān ko, im kein kōmāāņān im kam̧ōlolo eo ak jikin ko kar kōjerbali ilo iien kweilo̧k eo ak m̧akūtkūt eo. Membōr ro rej ribootļo̧k n̄an ritōl ro aer kōn jabdewōt jekjek ko rejipan̄ ejjeļo̧k tokjān.

Membōr ro remaron̄ barāinwōt rejtake būroojāāk ko kōn jarom im kōjparok dān bōk eddoier jān jukjuk in pād eo. Kijejeto kein maron̄ kadikļo̧k wōņāān jarom.

Ritōl ro im membōr ro remaron̄ kepaak menija eo an facilities kōn elōn̄ļo̧k meļeļe kōn kōjerbal dān im jarom̧ im kōjparok.

35.4.5

Ineem̧m̧an im Jo̧kne eo

Ritōl ro im membōr ro raikuj in:

  • Dāpij erreo eo an jikin etetal ko (hallway), jikin iuwe ko, kōjām in diwōj ko, im ruum̧ ko an jikin jarom bwe en ejjeļo̧k jorrāān ilo kōjām in delo̧n̄ im diwōj ko.

  • Jab kōjerbal ak kakoņkoņ kein jerbal ko (material) rōkauwōtata ak epidodo aer bwil ilo im̧ōn jar ko.

  • Ejaki im ļoor jekjek ko kōn ļake m̧weo.

  • Kanooj kakooņ kein jerbal m̧weien Kabun̄ in jān riko̧o̧t.

  • Jeļā kilen kune jarom ko jet āinwōt dān, jarom, im kiaaj ak kaan.

N̄e aikuj, menija eo an facilities emaron̄ lewaj juon maab ej kwaļo̧k kein ikkun kijeek ko, kein kōm̧adm̧ōd ko (first aid kit), im jikin ko n̄an kune jarom im ko jet. N̄an meļeļe ko reļļapļo̧k kōn kōjparok repād ilo “Security and Lockup Procedures” ilo “Maintaining Meetinghouses” (Meetinghouse Facilities Guide). Lale barāinwōt 20.7.

35.5

Kakien ko kōn Kōjerbal Im̧ōn Kweilo̧k ko an Kabun̄ in

Im̧ōn jar ko rej rej jikin jipan̄ ko rekwojarjar me rej aikuj kōjerbali n̄an jipan̄ ajri ro nejin Anij epakeļo̧k Kraist. Karuwaineneik armej ro n̄an kobatok ippād n̄an m̧akūtkūt ko ilo im̧ōn jar ko im kōjerbal im̧ōn jar ko ad n̄an kōjeraam̧m̧an jukjukin pād ko ad rej wāween ko n̄an “romaak [ad] meram im̧aan mejān armej, bwe ren lo [ad] jerbal ko rem̧m̧an, im nōbarJemami i lan̄” (Matu 5:16).

Jekjōn in epād ie aolep kakien ko kōn kōjerbal im̧ōn jar ko. Kakien kein rej barāinwōt jerbal n̄an aolep men ko m̧weien Kabun̄ in im im̧ōko ipeļaakin imōn jar eo. Meļeļe ko rellōn̄ļo̧k rej pād ilo kein jipan̄ ko kar kōllaajraki ilo jekjōn in.

35.5.1

Pedped ko Im̧aan tata im Men ko Aikuji n̄an Kōjerbal Im̧ōn Jar ko an Kabun̄ in

Im̧ōn jar ko an Kabun̄ in rej jikin an kabun̄ remakeļo̧k kar aji n̄an kabun̄ jar, katak gospel eo, jemjerāik doon, im m̧akūtkūt ko rekkar me rej jipan̄ bōktok armej n̄an Kraist. Kōjerbal im̧ōn jar ko an Kabun̄ ej juon menin jeraam̧m̧an.

Aolep jerbal ko an im̧ōn jar ko an Kabun̄ in rej aikuj ļoor men kein aikuji im̧aan tata:

  • Jokkuun wōt juon ippān katak ko, kakien ko, im iminene ko an Kabun̄ in, ekoba paotok kwojarjar eo im jibadbad ko an im̧ōn jar ko an Kabun̄ in.

  • Pād wōt ilowaan kien eo.

  • Jokkuun wōt kakien ko an ejjeļo̧k owōj ijo ekkar.

