“Kadkad in,” Ajri ro im Jodikdik ro ilo Kabun̄ eo an Jisōs Kraist im Armej ro Rekwojarjar ilo Raan ko Āliktata: Juon Unin Tōl in Kōmeļeļe n̄an ro Jinen im Jemān im Ritōl ro (2019)

“Kadkad in”

Kadkad in

Jerbal ippān doon, ro jinen im jemān im ritōl ro rej jipan̄ ajri ro im jodikdik ro kaṃwilaļḷo̧k oktak eo aer, erom rikaļoor ro an Irooj Jisos Kraist rerreo, im erom em̧m̧aan ro im kōrā ro an rem̧ool kōn:

Ekkatak gospel eo me ej im̧we kallim̧ur eo an juon make.
Jerbal in jipan̄ im m̧akūtkūt ko me ej kalōk ānbwin im jetōb.
Eddōkļo̧k eo an juon make me ej kwaļo̧k kūrm̧ool an eddōkļo̧k.

Unin tōl in pedped in katak ko im aolep jerbal ko rej kwaļo̧ki ilo bok jidikdik in repidodo oņaaki. Ejjeļo̧k juon wāween ejim̧we n̄an kōjerbali. Jet ļōmņak im waanjon̄ak ko rej pād ilo online ilo ChildrenandYouth.ChurchofJesusChrist.org. Pukōt im̧we n̄an jeļā ta eo em̧m̧antata n̄an er kajjojo (lale “Adjust and Adapt”).

Diktak in Epepen eo

Rikanaan ro rekar ba bwe epepen in an ajri ro im jodikdik ro ej ilubwilijin ko rem̧m̧antata Irooj ekar jilkintok n̄an laļ in (lale Russell M. Nelson, “Hope of Israel,” worldwide youth devotional, June 3, 2018, 16). Ewōr ippāer maron̄ eo n̄an kōṃṃane juon oktak eļap ioon laļ in. Em̧ōj kar kūr er n̄an jipan̄ aiintok Israel ioon rejet ko jim̧or an rōn̄ōl in nuknuk eo. Juon jekjek eutiejļo̧k, ekwojarjarļo̧k ej aikuj n̄an kea kōn im jerbal in karejar n̄an er. Jekjek in enaaj jipan̄ ajri ro im jodikdik ro:

Jeļā paotok eo im jibadbad eo aer indeeo.
Kam̧wilaļļo̧k oktak eo aer n̄an Jisōs Kraist, bōk gospel eo An n̄an ilowaan būruweer im im̧we er n̄an kāālet n̄an ļoor E.
Kakūrm̧ool eddo ko an Priesthood eo an Aron.
Bōk kuņaer ippān doon ilo jerbal in lo̧mo̧o̧r eo.
Eddōkļo̧k an juon make kōn rejtak an jinen im jemān im jipan̄ an ritōl ro n̄e emenin aikuj.
Erreo n̄an pād ilo tampeļ im bōk lan̄lōn̄ indeeo ioon iaļ in bujen eo.

Ilo an ajri ro im jodikdik ro bōk revelesōn n̄an mour ko aer, kalōk jemjerā ko ilo gospel eo, im kōjerbal anemkwoj in kāālet eo ilo aer rūttoļo̧k, renaaj jeraam̧m̧an ilo kadedeļo̧k jibadbad kein.

Kajjieon̄ n̄an Ļoor Rilo̧mo̧o̧r eo

Ilo iien jodikdik eo An, Jisos ekar aikuj in ekkatak paotok kwojarjar im mijen eo An, ejja āinwōt an kajjojo ajri nejin Anij aikuj kōm̧m̧ane. Eaar “ļapļo̧k ilo An mālōtlōt im rūtto, im ilo jouj ippān armej im Anij” (Luk 2:52). Eaar rūttoļo̧k ilo juon wāween ejjukun wōt juon, im kōn menin aolep ajri im jodikdik ro remaron̄.

Jipan̄ ajri ro im jodikdik ro bōktok Rilo̧mo̧o̧r eo n̄an aolep jekjek ko an mour ko aer—ejjab wōt ilo Jabōt. Ilo aer kajjieon̄ n̄an kōm̧m̧an bwe Jisōs Kraist en ioļapļap in mour ko aer, kallim̧ur ko An n̄an jilkintok Jetōb Kwojarjar eo n̄an an aer rikaenōm̧m̧an im tōl.

