Hi’ora’a ātea

Nō te ha’apūai i tō ’outou fa’aro’o ia Iesu Mesia ’e nō te tauturu ia ’outou ’e tō ’outou ’utuāfare ’ia haere i mua i ni’a te ’ē’a nō te fafaura’a, ’a fārerei ai ’outou i te mau tāmatara’a o te orara’a.

’Imi i te heheura’a

E nehenehe ʼoutou e ’apo mai nō ʼoutou iho—i teie iho ā taime o tō ʼoutou fāito matahiti—e nāhea ʼia fāriʼi i te heheuraʼa nō ʼoutou iho. ʼE ʼaore roa e mea e faʼatupu i te hōʼē ta’a-’ē-ra’a rahi i roto i tō ʼoutou oraraʼa hau atu i te reira !

—Peresideni Russell M. Nelson, « Hope of Israel », purera’a nā te ao nei nā te feiā ’āpī, 3 nō Tiunu 2018, hau atu nō te New Era ’e te Ensign, 2, ChurchofJesusChrist.org

Fa’a’ohipa i te ti’amāra’a

Nā te hina’aro e tītau i tā tātou mau ’ōpuara’a matameha’i, nā te mau ’ōpuara’a matameha’i e hāmani i tā tātou mau mā’itira’a, ’e nā te mau mā’itira’a e fa’ata’a i tā tātou mau ’ohipa. Nā te mau hina’aro ’o tā tātou e fa’a’ohipa e fa’ata’a i tō tātou tauira’a, tō tātou fa’atupura’a ’e tō tātou rirora’a mai.

—Peresideni Dallin H. Oaks, « Te Hina’aro », Ensign ’aore rā Liahona, Mē 2011, 42

Patu i te mau aura’a

E hina’aro tātou pā’āto’a i te mau hoa mau nō te here ia tātou, nō te fa’aro’o ia tātou, nō te fa’a’ite ia tātou i te ’ē’a, ’e nō te fa’a’ite pāpū i te parau mau ia tātou ’ia ti’a ia tātou ’ia tāpe’a noa mai i te hoara’a o te Vārua Maita’i. E ti’a ia ’outou ’ia riro ’ei hoa mau.

—Peresideni Henry B. Eyring, « True Friends », Ensign, Mē 2002, 29