  • Bōk bun̄tōn ko rekkar n̄an jab kōm̧m̧an, kōjaorōkļo̧k, im bōk eddo in kauwōtata ko, ekoba unin tōl ko im kakien ko an Kabun̄ in kōn tōparki ajri ro im jodikdik ro (lale 12.5.1 im 20.7.1).

  • Pokake jekjek ko jet im dettan ko kar litok jān stake būreejtōn eo ak bisop eo.

35.5.2

An Kabun̄ Kōjerbal Im̧ōn Jar ko

Kweilo̧k ko an Kabun̄ in, būrookraam̧ ko, im m̧akūtkūt ko ewōr aer aorōk ioon jerbal ko an im̧ōn jar ko jet eļan̄n̄e ewōr idapitōk. An Kabun̄ kōjerbale ekoba:

  • Iien kabun̄jar ko im kweilo̧k ko jet an Jabōt.

  • Kweilo̧k ko an ritōl.

  • Kweilo̧k im m̧akūtkūt ko an Doulul eo an Kōrā ro.

  • Kweilo̧k im m̧akūtkūt ko an priesthood.

  • Kweilo̧k im m̧akūtkūt ko an Būraimere, Priesthood eo an Aron, im Doulul eo an Jiron̄ ro.

  • Kweilo̧k im m̧akūtkūt ko an Jemenere, institute, rūm̧m̧an ded ro ejjeļo̧k pāleer, im ro ejjeļo̧k pāleer.

  • Jerbal in menmenbwij an baam̧ļe.

  • Kweilo̧k im m̧akūtkūt ko an mijenede.

  • M̧akūtkūt ko n̄an kōppopo n̄an ien idin̄.

Ward ko im Stake ko remaron̄ barāinwōt leļo̧k n̄an būrookram̧ ko jet an Kabun̄ me rej kōjeraam̧m̧an membōr ro im jukjuk in pād eo. Men kein rekoba:

Stake būreejtōn eo ej bōk kapilōk jān eria opiij eo n̄an lale n̄e loore kakien eo ijo jokwe ie.

N̄an eļōn̄ļo̧k meļeļe ko, lale A Leader’s Guide to Sharing Church Resources.

Ilo jet jikin ko me elōn̄ uwaan Kabun̄ ie, juon im̧ōn jar maron̄ in jerbal elōn̄ļo̧k jān juon stake. Ilo jekjek rot in, stake būreejtōn ro rej kōnono ippān doon kōn kōjerbal eo im jikejuul in im̧ōn jar ko. Remaron̄ kepaak Eria Jiljilimjuonn̄oul kōn tōl eo aikuji.

Mālim jān tōreektōr eo an temporal affairs im eria Būreejtōnji eo ej menin aikuj m̧okta jān kōjerbal juon im̧ōn jar n̄an ejaake juon jikin aiintok doon n̄an rūm̧m̧an ded ro ijo kein jerbal ko ak kein jipan̄ ko kar kajjitōk kaki. N̄an bōk mālim, stake būreejtōn eo ej kepaak menija eo an facility ko.

Aolep ro rej kōjerbal im̧ōn jar eo rej aikuj ļōmņak kōn ro jet. Aolep kijejeto rej aikuj kōm̧m̧an n̄an lale aikuj ko an ro jet. Kain kijejeto rot kein ekibuuj jikejuuļ n̄an kōjerbale jikin ko, kōm̧m̧an jon̄an ainikien, im kōjerbale wōt ilowan awa ko jikejuuļi.

N̄an eļapļo̧k meļeļe ko kōn m̧akūtkūt ko an Kabun̄ in, lale jebta 20

35.5.3

An Membōr Kōjerbal Im̧ōn Jar ko—n̄an E Make im Baam̧le

Membōr ro rej aikuj kajjitōk n̄an kōjerbal juon im̧ōn jarilowaan stake eo aer n̄an m̧akūtkūt ko an juon make ak an baam̧le. N̄an bōk mālim, rej kepaak membōr in bisoprik eo an juon ward eo ej ioone ilo im̧ōn jar eo (ak juon eo kar kappeiki). Laajrak in tōl kein rej elaajrak rej jerbal:

  • Kōjerbale ej aikuj loor pedped ko repidodoi im men ko aikuji ilo 35.5.1.

