Visen

Blong mekem fet blong yu long Jisas Kraes i kam strong moa, mo blong helpem yu mo famli blong yu blong progres folem kavenan rod ia taem yu stap fesem ol jalenj blong laef.

Lukaotem Revelesen blong Yuwan

Yu save lan blong yuwan—naoia, long yia ia we yu gat—olsem wanem blong kasem revelesen blong yuwan. !Mo i no gat wan samting moa we i bigwan we bae i mekem samting i defren insaed long laef blong yu bitim hemia!

—Presiden Russell M. Nelson,“Hope of Israel,” wol yut divosen 3 Jun 2018, oli ademap i go long New Era mo Ensign,2, ChurchofJesusChrist.org

Praktis blong Yusum Fridom blong Mekem Joes

Wanem we yumi wantem, i talemaot wanem bae i kam faswan insaed long laef blong yumi, ol samting we yumi putum oli kam faswan insaed long laef blong yumi, oli disaed long wanem joes bae yumi mekem, mo ol joes blong yumi oli talemaot stret ol aksen blong yumi. Ol tingting blong hat blong yumi, we yumi stap tekem aksen folem, oli talemaot stret olsem wanem nao bae yumi jenis, wanem bae yumi mekem i kamtru, mo huia bae yumi kam.

—Presiden Dallin H. Oaks, “Desire,” Ensign or Liahona, May 2011, 42

Bildimap Ol Rilesensip

Yumi evriwan i nidim ol tru fren blong oli lavem yumi, blong oli lisin long yumi, blong oli soem yumi rod blong folem, mo blong testifae trutok long yumi blong mekem se yumi holemtaet kampani blong Tabu Spirit i stap wetem yumi. Yu yu mas stap wan tru fren olsem.

—Presiden Henry B. Eyring, “True Friends,” Ensign, May 2002, 29