Jikin Baak ko an Mōnjar ko

Unin tōl ko an Jikin baak n̄an Amedka im Canada

Melele kein rej elaajrak kōn kilen jerbal in jikin baak ko, ewōr n̄an rim̧ōjno ro, im jikin kobej ko ej n̄an ritōl ro ilo Amedka im Canada. Emaron̄ jipan̄ n̄an rein ilo jikin ko jet. Ijoke, lale kakien ko an bukwōn eo im aikuj ko, im kōnono ippān mānija eo an mōnjar im opiij ko an Kabun̄ in ilo bukwōn eo n̄an jerbal ko rekkar.

Kōjerbal Jikin Baak

Ilo kakobaba n̄an unin tōl ko ej bād ilo 35.5.8 in an Bok in Bōk Meļeļe eo Eļap, keememej bwe jim̧or kōjerbal jikin baak ko ippen doulul ko jet ak ro kajjojo emaron̄ kwalo̧k Kabun̄ in n̄an jorāān ko, m̧uri ko, im kōlaplo̧k ta ko renaaj walo̧k n̄an jerbali. Emaron̄ kwalo̧k jorrāān ko renana rem̧ool-lal eo renaaj jelōt im maron̄ luuji an maron̄ eo an n̄an jab kōļļā property tax. Jekdo̧o̧n kōjerbal jikin baak ko n̄an makūtkūt in kōbajet ko an jodikdik ro (pedped, ilo m̧ōttan, ekkar n̄an makūtkūt ko rem̧ool) maron̄ tōl n̄an men ko mwien im jorāān ko jān income tax.

Jabdewōt exception ko ak n̄an kakien rej aikuj in kōnono kaki ippān mānija eo an mōnjar ko im opiij ko an Kabun̄ in im kōmālim jān tōreektōr eo an temporal affairs. Exception ko rej aikuj jipan̄ Kabun̄ in Jiban̄ ko aikuj jiban̄ Kabun̄ eo (āinwōt ilo joļo̧k jerbal ko rej idaptōk ippān kōjerbal Kabun̄ in), jolok men ko rejjab ekkar im ralikar, im bōk aolep melim ko rekkar m̧okta jān an melim iwōj n̄an kōjerbale.

Ilo kakobaba n̄an jikin baak kein, waanjon̄ak ko kōjerbal ippān doon me rej aikuj mālim delo̧n̄e melan eo an Kabun̄, kōjem in wōrwōr ko, karōk ko n̄an delo̧n̄, jōkjōk ko renaaj walo̧k ilo pālaak in jikin eo, im jim̧we-an-ial kwo̧n ko.

Jikin Baak ko Emōj Kāleti

Juon nōmba in melan jikin baak ko n̄an armej ro ewōr utam̧we ippāer, ej menin aikuj jān jikin ekajet eo ilo juon bukwōn, kar kōkalleiki āinwōt juon menin aorōk. Ijoke, bisoprik ro ak ritōl ro an stake remaron̄ kajjitōk ippān mānija eo an mōnjar im opiij ko an Kabun̄ in n̄an kōkalleiki melan ko remaron̄ walo̧k āinwōt juon menin aikuj elap.

N̄an kweilo̧k ilo iien m̧ōn̄ā ko rōllap, āinwōt kweilo̧k ko rōllap an stake, ritōl ro ill bukōn eo rej lukkun etale im (emaron̄ jidik wōt iien) lelo̧k elap im bwe jikin baak epello̧k. Bisoprik ro rej bārainwōt kōjeikik ippān ward ko jet elan̄e er aolep iien ej obrak ilo kōjerbal m̧weo im jikin baak ko. N̄an waanjon̄ak, juon ward emaron̄ jab ļap an jikin baak kōnke ward eo m̧okta ekar kōjerbale m̧okta meļan eo.

Bisoprik ro rej barainwōt katakin im kakeememej member ro kōn jejjet in kōjerbale jikin baak emember. N̄an waanjon̄ak, jikin baak eo ejjeļo̧k kōkkaļļe ie elukkuun in epaak n̄an jikin baak eo ewōr koban emaron̄ kōm̧m̧an jikin baak eo ewōr kobban ejjab jerbal. Mekarta ro ewōr aer placard ak mālim ko rej aikuj in etal jān jikin ko baak rej kōm̧m̧an bwe meļan eo an meļak n̄an ro jet ewōr waer wakobanewōr kein jerbal in mechanic ie ak ro raikuj ruum̧ n̄an ektak im ākto m̧weiūk.

N̄an meļeļe ko reļļapļo̧k jān Kabun̄ in, etal e Disabilities website.

Jikin Kobej ko im Nien Jokbej ko

Bar kanne kobej ilo jikin kobej im kanne jokbej ko n̄an wōt an Kabun̄ in kōjerbale. Tōbare emaron̄ bar kar jab em̧m̧an kōnke worwor ko, ļak ko, ak ko jet, eļan̄n̄e emenin aikuj.