Bar Jet Meļeļe Rejelet M̧ōnjar ko

Jerbal in Jin̄a

Im̧ōn kweilo̧k ko rej aikuj kwaļo̧k juon ao̧ ak m̧wil in kautiej n̄an Jisōs Kraist im kam̧ool kōn tōmak eo an membōr ilo E. Pija eo ej kwaļo̧k kōn Jisōs Kraist aikuj in likūti itum̧aan jikin deļo̧n̄ ko an im̧ōnjar eo n̄an jipan̄ kwaļo̧k dilepān tōmak in. Eria ko itum̧an jikin deļo̧n̄ eo aikuj in jab wōr jabdewōt men ko renej kamad ak kapenjak, kain kan an kein kainōknōk ko, boot in illik kōjjeļā ko, tebōļ ko, im easel (kein kajjutak) ko. Pija jin̄a eo ej kwaļo̧k kōn Jisōs Kraist, pija ko jān jeje ko rekwojarjar, im bwebwenato in Kabun̄ in ekkar n̄an jikin etetal ko (hallway) im kūlaaj ruum̧ ko.

Stake būreejtōn eo ak ritōl ro ijo jokwe ie kar kappeik ej kāālet pija jān juon bok in wōrtar an Kabun̄ in kōn pija ko kōmālim n̄an im̧ōn kweilo̧k ko. Mānija eo an im̧ōko emaron̄ kwaļo̧k bok in wōrtar pija ippān ritōl ro n̄e aikuji juon pija kāāl. Pija jin̄a eo jān kein jipan̄ ko jet ekkā aer jab kōtļo̧k. Kajjitōk ko kōn men ko kōtļo̧k aikuj in kōm̧m̧an jān mānija eo an facilities.

Pija jin̄a eo maron̄ jab likūti ilo jikin jar eo ak turin jikin peptaij eo. Annan̄ ko, kakōļļe ko, ememļo̧k ko, pija jin̄a dipin em̧ (mural), im pija ko rekōļar im ainōknōk (mosaic) rejjab mālim n̄an ellaak ilowaan ak inabōjin m̧ōnjar eo. Kakien in emaron̄ jab iookļo̧k jerbal in pijaj jin̄a ko me em̧ōj kadede aer kwaļo̧ki ium̧win elōn̄ iiō ko.

Mijjiin in Kape ko

Wia mijiin in kape ko rej kōmelet jān laajrak in tōl ko an eria opiij eo, ko rej pedped ioon aikuj ko an iunit eo ijo jokwe ie. Facilities management kurup eo ej eddoik n̄an wiaik mijjiin in kape ko n̄an stake opiij ko im jentōr ko an m̧weiuk ko m̧ōnjar eo.

N̄e jerbal in jipan̄ im jerbal in kōkm̧anm̧anlo̧k ko ej menin aikuj, ritōl ro an bukwōn eo rej kepaake rijerbal in jipan̄ ro eļan̄n̄e ewōr. Ijjelo̧kin, ritōl ro an bukwōn eo rej kepaake facilities management group eo, ro rej jikejuuļ im kōļļā wōņāen jerbal eo.

Mweiuk ko āinwōt peba im toner rej wia jān unit eo, ilo aer kōjerbale bajet eo an unit eo.

Kainōknōk ko

Kainōknōk ko n̄an m̧akūtkūt ko an holiday ko, kōjota in m̧are ko, im iien ko reier wōt maron̄ likūt ilo jidik iien ekadu ilo ak itulikin juon m̧ōnjar. Kainōknōk ko ijello̧kin wut ko maron̄ jab likūti ilo jikin jar eo ilo kweilo̧k in kwojkwoj ko. Jab kōketak kainōknōk ko ilo jikin deļo̧n̄ eo itum̧aan (foyer) n̄an dāpij wōt kautiej eo n̄an Rilo̧mo̧o̧r.

Kainōknōk ko rej aikuj in karbōb im jab ļap wōņāer. Rej aikuj in jab (fire hazard) kauwōtata n̄an kōm̧m̧an kijeek. Code ko an kijeek im kōjparok im kain̄i ko an ijo jokwe ie aikuj ļoori iien otemjeļo̧k.

Kein Jerbal in Leto Letak Meļeļe Imejatoto Ilo Iien Idin̄

Ward im stake ko rejjab wia ak bōk jipan̄ kōn satellite taļboon ko ak kein jerbal amateur radio n̄an kōjerbali ilo iien idin̄ ak kōļaaki ilo juon m̧ōnjar. Kar rōjan̄ ritōl ro n̄an kwaļo̧k kajjojo armej ro emaron̄ wōr kadede aer kein jerbal n̄an jipan̄ kōn aikuj ko an kajjojo ward im stake ko ilo leto letak meļeļe ko.

