Ang self-reliance gitino isip “ang abilidad, pasalig, ug paningkamot sa pagsangkap sa espiritwal ug temporal nga mga kinahanglanon sa kinabuhi alang sa kaugalingon ug sa pamilya. Samtang ang mga miyembro mahimong mas self-reliant, sila usab mas makahimo sa pagserbisyo ug pag-atiman sa uban” (Handbook 2, 6.1.1). Tulo ka mahinungdanong mga pagtulun-an ang makatabang kanato aron masabtan kon unsaon sa pagpakabuhi nga self-reliant:
Una, ang self-reliance usa ka mahinungdanong sugo diha sa plano sa kaluwasan. Si Presidente Spencer W. Kimball nagtudlo: “Ang Simbahan ug ang mga miyembro niini gisugo sa Ginoo nga mahimong mapaningkamuton sa kaugalingon ug dili magsalig. (Tan-awa sa DP 78:13–14.) Ang responsibilidad sa sosyal, emosyonal, espiritwal, pisikal, o ekonomikanhong pagkabutang sa kada tawo mag-una diha sa iyang kaugalingon mismo, ikaduha diha sa iyang pamilya, ug ikatulo diha sa Simbahan kon matinud-anon siya nga miyembro” (Mga Pagtulun-an sa mga Presidente sa Simbahan: Spencer W. Kimball [2006], 146).
Ikaduha, ang Dios makahimo sa pag-andam ug paghatag og paagi aron ang matarung Niyang mga anak mahimong self-reliant. “Ug mao kini ang akong katuyoan sa paghatag sa akong mga santos, kay ang tanan nga mga butang akò” (DP 104:15).
Ikatulo, ang tanang butang, lakip na ang temporal nga mga kabalaka, espirituhanong mga butang ngadto sa Dios (tan-awa sa DP 29:34). Samtang mopasalig kita nga mas hingpit nga mosunod sa ebanghelyo, mahimo kitang mas self-reliant sa temporal ug espiritwal nga paagi. Si Presidente Dieter F. Uchtdorf nagtudlo: “Ang duha ka dagkong mga sugo—ang paghigugma sa Dios ug sa atong silingan—gihiusa sa temporal ug espiritwal. … Sama sa duha ka bahin sa sinsilyo, ang temporal ug espiritwal dili mabulag” (Dieter F. Uchtdorf, “Pagsangkap pinaagi sa Pamaagi sa Ginoo,” Liahona, Nob. 2011, 53).
Ang ubang mga baruganan sa ebanghelyo nga makatabang kanato nga mahimong mas self-reliant naglakip sa pagpalambo sa pagtuo diha sa Langitnong Amahan ug kang Jesukristo, pagkahimong mas masulundon, paghinulsol sa atong mga sayop, matarung nga paggamit sa atong kabubut-on, ug pagserbisyo sa uban. Alang sa dugang nga impormasyon, tan-awa ngadto sa booklet nga My Foundation for Self-Reliance [Ang Akong Pundasyon alang sa Kaugalingon nga Pagpaningkamot].
Imahe
Presidente Thomas S. Monson
“Ang pagka-self-reliant maoy resulta sa atong pagtrabaho ug nagsuporta sa tanang mga buhat sa welfare. … ‘Atong trabahoan kon unsay atong panginahanglan. Mag-self-reliant kita ug mobarug sa kaugalingon. Ang kaluwasan dili maangkon pinaagi sa lain nga baruganan.’”
Thomas S. Monson (nagkutlo ni Marion G. Romney), “Guiding Principles of Personal and Family Welfare,” Ensign, Sept. 1986, 3
Ang Inisyatibo sa Self-Reliance Pagadumalaon sa Lider sa Priesthood
Ang mga stake sa Zion mga dapit sa kasiguroan nga manalipod sa tanang mosulod. Ang katuyoan sa stake mao ang mahimong “usa ka panalipod, ug … usa ka dangpanan gikan sa unos, ug gikan sa kaligutgut sa diha nga kini ibu-bu … diha sa tibuok yuta” (DP 115:6). Ang mga stake mao ang mga dapit nga kapundukan diin ang mga miyembro sa Simbahan makaserbisyo ug makapalig-on sa usag usa, magkahiusa, ug makadawat sa mga ordinansa sa priesthood ug mga instruksyon sa ebanghelyo (Handbook 1, pasiuna).
