“Agtultuloy iti Panagtignay a Dumur-as,” Pakauna a Pangiwanwan para kadagiti Ubbing ken Agtutubo iti Ti Simbaan ni Jesucristo dagiti Santo iti Ud-udina nga Aldaw (2019)
“Agtultuloy iti Panagtignay a Dumur-as,” Pakauna a Pangiwanwan para kadagiti Ubbing ken Agtutubo iti Ti Simbaan ni Jesucristo dagiti Santo iti Ud-udina nga Aldaw
Agtultuloy iti Panagtignay a Dumur-as
Matulongankanto kadagiti panagkagumaanmo a sumurot ken ni Cristo bayat ti panagdur-asmo kadagitoy uppat a tay-ak babaen ti panagsursuro iti ebanghelio, serbisio ken dagiti aktibidad, ken bukod a panagdur-as.
Panagsursuro iti Ebanghelio
Ti panagsursuro iti ebanghelio iti pagtaengan ken simbaan ti mangted kenka iti naespirituan a pundasion para iti amin a banag iti biagmo. Bayat ti panangyaplikarmo iti adalem, matakuatam dagiti wagas a mabalin a pakasurotam ken ni Jesucristo iti bukodmo, kaduam ti pamiliam, wenno kaduam ti klasem wenno korummo.
Serbisio ken dagiti Aktibidad
Bayat ti pannakiramanmo iti serbisio ken dagiti aktibidad, makipagragragsakka iti pamiliam, dagiti gagayyem, ken lidermo idinto a masursuruanka kadagiti paglaingan, maaddaan kadagiti baro a padas, ken makapagserbika kadagiti dadduma. Makapagserbika pay babaen ti pannakiramanmo kadagiti sagrado nga ordinansa. Maibatay ti serbisio ken dagiti aktibidad iti Lucas 2:52 ken mangiraman kadagiti weekday nga aktibidad kasta met dagiti multiday nga aktibidad para kadagiti agtutubo, kas dagiti kamping, biahe iti templo, ken Para iti Pigsa dagiti Agtutubo (FSY} ken dagiti komperensia dagiti agtutubo.
Bukod a Panagdur-as
Masurotmo ni Jesucristo iti bukodmo a panagdur-as bayat ti panagkalikagummo a maaddaan iti paltiing para iti no kasano ti panagdur-asmo iti amin a tay-ak ti biagmo. Piliem no ania ti itrabahom ken mabalinmo ti agpatulong iti pamiliam, kapatadam, ken dagiti lidermo.