iTukutuku mai na Mataveiliutaki Taumada

Kemuni na taciqu kei na ganequ lomani,

O ira na gone kei na itabagone e Na Lotu i Jisu Karisito ni Yalododonu Edaidai era sa luvena tagane kei na luvena yalewa na Kalou. Era sa rawa ni vakavuna e dua na kaukauwa e cecere sara e vuravura.

Na ivakavuvuli e vakavulici ena sasaga oqo vei ira na gone kei na itabagone sa matataka e dua na sala cecere, savasava mera vakauqeti na itabatamata era tubu cake tiko me ra muri Jisu Karisito ka bulataka na Nona kosipeli ena veitiki kece ni nodra bula. Na sasaga levu oqo ena oka kina na vulici ni kosipeli, na madigi ni veiqaravi, torocake yadudua, kei na taleitaki ni itaviqaravi. Na sasaga oqo e tekivu mai vale. Sa tu vei ira na itubutubu e dua na ilesilesi tabu mera vakavulici ira na luvedra ena rarama kei na dina. Era sa veitokoni ka veidusimaki yaga tiko na iliuliu ni Lotu vei ira na gone, itabagone, kei na nodra matavuvale.

Keimami lomani kemuni! Keimami sa nuitaki kemuni tiko. Keimami sa yalataka ni na tomana voli na Tamada Vakalomalagi me vakalougatataka ka tokoni kemuni ena nomuni liutaka ka dusimaki ira na Luvena ena vakabauta.

Na Mataveiliutaki Taumada kei na Kuoramu ni iApositolo Le Tinikarua

Raivotu

Me vaqaqacotaki na nodra vakabauti Jisu Karisito o ira na itabatamata era tubu cake tiko mai, ka ra vukei na gone, itabagone, kei na nodra matavuvale mera na toso ki liu ena sala ni veiyalayalati ni ra sotava tiko na veibolebole ni bula.