Ennaan eo jān Būreejtōnji eo Kein Kajuon

Ro jeiū im jatū rejitōn bōro,

Ajri ro im jodikdik ro ilo Kabun̄ eo an Jisōs Kraist im Armej ro Rekwojarjar ilo Raan ko Āliktata rej ļaddik ro im leddik ro nejin Anij rejitōn bōro. Ewōr ippāer maron̄ eo n̄an kōṃṃan oktak ko reļļap ioon laļ in.

Pedped in katak ko kar katakin ilo kijejeto in ñan ajri ro im jodikdik ro ej jutak kōn juon wāween eutiejļo̧k, ekwojarjarļo̧k n̄an kōketak diktak in epepen eo n̄an ļoor Jisōs Kraist im kōjerbal gospel eo An ilo aolep eria ko an mour ko aer. Kijejeto in eļap enaaj kitbuuj ekkatak gospel eo, maron̄ eo kōn jerbal in jipan̄, eddōkļo̧k eo an juon make, im m̧akūtkūt ko rekam̧ōņōņō. Kijejeto in ej ijjino ilo m̧weo. Ro jinen im jemān ewōr juon aer eddo ekwojarjar n̄an kōkaajririik ro nejier ilo meram im m̧ool. Ritōl ro an Kabun̄ in rej letok rejtak eo eaorōk im unin tōl eo n̄an ajri ro, jodikdik ro, im baaṃle ko aer.

Kōmij iakwe kom̧. Ewōr am lōke ilo kom̧. Kōmij kalliṃur bwe Jemedwōj Ilan̄ enaaj wōnṃaanļo̧k wōt n̄an kōjeraaṃṃan im rejtake kom̧ ilo ami tōl im jineete ajri ro Nejin ilo tōmak.

Būreejtōnji eo Kein Kajuon im Doulul eo an Rijilōk ro Jon̄oulruo

Visōn

Kōkajoorļo̧k tōmak eo an diktak in epepen eo ilo Jisōs Kraist, im jipan̄ ajri ro, jodikdik ro, im baam̧le ko aer eddōkļo̧k ilo iaļ in bujen eo ilo aer ioon apan̄ ko an mour.