Valenivola
iDusidusi ni Gauna ni Lagasere kei na Nodra Vakaitavi na Gone ena Soqoni ni Sakaramede

“iDusidusi ni Gauna ni Lagasere kei na Nodra Vakaitavi na Gone ena Soqoni ni Sakaramede,” Lako Mai, Mo Muri Au—Me Baleti Ira na Lalai: Veiyalayalati Vou 2023 (2023)

“iDusidusi ni Gauna ni Lagasere kei na Nodra Vakaitavi na Gone ena Soqoni ni Sakaramede,” Lako Mai, Mo Muri Au—Me Baleti Ira na Lalai: 2023

Era lagasere tiko na gone ena Lalai ni matanataki tu na ligadra

iDusidusi ni Gauna ni Lagasere kei na Nodra Vakaitavi na Gone ena Soqoni ni Sakaramede

Kemuni na Mataveiliutaki ni Lalai kei na iLiuliu ni Sereivakatagi,

Era sa iyaya ni cakacaka kaukauwa sara na sere ni Lalai ena nodra vukei na gone ni vulica na yavu ni bula marau ni Tamada Vakalomalagi kei na veika dina ka yavu ni kosipeli i Jisu Karisito. Ni ra lagata tu na gone nai vakavuvuli ni kosipeli, na Yalo Tabu ena vakadinadinataka na kena dina taucoko. Na tiko ga na qaqana kei na vakatagi ena nodra vakasama kei na lomadra na gone ena nodra bula taucoko.

Vakasaqara na veivuke ni Yalotabu ni ko vakarau tu ni vakavulica na kosipeli ena sereivakatagi. Wasea na nomu ivakadinadina me baleta na veika dina o lagata tu. Vukei ira na gone ni raica na sala e semati kina na sereivakatagi ki na ka era sa vulica ka sotava tiko e vale kei na kalasi ni Lalai. Era na vakalougatataki na gone kei na nodra matavuvale ena nomu sasaga yalodina ni nodra vukei na gone me ra lagata na sereivakatagi tabu.

Keitou lomani kemuni ka vakavinavinakataka na veiqaravi yalodina o ni sa vakayacora tiko me ra viribaiti ka taqomaki kina na noda gone vakasakiti.

Na Mataveiliutaki Raraba ni Lalai

iDusidusi ni Gauna ni Lagasere

5 na miniti (mataveiliutaki ni Lalai): iDolamasu, ivolanikalou se yavu ni vakabauta, kei na dua na vosa

20 na miniti (liuliu ni sereivakatagi): Gauna ni Lagasere

Ena digitaka na sere ni vula yadua na mataveiliutaki ni Lalai kei nai liuliu ni sereivakatagi me vaqaqacotaka nai vakavuvuli ni kosipeli era sa vulica tiko na gone ena nodra kalasi ka vakakina e vale. Dua na lisi ni sere e vaqaqacotaka na veivakavuvuli oqo e sa okati enai dusidusi oqo. Na veisere oqo sa vakatututaki tale tu ga ena ituvatuva ni Lako Mai, Mo Muri Au—Me Baleti Ira na Lalai kei na Lako Mai, Mo Muri Au—Me Baleti Ira na Tamata Yadua kei na Matavuvale.

Ni ko vakavulica na sere vei ira na gone, sureti ira me ra wasea na ka era sa vulica oti ena italanoa kei nai vakavuvuli vakaivunau eso ena sere o vakavulica. O na rairai via railesuva nai tuvatuva ni Lako Mai, Mo Muri Au—Me Baleti Ira na Lalai era sa vulica tiko na gone ena nodra kalasi. Oqo ena vukea na nomu vakila tu nai talanoa kei nai vakavuvuli eso era sa vulica tiko mo rawa ni navuca na sala me tokoni kina na nodra vuli sereivakatagi.

Ena gauna ni lagasere, sa rawa talega ni o railesuva na sere eso era sa vulica oti na gone kei na sere era dau taleitaka ni lagata. Ni ko railesuva tiko, sureta na gone me ra wasea vakalekaleka na nodra vakasama kei na nanuma me baleta na ka dina eso e tiko ena sere.