Ilo jejjōt, ļoor Rilo̧mo̧o̧r eo ej ijjino ilo m̧ōko. Ritōl ro an Kabun̄ in remaron̄ leļo̧k rejtak eo eaorōk n̄an kajjojo im baam̧le ko.

Rejtak jān Kabun̄

Ro jinen im jemān rej karōk jeļā ko im bwebwanto ko an baam̧le eo n̄an katakin gospel an Jisōs Kraist im tōpar aikuj ko rejej uwaer an kajjojo ajri. Menin ej waļo̧k ilo an baam̧le eo jerbal im ikkure ippān doon ilo wāween ko me rej katakin kapāāl ko remenin aikuj, kōkajoorļo̧k m̧wil, im letok iien ko rem̧m̧an n̄an eddōkļo̧k.

Kōketak Eddōkļo̧k

Jar kōn tōl. Jemedwoj Ilan̄ ejeļā kajjien ajri ro nejūm̧ im naaj jipan̄ kwe katakin er.
Jipan̄ ajri ro nejūm̧ pukōt im kile kareel eo an Jetōb Kwojarjar.
Kwaļo̧k iakwe im kōmakijkij nōbar ajri ro nejūm̧ ilo kijejeto ko aer n̄an kōm̧m̧an em̧m̧an im n̄an piktok ko āinwōt an Kraist kwoj loi ilo er.
Kappukōt iien ko rem̧m̧an n̄an jerbal n̄an ro jet āinwōt juon baam̧le.

Leļo̧k Tōl

Jipan̄ ajri ro nejūm̧ lo ekōjkan aer maron̄ kōjerbal gospel eo ilo aolep eria ko ilo mour ko aer.
Tōl ajri ro nejūm̧ im kōketak er n̄an kōm̧m̧ani kōttōpar ko im karōk ko aer make.
Jipan̄ er wanlōn̄tak kōn uwaak ko aer make n̄an jorrāān ko.
Leļo̧k rejtak, jipan̄, im kōketak ilo aer kōm̧m̧ane menin.

Kōnono ippān Ritōl ro

Ekōnono ippān ritōl ro n̄an ļōmake ekōjkan aer maron̄ rejtake ajri ro nejūm̧ ilo em̧m̧an tata. Kanooj kōjparok n̄an jab kakkure jabdewōt lōke ko ippān ajri ro nejūm ak kajook er.

Rejtak jān Kabun̄

pija ej bōk jikin jerbal in jipan̄ im m̧akūtkūt ko

Jerbal eo an Kabun̄ in ekoba katakin gospel eo an Jisōs Kraist, letok kain̄i ko, im rejtake m̧weo. Ritōl im rūkaki ro rej rejtake ro jinen im jemān jān ejaki jemjerā ko rekajoor, rōketak ippān ajri ro im jodikdik ro rej jerbal n̄an er.

Kōnono ippān ro Jinen im Jemān

Leto letak meļeļe ilo jekjek eo imminene kake ippān ro jinen im jemān n̄an pukōt ekōjkan rejtake ajri ro nejier. Kwaļo̧k kajoor ko kwoj kili.
Kajjitōk ta eo rej kōjatdikdik ajri ro nejier renaaj en̄jake im ekkatak ilo doulul ko an Priesthood eo an Aron, ilo kūlaaj ko an Doulul eo an Jiron̄ ro, im ilo m̧akūtkūt ko.

N̄e ro jinen im jemān rejjab membōr ro reniknik ilo Kabun̄ in:

Kōmeļeļeik ro jinen im jemān kōn kijejeto in n̄an rejtake ajri ro im jodikdik ro, im kajjitōk eļan̄n̄e im ekōjkan aer kōņaan bwe ajri ro nejier ren bōk kūņaer.
Kajjitōk ippān ajri ro ak jodikdik ro ta kain rejtake eo rej kōņaan.
Kōnono ippān ward ko̧o̧njeļ eo kōn ekōjkan n̄an kobaiktok ro jinen im jemān jon̄an wōt eo emaron̄.

