Patuloy na Sumulong

Susuportahan kayo sa inyong mga pagsisikap na sundin si Cristo habang umuunlad kayo sa apat na aspetong ito sa pamamagitan ng pag-aaral ng ebanghelyo, paglilingkod at mga aktibidad, at personal na pag-unlad.

Pag-aaral ng Ebanghelyo

Ang pag-aaral ng ebanghelyo sa tahanan at sa simbahan ay nagbibigay sa inyo ng espirituwal na pundasyon sa lahat ng bagay sa inyong buhay. Kapag ipinamumuhay ninyo ang inyong pinag-aaralan, maaaring makatuklas kayo ng mga paraan para masunod ninyo si Jesucristo nang mag-isa, kasama ang inyong pamilya, o kasama ang inyong klase o korum.

Paglilingkod at mga Aktibidad

Sa paglahok ninyo sa paglilingkod at mga aktibidad, maaari kayong maging masaya kasama ang inyong pamilya, mga kaibigan, at mga lider habang natututo ng mga kasanayan, nagkakaroon ng mga bagong karanasan, at naglilingkod sa iba. Maaari rin kayong maglingkod sa pamamagitan ng pakikibahagi sa mga sagradong ordenansa. Ang paglilingkod at mga aktibidad ay batay sa Lucas 2:52 at kabilang dito ang mga aktibidad sa karaniwang araw pati na rin ang ilang araw na mga aktibidad para sa mga kabataan, tulad ng mga camp, temple trip, at For the Strength of Youth (FSY) at mga youth conference.

Personal na Pag-unlad

Masusundan ninyo si Jesucristo sa inyong personal na pag-unlad kapag naghahangad kayo ng paghahayag tungkol sa paraan kung paano kayo lalago sa lahat ng aspeto ng inyong buhay. Pipili kayo ng gagawin ninyo at maaari kayong humingi ng tulong mula sa pamilya, mga kaibigan, at mga lider.