Na iVolanisere ni Gonelalai e sa yavu ni vurevure ni sereivakatagi ena Lalai. Na serenilotu mai na volanisere kei na sere eso mai na iTokani se Liaona e sa veiganiti talega. Rawa ni ra lagata vagauna na gone na sere ni vanua se olidei e ganita tu na Sigatabu kei na nodra yabaki ni bula na gone. Na vakayagataki ni so tale na sereivakatagi ena Lalai sa dodonu me vakadonuya na matabisopi (raica na iVolavakarau Raraba: Veiqaravi e Na Lotu i Jisu Karisito ni Yalododonu Edaidai, 12.3.4, ChurchofJesusChrist.org).

Rai Raraba ni Lalai

Ena veimacawa, sa okati ena Lalai na:

Gauna ni lagasere:25 na miniti

Veisau:5 na miniti

Kalasi:20 na miniti

Sa rawa vei ira nai liuliu ni Lalai levu cake ni wasea rua nai lawalawa gone ka me tiko e dua nai lawalawa ena kalasi eso ni Lalai ni vakayaco gauna ni lagasere tiko nai lawalawa kadua. Me rau qai veisau nai lawalawa e rua oqo. Ena gauna vakaoqo, era na rairai gadreva nai liuliu ni Lalai me ra moica na gauna e vakaraitaki toka e cake me veiraurau kei na nodra ituvaki.

Era taura cake tu nai yaloyalo kei Jisu na gone ena Lalai

Sereivakatagi Vakatututaki ena Gauna ni Lagasere

Janueri

Feperueri

Maji

Epereli

Me

June

Julai

Okosita

Sepiteba

Okotova

Noveba

Tiseba

Vakayagataki ni Sereivakatagi me Vakavulici na iVunau

2:3

Sa nakiti tu na gauna ni lagasere me vukei ira na gone ni vakila na veivakauqeti ni Yalo Tabu ni ra vulica na veika dina ni kosipeli. Sa rawa ni veivuke na vakasama eso oqo.

Vakalewena na vanua lala. Vola e dua na qaqa ni sere ena papa ni volavola ka yali tiko kina e vica na vosa bibi. Qai kerei ira na gone me ra lagata na sere, ni rogoci tu na vosa eso e vakatawana na veivanua lala. Ni ra vakalewena na vanua lala yadua, sureti ira me ra wasea na ivakavuvuli ni kosipeli cava so era sa vulica mai na vosa era yali tu.

Vakayagataka na nodra vosacavuti na iliuliu ni Lotu. Sureti ira na gone me ra vakarorogo ki na vosacavuti ni dua na iliuliu ni Lotu e vakavulica tu na ivakavuvuli ni kosipeli vataga ena sere ni Lalai. Kerei ira me ra lave liga ni ra rogoca e dua na ka e vukei ira ni kila matua na ka dina era sa lagata tiko. Kerei ira me ra wasea na ka era rogoca.

Vakadinadinataka. Vakadinadinataka vakalekaleka vei ira na gone na dina ni kosipeli era kune ena sere ni Lalai. Vukei ira na gone ni kila matua na lagasere e sa dua na sala era rawa ni wase ivakadinadina kina ka vakila na Yalotabu.

Vakayagataka nai yaloyalo. Kerei ira na gone me ra vukei iko ni raica se cakava nai yaloyalo era sala vata na vosa se malanivosa bibi eso ena sere. Sureti ira me ra wasea na sala era semati kina ki na sere nai yaloyalo kei na ka e vakavulica tu na sere. Me ivakaraitaki, ke o vakavulica tiko na sere “Meu Muria na Nona Lewa” (iVolanisere ni Gonelalai, 86), o rawa ni biuta wavoki ena rumu nai yaloyalo era vakatakila na vosa bibi eso mai na sere (vaka na isolisoli, lomalagi, itikotiko, vuravura, kei na sucu). Kerea na gone me ra kumuna nai yaloyalo ka taura cake ena kena i tuvatuva donu ni lagati vata tu na sere.