Rejtake Ajri ro im Jodikdik ro

Jipan̄ ajri ro im jodikdik ro n̄an kile kareel eo an Jetōb Kwojarjar.
Kajjitōk ippāer ta eo rej kōņaan n̄an ekkatak im en̄jake ilo doulul ko im kūlaaj ko im ilo m̧akūtkūt ko.
Rōjan̄ er n̄an bōk m̧aan ilo karōk im kōjeikik m̧akūtkūt ko.
Rejtake rikabwijer ro an Priesthood eo an Aron ilo kakūrm̧ool eddo ko an doulul eo.

Ekkatak Gospel

Ilo M̧weo

Ekkatak jeje ko rekwojarjar im jar an juon make im baam̧le eo enaaj jipan̄ ajri ro im jodikdik ro en̄jake im kile kareel eo an Jetōb Kwojarjar im ekkatak n̄an iakwe Rilo̧mo̧o̧r eo. Kajjojo armej im baam̧le ko rej kōketak er n̄an kōjerbal Itok, Ļoor Eō—N̄an Kajjojo Armej im Baam̧le ko in naan ko an rikanaan ro remour n̄an ekkatak gospel eo an Jisōs Kraist.

Ilo Kabun̄ eo

Ajri ro im jodikdik ro rej ippān doon n̄an ekkatak gospel eo an Jisōs Kraist. Ajri ro rej ekkatak gospel kōn naan in kōmeļeļe ilo kūlaaj eo im iien al eo an Būraimere. Jodikdik ro rej ekkatak katak ko ilo kūlaaj ko im doulul ko. Ajri ro im jodikdik ro rej kajjitōk ippāer n̄an kwaļo̧k ta eo rej ekkatak ilo m̧weo im n̄an kōjerbal gospel eo ilo mour ko aer.

Jerbal in Jipan̄ im M̧akūtkūt ko

Ilo M̧weo

Jerbal in jipan̄ im m̧akūtkūt ko rej ejaake imminene ko aolep raan rejim̧we, kalōk jemjerā ko an baam̧le, katakin kapeel ko an mour, kōļapļo̧k piktok ko āinwōt an Kraist, im jipan̄ ajri ro im jodikdik ro eddōkļo̧k. Jerbal in jipan̄ im m̧akūtkūt ko an baam̧le remaron̄ pedped ioon aikuj ko an kajjojo im baam̧le im leļo̧k iien ko rem̧m̧an n̄an kōjerbal pedped in katak ko an gospel eo ilo en̄jake ko aolep raan.

Ilo Kabun̄ eo

Jerbal in jipan̄—ekoba an rikabwijer ro an Priesthood eo an Aron kōm̧m̧ane kain̄i in kwojkwoj eo—im m̧akūtkūt ko iien otemjeļo̧k rej letok iien ko rem̧m̧an n̄an ain doon, ekkatak kapeel ko rekāāl, kadedeļo̧k jerbal ko reppen, im kalōk jemjerā ko pedped ioon-gospel eo ippān ro m̧ōttaer im ritōl ro. Iien kein rem̧m̧an rejipan̄ ajri ro im jodikdik ro eddōkļo̧k ilo jetōb, ikitōltōl, ilo ānbwin, im mālōtlōt im rej letok jerbal in jipan̄ ko eļap meļeļeier n̄an ro jet. JustServe (JustServe.org) ej juon kein jipan̄ eaorōk n̄an iien ko rem̧m̧an an jerbal in jipan̄ an jukjuk in pād.

M̧akūtkūt ko an elōn̄ raan n̄an jodikdik ro ekoba N̄an Kōkajoorļo̧k Jodikdik ro (For the Strength of Youth) (N̄KJ/FSY) kweilo̧k ko reļļap, kweilo̧k ko reļļap an jodikdik ro, kāām ko, im ippān doon ko jet. M̧akūtkūt kein remaron̄ jipan̄ kōkajoorļo̧k ikdeelel eo aer n̄an ļoor Rilo̧mo̧o̧r eo, kūnōōr er jān imminene ko aer iien otemjej, im jipan̄ er lo bwe rej m̧ōttan juon kumi in jodikdik ro eļapļo̧k me rej kwaļo̧k kōttōpar ko rejim̧we.

