“Pannirigan,” Pakauna a Pangiwanwan para kadagiti Ubbing ken Agtutubo iti Ti Simbaan ni Jesucristo dagiti Santo iti Ud-udina nga Aldaw (2019)
“Pannirigan,” Pakauna a Pangiwanwan para kadagiti Ubbing ken Agtutubo iti Ti Simbaan ni Jesucristo dagiti Santo iti Ud-udina nga Aldaw
Pannirigan
Mangpapigsa iti pammatiyo ken ni Jesucristo ken mangtulong kadakayo ken ti pamiliayo a dumur-as iti dana ti katulagan bayat ti pannakaipasangoyo kadagiti karit ti biag.
Agkalikagum a Maaddaan iti Paltiing
Makasursuroka para iti bagim—itan iti tawenmo—no kasano ti umawat iti bukod a paltiing. Ken awan ti maaramidto iti dakdakkel a pakaidumaan iti biagmo ngem iti dayta!
—Presidente Russell M. Nelson, “Hope of Israel,” worldwide youth devotional, Hunio 3, 2018, suplemento iti New Era ken Ensign, 2, ChurchofJesusChrist.org
Aramatem ti Karbengan a Pumili
Dagiti tarigagay ti mangidikta kadagiti ipangpangrunatayo, ken dagiti ipangpangrunatayo ti mangsukog kadagiti pilitayo, ken dagiti pilitayo ti mangikeddeng kadagiti tignaytayo. Dagiti tarigagay nga aramidentayo ti mangikeddeng iti panagbalbaliwtayo, panagragpattayo, ken pagbalinantayo.
—Presidente Dallin H. Oaks, “Desire,” Ensign wenno Liahona, Mayo 2011, 42
Mangbangon kadagiti Panaglilinnangen
Kasapulantayo amin dagiti napudno a gagayyem a mangipateg kadatayo, dumngeg kadatayo, ken mangipakita kadatayo iti dalan, ken mangipaneknek kadatayo iti kinapudno tapno mapagtalinaedtayo ti panangkadkadua ti Espiritu Santo. Masapul nga agbalin a maysaka a kasta a napudno a gayyem.
—Presidente Henry B. Eyring, “True Friends,” Ensign, Mayo 2002, 29