Wasea e dua na iyaya. O rawa ni vakayagataka e dua na iyaya e semati ki na sere. Me ivakaraitaki, na sere “Vakabauta” (iVolanisere ni Gonelalai, 50), e vakamacalataka tu e dua na sorenikau lailai. O rawa ni vakaraitaka vei ira na gone e dua na sorenikau me vukea nodra kila matua ni rawa ni tubu ga ena dua na gauna na ivakarau lailai ni vakabauti Jisu Karisito.

Semata na sere ki na veika sotavi yadua. Vukei ira gone ni semata na ivakavuvuli era vakavulici ena sere ki na veika era sa sotava kei na veivakavuvuli o ya. Me ivakaraitaki, ni bera ni lagati na “Raica na Valetabu” (iVolanisere ni Gonelalai, 99), o rawa ni kerea na gone me ra lave liga kevaka era sa raica oti e dua na valetabu. Sureta me ra vakasama ni ra lagata tu na ka era vakila ni ra raica na valetabu.

Vakatataro. E vuqa tu na taro o rawa ni taroga ni o lagasere voli. Me ivakaraitaki, o rawa ni tarogi ira na gone ena ka era sa vulica mai na qaqa ni sere yadua. O rawa talega ni kerei ira ni vakasamataka na taro eso e sauma tu na sere.

Vakarogoca na isaunitaro. Kerei ira na gone mera vakarogoca na isaunitaro ki na taro eso vakaoqo “o cei?” “na cava?” “evei?” “ena gauna cava?” se “cava na vuna?” Me ivakaraitaki, ena sere “Jisu Ni A Papitaiso” (iVolanisere ni Gonelalai, 54), era rawa ni vakarogoca se o cei a papitaisotaki Jisu kei na vanua, gauna, sala, kei na vuna a papitaiso kina o Koya. O rawa talega ni kerei ira na gone ni vakarogoca na vosa bibi eso se wilika ena nodrai qaqalo na levu ni gauna era lagata kina e dua na vosa kilai vinaka.

lagasere tiko na gonelalai ena soqoni ni sakaramede

Nodra Vukei na Gone ni Vulica ka Nanuma na Sere ni Lalai kei na Serenilotu

Era vulica na sere na gone ena kena rogoci ka lagati vakavica vata. Dau lagata tu ga na qaqa ni dua na sere vou vei ira na gone—kakua ni wilika se cavuqaqataka ga. E vukei ira na gone oqo ni semata na kena ilagalaga ki na qaqana. Ni sa vakavulici oti e dua na sere, railesuva ena veimataqali sala lasa ena loma taucoko ni yabaki. Sa koto e ra eso na vakasama me vukei ira na gone ni vulica ka railesuva na sere.

Caka ivolakabi. Vakaraitaka na ivolakabi eso kei na vosa mai na qaqana se yaloyalo yadua e matataka na vosa. Ni ra lagasere tu na gone, ubia eso na vosa se i yaloyalo me yacova ni ra sa lagata rawa na qaqana taucoko ni sega na ivolakabi. O rawa talega ni sureti ira na gone me ra vukei iko ni caka ivolakabi eso.

Vakatakila na irogorogo. Me vukei ira na gone ni vulica na ilagalaga ni sere, biuta vakababa na ligamu, kei na nomu lagata tu na qaqana, tosoya cake na ligamu me vakatakila na lako cake ni rogorogo ka biuta sobu me vakatakila na lutu ni rogorogo.

Voqa. Sureti ira na gone me ra nomu voqa tu ena vakatotomuri ni ka o lagata. Lagata vei ira na gone e dua na malanivosa se yatuvosa lekaleka, ka mera qai lagata lesu mai vei iko.

Vakayagataka na veidutaitaki. Lagata na sere ena veimataqali sala, vaka na vakasolokakana, vagugu, sauvaki ni vidi, moiyaki ni tautau, se lagasere tu ni o dabe tiko se tucake.