Ang Ginoo miingon sa mga lider sa priesthood, “Ako mihatag nganha kaninyo … sa mga yawe … alang sa buluhaton sa pangalagad ug sa kahingpitan sa akong mga santos” (DP 124:143). Si Presidente Dieter F. Uchtdorf nagtudlo: “Ang pamaagi sa Ginoo sa pagbarug sa kaugalingon naglakip sa balanse nga paagi sa daghang mga aspeto sa kinabuhi, lakip ang edukasyon, panglawas, panarbaho, panalapi sa pamilya, ug espirituhanong kalig-on. … Buot ipasabut nga, sa dakong bahin, inyo kining hunahunaon og maayo sa inyong kaugalingon. Matag pamilya, matag kongregasyon, matag dapit sa kalibutan managlahi” (“Pagsangkap pinaagi sa Pamaagi sa Ginoo,” Liahona, Nob. 2011, 55).
Ang inisyatibo sa self-reliance usa ka himan nga magamit sa mga stake president ug sa mga bishop aron sa pagtabang uban sa ilang balaanong responsibilidad sa pag-atiman sa kabus ug niadtong nanginahanglan.
Imahe
Presidente Harold B. Lee
“Walay bag-ong organisasyon nga gikinahanglan aron sa pag-atiman sa mga panginahanglan niini nga katawhan. Ang gikinahanglan lamang mao ang pagpalihok sa priesthood sa Dios.”
Harold B. Lee, “Admonitions for the Priesthood of God,” Ensign, Ene. 1973, 104
Stake Self-Reliance Committee
Aron makasabut ug makatubag sa mga panginahanglan sa self-reliance sa ilang stake, ang stake presidency mahimong moorganisar og stake self-reliance committee isip kabahin sa stake council. Ang stake self-reliance committee pangulohan sa usa ka sakop sa stake presidency ug kanunay nga magkita aron magribyu ug magplano alang sa mga panginahanglan sa self-reliance sa stake. Ang mga stake self-reliance committee giawhag nga makigtambayayong sa bishops’ welfare council sa pag-assess ug pagtubag niadtong mga panginahanglan.
Ang stake self-reliance committee sa kasagaran maglakip sa usa ka sakop sa high council, usa ka sakop sa stake Relief Society presidency, chairman sa bishops’ welfare council, ug ni bisan kinsa nga gitawag nga mga stake self-reliance specialist. Ang ubang mga sakop sa committee mahimong maglakip sa mga sakop sa mga presidency sa stake Young Men ug Young Women, dugang nga mga stake specialist, ug mga misyonaryo.
Tahas sa Self-Reliance Committee
Sa pagribyu ug pagplano alang sa mga panginahanglan sa mga indibidwal ug mga pamilya diha sa stake, ang committee mokonsiderar sa mosunod:
Pagtudlo sa mga bishop ug mga ward council mahitungod sa doktrina sa self-reliance ug pagsuporta kanila sa ilang mga katungdanan.
Pagpalambo og yano nga plano sa pagsuporta sa mga bishop ug pagsangkap alang sa mga panginahanglan sa self-reliance sa stake. I-refer ngadto sa “Mga Pangutana nga Ikonsiderar sa mga Committee” diha sa katapusan niining giya sa lider.
Pagtanyag og regular nga mga debosyonal sa self-reliance ug pag-organisar og mga grupo sa self-reliance.
Paghatag og padayon nga training ngadto sa mga facilitator kon gikinahanglan.
Pagbisita panagsa og mga miting sa grupo sa self-reliance ug pagpakigbahin og feedback mahitungod sa pag-uswag sa miyembro ngadto sa mga bishop ug mga ward council.
Pagtigum ug pagpahibalo bahin sa lokal nga mga kapanguhaan nga anaa sa komunidad ug gikan sa Simbahan. Ang mga kapanguhaan mahimong maglakip sa ngalan sa mga tawo nga makatabang, mga programa sa gobyerno, mga oportunidad sa panarbaho, ubp. Ang lokal nga manager Self-Reliance Services makahatag usab og giya sa paagi sa pagtigum ug pagpakigbahin sa mga kapanguhaan sa komunidad.