  • Kōjerbale ej aikuj lale juon armej eo ej juon membōr erūtto an ward eo me ej jar ilo im̧ōn jar eo.

  • Kōjerbale en jab idaptōk ippān m̧akūtkūt ko an Kabun̄ in kar jikejuuļi.

  • Ro rej kōjerbal rej bōk aolepān eddo eo kōn jabdewōt jorrāān n̄an im̧ōko ak jabdewōt jorrāān ak eoodik ilo jekjek ko rej ekkejel ippān kōjerbal kein.

  • Ro rej kōjerbale rej aikuj karreoik im kanooj kakoņe im̧ōn jar ko n̄an jekjek eo kar m̧okta jān kōjerbale.

  • Ro rej kōjerbale rej aikuj ļoore tōl im kajjitōk ko jān ritōl ro ijo jokwe ie, ekoba kajjitōk ko jān ritōl ro n̄an lale wāween kōjerbale.

  • Ritōl ro an Kabun̄ in remaron̄ kajjitōk ippān jabdewōt armej ak kumi n̄an kabōjrak kōjerbal im̧weo eļan̄n̄e rejjab pokake unin tōl ko.

  • N̄an m̧akūtkūt ko kar kōmālimi, ritōl ro an ward eo im stake eo rej aikuj kōm̧m̧an koņ ko n̄an deļo̧n̄e im̧ōn jar eo. Ki ko n̄an m̧weo ej aikuj leļo̧k wōt n̄an membōr ro an ward eo ak stake eo kar kōjenolo̧k.

Lale 38.3.4 n̄an kōjerbal im̧ōn jar ko n̄an kōm̧are ko im iien m̧ōn̄ā ālkin m̧are eo.

Lale 29.5 n̄an kōjerbal im̧ōn jar ko n̄an iien mej ko im iien ko jet n̄an rimej.

35.5.4

Kōjerbal im̧ōn jar ko jen Nonprofit Doulul ko ak Kurup ko Jet ak Kajjojo Armej

Ritōl an eria remaron̄ kōtļo̧k an nonprofit doulul ko, jukjuk in pād im kumi ko jet (ko āinwōt kumi in ikkure ko), ak kajjojo armej rejjab kōmeļeļeik ilo 35.5.3 n̄an kōjerbal im̧ōn jar ko n̄an m̧akūtkūt ko rem̧m̧an ak jerbal in jipan̄. Jekjek ko rej elaajrak ilo 35.5.3 rej jerbal.

N̄an bōk mālim an ritōl an eria n̄an kain kōjerbale in, stake būreejtōn ej kepaak menija eo an facility ko.

Eļan̄n̄e ritōl an eria ej kōmālim an juon nonprofit doulul kōjerbale, Juon Temporary Use Agreement naaj aikuji. Koņ in ewōr im ej itok jān eria opiij eo. Juon peba in kam̧ool kōn Joortoklik (injurōn) ej itok jān nonprofit doulul eo ej barāinwōt aikuji ijello̧kin n̄e tōrāāktōr eo n̄an temporal affairs ej kapene bwe Church Risk Management Division ekar kōmālim ainjuon.

Kumi ko ilo jukjuk in pād eo me rejjab watōk nonprofit ko, barāinwōt āinwōt kajjojo armej rejjab kōmeļeļeik ilo 35.5.3, rej aikuj kapolel jabdewōt men ko aikuji liļo̧k ippān menija eo an facility ko.

35.5.5

Idin̄ ko

Im̧ōn jar ko an Kabun̄ in maron̄ kōjerbali n̄an jerbal in jipan̄ an jukjuk in pād eo rej menin aikuj ilo juon iien idin̄. N̄an waanjon̄ak, juon stake būreejtōn emaron̄ kōtļo̧k an im̧ōn jar ko ilo stake eo an kōjerblai jān disaster-relief agency ko im ro jet rej m̧ōttan kijejeto ko (lale 35.5.4) Ilo jekjek rōt kein, e ej jerbal ippān menija eo an facility ko im menija eo an self-reliance, barāinwōt ippān rijerbal ro jet an Kabun̄ in n̄e aikuj (lale 22.9.1.3).

Eļan̄n̄e im̧ōn jar ko renaaj jerbali n̄an jibadbad ko an idin̄, ritōl ro an stake rej kōketak n̄an kōtōbalbal ippān ritōl ro an jukjuk in pād.