Eddōkļo̧k an Juon Make

Ilo M̧weo

Ajri ro im jodikdik ro kar kāālet ta eo remaron̄ kōm̧m̧ane n̄an eddōkļo̧k im ekkatak n̄an ļoor Rilo̧mo̧o̧r eo. Ro jinen im jemān remaron̄ jipan̄ er kile ekōjkan aer eddōkļo̧k kadede im ia eo remaron̄ aikuj in em̧m̧anļo̧k ie. Aolep m̧akūtkūt ko, ekoba m̧ōn jar, jikuuļ, jemjerā ko, ikkure ko, jin̄n̄a ko, jerbal, im itok limo ko jet an kajjojo remaron̄ jipan̄ ajri ro im jodikdik ro ļoor Jisōs Kraist.

Ilo Kabun̄ eo

Ritōl ro rej iakwe im jerbal n̄an kajjojo ajri im jodikdik im erom jeļā kōn aikuj ko im itok limo ko aer. Kōn jemjerā ko rem̧m̧an, ritōl ro remaron̄ letok juon kareel eo ejej uwaan im kareel eo ekajoor n̄an rejtak im kōketak ajri ro im jodikdik ro ilo jerbal in jipan̄ eo im eddōkļo̧k eo aer make.

Ukukōt im bōk

Kajjojo armej, baam̧le, im jarlepju ejej uwaan. Ta jerbal ko rem̧m̧an tata n̄an juon emaron̄ jab jerbal n̄an bar juon. Kōm̧m̧ane ta eo ej jerbal n̄an baam̧le eo am̧, kūlaaj eo, doulul eo, ak ward eo. Ekōnono kōn iien ko rem̧m̧an im n̄ūrbōktak ko am̧, im pukōt revelesōn eo kōn ekōjkan am̧ kōm̧adm̧ōde ijjino in n̄an jipan̄ kajjojo ajri im jodikdik tōpar kōjatdikdik eo aer ekwojarjar.

N̄an waanjon̄ak, ajri ro im jodikdik ro renaaj lukkuun in lo ekōjkan aer kepaak eddōkļo̧k eo aer make: jekjek eo, oran, im emakijkij kōn kōttōpar ko, barāinwōt ewi jon̄an rejtak eo rej aikuji, aikuj in ļōmake kajjojo. Kūlaaj ko im doulul ko rej barāinwōt okoktak n̄an tōpar aikuj ko. Ilo kakobaba, jekjek eo im emakijkij eo an m̧akūtkūt ko remaron̄ in lukkuun ekkar n̄an jekjek ko ijo jokwe ie.

Kapidodoik wōt. Kōm̧m̧ane ta eo ejerbal

Kōllowetak im Kile

Kōllowetak

Ajri ro im jodikdik ro renaaj make ellowetak ilo aer en̄jake iakwe, eddōkļo̧k, em̧m̧anļo̧k, im en̄jake Jetōb Kwojarjar ilo mour ko aer. N̄e oktak eo im eddōkļo̧k eo reppen n̄an er, kōketak er n̄an kappukōt wāween ko n̄an anjo̧ ioon apan̄ ko ak ukukōt karōk ko aer. Jemjerā ko rekajoor im lōke ippān ro jinen im jemān, ritōl ro, im ro m̧ōttāer remaron̄ leļo̧k n̄an er kajoor eo n̄an kajjieon̄ wōt.

Kile

Ilo an ajri ro im jodikdik ro eddōkļo̧k, nōbar kijejeto ko aer im kōketak er. Leļo̧k n̄an er iien ko rem̧m̧an n̄an kwaļo̧k ta eo rej ekkatak, im kōjeraam̧m̧an eddōkļo̧k eo aer. Ilo kakobaba, aolep ajri ro im jodikdik ro remaron̄ bōk aitem ko āinwōt juon riin̄ ak matōļ n̄an kakeememej er bwe rej m̧ōttan juon kumi ilo aolepān laļ in rej kajjieon̄ n̄an ļoor Jisōs Kraist. Ilo an ajri ro im jodikdik ro kakūrm̧ool kōttōpar ko ilo jetōb, ippān doon, ānbwin, im jelāļo̧kjen, remaron̄ bōk elōn̄ļo̧k nōbar ko.