Kein Jerbal n̄an Petriak ro

Ilo jekjek rot kein, juon petriak emaron̄ jab wōr juon an kamputōr (n̄an waanjon̄ak, emaron̄ jab wōr juon an make kamputōr ak maron̄ kōjerbale kamputōr eo ilowaan opiij eo an kūļōk eo ilo juon m̧ōnjar). Eļan̄n̄e āindein, juon stake būreejtōn emaron̄ lelo̧k mālim n̄an wiaik juon kamputōr im kōm̧m̧ane juon kajjitōk ilo an kepaake facilities manager eo. Stake ko rej lelo̧k kein jerbal in audio rekoot n̄an petriak ro ilo kōjerbal bajet (LUBA) fund ko.

Kōļļā ko

Membōr ro rejjab kōļļā wōņāān ak illik jāān n̄an kōjerbal m̧ōnjar ko ak men ko m̧weien Kabun̄ in n̄an kōm̧are ko, ilomej ko, im iktōltōl ko an baam̧le, m̧akūtkūt in reunion ko an mijenede, mālim ko n̄an iien kōnono ko im̧aan jarlepju ko, ak m̧akūtkūt ko eierļo̧k wōt.

Būļāāk

Būļāāk eo an laļ eo emaron̄ epelpel ilo meļan eo an Kabun̄ in to̧o̧n wōt an ļoor laajrak in tōl ko an ijo jokwe ie rej ļoori. Būļāāk eo maron̄ kajutak ilowaan im̧ōn Kabun̄ in ilo iien ko raorōk. Wujlpeļo̧k n̄an rejetak juon laļ (patriotism) ejjab aikuj in wōnm̧aanļo̧k wōt in kajutak būļāāk eo an laļ eo ilo jikin kabun̄jar ko.

Jikin Jikuul im Jikin Lale

Ilo an Kabun̄ in kōkajo̧o̧lo̧k jerbal in kōketak n̄an jelālo̧kjen, m̧ōnjar kein rejjab jerbal āinwōt jikin jikuul ak im̧ōn kōjparok ak n̄an bōk eddo in makūtkūt ko an jikin jikuul.

Mool n̄an kien kein enaaj lelōn̄lo̧k jerbal in kōjparok im bōbrae kōļļā in tax ko an Kabun̄ in.

Kein Jerbal ko an Satellite im Kein Bitio

Kein jerbal ko an Satellite im kein bitio ko an Kabun̄ in rejjab n̄an kabajet ak kareleel ak n̄an jerbal ko an Kabun̄ in āinwōt kar kōmālimi jān stake būreejtōnji ak bisoprik. Aolep kein jerbal ko rej aikuj in ļak n̄e rejjab kōjerbali. Menin emaron̄ in jab kar em̧m̧akūt jān im̧ōn jar eo n̄an m̧ōko ak n̄an an kajjojo kōjerbale.

Jim̧or Kōjerbal Mweiūk ko

Jim̧or kōjerbale men ko m̧weien Kabun̄ in ej aikuj kōmālim, ekoba deļo̧n̄e jikin ko an Kabun̄ in, wōrwōr ko, karōk ko n̄an deļo̧n̄, jekjek ko an peļaakin jikin eo, jim̧we im koņ ko.

Jain ko (Signs)

Eļan̄n̄e juon stake būreejtōn ewōr an kajjitōk kōn kakōļļe ko (sign) kōn im̧ōnjar ko an Kabun̄ in, ej kepaak facilities manager eo.

Kein Popo Snow ko

Ewōr an Kabun̄ kein jerbal n̄an joļo̧k sņo ej pād ilo kajjojo m̧ōnjar ko n̄e emenin aikuj. Membōr ro an Kabun̄ in remaron̄ kōjerbal kein jerbal in n̄an karreoik jikin etetal ko an im̧ōnjar eo. Ritōl ro rej leļo̧k wōt jerbal kein n̄an rūtto, membōr ro rej eddoik eddo kein im kwalo̧k n̄an er kilen kōjerbal wāween ko jejjet n̄an kōjparok jān jorrāān ak kauwōtata.

Men ko m̧weien ak jikin ko an Kabun̄ in me Rejjab Kōjerbali

Men ko m̧weien ak jikin ko an Kabun̄ in me rejjab kōjerbali remaron̄ jab jerbal ak kōjerbali n̄e ejjelo̧k mālim jān Eria Būreejtōnji eo. Ilo jekjek ko jet, membōr ro remaron̄ kōjerbal jikin ko an Kabun̄ in ilo jidik wōt iien n̄an jikin kallib ko. Kepaak facilities manager eo n̄an kajjitōk ko ak kajjitōk mālim.