“Panan-awon,” Pasiuna nga Giya alang sa Mga Kabataan ug Mga Kabatan-onan sa Ang Simbahan ni Jesukristo sa mga Santos sa Ulahing mga Adlaw (2019)
“Panan-awon,” Pasiuna nga Giya alang sa Mga Kabataan ug Mga Kabatan-onan sa Ang Simbahan ni Jesukristo sa mga Santos sa Ulahing mga Adlaw
Panan-awon
Aron mapalig-on ang imong pagtuo ni Jesukristo ug matabangan ka ug ang imong pamilya nga mouswag sa dalan sa pakigsaad samtang ikaw mag-atubang sa mga hagit sa kinabuhi.
Pangita og Pagpadayag
Makakat-on ka sa imong kaugalingon mismo—karon dayon sa imong pangidaron—kon unsaon pagdawat og personal nga pagpadayag. Ug walay laing makahimo og mas dakong kausaban sa imong kinabuhi gawas niana!
—Presidente Russell M. Nelson, “Paglaum sa Israel [Hope of Israel],” tibuok kalibutan nga debosyonal sa mga kabatan-onan, Hunyo 3, 2018, dugang ngadto sa New Era ug Ensign, 2, ChurchofJesusChrist.org
Gamita ang Kabubut-on
Ang mga tinguha maoy momando sa atong mga prayoridad, ang mga prayoridad mohulma sa atong mga pagpili, ug ang mga pagpili motino sa atong mga binuhatan. Ang mga tinguha nga atong buhaton motino sa atong kausaban, sa atong kalampusan, ug sa atong kahimoan.
—Presidente Dallin H. Oaks, “Tinguha,” Liahona, Mayo 2011, 42.
Pagtukod og Maayong mga Relasyon
Kitang tanan nagkinahanglan og tinuod nga mga higala nga mohigugma kanato, nga maminaw kanato, nga mogiya kanato, ug mopamatuod sa kamatuoran ngari kanato aron atong mapadayon ang pagpakig-uban sa Espiritu Santo. Kinahanglan ingon ka niana kamatinuoron nga higala.
—Presidente Henry B. Eyring, “True Friends [Tinuod nga mga Higala],” Liahona, Mayo 2002, 29.