Ang Simbahan dunay gi-empleyo nga mga tawo sa matag area aron sa pagtabang sa self-reliance nga paningkamot. Naglakip kini sa Self-Reliance Services manager ug laing kawani. Kining mga empleyado, kauban sa full-time nga mga senior missionary, makatabang sa pag-train sa stake self-reliance committee sa pag-organisar og mga debosyonal ug mga grupo sa self-reliance. Makatabang usab sila sa committee sa pagtino ug pagpakigbahin sa mga kapanguhaan sa lokal nga komunidad ug sa Simbahan.
Imahe
Presidente Marion G. Romney
“Kon wala ang pagka-self-reliant ang usa ka tawo dili makabansay niining kinaiyanhong mga tinguha sa pagserbisyo. Unsaon nato sa paghatag kon walay ikahatag? Ang pagkaon alang sa gigutom dili maggikan sa walay sulod nga mga estante. Ang kwarta aron sa pagtabang sa nanginahanglan dili maggikan sa walay sulod nga pitaka. Ang pagsuporta ug pagpasabut dili maggikan sa mga tawong naglisud sa emosyonal nga paagi. Ang pagpanudlo dili maggikan sa tawo nga walay kahibalo. Ug ang labing importante sa tanan, ang espirituhanong paggiya dili maggikan sa huyang sa espirituhanong paagi.”
Marion G. Romney, “The Celestial Nature of Self-Reliance,” Ensign, Nob. 1982, 93
Mga Manwal
Ang mga manwal sa self-reliance anaa sa internet diha sa Gospel Library ug sa srs.lds.org. Ang giimprinta nga mga manwal mahimong ma-order sa store.lds.org o sa mga distribution center sa Simbahan.
Ang mga materyal sa training ug mga video sa istorya sa kalampusan anaa sa internet sa srs.lds.org/videos.
Self-Reliance Resource Center
Ang stake mahimong modesisyon sa pag-establisar og usa ka self-reliance resource center aron pagtubag sa mga panginahanglan gawas sa mga grupo sa self-reliance. Pananglitan, ang “center” mahimong usa ka pisikal nga dapit nga kauban sa family history center ug dunay mga computer aron makatabang sa mga miyembro. Ang “center” mahimo gani nga usa ka virtual nga paningkamot sa pag-connect sa mga miyembro nga dunay lokal nga mga oportunidad ug mga kapanguhaan sa internet. Kon ang center usa ka pisikal nga lokasyon, ang matag stake modesisyon kon kapila ablihan ang center ug unsaon sa pagbutang og kawani niini.
Mga Pangutana nga Ikonsiderar sa mga Committee
Unsa nga mga panginahanglan sa self-reliance ang anaa sa mga indibidwal ug mga pamilya sa atong dapit?
Unsaon nato pagsuporta ang mga bishop, mga korum, ug ang Relief Society sa ilang tahas sa pag-atiman sa mga kabus ug niadtong nanginahanglan?
Unsaon nato aron mas makatabang sa mga bishop ug mga ward council sa pagtino ug pagdapit sa mga tawo sa pag-apil sa atong mga paningkamot sa self-reliance?
Unsay atong mabuhat sa panahon ug human sa mga grupo sa self-reliance aron mas makasuporta sa mga partisipante?
Unsaon nato aron mas makatabang sa mga tawo nga dili makatambong o makahuman sa grupo sa self-reliance?
Unsaon nato aron mas makagamit sa mga talento, mga kahanas, ug kaeksperto sa mga miyembro sa atong dapit?
Unsa nga matang sa mga kapanguhaan sa Simbahan o sa komunidad ang gikinahanglan sa atong mga miyembro, ug unsaon man nato sa pagpalambo ug pagpakigbahin niining mga kapanguhaan?
Unsaon nato paggamit ang atong mga paningkamot sa self-reliance sa pagsuporta sa mga prayoridad sa stake ug sa ward? (Pananglitan, misyonaryo nga buhat, pagpaaktibo og balik sa miyembro, mga young single adult, o kabatan-onan.)
Kon magamit, unsaon nato pagtabang sa mga nakadawat og Perpetual Education Fund nga makagradwar ug makabayad sa ilang mga loan?