Tāmau noa i te haere i mua

E turuhia ’outou i roto i tā ’outou mau tauto’ora’a nō te pe’e i te Mesia ’a tupu ai ’outou i te rahi i roto i teie nā e maha tuha’a nā roto i te ’apora’a mai i te ’evanelia, te tāvinira’a ’e te mau ’ohipara’a, ’e te fa’ananeara’a iāna iho.

’Apora’a mai i te ’evanelia

E hōro’a mai te ’apora’a mai i te ’evanelia i te fare ’e i te fare purera’a ia ’outou i te hō’ē niu pae vārua nō te mau mea ato’a i roto i tō ’outou orara’a. ’A fa’a’ohipa ai ’outou i te mea tā ’outou i tuatāpapa, e ’ite mai ’outou i te mau rāve’a e nehenehe ai ’outou tāta’itahi e pe’e ia Iesu Mesia, e tō ’outou ’utuāfare ’aore rā ’e tā ’outou piha ’aore rā pupu.

hō’ē ta’ata i te tai’ora’a i te mau pāpa’ira’a mo’a

Tāvinira’a ’e te mau ’ohipara’a

’A ’āmui mai ai ’outou i roto i te tāvinira’a ’e te mau ’ohipara’a, e nehenehe ’outou e ’ārearea ’e tō ’outou ’utuāfare, te mau hoa, ’e te feiā fa’atere ’a ha’api’i mai ai ’outou i te mau ’aravihi, ’a fāri’i ai i te mau ’itera’a ’āpī ’e te tāvinira’a ia vetahi ’ē. E nehenehe ato’a ’outou e tāvini nā roto i te ’āmuira’a mai i roto i te mau ’ōro’a mo’a. ’Ua niuhia te tāvinira’a ’e te mau ’ohipara’a i ni’a i te Luka 2:52 ’e tei roto i te mau ’ohipara’a o te hepetoma ’oia ato’a te mau ’ohipara’a nō e rave rahi mahana nā te feiā ’āpī, mai te mau pūhapara’a, te mau tere i te hiero, ’e te mau ’āmuira’a nō te Pūai o te Feiā ’Āpī (JSF).

feiā ’āpī e rave ra i te ’ohipa tāvinira’a

Tupura’a o te ta’ata iho

E nehenehe ’outou e pe’e ia Iesu Mesia i roto i tō ’outou tupura’a o te ta’ata iho ’a ’imi ai ’outou i te heheura’a e nāhea ’outou ’ia tupu i te rahi i roto i te mau tuha’a ato’a o tō ’outou orara’a. E mā’iti ’outou i te mea ’o tā ’outou e ’ohipa atu ’e e nehenehe ’outou e fāri’i i te tauturu a tō ’outou ’utuāfare, tō ’outou ’āpiti ’e tō ’outou feiā fa’atere.

vahine ’e te tāne e horo ’āpipiti ra