35.5.6

Men ko Rejjab Kōtļo̧k Kōjerbali ilo Im̧ōn Jar eo

35.5.6.1

Kōjebral N̄an Wia Kake

Men eo m̧wien Kabun̄ maron̄ jab kōjerbale n̄an jibadbad ko an wia kake. N̄an waanjon̄ak, im̧ōn jar ko maron̄ jab kōjerbali n̄an rie jabedwōt kain pejnej. Ak jabdewōt kein jipan̄ ko ilowaan im̧ōn jark eo, āinwōt bo̧o̧t in illik kōjjeļā ko, n̄an kōjerbali n̄an rie juon pejnej (lale 38.8.5). Kain kōjerbal rōt in ejjab jokkun wōt ippān jibadbad ko an men ko m̧wein Kabun̄. Emaron̄ barāinwōt idaptōk ippān kien ko local im national me emaron̄ kōm̧m̧an bwe men eo m̧weien Kabun̄ en (tax eemption) kōļļā eowōj (lale 34.8.1).

Laajrak in waanjon̄ak kein an kōjerbal n̄an wia kake (commerical) me rejjab mālim:

  • Kareelel (promote) ak lolorjake (sponsor) pejnej ko ak investment ko

  • Wia, wiakake, ak kareleel kōn m̧weiūk ko, jerbal in wiakake ko, wia kake bok ko, ak jerbal in pija ko

  • Kōm̧m̧ani m̧akūtkūt in kōbajet ko rejjab mālim (lale 20.6.5)

  • Bōk eddo in ak ņa jikin kuwaer ko, rikōnono ro, rikatakin ro, educational kumi ko, ak jipan̄ ko jet litok me rej bōk ejjeļo̧k wōņāān n̄an jemenaar ko, katak ko (ijello̧kin n̄an iien katak piano ak o̧kwōn an juon make; lale 19.7.2), kūlaaj ko, ak m̧akūtkūt ko

  • Reen jikin n̄an kōm̧are ko ak iien ko reiookļo̧k m̧are

35.5.6.2

Kōjerbal n̄an Homeschooling im Childcare

Eļap an Kabun̄ in rie jeļāļo̧kjeņ im baam̧le ko. Ijoke, im̧ōn jar ko rejjab jikin ko kojerbale n̄an childcare ak homeschool.

Ļoor wōt kakien in naaj kwaļo̧k eļap ineem̧m̧an im joļo̧k tax liability ko n̄an Kabun̄ in.

35.5.6.3

Jibadbad in Politic ko

Kabun̄ in ej ikōn̄ wōt kōn politic. Men eo m̧weien Kabun̄ in ejjab jerbal n̄an jibadbad ko ak jojomar n̄an politic. M̧akūtkūt ko kar kam̧o̧iki ekoba kweilo̧k in politic ko im n̄an kāāmpein ko an politic im kumi in jojomar ko. Kōjjeļā ko reiokļo̧k jibadbad ko kōn politic maron̄ jab kōjerbal men eo m̧weien Kabun̄ in, āinwōt bo̧o̧t in kōjjeļā ko.

Ijoke, kōjerbal men ko m̧weien n̄an rejijtōr n̄an bout ak bout maron̄ mālim āinwōt juon oktak (lale 38.8.30). Stake būreejtōn eo emaron̄ bōk mālim āinwōt juon oktak jān facility menija eo (lale 35.5.4).

35.5.6.4

Kōjerbal Ko Jet

Wāween kein n̄an kōjerbal im̧ōn jar eo an Kabun̄ in ekkā wōt aer jab mālim:

  • Kōtļo̧k (overnight shelter) jikin jokwe (ijello̧kin iien idin̄ ko; lale 35.5.5)

  • Kāām

  • Reene ak liiji im̧ōko im men ko m̧wien Kabun̄ in.

Unin tōl kein rej jerbal n̄an im̧ōn jar ko make barāinwōt n̄an aolep men ko m̧weien Kabun̄ in im meļan facility ko an m̧ōnjar ko. Eļan̄n̄e stake būreejtōn eo ej en̄jake juon oktak maron̄ kōm̧m̧ane etale, emaron̄ kajjitōk jen facility menija eo. N̄an waanjon̄ak, juon oktak maron̄ letok n̄an kōj n̄an kōjerbal m̧ōnjar eo n̄an jipan̄ membōr ro etal ettoļo̧k n̄an tireep ko an tampeļ.

