“Padayon sa Pag-uswag,” Pasiuna nga Giya alang sa Mga Kabataan ug Mga Kabatan-onan sa Ang Simbahan ni Jesukristo sa mga Santos sa Ulahing mga Adlaw (2019)
“Padayon sa Pag-uswag,” Pasiuna nga Giya alang sa Mga Kabataan ug Mga Kabatan-onan sa Ang Simbahan ni Jesukristo sa mga Santos sa Ulahing mga Adlaw
Padayon sa Pag-uswag
Pagasuportahan ka sa imong mga paningkamot sa pagsunod ni Kristo samtang ikaw magtubo niining upat ka mga bahin pinaagi sa pagkat-on sa ebanghelyo, pagserbisyo ug mga kalihokan, ug personal nga paglambo.
Pagkat-on sa Ebanghelyo
Ang pagkat-on sa ebanghelyo diha sa panimalay ug sa simbahan mohatag kanimo og espiritwal nga pundasyon sa tanang butang sa imong kinabuhi. Samtang imong gamiton unsay imong gitun-an, mahimong makadiskobre ka og mga paagi aron ikaw makasunod ni Jesukristo isip usa ka indibidwal, uban sa imong pamilya, o uban sa imong korum o klase.
Serbisyo ug mga Kalihokan
Samtang moapil ka sa serbisyo ug mga kalihokan, malingaw ka uban sa imong pamilya, mga higala, ug mga lider samtang makat-on ka og mga kahanas, makabaton og bag-ong mga kasinatian, ug makaserbisyo sa uban. Makaserbisyo ka usab pinaagi sa pag-apil sa sagrado nga mga ordinansa. Ang serbisyo ug mga kalihokan gibase sa Lucas 2:52 ug maglakip og usa ka adlaw sa semana nga mga kalihokan ingon man sa daghang mga adlaw nga mga kalihokan alang sa mga kabatan-onan, sama sa mga kamping, pag-adto sa templo, ug sa mga komperensya sa kabatan-onan ug sa Alang sa Kalig-on sa mga Kabatan-onan (AKK).
Personal nga Kalamboan
Mahimo nimong sundon si Jesukristo sa imong personal nga kalamboan samtang ikaw magtinguha og pagpadayag sa tanang bahin sa imong kinabuhi. Makapili ka kon unsay imong trabahuon ug mahimong mangayo og tabang gikan sa pamilya, mga kaidad, ug mga lider.