Imahe
tahas sa committee sa self-reliance
Imahe
Presidente Joseph F. Smith
“Kini kanunay gayud nga usa ka kinahanglanong pagtulun-an sa mga Santos sa Ulahing mga Adlaw, nga ang relihiyon nga walay gahum sa pagluwas sa katawhan sa temporal nga paagi ug mohimo kanila nga magmalambuon ug malipayon dinhi, dili mahimong saligan aron sa pagluwas kanila sa espirituhanong paagi, aron sa paghimaya kanila sa umaabut nga kinabuhi.”
Presidente Joseph F. Smith, Mga Pagtulun-an sa mga Presidente sa Simbahan: Joseph F. Smith (2011), 200
Stake Self-Reliance Specialist
Ang usa ka sister, brother, o managtiayon mahimong moserbisyo isip stake (o district) self-reliance specialist. Sa pakigtambayayong og maayo kauban sa mga sakop sa committee, ang specialist modumala sa mga buluhaton ug mga kalihokan sa self-reliance sa sulod sa stake. Ang mga stake specialist magsilbi isip kapanguhaan sa mga bishop ug sa ubang mga lider sa ward (Handbook 2, 6.3.3) ug mahimong motabang sa mga miyembro nga dunay mga panginahanglan sama sa edukasyon, training, mga pinansyal sa pamilya, ug sa Perpetual Education Fund kon anaa (Handbook 2, 6.2.5). Ang bishop mahimo usab nga motawag og mga self-reliance specialist sa ward (o branch) kon gikinahanglan.
Ang mga responsibilidad sa specialist mahimong maglakip sa mosunod:
Mo-train ug motabang sa mga bishop ug ward council sigun sa gihangyo.
Makigtambayayong sa stake self-reliance committee sa pag-coordinate og mga debosyonal ug pag-organisar og mga grupo.
Mohatag og training ngadto sa grupo sa mga facilitator sa self-reliance, gamit ang Facilitating Groups for Self-Reliance nga booklet (anaa sa internet sa srs.lds.org/facilitator).
Mag-obserbar panagsa ug mosuporta sa mga grupo sa self-reliance.
Mopakigbahin sa mga kapanguhaan nga anaa sa komunidad ug sa Simbahan ngadto sa mga miyembro.
“Kabubut-on kini sa Dios nga kita mahimong gawasnon nga mga tawo aron makab-ot ang atong hingpit nga potensyal sa temporal ug sa espiritwal nga paagi, nga kita mahimong gawasnon sa makapaubos nga mga limitasyon sa kakabus ug sa pagkaulipon sa sala, aron atong matagamtam ang pagtahud sa kaugalingon ug pagka-independente, para kita maandam sa tanang butang nga mopuyo uban Kaniya sa Iyang celestial nga gingharian.”
Unsaon sa mga Miyembro nga Makakat-on ug Molihok aron Mahimong Self-Reliant
Magsugod kini sa mga bishopric ug sa mga ward council nga mainampoong mokonsiderar niadtong dunay mga hagit nga makabenepisyo sa dugang nga pagka-self-reliant. Kasagaran, ang personal nga imbitasyon ipadangat nga motambong og debosyonal (kon gitanyag) o direktang moapil og grupo sa self-reliance. Agig dugang, ikonsiderar ang pagdapit niadtong mahimong makapalig-on sa uban pinaagi sa ilang panahon ug mga talento sa pag-apil (tan-awa sa DP 82:18–19).
Ang mga Miyembro Magkita diha sa mga Grupo sa Self-Reliance
Ang Ginoo nagtudlo nga “diin duha o tulo nagpundok nga naghiusa diha sa akong ngalan, nga naghisgot sa usa ka butang, tan-awa, Ako anaa diha sa taliwala kanila” (DP 6:32). Ang mga grupo sa self-reliance mga council nga gamay ra, naanad nga molihok. Magkita sila aron sa pagtabang og ugmad sa mga kahanas ug pagtuo sa matag partisipante. Ang personal nga pagpadayag atol sa mga miting sa grupo mahimong moabut gikan sa daghang lain-lain nga tinubdan. Gawas sa mga manwal, ang matag partisipante dunay kahibalo, mga kasinatian, ug mga gasa nga makatabang sa uban nga makakat-on ug molambo.
Ang grupo kasagaran maglangkob og 8 ngadto sa 12 ka indibidwal ug magkita og mga duha ka oras matag semana sulod sa 12 ka semana.