35.5.7

Kakien ko im Jon̄ak ko Jet Me Rej Jerbal n̄an Aolep Kōjerbal ko

35.5.7.1

Jikin Jar ko

Jikin jar ko rej ruum̧ ko ijo membōr ro rej kabun̄jar im bōk m̧ōttan kwojkwoj eo. Kweilo̧k ko im m̧akūtkūt ko rej kōm̧m̧an ilo jikin jar ko rej aikuj jokkun wōt ippān jibadbad kein. N̄an unin tōl ko kōn kōm̧m̧ani iien m̧akūtkūt ko an cultural art ko, iien al ko, im m̧akūtkūt ko jet ilo jikin jar ko, lale 19.3.5.

35.5.7.2

Bu ko (firearm) im Bu in Tariņae ko (Weapon)

Bu ko im bu ko rōkauwōtata jet rejjab kōtļo̧k aer pād ilo m̧weo im̧ōn Kabun̄ in. Menin ekoba bu ko ņooji. Menin ejjab jelet būlijmāān (law inforcement officer) opija ro.

35.5.7.3

Jikin Kōmat eo im Jikin Ajeej M̧ōn̄ā eo

Jikin kōmat ko im eria in ajej m̧ōn̄ā ko im kōm̧ao laļ ko im n̄an kōmāāņāņ ak kam̧ōļoļo.

Ilo jikin ko jet, emālim kōm̧m̧an m̧ōn̄ā ilo jikin kōmat ko. Ijoke, ilo United States, Canada, im laļ ko jet, ej aikuj wōr peba in kōm̧m̧an m̧ōn̄ā, karreelel in equipment ko, ak an kien eo kōm̧m̧ani etale ko. Ilo eria kein, m̧ōn̄ā ko aikuj in kar kōpoojitok jān bar juon jikin im būkitok n̄an im̧ōņ jar eo. Kile kwaļo̧k kilen kōm̧m̧an m̧ōn̄ā rej juon men kōtļo̧k im rej kōm̧m̧an em̧ool ijo kakien kein rej pād. Menija eo an facliliy ko emaron̄ letok unin tōl n̄an kajjojo eria.

N̄an elōn̄ļo̧k meļeļe ko, lale safety.ChurchofJesusChrist.org.

kurup eo rej m̧ōn̄ā

35.5.7.4

Jikin baak ko

Kōjerbal jikin baak ko an Kabun̄ in aikuj ļoor unin tōl ko ilo jeba in. Ilo kakkobaba, jikin baak ko raikuj in jab jerbal n̄an baak bajjōk ak wāween ko jet n̄an kōjerbali ilo an ejjeļo̧k mālim jān tōreektōr eo an temporal affairs. Ritōl ro remaron̄ kepaak menija eo an facilities kōn kajjitōk ko. Waan ettōr ko waan juon make im kein jerbal ko jet an juon make aikuj jab kakuņi ilo jikin eo an Kabun̄ in.

N̄an meļeļe ko reļļapļo̧k kōn jikin baak ko im deļo̧n̄i baak ko, lale “Meetinghouse Parking LotsMeetinghouse Facilities Guide

35.5.7.5

Jikin Kakkoņ ko ilo Im̧ōnjar eo

Kein jerbal in kōjparok (maintenance) wōt im kein karreok ko kar kōmālim maron̄ kakuņi ilo im̧ōko. Aitem ko an menin jeraam̧m̧an ko (welfare) maron̄ kakuņi ilo m̧ōnjar ko ilo iien idin̄ ko (lale 35.5.4). Ritōl remaron̄ kepaak menija eo an facilities kōn kajjitōk ko.

35.5.7.6

Bar jet Meļeļe

Kōn eļapļo̧k meļeļe ko kōn kōjerbal men ko m̧weien Kabun̄ epād ilo “Other Information Related to Meetinghouse Facilities” (Meetinghouse Facilities Guide). Kein jipan̄ in ekitbuuj meļeļe ko kōn kein katakin ko kōn pija, kainōknōk, kein jerbal, būļāāk, wōnāān, sign ko, kōjerbal men ko m̧weien Kabun̄ in, im men ko jet.

N̄an kakien ko kōn kōjerbal im̧ōn ikkure (recreational property), lale “Recreational Camps” (Meetinghouse Facilities Guide).