Lagasere vakailawalawa. Solia ki na kalasi se gone yadua e dua na malanivosa me lagata ni ra tucake tu, ka me ra qai veisautaki malanivosa me yacova ni sa vakaitavi na kalasi se gone yadua ena lagati ni malanivosa yadua.

Vakayagataka nai moimoi ni liga. Sureti ira na gone me ra vakasamataka eso nai moimoi ni liga rawarawa me vukei ira ni nanuma na vosa kei na itukutuku eso ni dua na sere. Me ivakaraitaki, ni lagati na “Rokovi, Lomani” (iVolanisere ni Gonelalai, 11), o rawa ni sureti ira na gone me ra roqo liga, cuvara na uludra, ka tara na seredra ni ra lagata nai yatu veiganiti eso ni sere.

Lagasere na goneyalewa, lagasere na gonetagane. Droinitaka nai yaloyalo ni dua na gonetagane kei na dua na goneyalewa, ka dregata se vakabira nai yaloyalo ki na kau duidui eso. Ni railesuvi tiko e dua na sere, taura cake e dua nai yaloyalo me vakatakila o cei e dodonu me lagata na wase ni sere oya.

Vakasotara vata e dua nai yaloyalo ki na malanivosa. Vola nai yatu ni sere yadua ena dua na tiki ni pepa duidui, ka vakaraica e dua nai yaloyalo e matataka nai yatu yadua. Biuti ira nai yaloyalo ena yasa ni dua na rumu kei na pepa eso ena yasa kadua. Lagata na sere, ka kerei ira na gone me ra vakasotara vata nai yaloyalo ki na qaqana.

iDusidusi ni Nodra Vakaitavi na Gone ena Soqoni ni Sakaramede

3:3

Ena veidusimaki ni bisopi, na nodra vakaitavi na gone ena soqoni ni sakaramede e sa dau vakayacori tu enai kava ni vulatolu ni yabaki. Vaka na mataveiliutaki ni Lalai kei na liuliu ni sereivakatagi, navuca mo ni sota ena i tekivu ni yabaki kei na daunivakasala ena matabisopi ka raica raraba tu na Lalai me tekivu veivosakitaki na ituvatuva eso ni vakaitavi. Ni ko sa vakacavara tu na ituvatuva, taura mai na nona veivakadonui ena vukudra.

Na vakaitavi sa dodonu me vakatarai ira na gone ni tutaka na ka era sa vulica kei na nodra matavuvale mai na Veiyalayalati Vou e vale kei na Lalai, oka kina na sere ni Lalai era a lagata tu ena loma ni yabaki. Vakasamataka ena yalomasumasu na ivakavuvuli ni kosipeli kei na sere cava so e tokona na ka era sa vulica. Ena loma taucoko ni yabaki, vola toka na vosa kei na veika era sotava na gone me baleta na kena rawa ni vakayagataki ena nodra vakaitavi. Sureti ira na gone me ra wasea na ivolanikalou, talanoa, kei na nodra ivakadinadina ena nodra vakaitavi. Ni ko tuvalaka na vakaitavi, vakasamataka na sala eso era rawa ni vukei kina na ivavakoso ni vakanamata tu kivua na Tamada Vakalomalagi kei na iVakabula kei na Nodrau ivakavuvuli.

Sa rawa ni navuca na tabanilotu era lewe lailai kina na gone na sala eso era na rawa ni vakaitavi kina na lewe ni matavuvale kei na luvedra. Sa rawa ni vakacavara na soqoni e dua na lewe ni matabisopi ena so nai tukutuku lekaleka.

Ni ko vakarautaka na vakaitavi, nanuma na dusidusi eso oqo:

  • Na vakatovotovo e sega ni dodonu me vakayagataki gauna tawaganiti tani tu mai na kalasi ni Lalai se matavuvale.

  • Era sa sega ni veiganiti kaya na soqoni ni sakaramede na vakaitavi tu ena yaloyalo, sulusulu, kei na vakauitukutuku.

Raica na iVoladusidusi Raraba: Veiqaravi e Na Lotu i Jisu Karisito ni Yalododonu Edaidai, 12.2.1.2, ChurchofJesusChrist.org.