Unsay Pagabuhaton sa mga Grupo
Parehong Doktrina ug mga Kahanas nga gikinahanglan sa Kinabuhi Gitudlo
Atol sa matag miting sa grupo, ang mga partisipante mogahin og panahon sa pagribyu sa doktrinal nga mga baruganan sa self-reliance, lakip na ang kaimportante sa mga ordinansa. Makakat-on usab sila og praktikal nga mga kahanas sama sa pagdumala sa personal nga panalapi, pagpangita og mas maayo nga trabaho, pagdugang og edukasyon, o pagsugod ug pagpalambo og gamay nga negosyo.
Ang mga Grupo Mohimo og mga Pasalig [Commitment] ug Moreport sa ilang Pag-uswag
Ang matag miting sa grupo magsugod pinaagi sa pagreport sa mga indibidwal ngadto sa grupo sa pag-uswag kalabut sa ilang mga commitment gikan sa miaging semana. Ang mga partisipante magtinambagay dayon aron matino ug mabuntog ang mga babag.
Ang mga grupo sa self-reliance motubag sa tulo ka butang nga giingon ni Presidente Gordon B. Hinckley nga gikinahanglan sa matag kinabig: “usa ka higala, usa ka responsibilidad, ug pag-amuma pinaagi sa ‘maayo nga pulong sa Dios’ (Moroni 6:4)” (“Converts and Young Men,” Ensign, Mayo 1997, 47; tan-awa usab sa Moroni 6:3–9).
Ang mga Partisipante Mopakigbahin sa ilang Nakat-unan ngadto sa mga Sakop sa Pamilya
Ang dakong bahin sa pagkat-on mahitabo sa gawas sa miting sa grupo samtang ang mga sakop motuman sa ilang mga commitment pinaagi sa pagpraktis og bag-ong mga kahanas. Ang mga partisipante giawhag sa pagpakigbahin sa unsay ilang nakat-unan ngadto sa mga sakop sa pamilya.
Ang mga Partisipante Molig-on sa Usag Usa Isip mga “Action Partner”
Ang mga partisipante gihangyo nga mosuporta ug molig-on sa laing sakop sa grupo matag semana. Kining mga “action partner” makatabang sa usag usa sa pagtuman sa ilang mga commitment pinaagi sa regular nga pagkontak ug pag-awhag.
Imahe
Presidente M. Russell Ballard
“Walay problema diha sa pamilya, ward, o stake nga dili nato masulbad kon kita mangita og mga solusyon sumala sa paagi sa Ginoo pinaagi sa pagtinambagay—tinuoray nga magtinambagay—sa usag usa.”
M. Russell Ballard, Counseling with Our Councils, rev. ed. (2012), 4
Ang mga Facilitator Modumala sa Sinemana nga mga Miting sa Grupo
Ang mga grupo sa self-reliance dili pangulohan sa usa ka magtutudlo apan dumalaon sa usa ka facilitator. Ang mga facilitator dili mag-lecture apan mosunod sa mga materyal nga tun-an ug modapit sa tanang sakop sa grupo sa pag-apil. Ang mga facilitator magmugna og kahimtang diin ang Espiritu Santo makatudlo sa mga partisipante sa “tanan nga mga butang nga kinahanglan [nilang] buhaton” (2 Nephi 32:5; tan-awa usab sa 2 Nephi 32:3).
Padayon nga Pag-uswag
Kon gikinahanglan, ang mga stake specialist, mga volunteer, o mga home ug visiting teacher mahimong ma-assign sa pag-follow up o pagtudlo sa indibidwal nga mga partisipante pinaagi sa pagtawag o sa personal. Ang stake self-reliance committee mahimo usab nga mopili panagsa sa pag-organisar og panagpundok sa grupo sa mga migradwar na sa self-reliance aron makapadayon ang mga partisipante sa panaghigalaay, pagpakigbahin og mga kasinatian, ug pagribyu sa mga baruganan gikan sa My Foundation for Self-Reliance [Ang Akong Pundasyon alang sa Kaugalingon nga Pagpaningkamot].
Kinsa ang Kinahanglang Moapil diha sa mga Grupo?
Ang mga miyembro sa mosunod nga mga sitwasyon mahimong makabenepisyo: mga nakadawat og halad sa puasa, ang walay trabaho o minus ra og kita sa trabaho, bag-o lang nga mga returned missionary, bag-ong mga kinabig, dili kaayo aktibo nga mga miyembro, ug mga nag-inusarang ginikanan.